رواية خطفتها ثم أحببتها الفصل الثاني 2 - بقلم هاجر جمال

فتحى بزعيق: قلت لك ميت مرة قبل كده لا تتكلمي معايا ولا تقولي لي بابا خالص. ريماس بعياط: ليه بس كده، أنا ذنبي إيه؟ أحمد جه على صوت الزعيق وجرى على ريماس وحضنها. أحمد: اهدّي يا ريماس، أنا جنبك. فتحى: البنت دي مش عايزها تظهر قدامي. أحمد بعصبية: ليه يا بابا، مش بنتك برضه؟ فتحى: هو كده، مش عايز أشوف وشها. ريماس بعياط وعصبية: أنا ذنبي إيه في كل ده، حرام عليك اللي بتعملوه فيا ده. فتحى بعصبية وضربها بالقلم:

إنتي بنت مش محترمة عشان تكلمي راجل كبير كده. أحمد بعصبية: إيه يا بابا، ده مش قلت لحضرتك قبل كده ما تضربش ريماس طول ما أنا موجود في الدنيا. فتحى: تستاهل كده. وهنا ريماس جريت وفتحت باب البيت وخرجت جري في الشارع، ولكن كان فيه عربية مستنيها تخرج. وادم نامها وخدها في العربية. أحمد بنرفزة: ليه يا بابا كده. وخرج يدور عليها في الشارع ولكن ملقهاش ورجع البيت. أحمد: ينفع كده، يعني ملقيتهاش خالص، ينفع كده أجيبها منين دلوقتي؟

فتحى: مليش دعوة، إن شاء الله مترجعش خالص عشان أرتاح. أحمد: بجد، أنا معرفش إنت أبوها إزاي. أنا سيبالك البيت لغاية ما أرجع ريماس، وكمان لغاية ما تعرف قيمتها. فتحى: رايح فين أنت كمان؟ أحمد مردش عليه وخرج من البيت وراح شقة صغيرة بعيد عن أبوه خالص عشان يهدى ويحاول يرجع أخته. أحمد لنفسه: روحتي فين يا ريماس، روحتي فين بس، إنتي ولا ليكي صحاب ولا أي حد، حتى قرايبنا مقاطعيننا، روحتي فين.

بعد شوية راح القسم عشان يبلغ عن اختفائها. أحد الضباط: هنستنى 24 ساعة، بعد كده هنبتدي ندور عليها. أحمد بعصبية: يا حضرة الضابط، بقول لحضرتك هي متعرفش حد خالص، لازم ندور من دلوقتي قبل ما يحصلها حاجة. أحد الضباط: متقلقش، إحنا عارفين شغلنا كويس، مش إنت اللي هتيجي تقولنا. أحمد بهدوء: ماشي يا حضرة الضباط. في مكان تاني. تصحى ريماس ودماغها مش قادرة تشيلها، ولكن تلاقي نفسها في مكان غريب ومربوطة. وتبص تلاقي شخص قدامها.

آدم بهدوء: أهلاً يا حلوة، إنتي مقيمة عندنا شوية هنا لغاية ما أبوكي يتعلم. وريماس بدأت تصرخ ولكن مفيش صوت طالع لأنهم كامّين بوقها. آدم لغة أمر: يلا سيبوها هنا، ومحدش يقربلها خالص، ولا حد يدخلها. أنا بس اللي أدخلها، فاهمين؟ أحد الرجال: تحت أمرك سيادتك. خرج آدم وعمل مكالمة مع شوقي. آدم بجدية: كل تمام سيادتك. شوقي بابتسامة شر: برافو عليك، هبقى أبلغك بالجديد. آدم: تحت أمر سيادتك.

خرجوا من عندها وبدأت هي تبكي بشدة ولا تعلم ماذا سيحدث معها خلال الأيام القادمة. وخلص اليوم على كده. تاني يوم في القسم مع أحمد. أحمد بضيق: للأسف مرجعتش البيت، مش المفروض دلوقتي ندور؟ الضابط: آه، هعمل بلاغ وهنبدأ ندور، متقلقش إن شاء الله هنلاقيها. أحمد: إن شاء الله. ورجع أحمد الشقة وجاله اتصال من أبوها. أحمد: خير، يا رب تكون مبسوط من اللي بيحصل، أهي مرجعتش خالص، ينفع كده، أختي اللي حلّتي يحصل فيها كده؟ فتحى:

أنا بتصل عشان أطمن عليك بس. أحمد بعصبية: لو سمحت حضرتك ممكن تقفل دلوقتي، وياريت متكلمنيش خالص لغاية ما ألاقي أختي. فتحى بعصبية: إنت بتقول إيه يا ابني إنت؟ أحمد: زي ما حضرتك سمعت كده. وخلصت المكالمة.