رواية خائن أئتمن الفصل الأول 1 - بقلم دعاء زينة

مين دي؟ مراتى. أدخلي يا سهير. بصوت عالى: يانصيبتي! أنت اتجننت ياراجل بتتجوز عليا؟ جن أم يركبك يا وش الشوم، يا خلقة نحس. نحس أنا نحس يا جابر؟ طب ليه عملت فيا كده؟ ده أنا مفيش على لساني غير نعم وحاضر وخدّي. تعمل فيا كده ليه بعد اللي استحملته وشوفته معاك؟ تجيب لي ضرة ليييييه؟ رد عليا ليييييه! قرب منها ومسكها من إيديها بقوة: عاوزة تعرفي ليه؟ عشان جنابك أرض بور. خلفتك بنات وبطنك مبتشيلش غيرهم. طب وأنا هعمل إيه؟ بإيدي؟

كله بأيد ربنا! وبصويت ولطم صدرها: أعمل إيه؟ قول لي وأنا أعمله. ليه تقهرني بعد العمر ده كله؟ ليييييه! بقول لك إيه؟ صداع. مش عاوزة. هتقعدي اقعدي، أقل من أي جزمة. وإلا إذا كان عندك حد فالباب يفوت جملين مش واحد. سكتت ومعرفتش ترد. هي فعلاً معندهاش حد غيره ومالهاش حد يقف معاها. أيوه كده شاطرة. ادخلي حضري لقمة بقى ليا أنا وسوسو حبيبة قلبي أم الواد إن شاء الله لحد ما نغير هدومنا. وخدها ودخل أوضتهم. استني عندك! دي أوضتي أنا.

ردت سهير: كانت كانت أوضتك يا حبيبتي قبل ما أشرف. شوفي لك حتة ارمي فيها. سمعتي ستك سوسو قالت إيه؟ ولف ليها ودخلوا الأوضة. في خروج البنات: سلمى: في إيه يا ماما ومين دي؟ بسنت: هو أنتي طرشة ولا مبتسمعيش؟ دي مرات بابا الجديدة مش كده يا ماما؟ اخرصي أنتي وهي ويلا على أوضتك انجري. منك ليها. وراحت على أوضة حماتها، خبطت ودخلت. عجبك اللي ابنك بيعمله ده يا حاجة إنصاف؟ عمل إيه؟ بقى مش عارفة؟ إياك. اتجوز. بتتكلمي جد؟

لولوووووووووووي! يا ألف نهار أبيض! يا ألف نهار! مبروك! أخيراً سمع الكلام وهيجي لي الواد. أنتي بتقولي إيه يا حاجة؟ وأنا؟ أنتي إيه؟ هتعيشي زيك زي الأول. تاكلي وتشربي. مش هينقصك حاجة. هي الحكاية أكل وشرب يا ماااااااااااااااااا. اسمعي يا بدوور. إن كنتي فاكرة نفسك غالية عندي فمش هتبقي أغلى من ابني. ويلا انجري اعملي له ولعروسة لقمة ترم عضمهم. غير كده الباب يفوت عشر جمال. خرجت زي ما دخلت، بل دي خرجت بحسرة أكبر.

دخلت المطبخ عملت الأكل ورصته على صينية ووقفت تفكر. ومسكت في إيديها إزازة لونها أبيض وجت ترش. أنتي يازفتة الأكل فين؟