رواية خوفي كان نجاه الفصل الرابع والثلاثون 34 - بقلم اوشين

خرجت مسرعة من غرفة أبيها. أبو شهد: السلام عليكم يا رؤوف. رؤوف: وعليكم السلام يا حج، أخبارك؟ أبو شهد: الحمد لله في زحام من النعم. وأنت؟ رؤوف: أنا الحمد لله كويس. أبو شهد: بنتي موافقة على ابنك، وأتمنى أنه بنتي تتشال على الراس. وأنتم هوارة وكدا، وإحنا عرب. ياريت الكلام اللي بسمعه عن الهوارة يكون كدب، بس أنا سألت عليكم، إنتوا عيلة تمام، والله أكبر عليكم. وأنا يشرفني إنه بنتي تتزوج منكم.

رؤوف: الله يسعدك يا حاج زي ما أسعدتني. والخبر ده هيسعد ابني جداً، انت مش عارف بيحب بنتك كدة إيه. وإن شاء الله هانكون عند حسن ظنك. دي بنتك يتفرش ليها الورد وتتشال فوق دماغنا. وأنا فرحان قوي ومش عارف أوصفلك. يا مجدي يا مجدي، تعالى يا ابني. مجدى: أيوا يا بابا، اديني جاي. أبو شهد: طيب، سلام. أنا دلوقتي أستأذن. رؤوف: سلام عليكم. تعالى يا ابني. مجدى (يتاوب) : أيوا يا بابا.

رؤوف: الخبر اللي مستنيه ومطير النوم من عنيك، كدا خلاص، كدا وصل. مجدى (بلهفة) : بجد يا بابا؟ إيه؟ قالت شهد؟ رفضت صح؟ رؤوف: آه، وافقت يا ابني. ههههههه. مجدى (ينط من الفرحة) : بتقول إيه يا بابا؟ وافقت بجد ولا بتضحك عليا؟ رؤوف: أكدب إيه. اتفضل، وجهز نفسك يا عريس. مجدى (بفرحة) : الحمد لله، الحمد لله. أنا هاكون أسعد عريس في الدنيا يا بابا، لأنها هتكون معايا. وهاسعدها فوق ما بتتخيل. أيوا يا بابا، اتفقتوا على إيه؟

هانعمل الفرح امتى؟ رؤوف: لا، لسة مش اتكلمت في حاجة. ههههههه. اصبر بقى شوية كدا لما نتصل ونرتب الدنيا. مجدى (بلهفة) : لا، مش صابر. انت دلوقتي تتصل وتقولهم بكرة كتب الكتاب. رؤوف: بكرة؟ انت اتجننت يا ابني ولا إيه؟ بكرة دي؟ مجدى: آه، بكرة يا بابا. ماله بكرة؟ عسل. بكرة قمر. بكرة. رؤوف: عسل وقمر إيه؟ الجواز عايز ترتيبات كتير. اهدى يا ابني، اهدى كدا وصلي على النبي.

مجدى: يالهوي يا بابا، مش قادر. صدقت لما وافقت. والنبي يا بابا اتصل علشان خاطري. رؤوف: ماشي يا ابني، أهو هاتصل. السلام عليكم يا حاج. الحاج: وعليكم السلام يا رؤوف. إيه؟ فيه حاجة؟ رؤوف: أيوا، أنا متصل علشان نحدد معاد كتب الكتاب. الحاج: كتب كتاب؟ رؤوف: آه، كتب كتاب مجدي وشهد. أصله مجدي مش صابر خالص. المعاد اللي يناسبكم امتى؟ الحاج: اللي يناسبكم إيه؟ وأنا أقول لشهد وأشوف الدنيا؟ مجدى: قوله بكرة يا بابا. قوله بكرة.

رؤوف: يناسبكم الأسبوع الجاي؟ الحاج: حاضر، أشوف الدنيا هنا وارد عليك. مجدى: ليه كدا يا بابا؟ كتير. أسبوع جدا.