رواية خطفت قلبي بالرماديتين الفصل الأول 1 - بقلم هدى محمد

ونبدأ قصتنا من بيت بسيط. تستيقظ بنت ذات شعر طويل وملامح هادئة وعيون رمادية. قامت من سريرها وذهبت للحمام، توضأت وصلت فرضها وخرجت. حضرت الإفطار. تلين: صباح الخير يا ست الكل. أمها: صباح الفل يا قلبي. بردو تاعبة نفسك ومحضرة الفطار؟ كنت هقوم أنا أحضره. تلين بابتسامة: لا يا حبيبتي، تعبك راحة. وقعدوا فطروا وخلصت وقامت لبست. وها هي تلين تتجه إلى كليتها. يلا نتعرف عليها.

تلين: 20 سنة في كلية هندسة. بنت شخصيتها قوية جدًا، مسمينها في الجامعة "القطر" عشان بتمشي زي القطر مش بتبص يمين أو شمال. هادئة جدًا وهدوءها مرعب في بعض الأحيان. وهنتعرف عليها أكتر مع الأحداث. في مكان آخر، استيقظ شاب طويل جسمه رياضي وعنده دقن خفيفة. عينيه عسلي وهو مالك الجارحي. يلا نتعرف عليه هو التاني.

مالك: 27 سنة. بيشتغل مع أبوه في شركاتهم. أيوة شركاتهم، ماهو عنده سلسلة شركات الألفي. وهو رجل أعمال كبير جدًا، عصبي ومش بيهتم بمشاعر حد. وهنتعرف عليه أكتر مع الأحداث. وصلت تلين الكلية وكانت مستنية صاحبتها اللي ديمًا بتيجي متأخرة. وقررت تتصل عليها. تلين: الو... أنتي فين يا ملك هانم؟ ملك: أنا خلصت، بلبس الكوتش ونازلة. تلين: يبقا قدامك ساعة ونص تاني؟ ملك: معلش يا توتة، مش هتأخر. يلا باااي. وقفلوا في وشه.

ملك بنت جبانة جدًا معندهاش أي ثقة في نفسها وليها قصة هنعرفها بعدين. عند مالك، جهز وصلى ونزل على السفرة يفطر. مالك: صباح الخير. الجميع: صباح النور. وقعد يفطر في صمت حتى قطعت الأم هذا الصمت. الأم: عامل إيه يا حبيبي في الشغل؟ مالك: الحمد لله، ماشي حالي. الأم: يا رب ديمًا. مالك: ربنا يخليكي يا ست الكل. الأم: راجع إمتى النهاردة من الشغل؟ مالك: مش عارف، حسب الظروف. ليه بتسألي؟

الأم: أصل عازمة خالتك النهاردة على العشا. جاية هي وبنتها وكنت عاوزاك تتعشى معانا. مالك بضيق: ربنا يسهل، هحاول. وقام اتجه إلى شركته. عند تلين، ملك وصلت. ملك: صباحوو فل. تلين: صباح النور يا هانم. اسفين، قلقنا منام حضرتك. ملك: ولا يهمكم. تلين: يلا يا باردة، اتأخرنا على المحاضرة. ودخلوا المحاضرة. عند مالك، وصل الشركة ودخل بكل شموخ كالعادة والكل بيتحرك بخوف منه ومنه. دخل مكتبه وجلس بهدوء. دخلت السكرتيرة بتاعته بمياصة.

شيري: صباح الخير. مالك باقتضاب: صباح النور. جهزيلي القهوة بتاعتي. شيري: حاضر. مالك: وهاتيلي أوراق آخر صفقة عشان أراجعها. شيري بابتسامة إغراء وصوت ناعم: حاضر يا لوكا. مالك قام بغضب ومسكها من رقبتها وقال: إياكي ثم إياكي تتكلمي معايا بالجرأة دي، إنتي فاهمة؟ أنا عارف أشكالك كويس. وسابها. شيري بخوف وهي مش قادرة تتنفس: حاضر. ومشت. وجه مراد المرشدي (صاحب مالك وأقرب واحد ليه) مراد بضحك: هاي لوكا. عامل إيه؟

مالك: اصطبَح وقول يا صباح. مراد: يا صباح! عامل إيه يا مالك؟ مالك: بيمالك؟ الحمد لله. وإنت؟ مراد: مش حلو من غيرك. مالك: شكلك رايق ع الصبح. مراد: تروق روقتي وتفوق فوقتي. مالك: طيب جاي لي يا بيه؟ مراد: احم.. ولا حاجة. قولت أصبح قبل الشغل. مالك: طيب يلا على شغلك عشان متتأخرش. مراد: طيب يلا سلام أنا. بالمناسبة، يلا نتعرف على مراد. مراد المرشدي: 29 سنة. ظابط. بيقولوا عليه "صقر المخابرات" نظرًا لكفاءته في شغله.

نرجع لتالين وملك. خلصت المحاضرة وقالوا إن فيه تدريب في شركات الألفي. واختاروا كام شخص منهم تلين وملك. ملك: أخيرًا خلصنا. تلين: الحمد لله. هنروح التدريب من بكرة. ملك: إن شاء الله. أنا جعانة. تلين: طيب يلا نروح ناكل برا الجامعة. ملك: يلا. وهما خارجين من الجامعة، في واحد خبط في ملك وقعها. تلين بغضب: إنت أعمى؟ في إيه ما تفتح! مالك بصدمة: إنتي بتكلمي مين بالطريقة دي؟ تلين بغضب أكبر: بكلمك إنت.

رد مالك بغضب: إنتي اتجننتي يا بت إنت؟ وبعدين هي متكلمتش، إنتي اللي بتزعقي!! تلين: أيوة دي صاحبتي، إزاي تخبط فيها كده؟ اتعميت مش شايفها؟ ملك بخوف: خلاص يا تلين. تلين: اسكتي إنتي. مالك بهدوء: طيب أنا آسف، مكنتش أقصد يا آنسة. تلين: كلامك معايا أنا. مالك: إنتي عاوزة إيه؟ أنا مش فاضيلك. وشدها من أيدها وزقها بعيد. قامت تلين بسرعة وضربته بالقلم. مالك....