رواية خطفتي قلبي الفصل الخامس 5 - بقلم زهرة البستان

وصلنا في البارت اللي فات إن زين ونور اتقرأ فاتحتهم. أحمد: مش يلا نسيب العرسان لوحدهم شوية يتكلموا. أمل وميار ويارا وأحمد وسهيلة طلعوا قعدوا بره وسابوا زين ونور لوحدهم يتعرفوا على بعض. زين: احم. نور: باصة فالأرض وساكتة. زين: اااااحممم. نور: باصة فالأرض وساكتة. زين: أي، هتفضلي ساكتة ولا إيه؟ أمال فين جعفر اللي أنا شوفته؟ نور: جعفر؟ زين: آه جعفر، إنتي نسيتي ولا إيه؟ نور: افتكرت اللي حصل وضحكت.

زين: ضحكت يعني قلبها مال. وفضل باصص لملامحها، قد إيه هي بريئة وملامحها هادية. نور: ها، أخدتلي كام صورة يا عسل؟ زين: عسل وصورة؟ إنتي فصيلة؟ لي إنتي فصيلة؟ هل إنتي فصيلة؟ نور: ووه وووه، طلعت تافهة أهو. زين: مع الغاليين بس، غير كده أنا زين الشرقاوي وأتكلم بغرور. نور: حاسب حاسب، للغرور ياخدك ويوقعك. زين: زين الشرقاوي مبيقعش. زين فرح إن كسر الحاجز الكسوف اللي كان مبينهم، وإنها بدأت تتعامل على طبيعتها.

أمل: مش يلا بقى يا زين عشان نروح، إنت عجبتك القاعدة ولا إيه؟ الجميع بمن فيهم زين: ههههههههههههههه. نور: اكتفت بابتسامة خفيفة وكانت محروجة ووشها شبه الطمطماية. أم نور: مسكت فيهم يتعشوا معاهم، وزين استأذن أحمد إنه ياخد رقم نور يطمن عليها، وأحمد وافق. وعدى اليوم بسلام وروحوا مبسوطين، ونور كانت مبسوطة لأنها أصلاً أعجبت بيه أول ما شافته. زين: اتصل بحازم وحكاله، وحازم فرح أوي.

حازم: بتفكير وحيران، أمه مش هتوافق على جوازه من البنت اللي خطفت قلبه، بس هو قرر يواجه أمه عشانها ويحاول يقنعها. لو ما اقتنعتش قرر يحطها قدام أمر واقع. زين: دخل واتكلم فيديو مع شخص. شخص: بجد، ألف ألف ألف مبروك يا حبيبي، فرحتلك أوي. زين: وحشتني، وحشتني أوي، نفسي تبقى معايا أوي. الشخص: قريب قريب أوي، وصدقني في فرحك هكون حاضر. زين: بجد؟ الشخص: طبعاً، عمري كدبت عليك في حاجة؟ زين: ربنا يخليك ليا يا رب يا حبيبي، هقفل بقى.

الشخص: ماشي يا حبيبي. وقفل. زين: اتصل بنور. نور: لا رد. زين: هتصل تاني. نور: لا رد. زين: اتصل تاني. نور: ردت، الو. السلام عليكم. زين: وعليكم السلام. أي يا نوري، هنبدأها تقلة؟ نور: ضحكت، هههههههههههه. لا أبداً، كنت بصلي قيام الليل. زين: طيب خلاص، سامحته بالنية. تقبل الله. نور: منا ومنكم. زين: كنتي زي الملاك النهاردة. نور: ربنا يخليك. زين: هتفضلي مكسوفة كتير كده؟ نور: هقفل، ماما بتنادي عليا.

زين: اهربي اهربي، عارف الحركات دي. سلميلي على حماتي. واليوم عدى على أبطالنا اللي فرحان واللي حيران واللي متعذب. تاني يوم في الكلية. ريم: أخس عليكي، اتقرا فاتحتك من غير ما أعرف. نور: والله كل حاجة جت بسرعة، وطبعاً في الفرح إنتي هتبقي معايا. ريم: ألف ألف مبروك يا حبيبتي، عقبال اللي جاي. حازم: عقبالنا يا قمر. نور وريم: 😳😳 حازم: إزيك يا نور، عاملة إيه؟ وإنتي يا ريم؟ نور وريم: الحمدلله. وإنت؟

حازم: بخير، ألف مبروك يا نور، ربنا يسعدكم. نور: ويسعدك يا رب. حازم: يا رب. ريم، ممكن أتكلم معاكي؟ نور: طيب، هروح أجيب بيبسي وأكل وجاية. اقعدوا لحد ما أجي. وانسحبت. زين: اتصل بيها. زين: إيه يا نوري، عاملة إيه؟ نور: حمدلله، وإنت؟ زين: الحمدلله. نور: حازم صاحبك هنا. زين: عارف. نور: في حاجة ولا إيه؟ زين: وبدأ يحكيلها. فلاش باك. زين: مال صوتك يا حازم؟ حازم: مفيش. زين: عليا؟ قولي مالك.

حازم: حبيتها أول ما شوفتها، مش قادر أنسى عينيها ورقتها وطيبتها. زين: هي مين اللي وقعت بتاع البنات ده؟ حازم: ريم، ريم يا زين، صاحبة نور. زين: طيب، وإيه اللي مانعك؟ حازم: خايف متوافقش، أنا حبيتها بجد وخايف من رد فعل فريدة. زين: طالما عاوزها، حارب عشانها واتحدي أي حد عشانها. حازم: عندك حق يا صاحبي. ألف ألف مبروك. زين: الله يبارك فيك. وعرفني هتعمل إيه. حازم: حاضر. باااااااااااااااك. 😂❤ نور: معقولة بيحبها؟ أحب دا كله؟

زين: ومش معقولة لي؟ نور: ميعرفوش بعض، ف حبها إزاي؟ زين: ما أنا ما كنت أعرفك وسحرتيني وحبيتك. نور: اتكسفت. طيب، هقفل دلوقتي. باي. زين: هههههههه. أي، حماتي بتنادي من بيت ولا إيه؟ نور: اتريق، اتريق. يلا يلا باي. زين: باي يا نوري. حازم: ريم، أنا بحبك، حبيتك من أول ما شفتك، حبيت طيبتك، قلبك، حنيتك، خوفك على صحبتك، حبيت طفولتك، حسيت ملاك كده، توهت في بحر عنيكي، مش عاوز أبعد عنك، عاوز أجي أتقدملك، ياريت توافقي.

ريم: مبلمة وفاتحة بوقها. 😳😳😳 حازم: هتفضلي متنحة كده كتير؟ بقولك بحبك. بصي، مش هضغط عليكي، خدي وقتك وفكري وردي عليا. عن إذنك.