رواية خطة 707 الفصل الأول 1 - بقلم ميرنا ناصر

أنا خلاص مبقتش قادرة، مش هينفع. = هو دا وقته عياط؟! باين إنك متوترة. _أنا.. هلغى الفرح دا الصح.. هو دا الصح، هصارحه بكل حاجة. = من الواضح إنك مش واعية للي بتقوليه، أنا هكلم حبيبة ورانيا يتصرفوا معاكِ. « بعد مرور خمس دقائق فقط » _هنا فى إيه! يُسر كويسة؟ = هنا إيه اللي حصل مالها يُسر؟ _هنا انتِ واقفة كدا ليه؟! ماتردي علينا .. فين يُسر طيب؟ = يُسر عايزة تعترف لرحيم على كل حاجة. « رانيا وحبيبة » _أييييه.

= لا متتخضوش كدا، أنا فعًلا قررت أعترف بكل حاجة. « حبيبة في غضب شديد » = يا شيخة يوم فرحك!! في الفندق.. لا ومش بس كدا دا المعازيم موجودة في الفندق، والميك اب ارتست جاية بعد كام دقيقة، إيه الهبل دا بجد يا يُسر!! _أنا كدا ببني بيتي على كدب حقير، على خداع، نفاق، أنا شيطانة. « رانيا بتهكم شديد » = انتِ جاية تكتشفي دا دلوقتي؟! بعد سنة خطوبة.. إيه التوبة اللي حصلت يلا سقفولها الملاك يُسر طلع لها جناحات وفازت. _انتِ مستفزة.

« حبيبة غاضبة » = وانتِ مجنونة، وهتضيعي نفسك.. ولازم نوقفك.. ونفوقك فعلاً من خطورة اللي هتعمليه. _ياريتكم كنتوا فوقتوني فعلاً قبل ما أعمل اللي عملته دا. « هنا جاهدة في تهدئتهن » = كل اللي بيحصل دا شيطان ودخل بينا، النهاردة فرحتنا بيكي يا يُسر.. اللي حصل حصل والكلام عدى عليه سنة.. إفرحي يا حبيبتي وسيبنا نفرح بيكي.. واستدي بالله دا كله توتر وشد عشان الفرح.. وبعدين انتِ من الصبح عايزة تعترفي له ومفيش فرصة، ربك مش رايد.

_متجيبيش سيرة ربنا في اللي أنا عملته دا. « حبيبة ربتت كتفها » = يا يُسر، يا حبيبتي انتِ بتتكلمي كدا ليه كأنك قاتلتِ أمه ربنا ينولهالها يارب، الموضوع كله علم وانتِ موهوبة وربنا اداكي حاجة كدا بتيجي لناس معينين مُختارين، دا مش بعيد يفرح لما تحكيله بس.. بس دا مش وقته يعني فاهماني. = تفتكري!! مش هيسيبني صح! أنا حبيته والله حبيته أوى. « رانيا بسخرية ممزوجة بحزن »

= انتِ محبتهوش يا يُسر.. انتِ محبتهوش، انتِ أصلاً متعرفيش رحيم. = انتِ إيه معندكيش إحساس، معندكيش قلب ولا رحمة. طب هونّي عليا ، طمنيني.. لكن إزاي لازم تعلي عليا وخلاص. = ياستي لا أعلى عليكي ولا أهون أنا ماشية من الأوضة خالص يارب ترتاحي. « حبيبة » = إحنا نستنى بس معاد الزفة وبعدها اعملي اللي انتِ عايزاه.

« كنت كعقرب الساعة يطوف بين الدقائق متمنيًا أن يأتي الميعاد وفي الوقت ذاته يتوقف الوقت والزمن، ولكن هل من الممكن إيقاف الوقت؟ = مش مصدق انتِ بين إيديا خلاص. = لا صدق. = انتِ كويسة يايُسر! حاسة. = لا.. لا مش كويسة يارحيم. = وقفتي ليه! إحنا هنمشي الممر عشان التصوير.. انتِ نسيتِ كلام الفوتوغرافرز؟

" بكيت وكأن دموعي قد غسلت أفكاري، أفكاري التي كانت تريد التحايل تارة أخرى لأكون تلك الشيطانة اللعينة التي تتحكم وتخطط وتهيمن، في الوقت الذي كنت أرغب الاعتراف بكل ما يجول في صدري. بدأت أستعيد وعيي وأُنظم أفكاري وأتحدث." = رحيم أنا عايزة أعترفلك بحاجة مهمة. = عارفها.. وأنا كمان بحبك أوى.. ابتسمي بقا هتطلعي مكشرة في الفيديو. = رحيم الموضوع أكبر من كدا، أنا بتكلم جد.

= في إيه يا يُسر طيب.. ممكن يا حبيبي تفهمني مالك واحنا ماشيين عشان الناس بدأت تاخد بالها مننا. = قصتنا دي كلها مزيفة، مش حقيقة. = ها المسلسلات التركي أكلت دماغك وإيه كمان؟ = أنا مش بهزر. = يعني إيه مش بتهزري!؟ طيب ياستي قصتنا مش حقيقة إيه الحقيقة ! .. يلا بلاش دلع.

= عملت خطة، اتحكمت فيك بالكامل، كل حاجة مكنتش صدفة.. أنا كنت مرتبة كل حاجة، كل حاجة حصلتلنا كانت بتمشي زي ما أنا مخططالها، كنت تجربة من ضمن تجاربي في أبحاثي.. كنت بتحكم في نومك، أحلامك، عواطفك، قراراتك.. كنت بقرا أفكارك بالكامل.. أنا كنت بحركك بمعنى أصح.. أنت كنت أنا.. يعني أنت أداة بيحركها أنا.