رواية خطفت قلبي بالرماديتين الفصل الثالث 3 - بقلم هدى محمد

مالك بيفكر هينتقم منها إزاي. في الوقت ده السكرتيرة بتاعته خبطت ودخلت. شيري: الأوراق دي محتاجة إمضة من حضرتك. مالك: سيبيهم هنا. شيري حطت الأوراق وخرجت. أم مالك اتصلت عليه. الأم: الو. مالك: إيه يا ست الكل، محتاجة حاجة؟ الأم: عامل إيه يا حبيبي؟ مالك: الحمد لله. وإنتي؟ الأم: الحمد لله بخير دامك بخير يا نور عيني. إنت جاي امتى؟ واتغديت ولا لأ؟

مالك: آه اتغديت ولسة معايا شغل. هخلصه وجاي على طول. اتعشي انتي متستنينيش عشان ممكن أتأخر. الأم: طيب يا قلبي. يلا سلام. مالك: سلام. وقفلوا. ومالك قعد يراجع الأوراق اللي هيمضيها. في المساء، نروح عند ملك. ملك خلصت كل اللي وراها وذاكرت ورمت نفسها على السرير بإهمال. وبقت تبكي لحد ما مرات أبوها دخلت بغضب. فاطمة: إنتي هتنامي يا هانم؟ ملك: أنا خلصت كل حاجة، عاوزة مني إيه تاني! فاطمة: قومي يا بت اعمليلي فشار عشان صحابي جايين.

ملك بصت في الساعة وقالت: صحابك جايين دلوقتي؟! فاطمة بصوت عالي ومسكتها من شعرها: متناقشيش يا روح أمك، إنتي تقومي تنفذي اللي أقولك عليه من سكات. ملك ببكاء: حاضر. وقامت تعملها اللي هي عايزاه. نسيبها ونروح لتلين. تلين نايمة على سريرها وسرحانة في ماضيها المؤلم. Flash Back. في بيتهم. محمد أخو تلين بتوسل: عشان خاطري يا بابا اتصرف. أنا لازم أسافر اشتغل بره. الأب: أنا اديتلك حقك، والباقي حق أختك، هي تتصرف براحتها.

محمد بكذب: تلين عشان خاطري، عاوزهم وهبعتهملك ولله. تلين: خديهم يا محمد، إنت أخويا الوحيد وملناش غير بعض. ورجعيهم براحتك. محمد سافر بعد أسبوع. بعد ست شهور، أبو تلين تعب جدًا وكان محتاج عملية. وقررت تتصل على أخوها تطلب منه فلوس. تلين ببكاء: الو. محمد: أيوة مين؟ تلين: أنا تلين يا محمد، بابا تعبان أوي وفي المستشفى ومحتاج عملية ضروري. محمد: وأنا مالي، أعمل له إيه؟ تلين بغضب: إنت معندكش دم، بقولك أبوك بيمووووووووت.

محمد: يا ريت متتصليش هنا تاني. وقفل في وشها. تلين نزلت تشوف حد تتصرف منه، بس معرفتش. وفي الوقت ده، تليفونها رن. تلين: الو. الدكتور: آنسة تلين معايا؟ تلين: أيوة، مين؟ الدكتور: حضرتك أنا الدكتور المسؤول عن حالة باباكي، وأنا آسف. البقاء لله. في الوقت ده تلين انهارت من العياط. مكنتش عارفة تعمل إيه. خدت عهد بينها وبين نفسها إنها لا يمكن تبين ضعفها لحد أياً كان. Back. قامت تلين ومسحت دموعها وغسلت وشها

وبصت للمراية وقالت لنفسها: إيه يا تلين، هتضعفي ولا إيه؟ هتخيب؟ إنتي أقوى من كده. واتوضت صلت فرضها ونامت نوم عميق. نروح لمراد. خلص شغل وراح على البيت ينام، بس شكله مش مرتاح. ذكريات بتهاجمه. شكله بيحلم بكابوس. لا مش كابوس، دا الماضي بيهاجمه زي كل يوم. وبيفتكر ذلك اليوم المشؤوم. كان طفل لا يتجاوز الـ 12 سنة. Flash back. كانوا قاعدين بيتغدوا، وجه ضرب نار من كل مكان. أبوه كان كل همه إنه يحميه.

الأب: مراد، إياك تخرج من هنا أو تتحرك. مراد: حاضر يا بابا. الأب: شاطر يا حبيبي. ونزل الأب عشان يتعامل مع الموقف. لكن للأسف، لقى مراته اتقتلت. وضرب النار وقف. وقع على الأرض بإنهيار وبكاء. ومراد خرج واستخبى على السلم. وشاف أبوه وهو بيعيط وأمه على الأرض والدم مغرق المكان. وفجأة جت رصاصة اخترقت قلب أبوه. مراد كان خايف. واتصل على محمد الألفي (أبو مالك) . وجه مع الحراسة، أخد مراد ورباه مع مالك وفارس.

(فارس ده أخو مالك وبردو له قصة هنعرفها مع الأحداث) Back. وقام شرب شوية ميه ونزل على الـ Night club كالعادة. وفضل يشرب. في بنت بتبص له من بعيد وقربت عليه. البنت: Hi. مراد: Hi. البنت: ممكن نتعرف؟ أنا مليكة. مراد: وأنا مراد. مليكة: اتشرفنا. مراد بغمزة: مليكة. مليكة ضحكت ضحكة خليعة: يلا يا قمر. وراحوا على شقة. وفضل يبوسها بعنف ويقطع في هدومها و... ومالك راح البيت ونام على طول عشان ميفكرش في أخوه التوأم المتوفي.

في اليوم التالي، صباح جديد مليء بالمفاجأت. تلين قامت اتوضت وصلت، وجهزت الفطار. تلين: صباح الهنا على قلبي أنا. الأم: صباح الفل يا قلبي. تلين: يلا عشان نفطر. (وقعدوا ياكلوا) عند ملك. كانت نايمة بتعب، لحد ما جت الملعونة. فاطمة: إنتي يا زفتة. ملك بتعب: نعم. فاطمة: قومي حضري الفطار. ملك: حاضر. وقامت اتوضت وصلت وحضرت الفطار وقعدوا يفطروا. عند مالك.

قام دخل الحمام، خد شاور واتوضا وصلى. ولبس بنطلون أسود وقميص أبيض وجرافت وبليزر ونزل يفطر. مالك: صباح الخير. الجميع: صباح النور. وقعد يفطر في صمت، لحد ما قطع الصمت ده. مالك: يا بابا، المجموعة اللي هتتدرب هتكون في الشركة النهاردة. الأب: عاوزك تشرف عليهم بنفسك يا مالك. مالك: حاضر. وقام متجه للشركة. عند تلين. لبست سويت شيرت أحمر على بنطلون أسود وعملت شعرها ديل حصان عالي ونزلت. عند الشركة، كانو داخلين الاتنين.

تلين بصت له بقرف. مالك: صباح الخير. تلين بقرف: صباح النور. مالك: اتكلمي بأسلوب أحسن من كده. تلين: إنت مين أصلاً عشان أتكلم معاك؟ مالك: إنتي داخلة فين؟ تلين بغرور: عندي تدريب في شركة الألفي. مالك بشموخ: وأنا مالك الألفي. تلين.