رواية خطورة حبىة الفصل السابع 7 - بقلم مصطفي جابر

طاهر: بقيت كنت عايز تتجوز مراتي يا اخويا صح؟ كارم باستغراب: انت عارف إني مستحيل أعمل كده، أنا متجوز من قريب وبحب منه، وبعدين أمك اللي قالت اتجوزها، كنا بنحسبك ميت. طاهر بسخرية: يعني لو مت هتتجوز مراتي. كارم بخضة: لا يا طاهر، أنا مستحيل أبص لمرات أخويا، مراتك أختي. طاهر بهدوء: طيب أنا هقوم أروح لليل عشان ترتاح وأطمن عليها. عند ليل.. سميرة بغضب فضلت تضربها في بطنها بغل لحد ما ليل نزفت والدم بقى حواليها: موتي موتي بقى!

سرقتي ابني وكان هيموت بسببك. سمعت صوت رجل جريت تستخبى.. طاهر بيفتح باب الشقة واستغرب الدنيا ضلمة، بيشغل النور مش بيشتغل، طلع الكشاف. مشي ناحية الأوضة وبينور لاقي اللي سايحة في دمها: ليللللللللللل. بتصحى مفزوعة من النوم: ابني ابني. طاهر قام بخضة: إيه فيه إيه. ليل بتبلع ريقها وبتحط إيديها على بطنها المنتفخة: ابني أمك قتلت ابني يا طاهر الحقني. طاهر خدها في حضنه: ششش اهدي مفيش حاجة دا كابوس.

ليل بتترعش بخوف وهو بيهدي فيها.. عند سميرة. سميرة بهدوء: أنا عاوز ليل تمشي من حياة ابني وبعدها منه، مش هخليهم لحد، عيالي ليا ولازم يكونوا تحت طوعي. الشخص: هنعمل إيه، وبعدين منه حامل هي التانية. سميرة بمكر: سم للاتنين، أو ممكن حاجة أكبر. الشخص بزعر: سم إيه، انتي عاوزاهم يمشوا ولا يموتوا. سميرة بجمود: يموتوا. الشخص برفع حاجب: طب وإيه خطتك. سميرة بشر ومكر قوي: هقولك. حاتم بخبث: تمام. تاني يوم.

طاهر نزل لأمه يطمن عليها: ماما. سميرة ببرود: خير. طاهر: بطمن عليكي يا ماما. ليل نزلت وراه: أنا همشي أنا مش هتأخر. طاهر باس دماغها: خدي بالك من نفسك. سميرة بلوي بوز: على فين العزم. طاهر: رايحة تزور مامتها. سميرة بخبث: آه طيب. بليل.. كارم كان بيتفرج على الماتش ومنه جنبه، تليفونه رن، رد بهدوء ووشه اتقلب. كارم وقع منه التليفون. منه: فيه إيه مالك. كارم بزعر: نورهان هربت من السجن.

منه بصدمة: طليقتك، وهنعمل إيه، أكيد ناوية لينا على شر. كارم بصدمة: هي ليل مجتش من بره. منه بغيرة: آه مجتش، مش ملاحظ إنك بتقلق عليها كتير. منه بهدوء: عندك حق، أنا آسفة بس بغير عليك. كارم بحنان: وأنا بحبك والله العظيم، وعمر عيني تبص لغيرك. منه بتوتر: طب ليل من الصبح خرجت مرجعتش. كارم.. عند سميرة. طاهر بقلق: مبتردش ليه دي. بيتصل مش بترد، اتصل على مامتها مغلق، على أختها قالت له برا، وليلى مشيت. سميرة ببرود: زمانها جاية.

قعد بقلق وقلبه بياكله كله عليها. طاهر بخوف: لا كدا كتير، أنا هروح أشوفها. مسكته سميرة: أنا عاوزاك في موضوع. طاهر بتافف: خير يا أمي، فيه إيه. سميرة ببرود: أنا عاوزة أتجوّز حاتم صاحبك. طاهر بصدمة: نعمممم.