رواية خبايا القلوب الفصل السادس 6 - بقلم جويرية مدحت

بقولك أيه، امسحي دموع التماسيح دي واسمعي اللي هقوله كويس. هخيرك ما بين حاجتين، ياتتجوزي ونخلص منك، يا تروحي عند أمك اللي رمتك، عشان إحنا خلاص زهقنا منك. يجب عليا الاختيار الآن. أود أن أهرب من كل هذا وأتركه ورائي، أطويه كصفحة كتاب ما عدت أرغب بقراءتها، ثم أحرقها فتسقط رمادًا على الأرض فلا يتبقى منها شيء. أذهب لأمي التي تركتني وحيدة دون رحمة، أم أختار هذا المصير الذي لا أعرف كيف سيكون. نادرة بجمود: هتجوز.

خرجت مني الحروف فجأة وكأنها تلعنني على سكوتي وتحملي كل هذا. كنت أود أن أختار شخصًا يشاركني الباقي من حياتي، أستند عليه، أهرب من هذا العالم بين أحضانه، ولكن حتى هذا الحق سلبته الحياة مني وأجبرتني على هذه الشخصية التي حتى الآن لا أعرف كيف ستكون.

صليت استخارة عشان ربنا يدلني على خير، يمكن أكون مغصوبة بس ربنا قادر يغير الأقدار. مش شرط تكون الاستخارة بس في الجواز، ممكن شغل جديد أو مشوار مهم، حاجة مش عارف تاخد قرار فيها. الاستخارة في كل خطوة في حياتك هتفرق جدًا.

صُحيت الصبح أتمشى وأشتري طلبات. قد إيه المشي الصبح بدري جميل. الشوارع فاضية والعيال رايحين المدارس، ريحة العيش اللي في الفرن وصوت فيروز اللي طالع من البلكونة وريحة القهوة اللي في كل مكان، وكأن الشمس بتداوي جروح الليل. = صباح النور عليكِ يا أم زينب. –صباح الفل يا نادرة. = محتاجة حاجة أجبهالك معايا. –تسلميلي، ربنا يرزقك بواحد يعوضك عن كل الوحش اللي شفتيه في حياتك يا حبيبتي. = أيوا بقا، الدعوات الحلوة دي على الصبح.

اشتريت الحاجات وروحت. رحاب: بقولك إيه، خطوبتك هتم على يوسف بكرة، جهزي نفسك، مش عايزة غلطة واحدة. تمت الخطوبة. يمكن مش دا الشخص اللي بحلم بيه ولا دي الظروف اللي أتمنى أعيشها، بس مينفعش أفضل واقفة مكاني وأعلق فشلي وحزني على شماعة الفشل. آه، مش إحنا اللي بنختار ظروفنا، بس ممكن نغيرها ونتقبلها بدل ما نرفض الحياة، لأن كل واحد موجود في الدنيا عشان يحقق حاجة محدش هيعرف يحققها غيره.

رحاب: بقولك إيه، أنا عازمة يوسف النهارده، ياريت متبقيش غبية وتبوظي الدنيا. نادرة: متقلقيش، كل حاجة هتم على أجمل وجه. بدأت بتحضير الغداء وأنا أنتظر قدومه. يقولون أن الحب يضيف لكل شيء طعم آخر، ألهذا مذاق الطعام مختلف أم أنني أتوهم؟ قاطع تفكيري صوتها الذي يحمل دائمًا الصعاب. رحاب: يوسف وصل، يلا حطي الأكل.

خرجت أضع الطعام بين نظرات الجميع، ولكن أربكتني نظرته فوقع كأس الماء على الأرض وانقسم لي أجزاء كثيرة مثل عقلي الذي كان يرسم لي أسوأ السيناريوهات بسبب نظرات يوسف ورحاب التي لا تبشر بالخير. فقترب مني و.....