رواية خائن أئتمن الفصل الثاني 2 - بقلم دعاء زينة

جابر: إيه يا بنتي مالك؟ سمر: مش عارفة، شكل مراتك العقربة حاطة حاجة في الأكل ليا. آهاااا، مش قادرة، بطننننننننني. جابر بخضة: نهار أسود، هتموتي ولا إيه؟ ماله الأكل بس؟ وجه عشان يدوق. سمر بتعب: لالا، ليكون فيا حاجة تبقى بدل المصيبة اتنين. الحقننننني يارجال، هموووت. جابر بارتباك: طيب، طيب أعمل إيه؟ قومي نروح لدكتور. سمر بوجع: آهاااااااا، آهاااااااا. وقامت تجري عالحمام.

جابر بيجز على سنانه: آه يابنت الللللللل، بدووووور، أنتي ياللي ماتسمي، ياللي اسمك زفت. جات بدور تجري ودخلتله. بدور ببرود: نعمين ياعريس؟ جابر قرب منها ومسكها من شعرها: حطيتي في الأكل إيه هاااا؟ بدور بنفس حالتها: ولا حاجة، هي طرية مش واخدة عالأكل اللي على حق. جابر سمع صريخ سمر في الحمام، دمه فار أكتر ومسكها من شعرها بقوة أكبر: حطيتي إيه؟ يحط نفوخك تحت رجلي أدقه دلوقتي.

بدور بكيد أنثى: وحياتك عندي، شوية زيت خروع يسهل ليها المساهل مع حبة دواء تعنيه وبس. وهي جاي تتمادى في ضربها، صرخت سمر بصوت أعلى. جرى عليها، وخرجت أمه هي كمان. الأم: فيه إيه ياولا، مراتك مالها؟ فيها إيه؟ سمر: مش قادرة ياماما، هموووت، الحقوني. جابر بعدم تركيز: أعمل إيه ياما؟ الحقيني بسرعة. الأم (عدلات) : هتعمل إيه يامنيل على أمك، شيل البت خليني نلحقها. ونكيد اللي قلوبهم مليانة غل ونار دي هتبقى أم الواد. شيل ياولااا.

وقد كان، شالها جابر وطلعت عدلات معاهم طبعاً. وقاعدة بدور تندب حظها وتفتكر أن عمرها مرة ماتعبت وفكر حتى أنه يكشف عليها. عمره ماشافها زعلانة وقالها مالك، ولا حتى طيب بخاطرها. بعد كل مرة تولد وأمه تسم بدنها بكلامها اللي زي السم ويجي هو يكمل عليها. عمر ما حد اهتم. هي نفسها في إيه؟ بتفكر في إيه؟ زيها كانت زي كرسي مالوش أي تلاتين لزمة في حياتهم. وقطع تفكيرها حد حط إيديه على عينيها. بدور

لفت بسرعة وضربت على صدرها: يانهار مش فايت، إيه جابك دلوقتي؟ _شوفتهم خرجوا هو والبت الجديدة وأنت وحشتيني فقولت. بدور برعب لما سمعت صوت برة: قولت إيه، أخرس خالص، أنت سامع؟