رواية خطفتها ثم أحببتها الفصل الخامس عشر 15 - بقلم هاجر جمال

تقابلوا في المكان اللي اتفقوا عليه. فتحي: خير، عايزني في إيه؟ شوقي: أنا عرفت إن بنتك اتخطفت. فتحي: أيوه، وبعدين؟ شوقي: واللي خطفها حد كان شغال عندي من فترة.. وادي صورته واسمه آدم، ودي كل معلوماته. فتحي بتساؤل: مش غريبة شوية بتبلغ عن حد من عندك.. وبعدين عرفت منين؟ شوقي: عرفت منين ليا طرق كتير أعرف بيها.. وكمان لأنه خان الثقة اللي اديتها له. فتحي: أول مرة أشوفك بتعمل حاجة كويسة في حياتك.

شوقي: لازم يحصل كده.. أنا ماشي، شوف بقى أنت هتعمل إيه.. سلام. هنا فتحي قرر إنه يدور لأنه حس بالذنب ناحية بنته أوي وعايز يرجعها ويعوضها. راح فتحي القسم عشان يبلغ. فتحي: أنا بنتي مخطوفة.. وده صورة اللي خطفها وكل المعلومات بتاعته.. يا ريت ندور في أسرع وقت. الضابط: ماشي، إحنا هندور عليه في كل حتة وهنبقى نقولك. فتحي: طب هو أنا ممكن أنزل صورته وصورة بنتي في الجرنال والتليفزيون؟

الضابط: أكيد طبعًا.. تقدر تبلغ الإعلام والصحافة. فعلاً فتحي خلى الإعلام والصحافة يعملوا إعلان عن خطفها وعمل مكافأة للي يلاقيها. تاني يوم أحمد يشوف الإعلانات دي وقرر يروح لباباها. أحمد: بابا، أنت اللي عملت الإعلانات دي؟ فتحي: أيوه أنا. أحمد: بس أنت عرفت منين اللي خطفها؟ حكى فتحي لأحمد مقابلة شوقي. أحمد بشك: مش عارف ليه حاسس إن اللي عمله ده وراه حاجة. فتحي: إزاي يعني مش فاهم؟

أحمد: مش عارف، هيبان بعدين.. بلغه عتاب، عرفت قيمة بنتك دلوقتي يا بابا، كان فين من زمان ده. فتحي بأسف: أنا آسف يا ابني على كل حاجة حصلت.. إن شاء الله لما ترجع هعوضها وهبقى أب كويس معاها. أحمد بعتاب: اتأخرت أوي يا بابا.. بانفعال يعني، كان لازم يحصلها كده عشان تعرفوا قيمتها. فتحي: أرجوك يا ابني كفاية، الله يخليك. أحمد: ماشي يا بابا، أنا ماشي. في مكان تاني عند ريماس وآدم. آدم: ريماس، تعالي شوفي. أتت ريماس إلى آدم.

ريماس بتساؤل: في إيه؟ وبصت على التليفزيون وشافت الإعلان. ريماس بتوتر: طب هنعمل إيه دلوقتي؟ آدم بضيق: مش عارف. ريماس: طب عرفوا منين إنك أنت؟ آدم: أنا عرفت مين اللي ساعد في كده. ريماس: مين هو؟ آدم: بعدين. أنا خارج أعمل مكالمة. راح لتليفون عمومي واتصل على يوسف. آدم: يوسف. يوسف: أباشا، هو اللي أدى المعلومات. يوسف: أيوه، الرجالة قالوا لي.. طب هتعمل إيه؟ مش قلت لك لو عارضته هيعاقبك.. أهي الدنيا كلها هتدور عليك.

آدم: مش عارف أعمل.. خليها زي ما تيجي.. سلام يا يوسف. يوسف: سلام.