رواية خطفت قلبي بالرماديتين الفصل الحادي والعشرون 21 - بقلم هدى محمد

هاااالوززز سوري على التأخير جداً يا شباب صلوا على النبي وبينا نبدأ. بس اتفاجئت لما لقت أمها داخلة مع مالك ونسيت قلقها وحضنت أمها وسلمت عليها. تلين: ماما.. خرجتي دلوقتي إزاي المفروض بكرة؟ الأم: أنا عاوزة أفهم دلوقتي أنا هنا ليه وإنتي بتعملي إيه هنا وإيه اللي خرجني مدام وقت خروجي بكرة ومين ده وعلى أي أساس دفع لي فلوس عمليتي؟ تلين في حاجات كتير المفروض تجاوبيني عليها. تلين: ممكن تهدي طيب إنتي تعبانة ومحتاجة ترتاحي.

الأم: مش هرتاح غير لما أفهم إيه المقابل إنه يدفع لي فلوس العملية ويقعدك معاه هنا؟ إنتي أصلاً إزاي تعيشي مع واحد غريب في البيت يا هانم يا محترمة؟ أنا شكلي معرفتش أربيكي. تلين بصدمة: ماما إيه اللي بتقوليه ده؟ الأم: اتفضلي قولي لي يبقالك إيه عشان تعيشي في بيته؟ تلين بهدوء: مالك يبقى جوزي يا ماما. صدمة الأم: يعني إيه جوزك؟ إمتى وإزاي؟ متقوليش حاجة زي دي؟ عشان كده دفع لي الفلوس؟

هو ده التمن بعتي حياتك مقابل إنك تعملي لي العملية؟ يا ريتني متُّ ومشفتش اليوم ده. تلين: ماما بعد إذنك افهمي ابنك طردنا من الشقة وملك حضرتك عارفة ظروفها، هي شخصياً مش عارفة تعيش في بيت أبوها بسبب مرات أبوها وبعدين أنا ومالك بنحب بعض وهو كتب عليا عشان نعرف نعيش مع بعض من غير ما حد يقول عني حاجة. الأم: مين اللي مش هيقول عنك حاجة يا بنتي؟ ده أنا أمك ومعرفش إنكم متجوزين، زمان الدنيا كلها بتتكلم عنك دلوقتي.

تلين: ممكن تهدي طيب وترتاحي وبكرة نتكلم براحتنا. الأم: تمام. تلين دخلتها أوضتها ومالك كان سايبهم براحتهم ودخل أوضة النوم ودخلت له تلين لقتُه سرحان. تلين: إنت كويس؟ مالك وهو بيبص لها بنظرة معرفتش تفسيرها: الحمد لله. تلين: ليه خرجت ماما؟ مالك: تعالي وقعدها على رجله وبدأ يحكي كل اللي حصل. تلين: يعني ملك دلوقتي اتجوزت مراد؟ مالك: أيوه. تلين: إنت بتبص لي كده ليه؟ مالك: لا مفيش حاجة...

هو إنتي قلتي لمامتك إن جوازنا عادي ولا كتب كتاب بس؟ لو عايزاني أمشي عشان تاخدي راحتها معنديش مانع. تلين: لا أنا قولتلها إننا بنحب بعض وعايشين مع بعض عادي. مالك: ماشي. تلين: بردو مقولتليش بتبص كده ليه؟ مالك قرب منها وباسها بهدوء اتحول لرغبة وحب بس بعد بصعوبة وهو بيقول: كده مش هنمشي بالاتفاق قومي ننام. تلين بكسوف: ماشي تصبح على خير. ..................................... عند مراد وملك. دخلو الفيلا.

ملك جت تطلع أوضتها مراد وقفها. مراد: اعملي حسابك هتنامي معايا في نفس الأوضة. ملك: لا عاوزة أنام لوحدي. مراد: بس أنا مش باخد رأيك... أنا بعرفك اللي هيحصل. ملك طلعت ودخلت الأوضة اللي كانت نايمة فيها قبل كده وقفلت بالمفتاح. ملك بابتسامة نصر: وريني بقى هتعمل إيه؟ بعد شوية كان مراد بيدور على ملك لحد ما لقى باب الأوضة مقفول بالمفتاح. مراد بخبط جامد على الباب: افتحي يا ملك. ملك بعند: مش فاتحة. مراد: هكسر الباب. ملك: اياك.

مراد جاب مفتاح وفتح الباب ودخل. ملك: إنت دخلت إزاي؟ مراد: حبيبتي ده بيتي معايا مفاتيح لكل الأوض. ملك سكتت ومراد قرب منها بهدوء ولف إيده على خصرها وشدها عليه. ملك: ابعد عني. مراد: بصيلي. ملك بصت له بهدوء. مراد وهو عينه في عينها: عاوزاني أبعد ليه؟ ملك: على الأقل دلوقتي... أنا لسة مش عارفاك كويس. مراد بهدوء: تمام خدي وقتك وسابها ودخل أوضة تانية خد شاور ونام وملك نامت. ...........................................

تاني يوم. صحت تلين لقت مالك نايم جنبها بصت له كتير وفضلت تفكر هو ليه بيعمل معاها كل ده معقول بيحبها؟ قامت اتوضت وصلت ودخلت حضرت فطار ودخلت لمامتها. تلين: صباح الخير. الأم: صباح النور. تلين: أنا حضرت فطار يلا ناكل. الأم: مش جعانة كلي إنتي وجوزك. تلين: يلا بقى عشان العلاج مش عشاني مدام مبقاش ليا خاطر عندك. الأم: إنتي مبسوطة معاه؟ مرتاحة؟ حبيبتي إنتي كويسة؟

تلين: الحمد لله يا قلبي مالك كويس وبيحبني وبيحاول يعمل كل حاجة عشان ميزعلنيش متقلقيش عليا. كل ده مالك سامعهم بيتكلموا وخبط على الباب وأذنوا له يدخل. مالك: صباح الخير. تلين ومامتها: صباح النور. مالك: أنا نازل محتاجين حاجة أبعتهالكم؟ تلين: كنت عاوزة أروح لملك. مالك: آخر النهار أنا رايح لمراد هاخدك معايا عندها. تلين: ماشي. مالك باس راسها وخرج. ..................................... عند ملك.

قامت وخرجت البلكونة بس اتخضت لما لقت حد حاطت سكينة في جنبها ومنديل على بقها وشدها جوة الأوضة. مجهول: لو سمعت صوتك هقتلك.