رواية خادمة بقصر أبي الفصل الخامس عشر 15 - بقلم زهرة عصام

جهز سليم حفلة كبيرة وعزم كل رجال الأعمال. وعزم فتون التي قابلت دعوته بالرفض متحججة أنها ستسافر القاهرة. سليم: مينفعش لازم تيجي عشان الحفلة معمولة على شرفك. أظنك عارفة العنوان. فتون مركزة في ورق قدامها وبتقول: امم. سليم: احم. حابب أشكرك على اللي عملتيه مع شاهي. جميلك دا مش هنساه أبداً. فتون: معملتش حاجة. أي حد مكاني كان عمل كدا. سليم: شكراً مرة تانية. هستناكي بليل في الحفلة. فتون: اوكي. وقفت

الخط وهي بتضحك بخبث وتقول: دي هتكون ضربة ليكم يا عيلة النمر. صبراً. فتون خرجت من المكتب لقت فاطمة بتتفرج على التليفزيون. فتون قعدت جمبها وهي بتقول: بطوط. فاطمة: بطوط عاوزة إيه من الآخر يا فتون. فتون: عيلة النمر عاملين حفلة على شرفي. هتيجي معايا. فاطمة بخوف: انتي عاوزة تروحي هناك ليه يا فتون؟ لا متروحيش. فتون بشك: في إيه يا ماما؟ انتي خايفة كدا ليه؟ هو في حاجة أنا معرفهاش؟ فاطمة بتوتر: ها. هيكون فيه إيه يعني يا فتون؟

مفيش حاجة. فتون بشك أكبر: أتمنى. فاطمة خلاص هتنهار بس قررت تعرف فتون كل حاجة بدل ما تعرف من بره. فاطمة قامت دخلت أوضتها جابت ورقة وأدتها لفتون وقالت: افتحيها. فتون: في إيه يا أمي بس؟ فاطمة بصرامة: افتحيها. فتون فتحت الورقة واتصدمت من إنها قسيمة جواز بتاع أمها. اتصدمت أكتر لما شافت اسم محمود. فتون: يعني إيه؟ يعني انتي اتجوزتي محمود بعد موت بابا؟ طب ليه معرفش؟ وليه مش عايشة معاه؟ وهو اتجوزك ليه؟ ماما أنا مش فاهمة حاجة.

فاطمة بتماسك: أبوكي ميبقاش مصطفى خليل. أبوكي يبقى محمود سالم النمر. فتون وقفت مرة واحدة وبصت لفاطمة وقالت بصوت مهزوز: انتي بتهزري صح؟ قولي كلام غير دا. قولي اللي المفروض أبويا؟ كنا بنتعامل قدامه زي الخدم وما دافعش عننا؟ انتي ليه مش مسجلاني باسمه أصلاً؟ ليه محدش يعرف أنه أبويا؟ فاطمة خلاص جمودها اتبخر وقعدت

على الكنبة وهي بتقول: كله من مرات أبويا وإخواتي. هما اللي رخصوني. بس غصب عني. حبيته وهو مقدرش حبي. داس عليا بأوخس جذمة عنده يا فتون. فتون بصت ليها بجنون. لقت قدامها فازة مسكتها ورزعتها في الحيطة. وبصت لفاطمة اللي باصلها بقلق وقالت بحزم: عاوزة أعرف كل حاجة. فاطمة هزت دماغها وقالت: هقولك كل حاجة.

وحكت ليها من أول ما مرات أبوها جوزتها ليه وإخواتها اللي محدش فيهم اتدخل. بالعكس كانوا مايدين الموضوع عاوزين يخلصوا منها بأي طريقة. حكتلها عن حنية محمود معاها ومعاملته الكويسة لحد ما حملت فيها. فاطمة بصتلها وقالت: ساعتها خدني من إيدي ووداني عند دكتور عشان أجهض. بس أنا رفضت بكل قوتي ودافعت عنك. فضلت أموت على إني أنزلك. برضوا قسي عليا. ومرجعش في قراره غير لما الدكتور قاله خطر على حياتي وهيدخل في سين وجيم.

طول فترة حملي سايبني ومبيسألش عني. يدوب بيبعت الفلوس بس. ويوم ما اتصلت أشتكي لأخواتي قالولي ملناش دعوة. أهم حاجة متعتبيش البيت تاني. ولدتك وكنتي النور اللي دخل حياتي. وعشان مراتة وعياله وأبوه اللي واقف في صف مراتة علطول معترفش بيكي وأداكي اسمه. اتفاجئت بيه كتابك بإسم حد تاني وسابنا ومشي تاني.

اترجيته عشان خاطرك انتي قبل خاطري إني أشتغل عنده خدامة ووافق. كنت بتذل قدامه ومكنش بيفتح بوقه بحرف. أنا آسفة يا بنتي. مكنتش يوم أتمنى ليكي أب كدا ولا حياة كدا. فتون كانت دموعها نازلة على اللي أمها شافته وعلى حالها. بصت لأمها وباست على رجليها. فاطمة بصراخ: بتعملي إيه يا فتون؟ فتون: أنا آسفة يا أمي. آسفة إنك اتعرضتي لكل دا وإنتي لوحدك. آسفة على كل حاجة. فاطمة: يعني مش هتسبيني وتروحي ليه يا فتون؟

فتون بتصميم: لو آخر يوم في عمري. وهنروح أنا وإنتي الحفلة. عاوزاهم يشوفوا الخداميين وصلوا لإيه. اللي استعر منها بقت إيه. فاطمة بقلق: يا فتون. فتون بتصميم: خلص الكلام. وسابتها ودخلت أوضة الرقص بتاعتها. -سليم قال لعمران على الحفلة. اللي فرح أوي أنه هيشوف فتون فيها. عمران: بقيت بفرح أوي لما أشوفك. اسمك فتني. زي ما شكلك فتني. بص لـ نفسه في المرايا وقال: مع إن لقائنا كان غريب. لكن مش عارف حاسس ليه إن قصتنا لسة طويلة.

-مني راحة جاية تشتم في محمود وبتقول: أنا يحلف عليا بالطلاق وكمان يمنعني أخرج؟ ليه فاكر نفسه سي السيد؟ الله يرحم أيام ما كان مبيفتحش بوقه بحرف عشان أبوه. ماشي يا محمود. أما أوريكِ ميبقاش أنا. -شاهي قاعدة في اوضيتها دموعها نازلة وبتراجع حساباتها من تاني. شاهي: أنا لازم أتغير. واللي هيغيرني هو عمران. نتجوز وأبدأ معاه حياة جديدة بعيد عن دوشة العالم كله. بصت لـ صوته وقالت: أنا بحبك ومحبتش حد غيرك يا عمران. ولازم نتجوز.

يتبع