رواية خادمتي البريئة الفصل الحادي عشر 11 - بقلم أسماء سليم

الله الله! إيه اللي بيحصل هنا ده؟ يا كريم! كريم ورغد بصدمة. كريم: ماما، انتي جيتي امتى؟ انتي قولتي هتيجي كمان يومين، مش دلوقتي. سامية: رد عليا يا كريم. إيه اللي بيحصل هنا؟ ومع مين؟ مع الخدامة، وعيني عينك كده قدام الناس؟ طب كنت أعملها في الخفى، مش هنا. وبعدين بصت لرغد وقالت: سامية: انتي بتعملي إيه معاه؟ أنا كنت فاكراكي متدينة، بس الظاهر إن المظاهر خداعة، زي ما بيقولوا. رغد بدموع: يا هانم... أنا.

كريم: يا ماما، إحنا معملناش حاجة غلط. رغد دي مراتي، واللي بيحصل ده عادي. سامية: مراتك؟ يعني اتجوزت من ورانا يا كريم؟ ويا ترى بقى رسمي ولا عرفي؟ كريم: بس يا ماما، إيه الكلام اللي بتقوليه ده؟ انتي عارفاني كويس، وإني مستحيل أعمل كده. ورغد دي مراتي على سنة الله ورسوله، وبلاش الكلام ده. سامية: ماشي يا كريم، بس قولي اتجوزتها ليه؟

كريم: علشان بحبها يا ماما، ومكنتش قادر أشوفها بتضيع مني وأسكت. بس كنت مخبي الموضوع ده عنكم علشان أمهد لكم الموضوع، بس انتي عرفتي. سامية: ماشي يا كريم، اعمل اللي يريحك، بس لازم تقول لسمر علشان ده حقها. كريم: حاضر يا ماما. سامية سابتهم ومشيت. رغد عمالة تعيط وهي ماسكة في كريم جامد. كريم: بتعيطي دلوقتي ليه؟ أنا وضحت لها الموضوع. رغد بعياط: علشان افتكرتني واحدة وحشة، واتجوزتها في السر. أنا عمري ما كنت كده.

كريم ضمها ليه وقال: عارف يا حبيبتي، ومش مهم رأي الناس فيكي. المهم رأيي أنا، وإنتي في عيني أطيب وأرق بنت في العالم كله. بس في مشكلة بينا، وده اللي عمله قلة التفاهم ده. رغد: إيه هي؟ كريم: فرق السن. أنا عندي 31، وإنتي 18. الفرق كبير جداً. وكمان أنا واحد متجوز. إنتي تستاهلي حد من سنك، مش كبير عنك.

رغد طلعت من حضنه وقالت: عمر السن ما كان عائق بين أي اتنين، بل بالعكس، لازم يكون في طرف عاقل عن التاني علشان يتغاضى عن مشاكله ويكبر دماغه. وإنت مش كبير ولا حاجة، إنت لست صغير في عيني. كريم باس إيديها وقال: ربنا يخليكي ليا. وبعدين بمشاكسة: طب اعتبر ده إغراء؟ رغد قربت منه وقالت: اعتبره دلع. كريم: طب تعالي وأنا أوريني الدلع. وفجأة نزلها تحت المية، وبعدين طلعها وقال: إيه رأيك في الدلع ده؟

رغد وكريم قعدوا يضحكوا. وكان في شخص بيتفرج عليهم من بعيد، وهي طبعاً سامية. سامية: شكلكم حلو مع بعض، بس أنا خايفة من سمر. دي لو عرفت هتبقى مصيبة. بس لازم تعرف منه بدل ما تعرف من حد تاني. كريم ورغد راحوا يغيروا في أوضة كريم وسمر. سمر: قولت إيه يا كريم في موضوع... كريم: يا سمر، الموضوع ده منتهي. سمر: خليه ييجي هنا يقعد معاك وشوف الموضوع. كريم: انت ليه مصممة عليه؟ وإنت عارفة إنه عدوي.

سمر: علشان فيها فايدة كبيرة. وكمان العداوة دي بقالها كام سنة. وعلشان تبقى واثق، هات كمان صديقك مصطفى، هو لسه راجع من لندن من يومين. وكمان قابله وشوف الدنيا هتمشي إزاي. كريم: تمام. ورن على مصطفى. كريم: الو، إزيك يا مصطفى؟ مصطفى: إزيك يا كريم؟ عامل إيه؟ وحشني. كريم: انت أكتر، تعالالي بكرة الساعة 8 بالليل علشان هنقابل على الشرقاوي. مصطفى: ماشي. سلام. تاني يوم جه على العشاء. على: إزيك يا كريم؟ عامل إيه؟

كريم: الحمد لله. اتفضل. على: بص يا كريم، أنا عايزك تنسى العداوة اللي بينا ونبدأ صفحة جديدة، والفكرة كمان جديدة. كريم: قول عرضك، وبعدين أرد عليك. على: بص، إحنا هنصنع موديل جديد للسيارات بس بعدد قليل. وطبعاً محدش هيعرف ده، ولا هيتوقع إننا ننتج عدد صغير. وبعدين نكلف ناس تشتري العربيات في أقل من 24 ساعة. فبالتالي، لما أي حد يروح يسأل هيقولوا اتخدت، فكده الإقبال عليها هيزيد. وبعدين ننتج عدد كبير وكله هيتباع. إيه رأيك؟

كريم: فكرة حلوة ومش بطالة. بس إيه اللي يثبتلي إنك صادق ومش ناوي على خداع؟ على: همضي لك على شيك على بياض كده، كويس. كريم: أه، كويس. مصطفى دخل وقال: فين الأكل يا عم؟ كريم: طول عمرك مفجوع كده. وبعدين طلب العشاء. رغد جابت الأكل. مصطفى: إزيك يا رغد؟ صح، اسمك رغد؟ عاملة إيه؟ وأخبار الشغل معاكي إيه؟ رغد: الحمد لله، كل كويس. رغد قدمت الأكل ليهم، وكلوا ومشوا. طول الجلسة، مصطفى مركز مع باب المطبخ، كأنه منتظر حد.

كريم: مالك يا مصطفى؟ في إيه؟ باصص هناك كده؟ مصطفى بتوتر: لأ، مفيش. كريم: تمام. عدى أسبوع من غير أي أحداث تذكر. كريم لاحظ إن مصطفى بقى ييجي عندهم كتير، وبقى يسأل عن رغد. وخايف ليكون اللي في دُماغه صح. صحفي الشركة؟ مصطفى: إزيك يا كريم؟ كريم: إزيك يا مصطفى؟ مصطفى: عامل إيه البيت؟ وهل مرتاح وكده؟ كريم: مالك يا مصطفى؟ من امتى وإنت بتسأل على البيت عندي؟ قولي عايز إيه. مصطفى: بصراحة، أنا بحب رغد وعايز أتجوزها.

كريم: .................. مصطفى: مالك يا كريم؟ في إيه؟ كريم: بص يا مصطفى، وإنت صاحبي وأخويا ومش هخبّي عليك. رغد دي تبقي مراتي. مصطفى: مراتك؟ إزاي؟ وإمتى؟ ومقولتليش ليه؟ كريم: من كام أسبوع كده، وإنت كنت مسافر. مقلتش لك، وكمان أنا مخبي عن الناس لفترة كده. مصطفى: تمام يا كريم. سلام. كريم: سلام. كريم قعد يفكر مع نفسه ويقول إنه لازم يعلن عن زواجه برغد. كريم رجع البيت وقرر إنه يقول لسمر على زواجه. كريم: سمر.

سمر: نعم يا بيبى؟ كريم: سمر، أنا اتجوزت.