رواية خطفتها ثم أحببتها الفصل الأول 1 - بقلم هاجر جمال

تستيقظ بطلتنا على حركات أخيها المرح، فهي تحبه إلى أبعد حد. أحمد بمرح: ريماس قومي بقى، انتي هتفضلي نايمة كتير؟ ريماس بنعاس: يا أحمد مش كل يوم كده، سيبني أنام شوية. أحمد بضحك: يالهوي عليكي وانتي نعسانة، قومي يلا. ريماس: حاضر حاضر، هقوم. وقامت فعلاً وقعدت قدامه. ريماس: نعم، عايز إيه؟ أحمد: يلا بقى عشان هخرج. ريماس بفرحة: بجد يا أحمد؟ أنا بحبك أوي أوي. أحمد: لا أنا أكتر معلش. ريماس بضحك: لا أنا أكتر طبعاً.

أحمد: لا أنا أكتر. ريماس: خلاص، انت أكتر طبعاً. أحمد: يلا مستنيكي تحت. ريماس بحب: حاضر يا أحلى أخ في الدنيا. تحت على السفرة. أحمد: أنا هروح أخرج ريماس. فتحي: نعم؟ هو كل شوية كده؟ فتحي ده والد أحمد وريماس، هو بيحب أحمد بس، ولكن يكره ريماس. أحمد: مش اختي ولازم تنبسط، وبعدين إجازتي النهارده. فتحي: طيب، اعمل اللي يريحك. نزلت ريماس. ريماس: صباح الخير. طبعاً فتحي مردش، وهي اتضايقت من كده.

أحمد بابتسامة: صباح النور على أختي الحلوة.. اقعدي افطري. ريماس: حاضر يا أحمد. بعد ما خلصوا الفطار. أحمد: ها، خلصتي لبس؟ ريماس: اه، خلصت. إيه رأيك؟ أحمد بمغازلة: أقسم بالله لو مكنتيش اختي كنت اتجوزتك على طول. ريماس بضحك: بس بقى.. هتوديني فين؟ أحمد: هوديكي فين؟ هوديكي يا ستي مطعم حلو على النيل. ريماس: أوكي. في المطعم على النيل. ريماس بضيق: أنا مش فاهمة بابا هيفضل يعاملنا كده لحد إمتى؟ وأنا معملتش حاجة.

أحمد: معلش يا ريماس.. شكله مش هيعرف قيمتك إلا لما يحصل حاجة جامدة.. المهم فكي بقى كده، إحنا جايين ننبسط، ها.. كمان فيه حفلة هنا كمان شوية. ريماس: يا بجد.. ربنا يخليك ليا يا أحمد، لولاك كان زماني انتحرت من زمان. أحمد بضيق: متقوليش كده، ألف بعد الشر عليكي، طول ما أنا جنبك. ابتسمت ريماس. في مكان تاني. في مكان تاني في بيت البطل. شوقي الأب: تعال المكتب عايزك.

أدم ده بقى شخصية جد وشغال وعايش مع والده، ولكن والده مش معترف بيه وهنعرف بعدين ليه، وهما شغالين في الإجرام. أدم: خير سيادتك؟ شوقي: إحنا عملية جديدة وانت اللي هتقوم بيها. أدم: عملية إيه؟ فهمني أكتر. شوقي طلع صورة واداها لأدم. أدم: مين اللي في الصورة دي؟ شوقي: دي بنت واحد أعرفه، مرديش يتعاون معايا في صفقة المخدرات، ومن زمان وهو كده. أدم بفهم: طبعاً حضرتك هتهدده بيها؟

شوقي بتاكيد: طبعاً، وكمان هتخطفها وهقولك على المكان، هيكون معاك رجالة عشان لو احتجت حاجة. أدم: ماشي، بس إمتى هننفذ؟ شوقي: على أول الأسبوع الجاي.. ودي كل بياناتها والعنوان وكده. أدم: تمام، ماشي، عن إذنك. أدم طلع أوضته وطلع الصورة وبص فيها شوية وحطاها في جيبه.