رواية خادمة بقصر أبي الفصل السادس عشر 16 - بقلم زهرة عصام

جه معاد الحفلة وكل واحد منهم ليه شعور مختلف عن التاني فاطمة اللي خايفة من المواجهة دي وفتون اللي بتتصرف ببرود كأن مفيش حاجة حصلت عمران اللي منتظر وصول فتون في أي وقت ومتحمس جدًا سليم اللي عاوز يصلح كل حاجة بينه وبين فتون عشان خاطر الشغل شاهي اللي فرحانة بوجود عمران وبتحاول تتخطى اللي حصل ليه محمود اللي لسة مصمم على قراره وهو تربية عيلته من أول وجديد وأخيرًا سالم اللي بيفكر إزاي يرجع محمود تاني تحت طوعه وميكسرش كلامه

فتون لبست ونازلة على السلم بثقة كانت لابسة دريس أسود وفي وسطه شريط دهبي بيلمع وطرحة من نفس اللون فاطمة: انتي لسة مصممة برضوا نروح الحفلة دي يا فتون؟ فتون بإصرار: أيوه، ودلوقتي مصممة أكتر يا أمي. فاطمة: أنا خايفة يا فتون. فتون مسكت إيديها وباست عليها وهي بتقول: طول ما أنا في ضهرك أوعي تقلقي يا أمي، انتي فوق الكل يا ست الكل. فاطمة طبطبت عليها وقالت: ربنا يديمك ليا يا بنتي.

فتون مسكت إيديها ومشيت وهي في دماغها مليون حاجة وعلامات تفسير لكل حاجة. وصلوا الحفلة أخيرًا لقوا سليم بيستقبلهم على الباب. سليم عليهم وفاطمة بقت تبصلهم بدموع محبوسة. كانت نفسها تاخده في حضنها، هو أينعم مش ابنها بس هي اللي ربته. قعدت ست سنين تربية. سليم بص لفاطمة وقال: هو أنا مش شوفتكيش قبل كده؟ فاطمة لسة هترد، فتون سبقتها وقالت: هتشوفيها فين؟ إحنا عمرنا كله في إسكندرية. سليم دخلهم و دخل معاهم.

عمران كان بيتكلم مع واحد، أول ما لمح فتون سرح فيها ومبقاش سامع حاجة. بقي يتحرك ناحيتها ومش شايف حاجة غيرها. شاهي لحظت حالته وبصت على اللي بيبص عليه، لقيته بيبص على فتون. الغيرة زادت في قلبها وهي راحة ناحيتهم ونسيت إن فتون لسة مخلصاها من مشكلة. عمران سلم عليها وهو بيقول: نورتي الحفلة آنسة فتون، مش آنسة برضوا؟ فتون هزت راسها بإيجاب و قالت: الحفلة منورة بأهلها. يا ريت يعني رجاء شخصي، صوري ممنوع تنزل في مجلات أو صحف.

شاهي سمعت آخر جملة وابتسمت بخبث وهي بتقول: حلو أوي كدا. و راحت ليهم وقالت: عمران أنت واقف هنا ليه؟ عمران أول ما شافها نفخ بضيق وقال: برحب بـ ضيفة الشرف الآنسة فتون، شريكتنا الجديدة. شاهي بغيظ: أهلاً وسهلاً. فاطمة شافت شاهي وطريقة لبسها زعلت جدًا عليها واتمنت لو كانت أخدتها مع فتون. هي بنتها غصب عن الكل، بنتها هي اللي مرضعاها. محمود كان بيرحب بالكل وسالم قاعد على الكرسي متابع الكلام.

سليم: اتفضلي معانا آنسة فتون تتعرفي على جدي سالم النمر صاحب كل حاجة. فتون هزت راسها وميلت على فاطمة وقالت: مش هتأخر، تحبي تيجي معايا؟ فاطمة: لا، أنا هقعد أستريح هنا. وشاورت على ترابيزة فاضية. فتون وصلتها الأول للترابيزة وراحت مع سليم تتعرف على سالم. سليم: جدي سليم النمر، ودي الآنسة فتون يا جدي، شريكتنا. سالم: أهلاً وسهلاً يا بنتي، منورة. فتون: البيوت منورة بأهلها يا سالم بيه.

فاطمة قاعدة متابعة فتون من مكانها لحد ما اتفاجئت بالايد اللي بتتمد ليها. رفعت عينها واتقابلت مع عينيه بعد سنين فرقة وعذاب. عذاب لطرف كانت الدنيا كلها جاية عليه وطرف تاني معرفش قيمتها غير بعد فراقه. محمود كان مبتسم، الابتسامة اختفت من وشه وقال بهمس: فاطمة. فاطمة قامت وقفت قدامه ببرود وقالت: العنوان غلط حضرتك. ولفت عشان تمشي، لكنه كان أسرع منها ومسك إيديها.

فاطمة بصتله أوي وشدت إيديها منه بعنف، ولسة هتتكلم لقت اللي جت وقفت معاهم. مني كانت واقفة مع واحدة من سيدات المجتمع الراقي وبتتكلم وتهزر معاها لحد ما لمحت محمود واقف مع واحدة وطول معاها وشافته مسك إيديها. اتعصبت وراحت عندهم جري. مني بصت على فاطمة بصدمة وقالت بهمس: فاطمة! معقول بعد السنين دي كله؟ بصت لمحمود وقالت: انتي هتشوهي سمعتي بوقوفك مع الخدامة دي؟ محمود مدهاش أي اهتمام خاص ولسة هيتكلم مع فاطمة.

فتون جت وقالت: بطوق واقفة عندك ليه؟ محمود بصلاها باستغراب بمعني مين دي. فتون كانت واقفة معاهم لحد ما لمحت والدتها في حصار، فمستنتش ثانية وراحت ليها فورًا. محمود: انتي مين؟ معقولة تكوني... قطع كلامهم صوت سليم وهو بيقول: نرحب يا جماعة بضيفة الشرف اللي الحفلة دي معمولة عشانها، شريكتنا الجديدة الآنسة فتون مصطفى خليف. الاسم وقع على محمود بصدمة وقال بهمس: فتون بنتي. بص لفاطمة اللي بصتله بشماتة وقالت بهمس: