رواية خادمتي البريئة الفصل الثامن 8 - بقلم أسماء سليم

رغد بصدمة: انت عقيم يا كريم؟ كريم اتفاجأ أنها مش عارفه، وبعدين قال بحزن واضح عليه: أيوه أنا عقيم يا رغد، علشان كده سمر مخَلّفتش. وأنا كنت فاكرك عارفه، علشان كده بتبعدي علطول عني. رغد: كريم، بقهر وحزن: أنا عارف إنه موضوع صعب، بس غصب عني. ولو انتي مش عايزة تكملي معايا، براحتك، فأنا هعذرك. وورقة طلاقك هتوصلك لحد البيت. كريم: انتي ليه بتتكلمي كده معايا؟ رغد: إزاي يعني مش فاهم؟

كريم: انتي ليه بتحسسيني إني حد غريب عليكي، وإني مش مراتك، وإنه المفروض تقوليلي على كل أسرارك وتشاركيني فيها؟ رغد: انتي معاكي حق، بس الموضوع ده حساس ومش بحب أتكلم فيه مع أي حد. وبعدين دموعه نزلت من الحزن. رغد مسحت دموعه، وخدته في حضنها، وطبطبت عليه، وقالت: يا كريم، ده شيء من عند ربنا، وانت ملكش إيد فيه.

وربنا قال في القرآن: "يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ * أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَنْ يَشَاءُ عَقِيمًا". صدق الله العظيم. يعني ده من عند ربنا، وده ابتلائك في الدنيا، فلازم تصبر مش تيأس. مع إن الموضوع صعب جداً، بس ربنا بيعمل الخير للإنسان.

كريم شد على حضنها وقال: بجد كلامك ريحني كتير، بس أنا نفسي أكون ليا ابن، علشان أنا طول عمري وحيد. بس الحمد لله على كل حال. رغد طلعته من حضنها، وبصت في عيونه، وقالت: كريم، ربنا قال: "وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ". صدق الله العظيم. يعني ارضي بقضاء الله، وكله خير. كريم: يعني انتي مش زعلانه إنك اتجوزتي واحد عقيم، وإن عمرك ما هتكوني أم أبداً؟

رغد: أكيد زعلانه، علشان الأمومة ده شيء عظيم. بس في نفس الوقت ربنا عارف المستقبل، وعارف الخير فين.

ربنا قال: "وَأَمَّا الْغُلَامُ فَكَانَ أَبَوَاهُ مُؤْمِنَيْنِ فَخَشِينَا أَنْ يُرْهِقَهُمَا طُغْيَانًا وَكُفْرًا * فَأَرَدْنَا أَنْ يُبْدِلَهُمَا رَبُّهُمَا خَيْرًا مِنْهُ زَكَاةً وَأَقْرَبَ رُحْمًا". صدق الله العظيم. ربنا لما شاف إن الطفل ده هيكون متعب بالنسبة ليهم، قبض روحه. فممكن لو انت خلفت، كان الطفل ده يبقى شر ليك وأذاك. ورب الخير لا يأتي إلا بخير. يعني سيبها على الله.

كريم: ونعم بالله. بس اوعي تسيبيني في يوم يا رغد، علشان الموضوع ده أو أي موضوع. وتعالي قوليلي ونتكلم، مش تزعلي مني. رغد: حاضر يا حبيبي، وباذن الله خير. انت اكتشفت إزاي إنك مش بتخلف؟ كريم قالها: إزاي اكتشفت؟ لما سمر... (ارجع البارت الأول علشان تعرف) رغد: ده بقاله كام سنة؟ وممكن يكون فيه علاج؟ فتحنا نعمل اللي علينا وناخد بالاسباب. ولو فيه علاج، الحمد لله. ولو مفيش، يبقى برده الحمد لله، بس عملنا اللي علينا تجاه ربنا.

كريم: باذن الله يا روحي. وبعدين باسها من خدها ورأسها وقال: ربنا يخليكي ليا علطول، وما يحرمنيش منك أبداً، وتكوني سندي دايماً. رغد: اللهم آمين يا رب العالمين. إيه رأيك لو نقوم نصلي دلوقتي وندعي ربنا إنه يشفيك، وإنه يعملنا الصالح، ونكون مع بعض دايماً؟ كريم باحراج لأنه مش بيعرف يصلي ولا عمره صلى: طب خليها وقت تاني، علشان الوقت اتأخر ومفيش صلوات دلوقتي.

رغد: لأ يا كريم، ده أفضل وقت للصلاة، وهي قيام الليل، مش الفروض. وفي الوقت ده ربنا بينزل السماء الدنيا ويقول: هل من مجيب؟ ادعوا له. فاحنا نقوم ندعي إن ربنا يشفيك، وإنه يعملنا الصالح، ونكون مع بعض دايماً في السراء والضراء. كريم: معاكي حق، بس خليها مرة تانية، مش النهاردة. رغد: مالك يا كريم؟ مش عايز تصلي ليه؟ قولي السبب، مش احنا اتفقنا إن محدش يخبّي عن التاني حاجة؟ كريم

باحراج وهو بيهرش في شعره: الصراحة، أنا مش بعرف أصلي، ولا عمري صليت. رغد اتصدمت إنه مش بيعرف يصلي، بس هديت وقالت: عادي، كلنا بنخطا، بس لازم نتوب. ويلا معايا علشان أعلمك الصلاة. كريم: ماشي يا حبيبتي. رغد: قوم الأول اعمل حمام واستنجى (يشطف) كريم قام عمل كده، وبعدين طلع لرغد. رغد: تعالالي معايا في الحمام، وأنا أقولك بنتوضى إزاي. كريم راح مع رغد الحمام.

رغد: بعد ما استنجيت، بنغسل إيدينا 3 مرات، ونتمضمض 3 مرات، ونستنشق 3 مرات، ونغسل وشنا 3 مرات، ونغسل الإيد اليمين 3 مرات، ثم اليسار 3 مرات، ثم نغسل الشعر 3 مرات أو نغسله مرة واحدة، ثم نغسل الأذنين اليمين واليسار مع بعض 3 مرات، ثم نغسل القدم اليمنى 3 مرات، ثم نغسل القدم اليسرى 3 مرات. وبعدين نقول: أشهد أن لا إله إلا الله، وأن محمداً رسول الله. وكده خلصنا الوضوء.

كريم كان بيعمل زي ما رغد بتقوله بالظبط، وبعدين طلع بره الحمام، ورغد قامت توضأت. رغد: دلوقتي إزاي نصلي؟ رغد علّمت كريم إزاي يصلي، وبعدين صلوا مع بعض، وقرأوا قرآن. وبعدين رغد قالت لكريم: حاسس بإيه؟ كريم: حاسس براحة جميلة أوي. رغد: طبعاً، علشان ده ربنا والقرب منه جنة. ويلا بقى روح لسمر علشان تمام، ومتقلقش عليك. كريم: لأ، أنا هنام معاكي هنا، لو انتي هتضايقي. رغد: اخص عليك يا كريم، معقول أنا أتضايق منك.

كريم: خلاص، يلا ننام. رغد وكريم ذهبوا للسرير علشان يناموا. وكريم قام واخد رغد في حضنه، ورغد كانت مكسوفة أوي. كريم: يا حبيبتي، أنا زوجك وده حلال، فمتتكسفيش مني تاني. رغد: حاضر يا كريم. وبعدين تمسكت فيه أوي. كريم شدد على حضنها، وباس رأسها، وبعدين ذهب الاثنان في سبات عميق وهما في أحضان بعض. الساعة 6 صباحاً.

استيقظت رغد الأول، وبعدين وجدت نفسها في حضن كريم. وافتكرت اللي حصل امبارح. وبعدين قعدت تبص على وشه وتدقق في ملامحه، ولاحظت قد إيه هو جميل وملامحه هادية. وبعدين مشت أيديها على دقنه الخفيفة، وبعدين قربت أكتر، وقامت بايساه من شفته. لكن فجأة لقت أن كريم يبادلها القبلة، وكل لما بتحاول تبعد، هو بيتعمق أكتر في القبلة. وبعد دقيقة، كريم بعد عنها.

رغد اتكسفت إنها عملت الحركة الجريئة دي، وإنها بنت ومش المفروض إن التصرفات دي تطلع منها. كريم: صباح الخير يا قلبي. مالك مكسوفة ليه كده؟ رغد باحراج: علشان مينفعش اللي عملته من شوية ده، وإن ده مش من أخلاق البنات المحترمة.

كريم بضحك: يا حبيبتي، انتي مراتي وأنا زوجك، وأي حاجة بتحصل بينا ده طبيعي وحلال ربنا. وانتي معملتيش حاجة غلط. وكمان المفروض إن أي واحدة بتعمل كده مع زوجها. ماشي يا روحي، متتكسفيش مني أبداً، علشان أنا ستر وغطا عليكي. رغد: حاضر يا حبي... يا كريم. وبعدين راحت جرى على الحمام علشان تداري كسوفها. كريم: والله طفلة، بس سرقت قلبي وعقلي. وبعدين قام عدل هدومه، وراح لغرفة سمر، ولقاها لسه نايمة. غرام نام جنبها علشان هي متحس بحاجة.

الكل استيقظ للفطار على السفرة. سمر: يا كيمو، أنا هروح مع صحابي يومين كده البحر، علشان هما وحشوني وعايزة أشوفهم. كريم: ماشي يا سمر، وخلي بالك من نفسك، ورني عليا أول ما توصلي وطمنيني عليكي علطول. سمر: حاضر يا روحي. وقامت بسرعة بايساه من خده، وقامت تحضر شنطتها. كريم لاحظ إن رغد اتضايقت من اللي حصل دلوقتي، وخصوصاً لما سمر باسته من خده. بس قام وقربلها. كريم: متزعليش يا روحي. انتي عارفه إنها برده مراتي وليها حقوق عندي.

رغد بقلة حيلة: حاضر يا كريم، مش زعلانه. كريم قام راح الشغل، وسمر سافرت لعشيقها. كريم في الشغل بيفكر يعمل حاجة حلوة النهاردة بمناسبة إنه هو ورغد لوحدهم في البيت، وسمر سافرت. فجأة فكّر. كريم اتصل على رغد وقالها تروح تزور أمها النهاردة، وتيجي بالليل. وبعت ليها سائق يوديها ويجيبها. ورغد سمعت كلامه. كريم رجع من الشغل، وعمل اللي مخطط له.

بالليل، رغد رجعت من عند والدتها، وقامت ضربت الجرس. فكريم فتح لها الباب وحط إيده على عينيه. كريم: غمضي عينيك وامشي معايا. رغد: حاضر يا كريم، بس ده كله ليه؟ كريم: اسمعي الكلام يا روحي. رغد عملت زي ما قال، ومشيت معاه لحد ما وصلت لمكان معين. وبعدين كريم شال إيده من على عينيها. رغد أول لما فتحت عيونها، اتفاجأت من اللي شافته.

رغد شافت المكان كله ورود وبلالين وشمع وجو رومانسي جداً، وعشاء على ترابيزة، والجو جميل جداً. وده كان جنب حمام السباحة، والقمر طالع، يعني مكان تحفة بمعنى الكلمة. رغد بسعادة غامرة: انت عملت كل ده علشاني أنا؟ كريم: طبعاً يا روحي، هو أنا عندي كام رغد؟ رغد حضنته جامد، وقالت: ربنا يخليهزليا دايماً. كريم آمن على كلامها، وبعدين مسك إيديها وقعدها على الكرسي، وهو قعد على الكرسي اللي قدامها. كريم طلع من جيبه...