رواية خطفت قلبي بالرماديتين الفصل الرابع والعشرون 24 - بقلم هدى محمد

خرجو كلهم جابو أم تلين وراحوا على المستشفى مع تلين. .................. بعد وقت، الدكتور خرج من عندها وتلين راحت عليه بقلق. تلين: خير يا دكتور، هي مالها؟ الدكتور: متقلقيش، ضغطها بس وطي شوية. تلين: طيب ممكن أدخلها؟ الدكتور: أكيد، اتفضلي. تلين: شكراً. الدكتور: العفو. .................... ودخلوا كلهم عند أم تلين. تلين: كدا بردو تقلقيني عليكي؟ الأم: معلش حبيبتي، تعبتك معايا وقلقاكي كل شوية.

تلين: ولا يهمك يا قلبي، تعيشي وتتعبيني. الأم: إزيك يا بنت الغالية؟ ملك: الحمد لله... حمد الله على سلامتك يا طنط. الأم: الله يسلمك يا حبيبتي... مالك يا بنتي؟ ملك: أنا تمام الحمد لله، مفيش حاجة. الأم: سيبوني لوحدي مع بنتي لو سمحتم. خرجو كلهم، ومبقاش غير ملك وأم تلين. الأم: تعالي جنبي يا ملك. ملك قربت وقعدت جنبها. الأم: مالك؟ ملك بدموع مكتومة: مالي، مانا تمام أهو. الأم: هتخبي عليا؟ دانا زي مامتك.

ملك كانت ماسكة نفسها، بس في دمعة خانتها ونزلت. من الوقت دا، مقدرتش تتماسك أكتر من كدا وفضلت تعيط بأنهيار. الأم: مالك يا حبيبتي، فيكي إيه؟ إيه اللي وصلك لكدا؟ ملك شهقتها بتعلى وبس. الأم: احكيلي، يمكن عندي حل لمشكلتك. ملك حكتلها كل حاجة، من يوم ما شافت مراد لحد اللي حصل الصبح. الأم: اتخطفته!!! خطفتكم إزاي الست دي، اتجننت ولا إيه؟ ملك: مش عارفة، أنا آسفة بجد، كل دا بسببي.

الأم حضنتها: المهم إنكم بخير يا حبيبتي، روحي دلوقتي ناديني على الحيوان اللي ثبتك وجوزك. .................... دخل مراد وفارس. الأم: انت بقا اللي ثبت بنتي في بيت جوزها!! فارس بحرج: أنا آسف، بس كنت عاوز مراد. الأم وهي بتحدف عليه علبة المناديل: واللي عاوز حد بيدخل من الشباك؟ يا طويل يا هايف انت. فارس بصدمة وضحك: إيه يا طنط، مش كدا، ما أنا بعتذر أهو 😂.

الأم: اعتذرلها هي، وهات علبة المناديل دي، عشان الدور على سبع البرومبا المش عارف ياخد باله من مراته. مراد وهو بيستخبى ورا ملك: هي اللي قالتلي أنام في أوضة تانية. الأم بسخرية: أوضة تانية!! ... يابني هات علبة المناديل بقولك. مراد: يا عم متديهاش حاجة. الأم: ناوليني يا ملك الشبشب، هو أنا هتغلب يعني؟ مراد: لا، بت جوزك هيتضرب. ملك: مش أحسن ما أضرب أنا وجوزي؟ خلي حد بكرامته. مراد: وجهة نظر بردو. الأم: نادوا تلين وجوزها.

.................... دخل مالك وتلين. مالك ملاحظ أن مراد واقف ورا ملك طول الوقت. مالك: في إيه؟ واقف كدا ليه زي اللي واخد ساتر؟ مراد: حماتك عاوزة تضربني. تلين متدخلة في الكلام: عاوزة تضربك ليه؟ مراد: معرفش، اسألي أمك. الأم: اسمها أمك!!! مراد: مامتك، اسألي مامتك. الأم برضا: أيوة كده. تلين: أضربهولك أنا؟ الأم: ماشي، بس على خفيف كدا. مالك بص لتلين بتحذير، ف تلين خافت. الأم حدفت عليه مفاتيح كانت جنبها.

الأم: انت بتبرق لبنتي قدامي؟ امشي يا واد من هنا 😂. مالك اتصدم وقال بضحك: إيه دا، طلع فيه حماية للبنات هنا. وقعدوا كلهم يضحكوا ويهزروا، لحد ما مالك خلص إجراءات الخروج وخد تلين وأمها ومشي على البيت. في بيت مالك وتلين....... الأم دخلت أوضتها ونامت بهدوء. تلين ومالك دخلوا أوضتهم. مالك: اعملي حسابك، هعرفك على أهلي بكرة. تلين: ماشي حبيبي، إن شاء الله. مالك قرب منها: بجد أنا حبيبك؟ تلين وهي بترجع لورا: لو مفيش مانع يعني.

حاوطها بدراعاته وباسها بهدوء وبعد. تلين: مش دلوقتي، إحنا متفقين. مالك بعد عنها وخدها في حضنه ونام. .................... عند مراد وملك. دخلو الفيلا. مراد: ممكن تغيريلي على الجرح. ملك: كنا في المستشفى، ليه مقولتش؟ مراد: معلش. طلعوا أوضة مراد، ومراد خد شاور وخرج لملك. وقعد على السرير، وهي قربت تغير على الجرح، لكن اتصدمت لما شدها وقعدها على رجله. حاولت تقوم بس مسكها جامد وقال بهدوء: أنا جوزك على فكرة. ملك: عارفة.

قرب بهدوء وباس شفايفها، وهي زي المغيبة. اتجرأ وسحب سوستة فستانها. هي لما حست بالفستان بيقع، حاولت تخبي جسمها. مراد: أنا جوزك، يعني انتي ملكي، متخبيش نفسك مني و........ وبقت مراته قولا وفعلا. .................... عند فارس. فارس دخل رمى نفسه على السرير بتعب، بس حس بحاجة غريبة. مشاهد بتروح وتيجي قدامه. تعبان أوي، دماغه فيها صداع غريب. في صراع قائم في دماغه. معقول هيفتكر حاجة؟ ...