رواية خادمتي البريئة الفصل الثاني عشر 12 - بقلم أسماء سليم

كريم: سمر، أنا اتجوزت. سمر: 🥺🥺😶😡 كريم: أنا عارف إني صدمتك، بس غصب عني. سمر: إيه اللي غصب عنك؟ هو حد ضربك على إيدك عشان تتجوز؟ أنت خدعتني ومقدرتش حبي ليك بعد العمر ده كله. ويا ترى مين بقى حبيبة القلب اللي اتجوزتها عليا؟ ويا ترى قولتلها إنك عقيم ولا لأ؟ كريم حس بالإهانة من كلامها، بس رد عشان هي معاها حق في كل كلمة قالتها. كريم: أنا اتجوزت رغد، وده حصل من أسبوعين. بجد غصب عني، بس أنا حبيتها وخفت تضيع من إيدي.

سمر بضحك: بقى تتجوز رغد الخدامة عليا؟ يعني دي اللي ملت عينك يا كريم؟ واتارى هي عمالة تمثل البراءة وتغريك، بس مكنتش مفكراك ضعيف أوي كده يا كريم. بس أنا مقصرتش معاك في حاجة عشان تتجوز عليا. بجد خزلتني أوي يا كريم، بعملتك دي. كريم: أنا آسف يا سمر، والله وليكي الحق إنك تزعلي. بس قوليلي عايزة إيه وأنا أوعدك إني هعمله عشان تسامحيني وتتقبلي رغد. سمر: أنت مش محتاج تتأسف يا كريم. خلاص اللي حصل حصل. بس دلوقتي إيه اللي هيحصل؟

كريم: قصدك إيه باللي هيحصل؟ يعني رغد هتعيش هنا معانا ولا أنتِ عندك رأي تاني؟ سمر: أنت بتقول إيه!!! إزاي يعني هتعيش معانا عادي؟ تمام يا كريم، بس لو هتعيش معانا هنا، يبقى تقعد في غرفة الخدم زي ما هي قاعدة دلوقتي. كريم: إيه اللي بتقوليه ده يا سمر؟ مينفعش كده. دي مراتي زيها زيك ولازم العدل بينكم. سمر: تمام، اعمل اللي يريحك يا كريم، بس أنا لسه عند قراري، وهو إنها تقعد في غرفة الخدم، وإلا أنا اللي همشي. اختار أنت بقى.

وسابته ومشيت. كريم بص لرغد اللي جت وسمعت كل حاجة. رغد: ليه زعلتها يا كريم؟ هي معاها حق وأنا عادي بالنسبة لي لو قعدت في أوضة الخدم، مادام هكون معاك وده الأهم. بس ما تزعلش. كريم: بس يا ر... رغد قاطعته وقالت: خلاص يا كريم، أنا مش زعلانة. يلا روح صالحها يا كريم. كريم راح يصالح سمر، والحمد لله رضيت. سمر بتكلم علي: سمر: ازيك يا علي؟ الحقني أنا واقعة في مصيبة. علي: مصيبة إيه؟ قولي. سمر: كريم اتجوز عليا. وعارف مين؟

رغد الخدامة. علي: أنا قولتك مليون مرة، حَرّصي منها عشان دي خبيثة ومش سهلة. واديكِ شوفتي أهو، إنها خلته يقع في شباكها وهيضيع كل اللي بنخططله من سنين. سمر: لأ، مستحيل أخليها تاخد كل حاجة مني. بس لازم نتخلص منها في أسرع وقت. إيه رأيك نقتلها ونخلص وكأنها مدخلتش حياتنا؟ علي: غبية وهتفضلي طول عمرك غبية. سمر: ليه؟ أنا قولت حاجة غلط؟ علي: قصدك إيه؟ قولتي أي حاجة صح؟ أنتِ دلوقتي لو قتلتيها هتستفادي إيه؟

الشرطة هتشك فيكي أول واحدة، لأنها ضرتك. وده بعد لما كريم يقول إنه قالك على جوازه منها ومعدش كام وهي ماتت، وهتكون العين عليكي. فكري الأول. حتى لو هي ماتت برضه كريم ممكن يحب ويتجوز غيرك، ويبقى كده رجعنا لنقطة الصفر من تاني. سمر: معاك حق يا حبيبي. طب نعمل إيه دلوقتي؟ أنا لو بإيدي كنت قتلتها لحظة لما قالي إنه اتجوزها. علي: اهدى كده وخلينا نفكر بهدوء. هو صحيح، هو عرفك إزاي وعملتي إيه لما عرفتي؟

سمر حكتله على كل اللي حصل من ساعة لما كريم قالها إنه اتجوز لحد لما رضي إن رغد تبقى في غرفة الخدم زي ما كان. علي: برافو عليكي. أنتِ كده عملتي حاجة أنتِ متتخيليش قد إيه هتفيدنا. سمر: عملت إيه؟ قوللي. علي: أنتِ كده شلتي الشك من قلب كريم إنك ممكن تأذي رغد، وده لأنك اتقبلتي إنها تكون مراته بس متعش معاكم عادي. وبكده لو حصل حاجة، فأنتِ مش هتكوني في دائرة الشك. سمر: بسرعة يبقى نقتلها. علي: هو كل حاجة عندك قتل؟ اهدى بقى شوية.

سمر: نفسي أعرف إزاي أنت مش مشجعني على القتل؟ وخصوصاً أنت اللي كنت طول عمرك، أي حد يبوظ مخططاتنا تقوم تقتله بدم بارد. إيه اللي غيرك كده؟ ولا نسيت إحنا قتلنا مين؟ ولا أفكرك؟ علي: مفيش حاجة اتغيرت ومنسيتش حاجة، بس المرة دي مختلفة. عشان الموت هيكون خسارة لينا أكتر ما هيكون مكسب، واحنا عايزين المكسب. سمر بضحك: تمام كده؟ أصل بحسبك توبت عن القتل فاستغربت. ومدام الموت مش الحل، إيه الحل بقى عشان نخلص من المصيبة دي؟

علي: هقولك................... سمر بضحك: يخربيتك! دماغك دي قنبلة. بجد روعة. دي أحسن خطة سمعتها. علي بغرور: طبعاً. هي أول مرة، بس هنوصل لغرضنا بكل هدوء ومن غير مجهود كبير زي كل مرة. إحنا نقعد نتفرج بس وهما بيدمروا حياتهم بإيديهم. إحنا نرمي الكرة في الملعب ونستنى الحريق. بس اعملي اللي قولتك عليه وعاملي رغد عادي عشان محدش يشك فينا.

سمر: آه معاك حق. ونستنى كريم لما يقتل رغد بإيده، وبكده يتعقد من كل الستات ويرجعلي زي الكلب ويعرف قيمتي. أو يبعد عن رغد ويكره برضه صنف الستات ويعرف قيمتي. بس أنا برجح الاحتمال الأول، لأن كريم دمه حامي ومش هيرضى يسكت كده. علي: هههههههههههه. نفسي الوقت يعدي عشان أشوفه وهو مذلول. سمر: آه والله، دي هتكون لحظة تخلد في التاريخ. علي: شوفتي بقى دماغي وتفكيري عاملين إزاي. بس سيبك من كريم ده. بقولك إيه، أنتِ وحشاني أوي.

سمر: هو أنا لحقت؟ أمال لو مكنتش معاك في المصيف كام يوم؟ أنت مش بتزهق مني؟ هههههه علي بخبث: هو في حد يبقى معاه القمر ده ويزهق؟ يلا بقى عايز أقابلك. أنتِ بتوحشيني بسرعة. سمر: أنت أكتر يا روحي. هحاول أقابلك قريب. سلام. علي: سلام. وقفل وقال: والله قربت نهايتك يا كريم. بجد صعبان عليا أوي. 😂😂😂😂😂 (يا ترى خططتهم إيه اللي ممكن تخلي كريم يقتل رغد؟

في الوقت ده كريم كان نزل لرغد وهي بتحاول تقنعه إنها هتكون كويسة مادام هو بيحبها ومعاها. وبتنصحه إنه ميزعلش سمر عشان معاها، عشان مفيش واحدة بتقبل إن زوجها يتجوز عليها. وفي الآخر الموقف انتهى إن كريم قبل رأسها وقال: ربنا يكملك بعقلك يا روحي وربنا يخليكي ليا. سمر نزلت من فوق وندهت على كريم ورغد.

سمر: خلاص يا كريم، أنا زي ما قولتك فوق، أنا اتقبلت رغد عشان ده من حقك. بس يا خسارة يا رغد، مش هتقدري تبقي أم بجد. صعبانة عليا أوي. ربنا يصبرك. رغد بكل هدوء: لأ يا حبيبتي، أنا مش زعلانة خالص. دي حكمة ربنا وأنا راضية بيها. ومدام كريم جانبي، أنا مش محتاجة حاجة وربنا يخليه ليا دايماً. سمر اتغاظت إنها مقدرتش تعصبها، بس قالت بينها وبين نفسها: الأيام جاية.

وضحكت وقالت: خليكي حبة في كريم كده لحد ما يجي اليوم اللي أنا وعلي مخططينله، وهتشوفي سي كريم تبعك وهو بيقتلك أو بيطردك من حياته نهائياً، وهبقى أشوف بقى حبك هيعملك إيه. وبعدين قالت: ربنا يخليه لينا إحنا الاتنين ونكون زي الأخوات. رغد: يا ر... سمر: يلا روحي اعملي الأكل لينا بسرعة. رغد كانت رايحة للمطبخ، ولكن كريم مسك إيديها وقالها: أنتِ رايحة فين؟ سمر: إيه اللي رايحة فين؟ رايحة المطبخ تعملنا الأكل.

كريم: ده كان زمان. دلوقتي رغد مش خدامة، وزي ما قولت دي زيها زيك بالظبط هنا يا سمر، ومش عشان وافقت إنها تعيش في غرفة الخدم يبقى هتبقى خدامة. فاهماني؟ سمر: طب مين اللي هيطبخ دلوقتي؟ كريم اتفاجأ إن سمر لم تعارضه، وشك إن فيه حاجة غلط، بس تمنى من قبلها إنها تكون أتقبلت رغد بجد. كريم: أكيد هنجيب خدامة، والكلام منتهي. وسابهم. رغد حاولت تكلمه، بس هو ماردش يسمعها. سمر راحت لغرفتها من غير كلام، وكذلك رغد.

كريم طلع بره، وبعدين رغد، وقرر يشوف رغد الأول. رغد أول لما شافته، قامت جريت عليه وحضنته جامد وقالت: قلقت عليك. أنت رحت فين؟ كريم شدد على حضنها وباس رأسها وإيديها وقال: رحت لمصطفى البيت وطلبت منه يدورلي على خدامة تانية. رغد: ليه كده يا كريم؟ هو أنا اشتكيت ولا قولتلك حاجة، أو قولتلك إني مش عايزة أخدمك؟ كريم: يا رغد يا حبيبتي، أنتِ دلوقتي سيدة البيت، ومينفعش بيكي إنك تخدمي، وسمر لأ.

رغد: يا حبيبي، أنا اللي عايزة أخدمك، مش سمر. وده عشان أنا اللي أهتم بيك وبأكلك وأكلك بإيدي، واتأكد إنك لابس وعايش في مكان كويس. يا كريم، لو بتحبني بجد، وافق إني أخدمك، وبجد هكون مبسوطة أوي. كريم: بس... رغد قاطعته وقالت: مفيش بس. أنا عايزة أخدمك بإيدي، ولا ده كتير عليا؟ رغد: مفيش حاجة تغلى عليك يا حبيبي. كريم: أيوه بقى الحب ولع في الدرة. ومن ثم....... عيب 🤭🤭 عشان الكلام ده مش لينا.

وتسكت شهرزاد عن الكلام الغير مباح، وذهبا لعالمهم الخاص الذي حلله الله لهم. ثاني يوم كريم وسمر رجعوا من الشغل وعلى السفرة. سمر: صحيح يا رغد، كلميني عنك وعن أهلك كده، وهل معاكي مؤهل ولا لأ؟ ولو معاكي إيه؟ كريم: إيه يا سمر؟ الأسئلة دي كلها؟ هو تحقيق ولا إيه؟ سمر: لأ أبداً يا روحي، بس أنا عايزة نبقى أخوات ونعرف بعض كويس، ولا إيه يا رغد؟ رغد: معاكي حق.

وبعدين كلمتها عن نفسها وعن أهلها، وإنها معاها إعدادية فقط ومكملتش عشان تشتغل وتصرف على أهلها. وبعد الكلام ده زادت في نظر كريم أوي وحبها أكتر. سمر: يعني مش متعلمة بقى، تمام، ماشي. كريم ورغد بصوا لبعض، ورغد كانت خايفة لتشوف في عين كريم نظرة إهانة، أو إنها تقل من نظره. بس بالعكس، لقت نظرة احترام وحب. وكريم مسك إيديها وباسها وقال: أنا بجد فخور بيكي. سمر اتغاظت أوي وقامت سايباهم وطالعة على فوق.

وقالت: متنساش يا كريم، إن النهاردة دي ليلتي. رغد زعلت من كلامها، بس حاولت تبان عادية وقامت ماشية وسابته يأكل لوحده. كريم: ضرارير؟ والله العظيم. وبعدين جاله اتصال. كريم: الو؟ مين معايا؟ سعيد: أنا اللهو الخفي يا هشام. معقول نسيت صوتي ومسحت نمرتي كمان؟ عموماً، أنا سعيد البهواشي. كريم بلع ريقه وقال: عايز إيه؟

سعيد: برن عشان أقولك إني هديك فرصة شهر. لو مرجعتش تشتغل معايا تاني، يبقى استحمل نتيجة أعمالك. وخاف على حبيبة القلب، وتخيل كمان لو عرفت إن زوجها راجل ليه سوابق وكان قتال قتلة. فهل هترضى تسامحه؟ فكر ورد عليا. وقفل في وشه. كريم: يا رب، أعمل إيه؟ ويا ترى عارف عن رغد ولا كان بيتكلم عن سمر؟ أصل محدش يعرف عن زواجي أنا ورغد، بس ده سعيد بيعرف دبة النملة. دماغي هتطق من كتر التفكير. عدى شهر من غير أي أحداث.

سمر بتنفذ كلام علي وعمالة تعامل رغد كويس، بس بتحاول تهينها في بعض الأوقات، بس رغد مش بتتأثر بحاجة. كريم قلقان على سمر ورغد من سعيد، وخصوصاً رغد، وقلقان من إنه يخطفهم أو يأذيهم، أو يقولهم على ماضيه ويبعدوا عنه. رغد بتحاول تبقى كويسة مع سمر عشان البيت ميخلاش من المشاكل، بس هي حاسة من أسبوع إنها تعبانة أوي ومش عايزة تاكل. بس بتقول إن ده مش شغل البيت، لأنه كتير عليها.

في الصباح، استيقظ كريم من النوم من غرفة الضيوف، لأنه بقاله أسبوع عمال يفكر وعايز يطلق سمر للنهائي، عشان بيحمل ليها أي مشاعر ومش عايز يظلمها معاه. وخلاص قرر إنه يطلقها في أقرب وقت، بس متكلمش مع أي حد في الموضوع. وبعدين جتله رسالة من رقم مجهول. والرسالة بتقول: قوم دور على حبيبة القلب، شوفها فين. كريم اتفزع من مكانه وقام يدور على رغد في كل البيت، بس للأسف ملقاهاش. وبعدين جتله

رسالة تانية مكتوب فيها: ألف ألف مبروك، حبيبة القلب اتخطفت، وهي معانا في الحفظ والصون. هههههههه 😂 وقول عليها الله يرحمها. كريم رمى الموبايل وقال بزعيق: رغد اتخطفت! (يا ترى دي خطة مين؟ سعيد ولا سمر وعلي؟