رواية خائن أئتمن الفصل الرابع 4 - بقلم دعاء زينة

دخل ودب الرعب في قلب بدور، منه ومن نظراته اللي ما تطمنش ولا مريحة بالمرة. المهم دخلوا، وبدور دخلت تحضر واجب الضيافة في المطبخ. حسين: أنا عارف كل حاجة. بدور: هااااااا بسم الله الرحمن الرحيم، خضتني يا حسين. وبعدين إيه ده يا خويا اللي عرفته؟ حسين بحدة: انتي هتستهبلي؟ بدور باستفزاز: وطّي صوتك وأنت بتتكلم معايا، انت فاهم. وبعدين اللي في جوفك قوله.

حسين: اقطع طريقك الو*خ اللي انت ماشية فيه ده يا بدور وركزي مع ولادك، ده انتي عندك بنات يفكوا من على حبل المشنقة. بدور ببرود: أنا مش فاهمة ألغازك دي يا حسين يا خويا. وبعدين يا خويا أديك قولت البنات بناتي. دخلك انت إيه بقى؟ ولا ورينا عرض كتافك. حسين: يا بدور أنا لحد دلوقتي مش راضي أأذيكي. سيبك من سيد حديدة ده، عاوز يخرب عليكي يا بنت الناس. بدور: الخراب أخوكي حطه وحصل اللي حصل.

حسين: اتجوز على سنة الله ورسوله مأذاش. وبعدين ألحقي نفسك، الطريق اللي عاوزة تمشيه لا قدر الله ممكن يوصل بيكي أنك تعملي العفش، وأنا ده ما أرضاهوش لا ليكي ولا لابن عمي وأخويا. عن إذنك يا أختي. وسيد كمان اللي لمّح ليا إنه مش عاجبه طريقتك معاها خالص. ففوقي، الست اللي ترخص نفسها وتفكر تخون جوزها محدش يأمن ليها يا بنت الناس. وسيد ده لا توبك ولا أنتي توبة. بالإذن.

بدور: بعد إيه ما خلاص. بقى ده يطلع منك يا سيد الكللل. طيب ورحمة الغالين لـَ أوريك. بدور في الفون بعصبية: بقولك عاوزة أقابلك، انت سامع؟ ... بدور: نامي وكل بعقلي حلاوة. ورحمة أبويا وأمي ما هيحصل يا سيد، بس ماشي أنا جايلك. خليك عندك. خرجت تتحسب زي الحرامية. سمر بتصحى جابر: قوم يا راجل قوم. جابر بامتعاض: فيه إيه يا ولية مالك بتصحيني ليه؟ أخفي من خلقتي. سمر بعوجة فم: قوم يا خويا شوف مراتك سارحة فين ولا هتقابل مين.

جابر بجز على سنانه: انتي اتجننتي؟ يابت اخرصي وقومي انجري اعملي ليا شاي. بدور: بقى باعت ليا حسين يا سيد بتشكيني مني؟ شكللك اتجننت ولا مش في وعيك. شكلك زهقت وعاوز تخلع، بس ورحمة أمي ما هيحصل. أنا هتطلق وأكتب عليا عشان... جابر بصدمة: عشان إيه يا صاحبة الصون والعفاف؟ بقى انتي تعملي فيا كده يا بنت... جرى سيد وراه جابر ماسك سكينة. جابر بغل ووعيد: هقتلك يا ابن...

سيد: محدش هيموت غيرك، انت جاي تتعدى عليا في نص بيتي وانت مش عارف تحكم على أهل دارك اللي ماشيين على حل شعرهم. طعنت سكين أتت بأحد ولا أحد يدري من الذي خر ساقطًا على أثر تلك الضربة. اهااااااااااااأااااااااي.