رواية خادمة قلبي الفصل التاسع عشر 19 - بقلم زهرة عصام

بخُبث، قالت ملك: "سعادة البيه الحليوة، لو عرف، اعتبرنا في المقابر." "كنافة بالمنجة! تساءل حازم بفضول: "ليه؟ هنعمل إيه؟ قالت ملك بخُبث: "هنتفتح مدرسة رقص." رد وليد وحازم في صوت واحد: "إيه?! قالت ملك: "اسمعوني بس." قال وليد: "لأ، دي هربت منك على الآخر. رقص إيه دا؟ مالك كان كرشنا كلنا من البيت." قالت ملك: "ستهدي بالله بس، يا سعادة البيه كنافة بالمنجة. خد مني واشتري. دي مدرسة صغيرة، يدوب لينا إحنا التلاتة."

قال حازم: "لأ، متعمليش حسابي. معيش فلوس أشتري. مالك هينفخ اللي جابوه." قالت ملك: "خلاص، يبقى تمثيل ورقص. يلا نبدأ." بعد ساعات من محاولة إقناعهم، مالك دخل الشقة لقي الوضع كالتالي: وليد وحازم وملك لابسين عبايات قصيرة. أول ما شافوه داخل، ملك مسكت الطبلة وبقت تطبل وتغني، وهما يرددوا وراها. قالت ملك: "جاموسة راحت تقابل جاموسة." رد حازم و وليد: "آآآه."

قالت ملك: "جاموسة راحت تقابل جاموسة، يعيني ملقتهاش جاموسة، لقتها بقرة. يا عيني يا ليل. وآآآه، وادلع يا عريس يا أبو ستة نايلو." حازم و وليد مسكوا الساجات وبقوا يخبطوا بيها، وملك تطبل وتغني. قال حازم بمياعة: "الله عليكي يا أبلة." قالت ملك: "انزل لم النقطة بقي يا سعادة البيه كريم شانتيه." ثم نظرت لـ مالك وقالت: "شخلل جيبك ونقطنا. الله، إحنا مش عاملين العرض دا زينة، يا سعادة البيه الحليوة."

الصدمة لجمت لسان مالك، ولم يعد يعرف ماذا يفعل. ملك أخذته، قعدته على الكنبة وهو فاتح بوقه ومش قادر يستوعب. في داخله، قال مالك: "حتى وليد اللي مبيطقش حد، يا قادرة." ملك شاورت لـ حازم و وليد وقالت: "يلا فقرة الرقص." مسكت الساجات ووقفوا التلاتة صف واحد، وبقوا يقولوا مع بعض: "يلا معايا." "اتنين دربن دح والغرزة الضيقة." "اتنين دربن دح والغرزة الضيقة." ملك شغلت أغنية، وبقوا التلاتة يعملوا عليها نفس الحركات.

قال مالك: "قلب البيت كباريه. هو دا اللي أنا كنت خايف منه." نظر لـ اوضته بخُبث، ودخل في هدوء من غير ما حد يحس بيه. فتح الدولاب وخرج منه عصا، وقال: "وربنا لربيكم انتوا التلاتة، يا شوية عرر." مالك خرج وحط العصاية ورا ظهره، وعلى وشه ابتسامة. قال وليد: "الحقوا، مالك بيضحك." قالت ملك: "بيج احيه. هو دا الهدوء اللي قبل العاصفة، أنا عارفة." حازم بيولول وبيقول: "أنا إيه اللي خلاني أسمع كلامكم. هنتشلوح كلنا. مش هيعتق حد فينا."

ريا كانت خرجت تتفرج عليهم لما سمعت صوت الأغاني. مالك قرب منهم، والتلاتة وقفوا انتباه. قال مالك: "برافو. عاوز أحجز الفرقة لفرح واحد معرفة. الاتفاق مع مين؟ ملك شاورت على وليد، ووليد شاور على حازم، وحازم شاور على ملك. قال مالك: "منين بيودي على فين؟ قالت ملك بشجاعة: "٥٠٠٠ جنيه إيجار الفرقة ساعة. قولت إيه؟ مالك ضرب بالعصا على تربيزة جمبهم،

وقال: "قولت لا إله إلا الله. تعالولي يا شوية أوباش. ورحمة أبوكم لربيكوا من أول وجديد." ملك أول ما شافت العصا تنحت، وقالت وهي بتدلك رجليها: "إنت مش هتضربني بالبتاعة دي صح؟ أنا لسه ضار'ب امبارح." قال مالك: "وإنتي بيهمك حاجة؟ كنتي عملتي حساب للضرب بتاع امبارح وسكتي. لكن إزاي متقدريش تقعدي دقيقة من غير مشاكل، صح؟ ملك هزت راسها في الأول بـ "أه"، وبعدين هزتها تاني بسرعة بـ "لأ".

حازم كان بيحاول يتسحب يبعد عنهم، لكن مالك لمحه و ضربه على رجله بالعصا. قال حازم: "آآآه. حرام عليك يا مالك. أنا مظلوم، والله أخويا اللي غصب عليا." قالت ملك بخوف: "سعادة البيه كريم شانتيه." قال حازم: "عاوزة إيه؟ قالت ملك: "بتوع'ح." حازم هز رأسه بـ "أه" من غير كلام. ملك بصت لـ مالك بعيون قطة، وقالت: "هتضربني يا سعادة البيه الحليوة؟ وأنا أصلاً بسكوتة. مش هستحمل واحدة من دي."

قال مالك: "تؤ تؤ تؤ تؤ. مش هياثر فيا جو الصعبانية دا." جري ناحيتهم، والتلاتة صرخوا وجروا ورا بعض. قال مالك: " قالبين البيت كباريه، يا ولاد الصر'مة. والله لربيكم." ريا بقت تسقف وتقول: "يلا يا مالك ربيهم التلاتة عشان يبقوا يتحالفوا ضدي تاني." ملك بصتلها بغيظ، وقالت وهي بتجري: "على فكرة بقي يا سعادة البيه الحليوة، دي فكرتها هي. مش كدا يا سعادة البيه كنافة بالمنجة."

وليد بغيظ من ريا قال: "أيوة. حتى كانت عاوزة تجبلنا بدل رقص، وأنا اللي اعترضت." قال مالك بسخرية: "لأ، كتر خيرك يا راجل." ثم نظر لـ ريا وقال: "بقي انتي بقي اللي محرضاهم؟ ريا لسة هتتكلم، مالك كان في خطوة ناحيتها، فجريت معاهم. مالك بقي يجري وراهم، واللي يلحقه يضربه. ملك أخدت ضربة، وقالت: "نهار ملحوس. والله بتوجع يا سعادة البيه الحليوة. دا أنا جميلة، سيبني بقي."

قال مالك: "مهو عشان انتي جميلة لازم تتربي من أول وجديد. وأنا اللي هربيكي. بقي تعالي يا بطة." قالت ملك بضحك: "وأنا ماني ها." قال مالك: "ليكي نفس تقلشي كمان." وجري وراهم. كانت الضربة المرة دي من نصيب وليد. قال وليد: "خف إيدك دي بقي. بتوجع." قال مالك: "هو انتوا لسة شفتوا حاجة. إنت يا وليد، يا اللي أنا مطمن طول ما انت هنا، يطلع منك كل دا؟ ساجات، يلا ناقص تهز وسطك شوية."

قالت ملك بضحك: "عملها قبل ما تيجي. اعمليها تاني يا سعادة البيه كنافة بالمنجة. اعملها." قال وليد بصراخ: "اسكتي يخربيت دماغك. هو ناقص ولعة." ملك بصت لـ مالك اللي خلاص جاب آخرة، وبصت عليهم، وقالت: "الجري نص الجدعة. اجروا لحسن باين هيعملنا بطاطس مهروسة." كلهم جريوا، ومالك جري ورا ملك اللي كانت خلاص هتقفل الباب. لكن مالك لحق الباب قبل ما بتقفل، ودخل وراها وقفلته هو. ملك بتحذير: "إنت هتعمل إيه؟

والله لو ضربتني، إنت مش عارف هعمل إيه." قالت ملك بحاجب مرفوع: "هتعملي إيه يعني؟ قالت ملك بثقة: "هعيط، ومحدش هيعرف يسكتني." مالك رمى العصا ووقف قدامها، شدها لحضنه، وبقي يشم ريحتها وهو بيقول: "وحشتيني يا ضي عيوني. وجننتيني معاكي. مش جننتيني لوحدي، إنتي جننتي البيت كله." بص في عيونها اللي تاه فيها، وكمل: "تعبتي قلبي معاكي."

قالت ملك: "سلامة قلبك يا سعادة البيه الحليوة. بس برضوا مش هتاثر فيا. مش مرديتيش تدافعي عني، وكمان سايبهم يقولوا عليا خدامة." قال مالك بتنهيدة: "بحبك." قالت ملك: "ها؟ قال مالك: "بحبك. ومحبتش حد، ولا هحب حد غيرك." قالت ملك بدموع: "بس إنت سبتها تهيني؟ ولا كأنك بتحبني." قال مالك: "كنت عاوز أشوف وليد وحازم حبوكي لدرجة إيه. وليد اللي مكانش بيطيقك أصلاً، قبل بالهبل بتاعك. بقيتوا حلف، يا جميلتي." بص في عينيها جامد،

وقال: "عاوز أشوف لونهم الحقيقي. شيلي اللانسر." ملك برقت. هي مكنتش متوقعة يطلب منها طلب زي دي. بصت ليه جامد، وقالت بتوتر......