رواية خلق من الصدف حياة الفصل السادس 6 - بقلم نورا سمير

_في امتحان ياشباب خاص بمادتي وجيت عشان اعرفكم الامتحان هيكون الاسبوع الجايامتحان اهو وقله ادب وعدم ثقه، المفروض والله نطلع من الكليه اللي مش بتثق فينا دي كنت داخله وهو خارج ف عيونا اتقابلت ابتسم وهو بيخرج وانا بصيت للأرض بحرجمن اليوم ده وانا بذاكر بتعب ومجهود كبير، لازم اقفل في الماده دي والا هيقول لخالد اني فاشه وتبقي فضيحه، انا دائماً ناجحه وعايزه افضل كدهاجا يوم الامتحان وهو كان بيراقب علينا بنظرات زي الصقر وكان

بيلاحظ اي حركه اوي اي كلمه، حتي لو حد حرك شفايفه بس مش اتكلمطلع صعب بس شكله حلو اوي وهو شخص جاد وصارم، احم يعني شغال بإخلاص اهوالجديه مرسومه علي وشه بس لما عيني اجت في عينه حسيت بإبتسامة وعيونه متركزه زي العاده اللي دائماً تربكني ودايماً بحطلها حد بإني ببعد نظري عنه نظرته مش وحشه أبداً بل بتدل علي ود واحترام ويمكن حاجه تانيه مش قادره افسرهاخلصت الامتحان واجا يوم النتيجه وزي ماتوقعت

بس كنت قلقانه فقال: _لين سامح الاولي في امتحان****ابتسمت بإنتصار وقولت: _الحمدلله حمداً كثيراً قالت بنت بخبث ومنتهي الغل: _لين الاولي؟ لي يعني هما بيبقوا ناس ناس ولا ايبصتلها بإستغراب وانا مش فاهمه فقالت: _ماهو لو احنا بنقعد معاه في المكتب وبنبتسم له كان زماننا طالعين الاول بصتلها بصدمه وغضب وشوفت يوسف اللي اتعصب وعروقه برزت بشده.! عيوني دمعت  فقال بزعيق للبنت: _أنتِ ازاي تتجرأي تتكلمي عن زميله ليك بالشكل ده! بلعت

ريقها وقالت بتوتر: _ان.. انا يعني بقول ان هو.. قاطعها وقال بصرامه: _هو اي أنتِ انسانه غير سوية بالمره عشان هي الاولي وأنتِ مش عارفه توصلي للي هي وصلتله لي بقي عشان حضرتك فاشلة! أنتِ عارفه أنتِ جايبه كام يالي كُـنتِ عايزه تبقي الاولى؟؟ ها مبترديش لي اقول ولا اسكت! ردت وهي بتمسح دموعها وبتبصلي بغيظ: _خلاص خلاص انا مش هتكلم عليها تانيبصلها بسخريه وبعدين قال: _وأنتِ فاكره اني كده هسامحك؟!

متعرفيش ان‏الخَائضّ في أعراضِ النّاس مُفلس يوم القِيامة؟ هل دي حاجه تتسامحي عليها؟ وقف قدام الكل وقال بصرامه ومنتهي الجدية: _اي حد هيتكلم في حق لين هيتحول للعميد ده غير  اني مش هرحمه بعيدا تماماً عن العميد اللي هيتعرض لـ لين يعتبر نفسهُ بيتعرض ليّ ويكفيكوا شر اللي يتعرض ليّ بقينقل نظره ليّ وابتسمكثرت الاصوات بكلمات غير مفهومه فقال: _سكوت! ايوا ببساطة انا مستثني لين واعتبروها واسطه عادي مش فارقه معايّ!

واه انا بعامل بواسطه! المحاضرة انتهت! طلع وانا طلعت وراه وانا مبتسمه انهُ جابلي حقي بس اي ده! كده ممكن يفكروا ان بيننا حاجه فعلاً! هو ازاي يقول انهُ مستثنيني! _بتعيطي لي؟ مش جبتلك حقكدموعي كانت نازله بصمت فقال بحنيه ظهرت في كلامه وعيونهُ: _طب اهدي بس، انا هجيبلك حقك والله لو لسه مكتفيتيش انها تروح للعميد وياخد ضدها اجراء! زعقت وقولت من بين دموعي:

_كلامك كده بالنسبة لاي بنت او شاب جوا ان اكيد بينا حاجه عشان تستثنيني  كنت هقول قرايب بس احنا مش من نفس العيله اصل دكتور هيقف في صف طالبه لدرجه الاستثناء وهو لسه جاي من برا مصر وميعرفش حد؟ هيفضلوا يتكلموا بطريقه مش كويسه ده غير نظراتهم. أنتَ فاهم أنتَ عملت اي قال بضيق وجديه: _انا جبتلك حقك! وانا مغلطتش في ده مشي وسابني، مسحت دموعي ومقدرتش اطلع اعتقد جسمي كله بيرتجفقعدت علي اقرب كرسي _لسه قاعده لي؟

رفعت عيوني ليه وقولت: _أنتَ جيت. تاني؟ ابتسم وقال: _وأنتِ فاكره اني هسيبك! ابتسمت بدون شعور فقال: _يلا عشان نروح ضيقت حاجبي بإستغراب وقولت: _نروح؟! _ا.. اقصد يعني اروحكيروحني لي هو انا تايهه ولا اي قبل مااتكلم قال: _شوفي انا هوصلك لاني كلمت اخوكِ وعرفتهُفتحت عيني بصدمه وقولت بزهول وانا علي وشك العياط: _قولتلهُ اي قال بتوضيح:

_لا لا مش زي مانتِ فاهمه انا قولتلهُ بس اني هروحكاتنهدت بإرتياح، لو كان قاله كانت هتبقي مصيبه اخويا واثق فيّ اه بس مينفعش يوصله كلام زي ده، ده غير انهُ لو عرف مش هيسكت! حسيت اني تقلتها عليه شويه هو مهما كان بيدافع عني واحد تاني مكنش اتكلم ولا عمل عشاني كده، كان يادوب هيدافع عن نفسه، لاكنه مدافعش عن نفسه بالعكس كان بيدافع عني دور العربيه فقولت بنظرة اسف:

_انا بجد مش عارفه اقولك اي انا اسفه أنتَ كنت بتدافع عني وانا شوفت الموضوع من نظرهم ومكنش قصدي ازعلك انا كل اللي خوفت منه كلامهم ابتسم وقال وعينه في عيني: _متخفيش من حد طول مانا معاكِليه هو هولاكو ولا اي ابتسمت والصمت بقي سيد المكان _حمدالله علي السلامه يالينوقربت وحضنته وقولت بإبتسامه: _الله يسلمك ياخالد، امال ماما وبابا فين! قال وهو بياكل توست وكأن اللي بيقوله عادي!

_اهل يوسف رجعوا من السفر بقالهم يومين وهما رايحين يسلموا عليهمهزيت راسي وقولت: _طيب اما اقوم اغير هدومي وانام! قال بسخريه صدمتني: _تنامي فين ياماما مانا قاعد مستنيكِ عشان نروح لهم سوا عشان أنتِ مطلوبه بالاسملفيت بصدمه وزهول اي ده؟ مطلوبه بالاسم ماكان يقول مطلوبه في القسم احسن هيّ هيّ نفس الشعورمعقول يكونوا سمعوا الكلام اللي اتقال انهارده وعايزيني استر علي ابنهم ولا حاجه _اي يابنتي فتحتي بوقك كده ليبلعت ريقي وقولت:

_وانا مطلوبه لي انا مالي مش هما اهل صحبك أنتَ! ضحك وقال: _هما نفسهم يشوفوكِ وبعدين أنتِ ناسيه ان هما كانوا ساكنين جمبنا ولا اي، مش فاكره خالص انهم كانوا بالنسبة للعيله كل حاجه! ومن يوم مامشوا احنا مختلطناش علي حد نفس اختلاطنا بيهم! ويلا هما عازمينا علي الغداء _بس انا.. انا تعبانه وعايزه انامشدني من ايدي وقال وهو بيزقني للاوضه وببقفل عليّ: _اللبسي بردو عشان نروح وتخرجي من قوقعتك دي! دا المفروض تكتبي وصيه

انك تدفني فيهاقولت بغضب: _والله قصدك اي، كل ده عشان مخرجتش من السنه اللي فاتت غير للمحاضرات! سمعت ضحكته وهو بيبعد وبيقول: _بعد الشر عليكي يعني! بدءت البس هدومي وانا الجزمه في بوقي بسبب خالد، مبقاش ينفع اعترض خلاص طلاما خالد موافقحريه الاختيار دي معدتش علي بيتنا خمس دقائق! _خلصتي بصتله بمنتهي الغيظ وقولت: _ايوا قرصني في خدي فقولت بتأوه:

_اااه ابتسم ومسك ايدي ونزل، كنت خايفه بمعني خايفه يعني، العيلتين متجمعين يبقي كل حوارات الدنيا هتتقال هيسيبوا حواري يعني؟ دول هيمسكوا كل واحد يجيبوا تاريخ حياته ويقولوا عليهم كم حوارات لغايه مايعيط قدامهميوسف ليه أخت كانت صديقه ليّ، تواصولنا الفتره اللي فاتت كان متقطع نظراً لدراستي ودراستها ومشاغل حياتيهطبعاً مسألتوش عليها لان انا كنت عارفه انها لسه برا وهو بس اللي نزل _هميس!

. دخلت في حضنها وهي ضمتني بقوة، كانت وحشاني فعلاً حرفياً فضلت في حضنها خمس دقائق محستش بيهم قاطعنا صوت يوسف وهو بيقول: _اي ياجماعه المعازيم مستنيه، حضن السيشن ده مش هيخلص أبداً ولا ايبعدت عنها بحرج فضحكت وقالت: _اي يايوسف مركز معانا لي مش فاهمه، وحشاني ياجدعبصلها بقرق وقال: _جدع؟ بقي انا المهندس يوسف زين الدين تتكلمي معايّ بالطريقه دي المهندسين دول شايفين نفسهم اوي ياجماعه، احم مش كلهم يعني والدة يوسف وهميس استقبلتني

وضمتني وهي بتقول: _وحشتيني اوي يالين، مشاء الله عليكِ كُنتِ زي البدر بقيتي حالياً قمرابتسمت وشكرتها، طنط دي سكره والله طول عمرهاقربت وقعدت جمب بابا وماما وانا بهمس وبقول: _اي اللي عملتوه فيّ ده! انا مكنتش عايزة اجيزغدتني وقالت بهمس وهي بتبتسم ليهم: _عملنا فيكِ اي كنا عايزينك تيجي لصاحبك، ا.. اقصد صاحبتك! اي ياماما صاحبي ده اي ياماما ده! عامله نفسها غلطت في الجمله يعني!

متعرفش اني فهماهاماما الله يسترها ويخليهالي ويجبر بخاطرها كده لقيتها وسط مابيتكلموا قالت: _قومي يالين ساعدي هميس متسبيهاش لوحدهايعني ياماما هي اشتكتلك يعنيقومت ووالدة هميس شاورتلي علي المطبخ، كان في طرقة فدخلت وانا موطيه راسي وبدون قصد انا ويوسف لبسنا في بعض _ااهصرخت بتأوه، رفعت عيني كان ماسك دقنه وانا ماسكه راسي وفي وسط مابنتوجع انفجرنا في الضحك، حرفياً حاجه تضحك اننا نفضل نخبط في بعض كدهابتسم وقال وهو بيتوجع:

_معدتش حاسس بدقني! هتكلم ازاي ضحكت وانا بقول: _وانا دماغي اتفصلت عن جسمي تقريباً شاور علي دماغي وقال: _لا لسه راكبه اهيصحيح كُنتِ محتاجه حاجه من جوا؟ هزيت راسي وقولت بتذكر: _اي ده انا كنت جايه اساعد هميس واتلهيت في الخبطه! ضحك وقال: _متتعبيش نفسك أصلاً هميس معملتش حاجه ضيقت حاجبي بإستغراب فقال: _اصل انا اللي طابخ هي يادوب هتحضر السفرهقولت بصدمه وزهول: _أنتَ اللي طابخ بجد ضحك وقال: _اه والله قولت بلا وعي:

_لا راجل ميتسابش مش كل الناس عندها الميزة دي قال بإبتسامة: _هو انا فعلاً متسابش؟ رفعت عيني بصدمه وانا ببلع ريقيده سمعني! يارب كنت اتشك في احبالي الصوتيه بدل الفضايح دي قولت بتلعثم: _ان. ان.. هو.. بص ااقاطعني وضحك وقال: _اهدي محصلش حاجه عارف انك بتهزري

_اهاانا مبهزرش علي فكرهحضرت معاها الاكل وحطيناه علي السفرة القعده كانت عباره عن حكايات وزكريات وشغل، اتكلمت كتير مع هميس وحسيت ان عقلها راقي جداً وده ميمنعش انها تكون هبله شويتين زيي،بمعني اصح تلقائيه! خلصنا اكل وكنت بلم الاطباق انا وهميس ويوسف، وفي لحظه لقيت طبق الشوربة علي هدومي بواسطه يوسفففففصرخت بصدمه وزهول ورفعت ايدي وقفلتها وكأني بمسك نفسي من اني اضربه وهو بصلي بترقب وبلع ريقه،بابا قال: _خير ياجماعه حصل خير!

بصيت لخالد اللي وشه مكنش باين عليه اي شئوفي لحظه كان منفجر في الضحك هو والباقياي ده بيضحكوا عليّفي وسط ضحكهم قالت والدة يوسف بمنتهي الجديه: _انتوا بتضحوا عليها ازاي كده هي مش مجال للضحك علي فكره قولت بضيق: _ايوا ياطنط دول هزقونيقالت بجديه مره تانيه: _وأنتِ هدومك بقت مثيرة للتهزيق بصراحهقالت الكلمه وانفجرت في الضحك معاهم فقولت بضيق: _طب والله امشيلسه جايه اتوجه للباب فشدني يوسف من ايدي، بصيتله بستغراب فبعد

ايده بسرعه وقال بتوتر: _ا.. انا اسف مكنش قصدي بس انا كنت بوقفك عشان متمشيشقربت مننا هميس وقالت بإبتسامة: _متزعليش نفسك هما كلهم كده وأنتِ عارفه وماما بتقولك يلا عشان اجبلك هدوم تروحي فيها غير اللي الاستاذ بوظهالكبصتله تاني بغضب فقالها بضيق: _لازم تفكريها يعني!!! قولت بغيظ شديد: _متقلقش انا أصلاً فاكره! قال بإستفزاز:

_طب انا اسف بعد كده أنتِ من طريق وانا من نفس الطريق عشان نفضل نخبط في بعض كدهمشوفتش حد مستفز كده قده بصراحه، بصتله بضيق وقولت بإستفزاز مماثل: _مردوده غيرت هدومي وقعدت علي الكرسي، والمكان. كله قاعدين فيه ومفيش مكان غير الكرسي اللي جمبي فقرب وجاي يقعد فقومت بفزع وقولت: _لا أنتَ تبعد عني خالص وخلي اليوم يعدي علي خير ضحك وقال وهو رافع ايده: _مش معايا حاجه والله قولت بنفاذ صبر وانا بقرب اقعد جمب بابا:

_بردو مضمنكشسمعت ماما بتكلم ام يوسف عنه فقالت: _والله ياام خالد بحاول اخطبله بس هو مكنش راضي قالت ماما بإستغراب: _مكنش؟ قالت مامته بإبتسامة: _اصل يوسف يعتبر قربت افرح بيه! يتبع