رواية خطفت قلبي بالرماديتين الفصل السادس 6 - بقلم هدى محمد

تلين راحت البيت عند ملك عشان ينفذوا الخطة. فلاش باك... تلين: أنا هقولك تعملي إيه. ملك: قولولي. تلين: أنتي هتقومي دلوقتي تزعقي للولية المفترية دي، ولو مدت إيدها عليكي اضربيها، هي مش أمك وأنتي مش مضطرة تستحمليها. ملك: أنتي بتقولي إيه! أعمل كده إزاي؟ مستحيييييييييييل، مقدرش. تلين: أنتي لازم يبقى عندك شخصية، مينفعش اللي أنتي فيه ده. ملك: لا شوفي حل تاني. تلين: خلاص، إيه رأيك أهربك بالليل؟

ملك بصدمة: تلين، أنتي اتجننتي صح؟ تلين بغضب: اسمعي بقى، متعصبينيش عليكي، أنتي هتهربي النهاردة، مش هتباتي فيها. ولما يبقى لكِ شخصية ابقي ارجعي البيت ده. ملك بعد تفكير حست إن ده حل مناسب ومفيش غيره ووافقت. باك. تلين: ها يا ملك اتفقنا، هننفذ النهاردة. ملك: أيوه، أنا لازم أعمل كده، مش هسيب مستقبلي يضيع بسببها. في الوقت ده دخلت فاطمة وقالت بشك: أنتو بتتكلموا عن مين؟ ملك اتوترت وكانت

هترد بس تلين قاطعتها: مفيش يا طنط، دي واحدة بتهددها عشان هي تبقى بنت الدكتور وبتقولها هتسلط أبوها يشيلها المادة. فاطمة بشك: طيب تشربوا إيه؟ تلين: شكرًا، ولا حاجة. أنا كنت جاية آخد منها المحاضرات بس قالت لي إنها محضرتش. فاطمة: طيب بعد إذنكم، هسيبكم براحتكم. تلين: أوك. وخرجت فاطمة ووقفت تسمعهم بيقولوا إيه من بره. ملك بعفوية: كملي هنعمل إيه بعد... تلين كتمت بقها بسرعة وقالت بصوت واطي: أنتي غبية، دي واقفة بره بتسمعنا.

ملك باستغراب: وأنتي إيه عرفك؟ تلين بصوت واطي: هخرج دلوقتي، ولما تنامي اتصلي عليا، هجيلك تخرجيلي ونمشي. ملك: تمام، ماشي، بس عرفتي إزاي إنها بره؟ تلين: أنتي مش مصدقاني؟ ملك: وأنا إيه يثبت لي؟ تلين: حالاً هثبت لك. وقامت ومشيت ناحية الباب براحة وفتحت الباب مرة واحدة، راحت فاطمة وقعت على الأرض في الأوضة باندفاع. تلين وملك وقفوا يضحكوا بصوت عالي، وفاطمة واقعة على الأرض بغضب. وقامت وكانت هتضرب ملك بس تلين مسكت

إيدها بسرعة وقالت بقوة: أنتي بتعملي إيه؟ فاطمة: وأنتي مالك، أنتي اتفضلي بره. تلين بهدوء مخيف: أنا همشي، بس وديني وما أعبد، لو عرفت إنك لمستيها لمسة واحدة هكسر لك إيدك.

فاطمة شدت إيدها من تلين وضربت ملك بالقلم. من قوة القلم ملك وقعت على الأرض. تلين شدتها من إيدها ولوتها وراها لحد ما اتكسر، وفضلت تضغط عليها وهي تصرخ من الوجع. بس الغريب إن ملك مقومتش من الأرض. تلين جت تبص على ملك، لقيتها واقعة على الأرض وفي دم كتير نازل من راسها. تلين سابت فاطمة وجريت على ملك تشوفها وفضلت تحاول تفوقها بس مش بتفوق. فشالتها بسرعة وخدتها وراحت على المستشفى. ... نروح للثنائي العاشق ...

مالك قاعد هيتجنن ليه مجتش النهاردة. ومراد نفس الوضع، لحد ما افتكر إنه معاه رقمها وقرر يتصل عليها. اتصل بس مش بترد. مراد: ردت؟ مالك: لا. مراد: هات الرقم. مالك اداله الرقم ومراد اتصل عليها وأخيرًا ردت. تلين: الو. مراد بانفعال: مبترديش ليه على الفون يا هانم؟ تلين: مين معايا أصلاً؟ مراد بعد ما استوعب: آنسة تلين. تلين: أيوه، أنا مين معايا؟ مراد: أنا مراد صاحب مالك الجارحي. تلين: وحضرتك عايز إيه؟ وجبت رقمي منين؟

مراد: هو حضرتك مجتيش النهاردة التدريب ليه؟ تلين: مامتي تعبت شوية وراحت المستشفى واضطريت أفضل معاها. مراد: الف سلامة عليها، طيب هي عاملة إيه دلوقتي؟ تلين: أحسن كتير، هي في البيت والحمد لله على كل حال. مراد: يدوم حمدك. طيب في بنت تانية مجتش، حضرتك تعرفيها؟ تلين: أيوه، دي ملك، هي وقعت على دماغها وفي المستشفى وأنا معاها دلوقتي. مراد بقلق: طيب ممكن أكلمها؟ تلين: هي في العمليات. مراد: أنتو في مستشفى إيه؟

تلين: في مستشفى ********. مراد: طيب مسافة السكة وهكون عندكوا. وقفل. تلين مستغربة، هو قلقان عليها أوي كده ليه؟ ومتضايقة من وجود فاطمة اللي بتمثل الحزن. في الوقت ده دخل مراد ومالك. وتلين جتلها فكرة جهنمية، بس هتستنى لما تطمن على صاحبتها. مراد: تلين، هي ملك كويسة؟ تلين وهي بتبص على فاطمة اللي عينيها بتلمع بطريقة مش مريحة: إن شاء الله خير، الدكتور لسه مطمّناش. مراد: طيب ربنا يستر.

ووقف وهو بيبص على فاطمة، وفي الوقت ده الدكتور خرج و...