رواية خادمتي البريئة الفصل السابع 7 - بقلم أسماء سليم

كريم بصدمة: سعيد ازيك يا كريم ولا أقولك يا هشام. سعيد: قول لي يا كريم عشان محدش يعرف اسم هشام ده وأنا محيته من ذاكرتي وللأبد. كريم: شكلك نسيت أنا مين ولا تحب أفكرك. أنا اللي اتفقت مع الوفد إنهم يطلبوك أنت شخصيًا عشان أقابلك هنا وعرفت اسمك إزاي، فأنا بقالي كام سنة بدور عليك بعد ما غيرت اسمك وأخيراً لقيتك. كريم: طب عايز مني إيه يا سعيد. سعيد: عايز أرجع الود بينا تاني زي أيام زمان.

كريم بضحك: أنت بتحلم، ده كان زمان لما كنت مراهق عندي 20 سنة، لكن دلوقتي أنا شخص واعي وليا مركزي وعمري ما هرجع لأعمال المافيا تاني وبقولك إيه أبعد عني أحسن لك. أصل كريم الضعيف ده خلاص انساه، اللي قدامك ده من أكبر رجال الأعمال في الشرق الأوسط يعني مش بالسهولة تضحك عليا ويلا عشان مستعجل. سعيد: ياااه أنت اتغيرت أوي وبقى ليك لسان تتكلم بيه وتحط عينك في عيني عادي، بس أوعى تنسى أني ماسك عليك كام ذلة وممكن أذيك بيهم.

كريم: أعلى ما في خيلك اركبه، أنا مش بتتهدد وأنت عارف إني اتطورت معاك في المافيا وإني كنت لسه صغيرة ومعرفش حاجة وأول لما عرفت كده سبتك ومشيت وعملت نفسي بنفسي وبالحلال كمان. سعيد: طب ليه غيرت اسمك من هشام الدمنهوري لكريم الشناوي مادام معملتش حاجة غلط. كريم: اعرفها لوحدك أنت مادام عرفت مكاني، بس دي حاجة أكبر منك من مستواك العقلي فمتتعبش نفسك في البحث ورايا عشان متتعبش.

سعيد بيصفق بيده وبيقول: لأ اتغيرت وبقيت شخص وليك قيمة بس مش عليا. كريم: من الآخر كده قول يا سعيد أنت عايز مني إيه. سعيد: ترجع تشتغل معايا تاني وبمنصبك ده هيعرف نعمل شغل جامد أوي ومحدش هيشك فينا ومش هنتعرف ولو اتعرفنا فبمنصبك هنقدر نطلع منها زي الشعرة من العجينة. كريم: ده على أساس إني هوافق، أهو أنا مقولتكش إن ربنا تاب عليا من أعمال الفساد دي وبقيت بمشي في السليم.

سعيد: بتهزر هههههه، بقى هشام الدمنهوري اللي كان دراعي اليمين بيقول الكلام ده وأنه تاب ضحكتني. كريم: اضحك براحتك بس ابعد عن طريقي أحسن لك ومتنساش كلامي ده وخليك فاكر إني حذرتك. سعيد: ماشي هتشوف أنا أعمل فيك إيه، أنا كلمتك بهدوء بس الظاهر نسيت أنا كنت عامل إزاي وجبروتي كمان ولو ناسي أفكرك. كريم: مش عايز أعرف ويلا سلام. وسابه ومشي. سعيد: ماشي يا هشام، أما وريتك مين بيكون سعيد البهواشي مبقاش أنا والأيام بينا.

كريم راح الأوتيل عشان يرتاح. كريم غير وراح ينام. كريم في نفسه: هو أنا ناقصك يا سعيد أنت تطلع لي تاني ودلوقتي كمان، دنا مصدقت إن حياتي اتحسنت تيجي أنت وتبوظها، بس أنا مش هسمح بكده أبدًا. وبعدين افتكر إنه قايل لرغد إنه هيكلمها أول لما يوصل وبعدين قام رن عليها وردت عليه. كريم: إزيك يا حبيبتي عاملة إيه، أنا لسه واصل دلوقتي وكلمتك زي ما قولتي عشان متقلقيش عليا. رغد حست من صوت كريم

إن فيه حاجة وبعدين قالت: الحمد لله يا حبيبي بس مال صوتك. كريم في نفسه: الوحيدة اللي بتعرفني من صوتي بس، قال إنه مش عايزها تعرف ماضيه عشان متبعدش عنه وكمان ميقلقهاش. كريم: مفيش يا رغد بس عشان لسه جاي تعبان وعايز أنام شوية عشان السفر. رغد: تمام يا روحي قوم نام شوية عشان تركز في شغلك وتيجي بسرعة وبالسلامة يلا سلام. كريم: سلام يا قلبي ❤️. أما عند رغد في الفلة. سمر: بت يا رغد تعالي. رغد: حاضر يا هانم.

سمر: في صحابي جايين النهاردة عايزاكي تعملي أكل كتير وحلو ومتفضحتنيش قدامهم. رغد لما سمعت سمر بتقول صحابي ومن غير تفكير قالت: هم في رجالة جاية وهل كريم بيه عارف بكده. سمر: يانهارك أسود، أنت مين عشان تسأليني كده وأنتي مالك. وبعدين مسكت رغد من شعرها وقالت: تاني مرة مدخليش في اللي ملكيش فيه، أنت هنا خدامة فاهمة يعني إيه، يعني تنفذي أوامر أسيادك وخلاص مش تحشري نفسك. وبعدين كريم عمره ما بيرفضلي طلب وكمان مالك.

وبعدين سابت شعرها وقالت: يلا غوري من وشي واسمعي الكلام ومتقوليش لكريم حاجة مفهوم ولا مش مفهوم. رغد بعياط من كلامها عشان أهانتها: حاضر يا هانم. سمر: البنت دي لازم تتربي من أول وجديد وفرصة حلوة إن كريم مش هنا ومش هيدافع عنها فأنا أعمل فيها اللي أنا عايزاه. وبعدين ضحكت 😂😂😂. بالليل رغد حضرت الأكل وصحاب سمر الشباب والبنات جم عشان يسهروا معاها. سمر: هاتي الأكل يا خدامة هههههه. رغد: حاضر يا هانم.

رغد وهي بتحط الأكل في واحد حاول يمسك إيديها فبعدت إيديها عنه بسرعة وراحت المطبخ. في وسط الأكل استأذن الشاب ده عشان يروح الحمام فسأل عن مكان حمام فسمر قالتله إنه... جنب المطبخ. سمر بتصب العصير وبجد حست إن حد داخل عليها فـ قامت لفت وشافته واتفزعت. الشاب: مالك يا جميل خايفة مني ليه، هو أنا لسه عملت حاجة اصبري على رزقك. رغد بخوف: لو سمحت مينفعش اللي بتعمله ده، ابعد عني وسيبني في حالي.

الشاب وهو بيقرب ليها كده يا قمر هو أنا وحش عشان مش عايزاني أقرب ولا إيه. رغد: ابعد وإلا هنده لمدام سمر. الشاب بضحك: اندهي عليها مش هتعمل حاجة. وجه عشان يلمس إيدها وقامت ضربته بكوباية العصير فايده اتجرحت وقامت جريت على أوضتها. الشاب: والله لأربيكي بس أسد كده الصراحة 😘. رغد راحت لغرفتها وقعدت تعيط وفجأة تليفونها رن بنمرة كريم فمسحت دموعها وكلمته. كريم: إزيك يا رغد وحشاني أوي. رغد: أيوه أنت كمان وحشني أوي.

كريم: مالك يا رغد صوتك ماله شكلك معيطة، قوليلي في حد زعلك، سمر زعلتك في حاجة. رغد وهي بتحاول تطلع صوتها كويس عشان كريم ميعرفش: لأ يا كريم بس أنت وحشتني علشان كده بعيط، هو أنت هتيجي امتى. كريم: بعد بكرة كده أو بعده. رغد: توصل بالسلامة يا حبيبي بس متتأخرش عليا. كريم حس إنها معيطة جامد مش عشان وحشها بس مرديش يفتح الموضوع تاني وبعدين قال: هاجي في أقرب وقت متقلقيش. رغد: ماشي يا حبيبي سلام. وقفتلت معاه. ***

الشاب طلع لسمر وأصحابه وأيده بتنزل دم. سمر: إيه اللي حصل، إيدك بتنزف ليه. الشاب: كنت بكلم الخدامة بس فجأة ضربتني بالكوباية فعورتني في إيدي، قومي هاتي شاش ومطهر بسرعة. سمر جابت له صندوق الإسعافات الأولية وبعدين راحت لرغد. سمر بتخبط بزعيق على الباب. رغد فتحت الباب وشافت سمر. سمر: إيه اللي أنتِ عملتيه مع صاحبي ده. تحتارغد بعياط: هو حاول يتهجم عليا فضربته. سمر ضربت

رغد بالألم على وشها وقالت: اخرسي قطع لسانك بقى صاحبي أنا يعمل كده، هو مستحيل يبص للأشكال الزبالة اللي زيك ده وإلا تكوني أنتِ غويتيه والله شكلك مش سهلة. رغد: لأ والله هو اللي جه المطبخ عشان يعتدي عليا وأنا مستحيل أغوي حد وكفاية اتهامات لحد كده. سمر: بطلي دموع التماسيح دي ويلا انزلي شوفي شغلك يلا. وبعدين سألتها ونزلت لأصحابها. تحتارغد قعدت تعيط وقالت: يا رب صبرني. وبعدين نزلت.

رغد وهي بتشيل الأكل: الشاب غمزلها بعينه 😉 بس رغد مهتمتش بيه وقامت شالت الأكل وجابت لهم العصير وبعدين راحت غرفتها ونامت. تاني يوم رغد صحيت زي كل يوم وبتشتغل حاجة وفجأة الجرس رن فقامت تفتح. رغد فتحت الباب واتفاجأت إنه كريم فقامت حضنته جامد بأقوى ما فيها وقعدت تعيط وتقول: بجد أنت جيت يا كريم أنت وحشتني أوي 🥺😭 أنا فرحانة أوي إنك جيت. كريم شد على حضنها بعدين بعد

عنها وقبل رأسها وقالها: أنا بحبك ومقدرتش ابعد عنك أكتر من يوم ولما سمعت صوتك حسيت إنك عايزاني أجي بسرعة فحين عشان أشوفك يا روحي. رغد: أنا بحبك أوي لو سمحت متبعدش عني تاني ومتسبنيش لوحدي. كريم: مالك يا رغد فيكي إيه حد زعلك. رغد رفضت تقوله على سمر والشاب عشان متعملش مشاكل بينهم وبعدين قالت: أنا كنت زعلانة عشان أنت بعيد عني بس دلوقتي لأ.

كريم: حبيبتي يا رغود أنا جيت أهو، أنا هطلع أغير وأنزل آكل من إيدك عشان أكلك وحشني أوي. رغد: من عينيًا يلا عشان ترتاح. كريم طلع غير ونزل أكل وبعدين طلع نام. سمر جت واتفاجأت لما لقت كريم رجع بالسرعة دي بس هو قالها إنه خلص شغله بسرعة وجه. عدى يومين وكريم بيقرب من رغد أكتر من الأول. سمر: الو يا روحي وحشتني. مجهول: وأنت كمان بس أنا زعلان منك عشان بقالي كتير مشفتكش. سمر: متزعلش منك، هعوضك وأجيلك نقعد يومين مع بعض.

مجهول: بسرعة يا روحي. سمر: هاجيلك بكرة. بالليل كريم استنى لما سمر نامت وبعدين راح عند رغد وفتح الباب ودخل. كريم حط إيده على شعر رغد فصحت. رغد: بتعمل إيه يا كريم هنا دلوقتي. كريم: معرفتش أنام فقولت أجي أقعد معاكي شوية ولو مضايقة أرجع تاني. رغد: لأ ابدا دنا مبسوطة إنك معايا. وقالتله نام على رجليها وهي بتلعب في شعره. كريم نام على رجل رغد وهي قعدت تلعب في شعره وهو كان مبسوط معاها أوي بس قطع تفكيره.

رغد: مالك يا كريم حاسس مهموم وشايل هموم الدنيا كلها عليك، ريح بالك وشاركني على أهون عليك. كريم: مش عارف أقولك إيه بس أنتِ عارفة الموضوع اللي تعبني ومع ذلك مش بتحبي تتكلمي فيه عشان ما أجرحكيش بس أنا برده زعلان. رغد بعدم فهم: موضوع إيه اللي مزعلك واللي أنا عارفاه ومش برده أتكلم فيه. كريم اتصدم: إزاي بتحاولي تتجاهلي الموضوع ده مع إنه مهم جدًا. كريم: موضوع الخلفة يا رغد، مجرد التفكير فيه بيتعبني أوي.

رغد: كله بإذن الله وكل تأخيره وليها خيره، بس أنا أسألك سؤال نفسي أسألك من بدري. كريم: اسألي يا رغد. رغد: هو أنت ليه وأنتِ سمر مخلفتوش لحد دلوقتي وأنتم بقالكم كام سنة متجوزين. كريم اتصدم من أنها مش عارفه وبعدها قال بسرعة: إزاي هنخلف يا رغد وأنا أصلاً عقيم. رغد بصدمة: أنت عقيم يا كريم.