رواية خذلان الحب الفصل الثاني عشر 12 - بقلم ميرفت سعيد

مش أنا اللي أغصب واحدة عشان تتجوزني. نظرت له حور بصدمة. غصب؟!!!! مالك بغضب: انزلي يا حور. نظرت له حور بحزن ونزلت. وقفت تستناه يركن العربية. مالك ركن العربية ونزل. دخل على طول المستشفى. مكلمهاش. حور دخلت وراه بس على مكتبها بحزن. مش عارفة تعمل إيه. فضلت تعيط. *** عليا دخلت المستشفى بجمود. وهي مقررة هتعمل إيه. وصلت مكتبها بس رجعت في كلامها. ودخلت مكتب سعد. عليا: إزيك يا دكتور سعد.

سعد بابتسامة: الحمد لله. إنتي عاملة إيه. عليا: الحمد لله. أنا فكرت و... أخذت نفس عميق. وغمضت عينيها. عليا: أنا موافقة. سعد بفرحة: بجد. عليا بنصف ابتسامة: أيوه. سعد: أقدر أجيب أهلي ونيجي نطلب إيدك إمتى. عليا: أي وقت. سعد: النهاردة الساعة ٧ تمام. عليا بحزن: تمام. عن إذنك. خرجت عليا ودمعة نزلت من عينيها بألم. ومسحتها بسرعة. وراحت مكتبها. *** عند ليلي. قررت تنزل تشتغل. ليلي وهي بتقبل رأس مامتها: صباح الخير يا ماما. سعاد

(أم مالك وليلي) : صباح الخير يا حبيبتي. لابسة كده ورايحة على فين. ليلي: هنزل أشتغل. ادعي لي. سعاد: ربنا يوسعها في وشك يا بنتي. ويفتح في وشك كل أبواب الخير. إنتي وأخوكي. ليلي: آه صحيح. في مالك. سعاد: نزل من بدري. اسكتي. مش حور رجعت. ليلي بابتسامة: أيوه. مالك قالي امبارح. أنا فرحانة. مالك كان زعلان أوي.

سعاد: أيوه. الحمد لله. ده هو قالي كمان إنها هتكلم مامتها عشان يتقدم لها. بس مستنيين إنها تنزل من السفر. ربنا يسعدهم يا رب. ويكتب لهم الخير. ويجيلك يا بنتي ابن الحلال اللي يسعدك يا رب. ليلي بحزن وهي بتفتكر صقر: يارب يا ماما. عن إذنك بقى. سلام. سعاد: سلام يا حبيبتي. ليلي نزلت وركبت. لسه هتتحرك بالعربية. عربية جت ووقفت في وشها. ليلي بغضب بتزمر عشان يفتح الطريق. ليلي بعصبية: إنت ياااه. واقف كده ليه. العربية مش بتتحرك.

ليلي نزلت بغضب. وصاحب العربية نزل في الوقف. صقر: الجميل زعلان ليه. ليلي بغضب: إنت؟!! صقر: لا خيال. ليلي بغضب: إنت بتعمل إيه هنا. امشي. صقر: إيه. واقف في ملك الحكومة. ليلي: والله. طب اتحرك بالعربية عشان مزعلكش. وأقول للأمن ييجوا يمشوك. صقر وهو بيقرب منها. وهي بترجع لورا لحد ما لزقت في العربية. صقر: والله لو جبتي مين. أنا مش بخاف. وإنتي عارفة. ليلي وهي بتبعده: طب ابعد. صقر: لا. ليلي بحده: صقر. صقر بحب: عيونه.

ليلي: عشان خاطري ابعد. صقر. إحنا في الشارع. الناس هتقول إيه. صقر: خلي حد يقول نصف كلمة حتى عليكي. هبعد. حاضر. وبعد. ليلي بحده: امشي. صقر: ما قلت. واقف في ملك الحكومة. ليلي بغضب: امشي يا صقر. أو أقولك. خليك واقف زي التمثال. ابعد العربية عشان أعرف أمشي أنا. صقر: أنا مبسوط بالركنة كده. ليلي بحزن: إنت عايز إيه. ابعد بقى. عايز مني إيه. متكرهنيش. أنزل من البيت. أنا مصدقت أنزل عشان أبطل أفكر فيك وأنسالك.

صقر: عمرك ما هتنسيني. ولا هتبطلي تحبيني. أنا هنا وهنا. (وشاور على قلبها وعلى عقلها) . ولو عقلك فكر إنه ينساني أو يبطل يفكر فيا. ده. (وشاور على قلبها) . ده هيصحيه. وهيفوقه. عشان كده عمرك ما هتنسيني. سلام يا قلب الصقر. صقر غمزلها وركب عربيته ومشي. ليلي فضلت واقفة بتفكر في كلامه. ونزلت دمعة منها. وركبت عربيتها ومشت. *** حور دخلت على مالك المكتب بتاعه من غير ما تخبط. مالك: مش في باب تخبط عليه.

حور: إيه. خايف أظبطك مع واحدة كده ولا كده. مالك: حور. مش فايق ليكي. عايزة إيه. حور: مش عايزة أشوفك زعلان. مالك: وأزعل ليه.

حور بصدق: مالك. أنا عمري ما حبيت ولا هحب غيرك. أول حب حبيته. أول ما دق قلبي بالحب. دق ليك إنت. أنا ما فتحت عيني غير عليك. ورغم البعد. عمري ما شفت راجل في حياتي غيرك. ولا حبيت حد زي ما حبيتك. كنت كل يوم بحلم باليوم اللي أرجع فيه ونتجوز. كان خوفي الوحيد إني أرجع ألاقي إنك اتجوزت أو حبيت غيري. أو نسيني. ويكون كل اللي بينا حب طفولة وحب مراهقة وراح لحاله. كانت الفكرة دي بترعبني. ييجي أول ما أرجع وأشوفك وحبنا يرجع. تقولي مغصوبة. أو مش عايزة أتوزجك. إزاي.

مالك بحب وهو بيقرب منها: أمّال إيه. كل ما أفتح معاكي الموضوع بحس إنك زعلانة أو شايلة هم. حاولت أعرف في إيه. بس كنتي بتتهربي. عقلي صور ليا إنك مش عايزاني. وإنك بتتهربي مني. وإني بجري وراكي وبغصبك. عشان كده قلت كده. متزعليش مني. حور بدلع: لأ. زعلانة. مالك: طب وإيه اللي يرضي حوري. حور بفرحة: الله. عارف بقالي قد إيه مسمعتش اللقب ده. مالك: هتسمعيه على طول. حوري. قوليلي بقى. إيه اللي كان مزعلك كل ما أقولك كلمي مامتك.

حور بتوتر: بصراحة. أنا كلمت ماما. مالك: وبعدين. حور: ماما مش موافقة. مالك بغضب: نععععععععم. *** عند علي في المكتب.

علي لنفسه بحزن: بقالي متكلمتش معاها. مش بشوفها أصلاً. مش زي الأول. أمّال إيه يا علي. إنت مفكر لما تقول لها إنتِ زي أختي. ومتحبنيش. هتبقوا زي الأول. أنا بعترف إني بحبها. وحشتني أوووي. أنا هروح أتكلم معاها. وأحاول أصلح اللي عملته. وأتقدم لها. أنا كنت غب*ي لما ضيعتها. غب*ي لما قلت لها الكلام ده وجرحتها. يا رب تسامحني. أيوه. هي بتحبني. وهتسامحني. علي راح لمكتب عليا. وخبط. وسمع صوت من جوه بيقول ادخل. دخل علي.

علي بابتسامة: إزيك يا عليا. عليا وهي لم تنظر إليه: الحمد لله. علي: عليا. عليا لا مبالاة: نعم. علي بصدق وحب: عليا. أنا بحبك.