رواية خطفت قلبي بالرماديتين الفصل العشرون 20 - بقلم هدى محمد

برق بصدمة لما لقى حد خرج من عربية وضرب نار على مراد ومشي بسرعة بالعربية. مالك خد مراد بسرعة وجري على المستشفى. في مكان تاني. المجهول: أنا قولتلك تخلص على مالك يا غبي. سيف: مكنتش اقصد. المجهول: اعمل معاك ايه يا غبي، كدا هياخد حذره. بس على مين لازم اتصرف. امشي من وشي. سيف مشي وهو بيفكر في مالك، ليه الراجل دا عاوز يقتله. بيفكر يقابله ويتكلم معاه، بس ازاي؟ شكله واصل وصعب يقابله. سيف لنفسه: لازم اشوفه. لازم.

عند مراد ومالك. الدكتور خرج ومالك جري عليه بقلق. مالك: طمني يا دكتور. الدكتور: هو كويس الحمد لله. الرصاصة كانت في كتفه. مالك: الحمد لله. طب ممكن اشوفه؟ الدكتور: أكيد اتفضل. ومشي الدكتور ومالك دخل يشوف مراد. عند تلين. صحت من نومها، دورت على مالك بس مش لقياه. اتصلت عليه مش بيرد. تلين: يا عم رد بقا، دانت كاريزما جدًا. قررت تتصل على ملك. ملك: توتة هانم، متوقعتش تتصلي دلوقتي.

تلين: عادي يسطا، فاضية وقاعدة لوحدي. قولت اسأل عليكي. ملك: لا فيكي الخير. امال فين مالك؟ سايبك لوحدك وراح فين؟ تلين: مش عارفه. هتلاقي عنده شغل أو مع مراد أو عند اهله. الله اعلم. ملك: طيب حبيبتي، انتي عاملة اي؟ تلين: الحمد لله. وانتي؟ ملك: بخير، ماشي الحال الحمد لله. تلين: خدتي قرار ف موضوع مراد؟ ملك: لسة. تلين: أنا من رأيي وافقي. ملك: أن شاء الله بكرة اكون خدت قرار. تلين: أن شاء الله. نسيبهم بيتكلمو ونروح لسيف.

بيفكر هيعمل ايه. لحد ما قطع تفكيره خبط على الباب. فتح لقاها بنت بعيون عسلي فاتح وشعر بني طويل وملامح هادية. ابتسم بتلقائية أول ما شافها. بس لحظة، هو شكله عارفها كويس. طبعًا عارفها، دي نور بنت الناس اللي عايش عندهم. اه ما هو سيف معندوش مكان يعيش فيه. نور: مسا مسا يا قمر. سيف: يا مساء الفل على نور العالم. نور: يا ولا، على طول بتاكل بعقلي حلاوة كدا. سيف: سيبك انتي، كنتي عاوزة حاجة؟ نور: كنت فين من شوية؟

عديت عليك مكنتش لقياك. سيف: ليه؟ محتاجة حاجة؟ نور: لا، انا بس كنت بطمن عليك. سيف بشخصيته الباردة: وتطمني عليا ليه؟ على العموم أنا كويس. بعد اذنك بقا لاني تعبان وعاوز انام. نور: حاضر. تصبح على خير. سيف: وانتي من اهل الخير. نور طلعت على اوضتها وفضلت تسأل نفسها ليه بيعاملها كدا؟ هي بتحبه. ليه بيتعمد يبعدها عنه بالطريقة دي؟ ليه بارد كدا؟ ليه فجأة بيتحول كدا؟ فيها ايه وحش؟ يا ترى الغلط منه ولا منها؟

وصلت ودعت ربنا انه يكون من نصيبها ونامت. عند مالك ومراد. مالك: عامل ايه دلوقتي؟ مراد: الحمد لله، بسيطة. مالك: وبعدين هنعمل ايه؟ مراد: أنا لازم اخد ملك ونخرج من هنا ونتجوز عشان على الأقل تكون تحت عيني واعرف احميها. مالك: امتى؟ مراد: لو ينفع دلوقتي. مالك: طيب قوم. مراد: على فين؟ مالك: كتب كتابك عليها دلوقتي حالا. مراد: افرض رفضت. مالك: لو مش بمزاجها يبقا غصب عنها. وسند مالك مراد لحد اوضتها.

خبطوا واذنت ملك للبرا بالدخول. دخل مراد ومعاه مالك. ملك بخضة: اي دا؟ مالك انت كويس؟ مراد: متقلقيش، أنا تمام. مالك: احنا عاوزينك ف موضوع. ملك: خير. مالك: انتي هتتجوزي مراد دلوقتي. ملك: لا. مالك: مش بمزاجك. المأذون في الطريق دلوقتي. ملك: وانا مش موافقة. مستحيل اتجوزه. يعني اي مش بمزاجي. بعد وقت المأذون: بارك الله لكما وبارك عليكما وجمع بينكما في خير. مراد خد ملك وخرجوا الاتنين وراحوا على بيت مراد.

مالك راح خلص اجرائات وخد أم تلين بروحها. الام: امال فين تلين يابني؟ مالك: هفهمك كل حاجة بس نوصل البيت يا ست الكل. ممكن؟ الام: ماشي. وسكتت. بعد وقت وقف قدام المكان اللي تلين فيه. الام: دا مش بيتي. مالك: اطلعى معايا ونتكلم فوق. الام: فين تلين؟ مالك: فوق. نزلت الام وطلعت معاه فوق. تلين قاعدة قلقانة عليه. واول ما الباب اتفتح جريت عليه.