رواية خطة 707 الفصل السادس عشر 16 - بقلم ميرنا ناصر

أنا وقعت في إيد مريضة نفسية، طلعت كل مرضها عليا. = ياسر متسبنيش.. أنا مليش غيرك.. ياسر متغيبش عني.. ياسر أنا من بعدك كله كسرني وحطمني.. ياسر أنت مش بترد ليه. _رحيم.. أنا مش ياسر.. ياسر أخوكِ ما ت.فوقي. ياسر مات. = ياسر.. أنت بتقول كدا ليه.. حبيبي أنت كويس. = ياسر.. أنت أول ما بعدت عني.. كسروني.. ليه سبتني يا ياسر؟

ارجعلي تاني.. متتمشيش أنا محتاجالك أوي دلوقتي. وحشتني عيونك وضحكتك.. خليك معايا وأنا مش هزعلك مش هغلس عليك.. ياسر أنت سامعني.. أنت مش بترد ليه؟ _أنا رحيم يا يُسر.. يُسر أنتِ سمعاني أنا رحيم أخوكِ متوفى من سنتين. = لا.. ياسر ممتش.. ياسر أنت ليه بتقول على نفسك ياسر. « حبيبة تدخل على صريخ يُسر » _رحيم.. أنت.. أنت هنا من إمتى؟

= حبيبة ياسر.. ياسر عايش وأنا.. بصي.. ياسر رجع متزعليش هتتجوزوا.. هتلبسي فستان أبيض.. بس هو زعلان مني وبيقول على نفسه. « حبيبة وقلبها يعتصرها » _يُسر في إيه؟ _يُسر مريضة.. انتوا كلكم عارفين وسايبينها تمارس مرضها على الناس.. ومش بس كدا دي خطر على الإنسانية دي ممكن تبرمج أي بني آدم وتقوده للجريمة بإشارة منها. = مش هعمل حاجة تزعلك يا ياسر متخافش.. أختك مش مريضة. « حبيبة، ومطر دموعها تروي وجنتيها »

_يُسر.. أنتِ سمعاني.. أنتِ كويسة.. ردي عليا أرجوكِ. « رحيم » _أنا مش فاهم الحالة اللي هي فيها. = أنا توأمك معقول مش عارف تفهمني؟ أنت نسيتني يا ياسر؟ « تجلس حبيبة وهي منفطرة البكاء دون الحديث » _أنا عروسة النهارده.. شوفت الفستان ده.. شكلي حلو في الأبيض.. بص.. لف معايا حلوة يا ياسر؟ « رحيم بصوت عالٍ »

_يـــاسر مات.. أخوكِ مات في حادثة من سنتين، وانتوا في العربية مات وانتِ جنبه يا يُسر.. ياسر ماات.. أنا رحيم. رحيم عبد القادر خطيبك سابقًا. أتذكر إنني كنت كالطير المذبوح كنت أسبح هنا وهناك من شدة الألم، أتلوى في الأرض.. لا أدرك إن كنت أنا على الأرض أم هي بكل ثقلها. « حبيبة بذعر » _أيوه ياعمو احنا تحت إلحقني يُسر جالها حالة التشنق تاني تقريبًا لازم ننقلها المصحة تاني؟ « رحيم » _مصحة تاني؟!

يعني هي راحتها أولى.. وأنا آخر من يعلم. « حبيبة بعصبية » _أنت عايز إيه تاني، ياسيدي مغشيتكش وأهي اعترفتلك. والغبية ممكن تكون حكتلك على كل حاجة.. على فكرة أنت مش ضحية.. أنت مش بتحبها يارحيم.. أنت كنت بتحب حبها ليك واهتمامها بيك يعني انت مش موجوع. « رحيم بحدة » _أيوة عرفت كل حاجة وبعدين.. مين إنت عشان تقرري حبيتها ولا محبتهاش؟ انتِ دخلتي جوايا؟ عرفتِ أنا مريت بإيه معاها؟ « حبيبة بهدوء مفتعل »

_إمشي يارحيم.. اهو عرفت كل حاجة، وعرفت نقاط ضعفها وقوتها، وقدراتها واعترفتلك ومبقتش مراتك.. إمشي من حياتها وابدأ من جديد. « رحيم بنظرة سخرية » _انتوا عصابة في قلب بعض، عصابة أيوة.. فين ضميرك.. إزاي إزاي مكنتش بفهم رانيا.. كانت دايما رانيا صح.. إزاي كنت بصد رانيا وصوتها وبلغي دماغي. « حبيبة بصدمة » _رانيا؟؟ رانيا بنت خالة يُسر. « رحيم بتذكر »

_أيوه.. أيوه، كانت بتنبهني دايما منكم.. كانت بتقولي "ابقى خد بالك من طريقة يُسر" "يُسر خطر عليك" مكنتش بفهم لما توقف كلام مرة واحدة وتقول لـ دول ٧٠ متر.. كانت خايفة تسمعنا أنا كدا فهمت.. يعني رانيا التانية عارفة وساكتة وكانت بتلمحلي بس.. معقول أنا ضيعت سنة كاملة مع يُسر؟ وأنا كان ممكن ارتبط بـ رانيا؟ بتفهمني وبتحب وبتسمعني. « حبيبة بعدم فهم » _رانيا كانت بتلمحلك وبتحاول تكشف شخصية يُسر الحقيقة. « رحيم بحزن »

_مكنتش بفهم كلامها كان كله ألغاز وفوازير.. أنا فهمت كانت متلخبطة ليه. | المصحة | _صباح الخير. = إبراهيم. _هو بذاته. = حمدلله على سلامتك رجعت إمتى. _النهاردة. = دا على كده منزلتش الصعيد. _لسة نازلة من على باب الطيارة عليكي.. اتخضيت عليكي. = أنا آسفة... هو أنت نازل علشانـ _علشانك يا يُسر. = أنا عرفت اللي حصل في فرحك. _معاه حق. = مش فاهم.. _معاه حق يسيبني يا إبراهيم.

= لا مش معاه حق على الأقل، لو بيحبك فعلا كان تم الفرح عشان شكلك قدام الناس. _أبراهيم.. الموضوع مش جلاء سمعة وبس.. الموضوع أخطر بكتير من ده. = أنا جنبك.. ومعاكي يا يُسر. _عدى أسبوع وعرفت إنه في حالة من الصدمة و.. = إيه سكتِ ليه؟ _بص هناك كدا، شايف اللي أنا شيفاه؟ = مش معقول؟ _هو.. = يمكن حد شبهه. _يستحيل هو.. أنا متأكدة.