رواية خطة 707 الفصل الخامس عشر 15 - بقلم ميرنا ناصر

أنا اللي عملت دا في ياسمينة. ياسمينة مين صاحبة حبيبة؟ اللي وقع عليها الطبق واللي وقعت في الأرض لما الكرسي اتحرك من مكانه. أيوة. أيوة إيه؟ انتِ كنتِ جنبي أنا وحبيبة لما حصلها كدا، وبعدين اللي حصلها قضاء وقدر يعني.. طبق وقع وكرسي اتشّد. أنا اللي عملت كدا، افهم. أفهم إيه؟ انتِ هتتسلي بيا؟ أنا اللي عملت كدا والله. عملتِ إيه؟ وقعتيها إزاي؟ بعيوني. مالك! انتِ سخنة؟

بعيوني والله.. أنا كنت زيك كدا.. أنا زيك أصلاً لسه مخضوضة من نفسي. بعيونك؟ أنا مش فاهم حاجة وحاسك بتهزري، ودا مش وقت مقالب خالص يا يُسر. بص معايا كدا وركز. هتعملي إيه؟ شايفة المج اللي على المكتب ده؟ أكيد شايفة يعنى. هحركهولك، نفس اللي حصل هناك مع الطبق. قمت جاهدة وكلي تركيز غريب. لأول مرة في حياتي. تنهدت بصوت مسموع لمدة خمس ثواني، ومن بعدها تحدثت بنفس الطريقة وقت الحفل. ولكن لم يحدث شيء.

انتِ مش هتبطلي مقالبك دي.. قولتلك صدفة والله العظيم انتِ بنى آدمة مزعجة و... وها يتحرك الكوب تدريجيًا من المكتب ليسقط وتهشيمه على الأرض أشبه بتهشيم قلبي. يُسر. ليه بيحصلي كدا.. متقوليش إني مبروكة بقا وإني ربنا راضي عني والجو دا.. أنا ليه مش إنسانة طبيعية.. أنا خايفة.. خايفة أوي يا ياسر.. ومتحاولش تطمني، انت كمان خايف. يُسر. يمكن. كل حاجة بتحصلي بتأزمني، عارف.. عارف أنا نفسي نفسي أهرب.. هتعرف المرة دي تساعدني؟

زي ما كنت بتساعدني زمان. تهربي، تهربي من مين بس؟ قلبي واجعني أوي يا ياسر، نفسي أهرب من العالم.. لأ نفسي أهرب من نفسي.. محدش حاسس بكل اللخبطة اللي جوايا، مفيش حد يعرف كم التخبيط والوجع اللي جوايا.. حتى انت بقيت بعيد عني. طيب ممكن تقول لي بتعيطي ليه؟ عشان وقتها، كنت حاسة إني وحدي، مكسورة، وموجوعة.. زي دلوقتي بالظبط.. محتاجة أغسل وشي. اتفضلي مناديل. شكراً. ناخد ريست ونكمل بكرة؟ زهقتي؟

بالعكس.. دا أنا هتجنن وأعرف إنتِ كان عندك إيه.. إيه القدرة دي؟ واسمها إيه..!؟ وياترى استخدمتيها إزاي؟ حاولتِ تعرفي اللي بيحصلك سببه إيه ولا لأ. كل دي أسئلة؟ دا اندماج غريب أوي. أنا كنت بحب كل حواديتك.. احم تحبي نكمل ولا حاسة إنك تعبانة؟ تعبانة، بس لا هنكمل. القدرة دي اسمها إيه؟ اسمها الجلاء البصري، أو التحريك الذهني، أو التحريك عن بعد (العقلي) يعني إيه مكنتيش بتستخدمي عيونك؟

وكنتِ بتستخدمي عقلك ولا إيه مش فاهم الكلام الغريب دا. الكلام دا حقيقة يا يُسر؟ بمعنى؟ هو نوع في دراسة ما وراء علم النفس (باراسايكولوجي) وهو قدرتي على التأثير على العالم المادي وتحريك الأشياء عن بعد أو بإستخدام قوة العقل ومبيكونش بيني وبين الشيء اللي هحركه أي اتصال مادي، وعلى عكس غيرها من ظواهر الماورائيات، وبكون قادرة على رؤية نتائجها مباشرة وبالعين المجردة. يُسر انتِ متأكدة إنه مش..

سحر قصدك لا يا رحيم أنا مش ساحرة ولا مشعوذة ولا مجبورة أحكي لك. عملتي فيا كدا ليه؟ ليه يا يُسر تدخليني الدايرة دي.. أنا أذيتك في إيه عشان تعملي فيا كدا؟ أنا.. انتِ إيه يا يُسر.. أنا مش فاهم كل اللي بتحكيه ولا مدرك ولا مستوعب إن كل اللي بتحكيه جواكِ دا كمان، غير هتحكي إزاي قعتيني واتحكمتِ فيا يعني لسه في أسرار تانية.. مفكرتيش في صدمتي.. أنا مش عارف أفكر. والله العظيم أنا ما أثرت عليك خالص ولا على تفكيرك.

نفسي أفهم عملتي كدا ليــــــــــه.. ليــــــه. ردي يا يُسر وقولي عملتي كدا ليه.. أشمعنى أنا اللي أذيتيه.. ليه تأذي وتدمر حياة بني آدم بالشكل ده.؟ ردي من غير ما تقولي إني بحبك... والكلام ده عارفة يعني إيه كسرة قلب؟ عارفه يعني إيه راجل عايز يصرخ ويعيط زي الطفل في وسط الناس.. أنا سامع صوت تكسير قلبي يا يُسر.. انطقي.. قولي لي عملتي كدا ليه؟

عشان أحمي نفسي.. أيوه عشان أحمي نفسي، كلكم بتدمروا البنات وبتأذوهم، كلكم غدارين ومستغلين.. كلكم معندكوش أمان.. حتى بابا زيكم.. كلكم واحد.. كلكم دمرتوني.. كان لازم اتحكم في واحد ميأذنيش.. أيوه ربنا بعتلي القدرات دي عشان متأذيش منكم بس أنا كنت غبية ومعرفتش استخدم ده. انتِ مريضة. أنا ادمرت. أشمعنى أنا يا يُسر. ردي يا يُسر.. اخترتِ رحيم عبد القادر ليـه.. مش أي حد تاني. المفروض تكون عارف.

لا مش عارف يا يُسر.. مبقتش عارف حاجة. عشان شبهه.. انت شبه ياسر الله يرحمه نفس نظرة عيونه، ولون شعره ولون عيونه، حتى غمازاتك.. وطولك وحجمك.. ياسر مصدر أماني.. لما شوفتك حسيتك إنك هتكون لي ياسر التاني. أنا وقعت في إيد مريضة نفسية طلعت كل مرضها عليا. ياسر متسبنيش.. أنا مليش غيرك.. ياسر متغيبش عني.. ياسر أنا من بعدك كله كسرني وحطمني.. ياسر انت مش بترد ليه. رحيم.. أنا مش ياسر.. ياسر أخوكِ ما ت.فوقي.. ياسر مات.