رواية خطفت قلبي بالرماديتين الفصل الرابع 4 - بقلم هدى محمد

تلين سكتت بصدمة وبصتله وهو داخل بهيبته المعتادة وشافت خوف الناس منه واحترامهم له وقالت في نفسها: شكلك داخلة جهنم برجلك يا تلين، استر يا رب. وقفت مستنية ملك. عند ملك، كانت خلصت ولبست بنطلون جينز وسويت شيرت أوڤر سايز ورفعت شعرها لفوق، كانت زي القمر. نزلت ووصلت عند الشركة بسرعة. تلين: الحمد لله إنك جيتي أخيرًا. ملك: في إيه مالك كده؟ تلين: يلا بس نطلع. ملك: مش مرتاحة، بس يلا. في الوقت ده وصل مراد وشاف تلين وعرفها.

مراد: أهلاً بالعروسة القمر، صباحو فل. تلين باستغراب: إنت بتكلم مين يا جدع إنت؟ مراد: هو في قمر غيرك هنا؟ تلين قربت منه وكانت لسة هترد، بس افتكرت مالك والموقف اللي كانت فيه، فاكتفت إنها تبصله بقرف وتمشي. شدت ملك اللي كانت متنحة وسألت على مكان التدريب وراحوا على هناك. ودخل مراد وراهم وراح على مكتب مالك وملاقاهوش. مراد: لو سمحتي يا شيري، هو مالك فين؟ شيري: مع الشباب الجداد اللي بيتدربوا. مراد: تمام، شكرًا.

ونزل وشيري وراه وفي إيدها ورق عاوز يتأمضي. مراد أول ما دخل، ملك بصتله ومشالتش عينها من عليه. وهو دخل يدايق تلين. مراد: إيه يا عروسة، مش هتسلمي؟ تلين بصتله بهدوء مرعب وبصت تاني في شغلها. مراد: يا ولا يا تقيل. ولسة بيحط إيده على كتفها بحركة احترافية، تلين وقعته على الأرض ومسكت رقبته بغضب. تلين: مدام مفيش مدير محترم يلمك في الشركة، أنا اللي ألمك. مراد زقها ومسكها من شعرها. مراد: إنتي اتجننتي!

ومالك واقف بيشوفها هتتصرف إزاي، وقال للأمن محدش يتدخل. تلين ضربته في مناخيره خلتو ينزف وراحت تلم حاجتها عشان تمشي تحت نظرات مالك ليها. مراد قام شدها وبغضب وقالها: إنتي عارفة إنتي وقعتي مع مييييين؟ وقعتي في إيد اللي مبيرحمش. وكان هيضربها، بس مالك مسك إيده وهداه وقال بهدوء لتلين. مالك: آنسة تلين. تلين: نعم يا باشمهندس، اتفضل. مالك: ممكن تهدي ونقعد نتكلم شوية. تلين بهدوء: أكيد. مالك: طيب ممكن ندخل المكتب.

تلين: تمام، ماشي، اتفضل. كل دا تحت نظرات شيري اللي بتفكر يا ترى عاوز منها إيه. ودخلوا المكتب. عند مراد. ملك: لو سمحت. مراد: اتفضلي. ملك: أنا ممكن أعالج لحضرتك الجرح اللي في مناخيرك. مراد باستغراب: هتعرفي؟ ملك: أكيد. مراد سابها تعالجه ومنطقش بكلمة، بس سرح في عينيها الزرقة زي السما. ملك: أنا خلصت. مراد باصلها ومش بيرد. ملك: يا باشمهندس. مراد: إنتي حلوة أوي. ملك بحرج: ن..نعم. مراد: إيه القمر ده. ملك سابته ومشيت بكسوف.

نروح للثنائي العنيد الشرير. مالك: ممكن أعزمك على الغدا؟ تلين: آسفة، مش بخرج مع حد غريب. مالك: أنا مديرك، مش حد غريب. تلين: حضرتك عرضت عرضك وأنا رفضت، بعد إذنك. وقامت تمشي، بس وقّفها وهو بيقولها. مالك: طيب تقبلي تتجوزيني؟ تلين كانت هتوافق، بس رجعت وافتكرت أخوها، إذا كان أخوها عمل كده، أمال الغريب هيعمل فيها إيه. تلين: لأ. مالك: ليه بقا إن شاء الله؟ تلين: بدون سبب، ممكن أمشي بقى؟ مالك: طيب، اتفضلي.

تلين خرجت وراحت تدور على ملك واندماجوا في الشغل. ومالك انبهر من ذكاء تلين ونباهتها. وفي آخر اليوم كانوا خارجين من الشركة وبيدوروا على تاكسي، بس مش لاقيين. مالك ومراد عرضوا عليهم إنهم يوصلوهم، بس رفضوا لحد ما أخيرًا لقوا تاكسي واحد وركبوا هما الاتنين. وصل ملك الأول، بعد كده تلين. ملك وهي داخلة البيت بتعب كالعادة، لاقت أبوها قاعد بيشرب ومراته قاعدة وحاطة رجل على رجل. وقالت: إنتي يا بتاعة إنتي. ملك بخوف: نعم.

فاطمة: جهزي نفسك، فرحك الخميس الجاي على عبدالله ابن أختي. (عبدالله ده واحد مش كويس أخلاقيًا وبيشرب مخدرات ومش بيشتغل) ملك: بس أنا مش عاوزة أتجوز. فاطمة بزعيق: وهو بمزاجك يا روح أمك؟ يلا يا بت غوري من قدامي. ملك دخلت الأوضة وفضلت تعيط لحد ما راحت في النوم. عند تلين. دخلت البيت لاقت أمها نايمة، باستها وغطتها ودخلت نامت هي كمان. عند مراد.

دخل البيت اترما على السرير وقعد يفكر في اللي خطفتو بعنيها الزرقة، مع إن لسه مش عارف اسمها حتى، بس كل اللي يعرفه إنه عاوز يشوفها. عند مالك. مالك بيفكر في سبب رفضها، بس قرر إنه لازم يخليها هي اللي تتجاهر عشان يتجوزها.