رواية خطة 707 الفصل الحادي عشر 11 - بقلم ميرنا ناصر

حدانا في الصعيد بيقولوا السكوت علامة الرضا. بس مفسروش الخجل والضحكة اللي بتدوب قلبي دي بإيه. = لاء فسروها. = فسروها بإيه يا مصراوية؟ = بإنها.. يعني.. هي… كمان بتحبك أوي. آند باك. = كان أول حب ليكِ يا يسر. = قصدك كان أول ضحية ليا يا رحيم. = ضحية؟ = للأسف. = إزاي مش كنتِ حاسة تجاهه مشاعر حتى لو مراهقة يعني.

= خالص، كنت بستلطفه بس مش بحبه، بس أنا متحبتش.. محدش أعجب بيا فمرة ولا حتى قالي كلام حلو.. ربنا اداني عيون خضرا، شعر طويل، ملامح حلوة جدا بس مفيش حد اتشديت ليه حتى لجمالي. كنت بسمع أصحابي أقل مني في كل حاجة حتى الأخلاق والثقافة بس بيتحبوا وبيحبوا.. لكن أنا.. مفيش. = عملتي فيه إيه. = اتحكمت فيه. = برضو؟

= لا مش قصدي.. التحكم عن بعد ولا التخاطر ولا أي حاجة من دي.. أنا فرضت شخصيتي عليه. استغليت حبه.. "لا غير طريقة لبسك"، "غير لهجتك"، "البس كذا"، "اعمل كذا"، "انسى حوار نعيش في الصعيد"، "هنعيش في القاهرة"، "مفيش حد بيحبك غيري متسمعش كلام عمتو وعمو". = وبعدين.. قابلتي أبو زيد الجصاص تاني؟ = طبعًا. فلاش باك. = جيتِ في الميعاد مظبوط. = أنا عندي إيه يا عم زيد؟ = عم زيد؟ مش عم أبو زيد!

= اسمك الحقيقي زيد.. لما كنت بتحكيلي عن هلال الجصاص ذكرت إنه بيندهلك يا زيد. = ذاكرتك حلوة. = عندي إيه؟ .. أنا مين. = يسر صادق السيد.. أما إجابة عندك إيه، صاحبة موهبة. = ولا صاحبة كرامة ربانية والشيخة يسر السيد. = تحبي إيه؟ = أتعالج، أفهم أنا مين، وإيه القدرة الغريبة دي، ولا أنا إشمعنى أنا.. طيب؟ ليه ربنا مجاوبنيش؟

= كنت بقول لنفسي الأسئلة دي زمان، وأمي كانت بتقول "لما حد بيديك هدية ومش بتسأل على تمنها وليه اتجابت ليك وإشمعنى أنت اللي جابلك هدية مخصوص". فمينفعش ترد الهدية من صاحبك ما بالك الله سبحانه وتعالى. = ونعم بالله أنا مش معترضة، بس طيب أهدي من الصداع ده إزاي؟ .. إزاي أزيل أو أخفف كل الكلام اللي بسمعه ده والألم اللي حساه.

= أنتِ وحدك اللي تقدري تعرفي ده، أنتِ وبس.. تعرفي إمتى بتقدر تسمعي كويس، وإمتى بتحسي إنك مش عندك القدرة.. إيه الطريقة للسيطرة على ده.. كل الوقت بتسمعي أصوات؟ = لا مش كل الأوقات طبعًا. = حلو.. أنا لما باكل أو برسم أو بقرأ مبعرفش أسمع.. أنتِ كمان يا يسر في أوقات أنتِ مبتعرفيش تسمعي فيها.. يبقى كدا مطلوب منك إيه؟

= أركز مع نفسي أكتر وأعرف إمتى أنا بقدر مسمعش وتكون دي حيلة.. عشان لما أتعب من الأصوات أستخدم الحيلة دي وبالتالي هقدر أوقف الأصوات. = برافو يا يسر. = اممم.. هو أنت مش هتكمل حكايتك؟ = تحبي تحكي لحد ما وقفنا؟ = احكي من أي حتة حاسس إنك حابب تحكيها، وحاسس إنها هتفيدني. = لما أعجبت بسحر هلال الجصاص.. فكرت كتير ليه طالما متمكن أوي أوي كدا طيب ميستخدمش سحره في السمع.. وبعد مراقبة كتيرة قوى.. اكتشفت إنه ساحر على قده خالص.

= على قده معقول ده! بعد كل اللي حكيته. = تخيلي بعد كل اللي حكيتهولك هلال الجصاص كان تلميذ.. أول ماسافرنا بلد غريبة معرفش اسمها ولا قالي عليها ولا حتى خلاني أقدر أشوف تفاصيل طريقها كان مغمض عينيا وكأنه مفهم كل الناس إني بسمع على بعد أمتار كتير.. منبه عليهم الصمت.. فمعرفتش حتى أسمع أصوات الناس.. بس لما خدني هناك ودخلت البلد الغريبة دي.. اتخضيت. = ليه مالها اتخضيت منها ليه.

= كانت بلد مرعبة، البيوت كانت غريبة ناس ساكنة في جوف شجر ضخم، وناس تانية بيتها فوق الشجر، وناس تالتة ساكنة جوة بيوت من تلج. = تلج؟! = أيوه كأنها قطعة تلج والناس جواها شايفه ناس طالعة منها وليها أبواب.. وناس ساكنة جوة محار ضخم جدا، وناس ساكنة جوة حوت ضخم.. لو شفتيه من بعيد تحسي إنه حي وممكن يفترسك وتحسِ نفسك بيتسحب منك ولما تقربي تلاقي الناس بتطلع من جواه وكأنه ديكور.. وحاجات غريبة لو فضلت أحكيلك مش هنخلص.

= بس أنت برضو هتحكيلي عنها من البداية، بس مش دلوقتي عشان أفهم جزء جزء، اللي شاغلني دلوقتي، إيه هي البلد الغريبة دي؟ = لحد الآن معرفش اسمها، ولا أعرف أي تفسير لأي حاجة شفتها فيها لمدة سنين.. كل اللي أقدر أقوله أو الاسم اللي سميته في دماغي ليها مملكة السحر. = أنت زرتها سنين؟ = للأسف.. أكبر غلطة عملتها في أول مرة إن شرط دخولك المدينة دي.. إنك تعملي عهد معاهم.. ولما كنت طايش وعملت عهد مفهمتش.. إن ده عهد مع شيطان منهم.

= يعني أنت دخلت الموضوع بتاع هلال؟ = بقيت ساحر.. بمجرد دخولي لازمتني روح.. عارفة الغريبة يا يسر إنك اكتشفت إن هلال أفشل واحد فيهم. = أفشل واحد؟ يااه أومال أنجح واحد فيهم دا إيه.

= يبقى الكل في الكل يبقى رئيسهم.. اللي طلب من هلال إنه يخرج.. واتصدمت لما قالي "100 متر مش بطال بالذات إنك لسه متدرب مش محترف". وقتها فكرت إنه ممكن يكون هلال حكاله على قدرتي ورد عليا قال لي "هلال زي ابنه على الرغم من إنه خطر يجيبك هنا بس خاطر وشكلك تستاهل ذكي وموهوب بالفطرة.. تحب تكون معانا؟ " لقيتني في ثانية بجاوب بكل حماس أيوة معاك. = بقيت ساحر؟

= كنت ساحر عظيم.. كل العالم العربي اتكلم عني وعن شطارتي ومهارتي وذكائي.. قدراتي، والثروة اللي كونتها. = مش فاهمه.. كملي لي.

= يعني وقت ما وافقت.. حسيت الدنيا بتضحك لي.. بقيت بعمل اللي بيعمله هلال وأعلى بكتير.. كنت بقدر أخليكي تسافري بلاد وأنتِ قاعدة مكانك متحركتيش.. كنت بقدر بعنيا أقرأ أفكار وأعرف أماكن سكن الشخص من عيونه.. كنت اتمكنت من كل حاجة ليها علاقة بالسحر. وعرفت إنها مدينة خاصة بيهم محدش بيدخلها غير منهم. مخفية في باطن البحر إزاي وإنهي مكان في البحر معرفش وإزاي موجودة في باطن البحر والمدينة كانت فيها هوا وحياة برضو معرفش.

= واااااو باطن البحر.. وهوا وأكسجين ودخلت. = وم بس كدا وأنا قادر أتنف س. وعايش طبيعي. = بسرعة الباقي. = قررت أبقى رئيس مملكة السحر. = رئيس؟! .. إزاي.. كنت شجاع جدا!! هو أنت مكنتش خايف؟ = لا للأسف كان قلبي مات.. كنت طماع. = طماع إزاي؟ هيدوك فلوس؟ = لا مش فلوس.. حاجات أعظم وأعظم.