رواية خذلان الحب الفصل الحادي عشر 11 - بقلم ميرفت سعيد

مالك: يلا ياحور علشان اوصلك. حور: يلا انا خلصت. ركبوا العربية. مالك: كلمتي مامتك؟ حور بتوتر: احم لسه. مالك: لسه ليه؟ حور: لما اروح هبقى أكلمها. مالك: ماشي ياحبي. مالك طول الطريق كان بيحاول يفتح أي موضوع مع حور، لكن حور كانت سرحانة ومش معاه خالص. مالك: مالك ياحور؟ بقالك كتير سرحانة ومش معايا خالص. حور: مفيش حاجة ياحبيبي، أنا بس تعبانة وعايزة أنام، النهاردة كان عندي حالات كتير ومنمتش كويس امبارح. مالك: منمتيش كويس ليه؟

حاجة حصلت؟ حور: لا مفيش حاجة، عادي سهرت على التليفون ومخدتش بالي من الوقت. مالك: ماشي. بعد شوية مالك وصل حور البيت. مالك: حمدلله على السلامة. حور: الله يسلمك.. مش عايز حاجة؟ مالك بابتسامة: عايزة سلامتك. حور نزلت من العربية ومشت. مالك استنى لما طلعت واطمن عليها ومشي. ***

ليلي كانت قاعدة في غرفتها وبتعيط، زعلانة على حبها اللي جرحها، بتحبه ومش عارفة تنساه. فضلت تحلم وتخطط في حياتهم، لكن حلمها اتقلب لكابوس مزعج. قطع تفكيرها خبط على الباب. ليلي وهي بتمسح دموعها بسرعة: احم ادخل. مالك دخل بابتسامة. مالك: الجميل بيعمل إيه؟ ليلي بابتسامة: مالك تعال. مالك: عاملة إيه ياقلبي؟ ليلي بتحاول تبتسم: أنا كويسة. مالك: مش باين يعني. ليلي: مفيش حاجة ياحبيبي.

مالك: هو أنا كل ما أسأل واحدة مالك تقولي مفيش؟ ليلي وهي بتحاول تغير الموضوع قالت وهي بتغمز: واحدة؟!! مالك بضحك: ااه واحدة بس مش أي حد. ليلي: مين يعني؟ مالك: حوري. ليلي باستغراب: حوري؟ حو… ثم فتحت عينيها على وسعها بدهشة: أوعى تقول حور…. مالك: أيوه حور، حور حب عمري وطفولتي. ليلي: نزلت مصر امتى؟ مالك: من حوالي أسبوع تقريبا، أول ما شافتني كنا في المطار وهي مكنتش لسه عرفاني وحصل… فضلوا يحكوا مع بعض. *** عند سليم.

سليم: ادخلي ياقمر. دخلت قمر. سليم كان لسه هيقفل الباب. قمر بسرعة: انت بتعمل إيه؟ سليم: إيه يابنتي، هكلمك، هقفل الباب. قمر: لا متقفلهوش، والله لو قفلته همشي. سليم: خلاص.. دي الشقة… قمر بسخرية: ياراجل!!!! صدق فكرته متحف؟!! سليم بنفاد صبر وبيرفع إيده ليدعي: يارب يتخد*ها، يتخد*ها علشان أنا تعبت. قمر: إن شاء الله انت، أنا لسه في عز شبابي. سليم بسخرية: مهو واضح، الشقة قدامك أهي. قمر كانت لسه هتتريق. سليم مسك فازة موجودة.

سليم: أقسم بالله لو اتكلمتي لخبطك بالبتاعة دي في وشك. قمر سكتت بخوف. سليم: الز*فته قدامك أهي، هتتز*فتي تقعدي فيها خلاص. قمر: لا رد. سليم: ما تنطقي يابنتي. قمر: أتكلم ولا لأ؟ مش انت قولت متتكلمش. سليم: أنا ماااشي، سلام. قمر: سلام.. استنى اا، أنا كنت عايزة تشوف لي شغل. سليم: شغل؟!! قمر: أيوه عايزة أشتغل، أمال مين هيصرف علي؟ سليم: ياستي يعني هي جت على شوية مصاريف، مدام جبتك هنا تبقي مسؤولة مني خلاص، متشليش هم.

قمر: معلش يا سليم، أنا عايزة أشتغل. سليم: طب انتي خريجة إيه؟ قمر سكتت بحزن. سليم فهم من حزنها وسكتها إنها مش متعلمة. سليم: طب بتعرفي تكتبي وتقرأي؟ قمر بحزن ودموع: أنا مش جهلة على فكرة، أنا كملت تعليمي لحد الثانوية العامة وجبت مجموع حلو بس مدخلتش جامعة. سليم: تمام كويس، هشوف لك شغلانة بإذن الله، مع إن مش عا، ف عايزة تتعبي نفسك ليه… يلا عن إذنك أنا ماشي… سلام. قمر: سلام.

قمر لنفسها بفرحة: يااااه أخيرا بيت وهشتغل بعيد عن جوز أمي، هعيش حرة الحمدلله. *** كانت قاعدة بتفكر في العريس اللي متقدم لها، مش عارفة ترفض وتفضل عايشة على وهم كذاب ولا تقبل وتظلمه وتظلم نفسها. عليا قامت وقفت قدام المراية وبتكلم نفسها. عليا: أنا مش وحشة، أنا مش ناقصني أي حاجة علشان أجري ورا حد مش بيحبني، محدش غلطان في الحكاية دي غيري، وبرده محدش موجوع من الحكاية دي غيري.. يارب ريح قلبي، طلع حبه من قلبي كفاية وجع.

بعد خمس دقايق، عليا كانت بتمسح دموعها وخلاص قررت. *** تاني يوم. مالك مستني حور تحت في العربية علشان يوصلها. حور بابتسامة: صباح الخير. مالك بابتسامة: صباح الورد، عاملة إيه؟ حور: الحمدلله. مالك: نمتي كويس؟ حور: أيوه. مالك: طب كويس علشان متتعبيش النهارده. مالك وحور فضلوا يتكلموا طول الطريق. حور بابتسامة: شكراً ياسطا. مالك: يسطا ما هو ده اللي ناقص. حور ومالك ضحكوا. مالك: كلمتي مامتك في موضوعنا؟

حور ارتبكت، الابتسامة اختفت. حور: لا. مالك وهو بيراقب ملامح وشها: ليه؟ حور: احم هكلمها في أي وقت. أنا نازل. مالك مسك إيديها. حور: في إيه؟ مالك: لا، كل ما أكلمك في الموضوع ده وشك يقلب وكأنك مغصوبة. حور: لا مالك، أنا… مالك: انزلي يا حور. حور: مالك؟ مالك بحده: انزلي. حور: مالك اسمعني. مالك بغضب: مش أنا اللي أغصب واحدة علشان تتجوزني. نظرت له حور بصدمة: غصب؟!!!! مالك بغضب: انزلي ياحوور.