رواية خيانة زوجية الفصل السادس 6 - بقلم عمرو راشد

بقولك ايه انا باخد فلوسي مقدم قبل أي حاجة. = وافرضي معجبتنيش. = يبقا شكلك متعرفش سوسو كويس يا أستاذ، روح اسأل عني. مفيش راجل متبسطش معايا، بس المهم آخد فلوسي مقدم وكاش أهم حاجة. = هتاخديها يا أسماء متقلقيش. “كنت واقف قدام الشباك وباصص على الشارع، لفيت وشي ليها. = ازيك يا سمسم، بقالنا كتير متقابلناش. = يوسف!! = بقالنا كتير متقابلناش صح ولا إيه. = انت عرفت طريقي منين.

= أوعى تكوني فاكرة يا بت عشان غيرتي اسمك ولبستي لبس نضيف يبقا أنا كدا مش هعرفك. = لا هعرفك برضو وحياتك، من ريحة النجاسة اللي مالية جسمك. بس قوليلي الأول هو حسن مش مكفيكي ولا إيه. بقولك إيه يا يوسف، انت فاكر يا أخويا جاي تعمل عليا الشويتين دول وفاكرني هخاف منك وأقولك ابوس إيدك ارحمني، فووق يا حبيبي أنا مش أسماء بتاعت زمان، يعني أنا أقدر أردلك أي حاجة هتعملها أضعاف أضعافها.

= عارف يا سوسو، عارف إن بقا عندك علاقات كتير برجال أعمال كبار، عارف إنك رخيصة يا سمسم ومش من دلوقتي بس، لا دا من زمان. ولا نسيتي حسن. اسمع يا يوسف، آخرك معايا تاخد قرشين وتخلع ومشوفش وشك دا تاني، كفاية يا أخويا الأيام السودا اللي أنا عيشتها معاك. = قرشين!! تصدقي أنتي كدا عملتي الواجب وزيادة كمان، طب بالنسبة لـ ريهام، دي كمان تمنها إيه. = مش ذنبي يا حبيبي، روح لـ حسن خد حقك منه أما أنا إياك تقربلي مرة….

“كانت بتتكلم بغرور وكأنها مش هاممها أي حد، طريقتها خلتني خرجت عن شعوري وقاطعتها في الكلام و… = بقولك إيه يا مراااا، سواء كنتي أو حسن انتو الاتنين هتحاسبو على المشاريب، حقي وحق ريهام مش هيروح. = انت تاعب نفسك على الفاضي والله، ريهام ماتت يا حبيبي يعني انت مش هتستفاد حاجة لما تموتني أنا كمان، فكر معايا كدا براحة وهتعرف إنك مش مستفيد حاجة إنما لو خدت الفلوس اللي هعرضها عليك هتستفيد وتريح نفسك وتريحنا معاك، قولت إيه.

= موافق بس بشرط. = إيه هو. “قربت منها و ثواني كنت ضاربها بالقلم، ساعتها بصتلي وعنيها كلها غضب. = دا حقي على فكرة، أنا مش مفتري. = حيث كدا يبقا مش هتطول مني ولا مليم يا يوسف ووريني هتعمل إيه. “مكنتش عايز أستعمله بس أعتقد مفيش وقت أحسن من كدا عشان يظهر فيه وبالفعل طلعته من جنبي ووجهته ناحيتها. = طب وكدا، هتعملي اللي هقولك عليه بالذوق ولا تعمليه برضو بس بطريقة صعبة. = هيهيهي انت فاكر إنك كدا هتخوفني.

= أنا قولت برضو إنه مش هينفع معاكي. “لفيت وشي الناحية التانية و مسكت ضهر المسدس وفي لحظة لفيت وشي ليها وضربتها على دماغها بيه، وقعت في الأرض والد*م سايل منها، كنت مجهز حبل، جبته و ربطتها في الكرسي، بعد ساعة بالظبط فاقت، كانت بتتألم من شدة الض*ربة. = هو أنا مش قولتلك وحذرتك قبل كدا، ليه مسمعتيش كلامي، عاجبك يعني اللي إحنا فيه دلوقتي. = انت مش قد اللي انت بتعمله دا، صدقني هتندم.

= واللهم أنا يا أما ندمت، إيه الجديد يعني. = عايز إيه مني يا يوسف. “قربت منها وحطيت المس*دس في وشها. = روحك. = طب نزل البتاع دا و هعملك اللي انت عايزه. = كدا انتي تعجبيني. “طلعت تليفونها من شنطتها، فتحته بعد ما عرفت منها الباسورد بتاعها. = مين يعرف مكان فلوسك. = سكتت ومردتش عليا. = انطقي يإما هخلص عليكي حالا. = حسن، حسن هو اللي يعرفه. = تكلميه دلوقتي وتطلبي منه أنا يجهز 8 مليون جنيه.

= لا دا كتير أوي، إحنا مش معانا المبلغ دا أصلا. = انتي جاية تشتغليني يابت ولا إيه، أنا عارف اللي فيها من قبل ما تشتغلي رقاصة. = الفلوس اللي معايا متكملش المبلغ دا. = ومالو اطلبي من حسن، شوفي انتي معاكي كام وخلي حسن يزودلك، هو ابن حلال ويستاهل برضو. “اتصلت على حسن وخليتها هي اللي تكلمه. = أيوا يا حسن. = انتي فين يا سمسم، بقالك أكتر من ساعة عند الزبون اللي معاكي دا، انجزي الدنيا هنا واقفة.

= لا دا، دا أنا شكلي هبات هنا. = باين عليه تقيل. = تقيل، المهم أنا عايزاك تجهزلي 8 مليون جنيه. = إيه! 8 مليون مرة واحدة، عايزاهم ف إيه دول. = اسمع اللي بقولك عليه، جهزهم و هبعتلك عنوان تروح عليه عشان تسلمه الفلوس. = هو مين دا اللي هسلمه الفلوس، وهو عايز الفلوس ف إيه أصلا. = مصلحة جديدة يا حسن، يلا بس عشان مفيش وقت، جهزهم وأنا هبعتلك العنوان حالا، متتأخرش، ولو الفلوس مش مكملة كملهم من عندك وأنا هبقا أرددهملك.

= لا كدا الكلام اختلف يا سمسم. = اخلص بقا يا حسن الزبون هيطير. = أنتي متأكدة يعني من المصلحة دي. = متأكدة أه. = وأنا هعرف الراجل اللي هياخدهم مني دا إزاي. = وهو هيعرفك لوحده، يلا بس بسرعة. “قفلت المكالمة. = برافو يا أسماء، لا بجد عجبتيني، بحبك وأنتي سامعة الكلام كدا. = فكني بقا، أنا عملتلك كل اللي انت عايزه أه. = ولا أفُكك إيه، خلي حسن هو اللي يفكك. = حسن إيه، دا مكنش اتفاقنا. = أنا مبتفقش مع رقاصات يا أسماء.

= يعني إيه. = يعني أنتي هتفضلي هنا لحد ما أستلم الفلوس وبعد كدا حسن هييجي يفكك. “مسكت تليفونها وبعت لـ حسن العنوان. = أعتقد إني لازم أمشي دلوقتي. = يوسف متسبنيش لوحدي هنا. = خايفة ولا إيه. = فكني وخرجني من هنا يوسف ابوس إيدك.

= استفدتي إيه يا أسماء، استفدتي إيه لما عملتي كل دا، هو دا حسن اللي أنتي خونتيني عشانه، هو دا الراجل انتي عايزاه، هو دا فتى أحلامك، كنتي عايشة معايا ومحافظ عليكي وبتصرفي زي ما انتي عايزة ومن غير ما حد يلمسك ولا ترقصي قدام الناس، بعتي نفسك بالرخيص أوي يا أسماء، حتى حسن، مش حسن دا يبقا أخويا، لكنه أوطى خلق الله وهيبيعك، لما ميلاقيش من وراكي مصلحة هيبيعك، تقدري تقوليلي استفادتي من دا كله، ولا أي حاجة.

“مشيت وهي كانت بتصرخ وتنادي عليا، مهتمتش بيها وكملت طريقي، روحت على العنوان اللي هستنا فيه حسن، شوية وظهر، كنت واقف بالعربية في أول الشارع وشايفه، حطيت رجلي على البنزين وسوقت بسرعة لدرجة إني كنت هخبطه بالعربية، بس دوست فرامل بسرعة ووقفت قدامه. = ازيك يا حسن. = يوسف، هو انت.. = أيوا أنا، أنا الزبون التقيل، هات الفلوس عشان مستعجل. = أسماء فينها. = هات الفلوس وأنا هقولك مكانها.

“خدتها منه وأنا بضحك في وشه باستهزاء، ومشيت بالعربية…. ، كان بيجري ورايا زي المجنون لإني مقولتش على مكانها، بس بعد شوية بعتله مكانها، كملت طريقي وروحت البيت. “كنت بنادي على أي حد يمكن حد يسمعني وييجي يفكني، عدا ساعة والتانية وأنا لسة في مكاني لدرجة إني حاسة إن دماغي بقت تقيلة جدا، حاسة إني هيغمى عليا، عينيا مش قادرة أفتحها لحد ما حسيت باللي بيفتح الباب وبينادي. = أسماء، أسماء انتي فين. = دا كان حسن، صرخت بأعلى صوتي.

= الحقني يا حسن، أنا هنا. “باب الأوضة اتفتح ودخل حسن اللي اتصدم أول ما شاف شكلي، هدومي مبهدلة والد*م نازل على وشي. = يا ابن الكلب يا يوسف، وحياة أمي ما هسيبك. “بدأ يفك إيدي و يسندني عشان أقوم، مشينا من الشقة، نزلت على السلم بصعوبة جدا لإن مكنتش قادرة أتحرك ولا حتى قادرة أقف لحد ما وصلت العربية، ركبت و روحنا البيت، بدأ يطهرلي الجرح، بعدها اتصل بالدكتور.

= إزاي مقولتيش وأنتي بتكلميني في التليفون يا أسماء، إزاي سبتيه يعمل فيكي كدا أصلا. = معرفتش أقوم، و بعدين كان معاه سلاح يعني لو كنت قولتلك في التليفون كان هيقتلني. = تديله الفلوس بسهولة كدا. = انت كل اللي همك الفلوس بس، مش همك إني كنت هموت. = بعد الشر عليكي يا حبيبتي، والله هاخدلك حقك والفلوس اللي هو خدها دي هترجع. = يوسف دا بقا موضوعي أنا، أنا اللي هاخد حقي وبنفسي. = طب هدي نفسك، خلينا نتكلم بعد ما نطمن عليكي.

“بعد شوية الدكتور وصل وربط على الجرح، بعدها كنت محتاجة أنام لإني كنت تعبانة جدا وفعلا نمت…. = هند، يا نودي. = إيه يا توتي، انت جيت. = لا لسة، ابقي اتصلي اطمني عليا. = طب اقعد وقولي عملت إيه. = كل اللي إحنا عايزينه حصل. = خدت الفلوس منهم؟ = طبعا، أمال أنتي فاكرة إيه. = أصل العيال دي مش سهلة وأكيد مش هتاخد منهم جنيه بسهولة كدا. = لا ماهو أنا مخدتش منهم جنيه، أنا خدت 8 مليون جنيه. = يالهوي، 8 إيه. = 8 مليون يا حبيبتي.

= يالهوي يا يوسف، دا إحنا اتفقنا على مليون ولا اتنين مش أكتر. = مليون ولا اتنين دول يعملو إيه في الأيام دي وبعدين بيني وبينك كدا لقيت الفلوس خسارة فيهم قولت أنا أولى بيها. = طب وريني بسرعة، عايزة أتمتع بشكلهم، عايزة أتدفى بيهم. = طب ما أدفيقي أنا بدالهم. = لا عايزة حقي الأول عشان أعرف أتدفى. = حق إيه. = حقي يا يوسف، حقي الفلوس دي. = ومين قالك إنك هتاخدي منهم حاجة. = نعم!! ، أمال أنا مش هاخد ولا إيه.

= لا مش هتاخدي طبعا، كنتي عملتي إيه أنتي عشان تاخدي. = أنا اللي خططت لكل دا، أنا اللي وصلتك ليهم أساسا، انت من غيري كان زمانك لسة قاعد حاطط إيدك على خدك زي النسوان. = نسوان! ، أما انتي مرا بنت وس* متربتيش صحيح. “ضربتها بالقلم و مسكتها من شعرها. = بعد كدا لما تتكلمي مع جوزك تتكلمي بأدب يا حبيبتي، فاهمة ولا مش فاهمة. = انت اتجننت ولا إيه، شكلك نسيت أنا مين يا يوسف، نسيت أنا ممكن أعمل فيك إيه.

= تصدقي نسيت، ما توريني هتعملي إيه وأنا هحمسك أكتر عشان توريني. “ضربتها بالبوكس بكل قوتها. = بقا بتعمل معايا أنا كدا يا يوسف، ماشي أنا هوريك و ابقا وريني هتعمل دكر إزاي ساعتها. “دخلت لميت هدومها ومشيت، أول ما مشيت خدت الفلوس في حضني ونمت مكاني على الكنبة. “صحيت من النوم لقيته داخل الأوضة وجايب معاه فطار ليا. = صباح الورد على الراقصة الأولى في مصر والشرق الأوسط. = راقصة إيه بقا بعد اللي حصل في وشي دا.

= هترجعي، وحياتك هترجعي. = عايزاك تلغي كل الحفلات، أنا عايزة أجازة شهر لحد ما الجرح دا يخف تماما. = عنيا يا سمسم، مش هتفطري بقا. = هو أنا هيبقا ليا نفس آكل بعد اللي حصل امبارح. = بكرا أجيبه قدامك وتحت رجليكي يتمنى رضاكي. = نفسي، نفسي أوي وساعتها هقت*له بإيديك. = لهيصله يا حبيبتي، روقي دماغك أنتي و افطري و ليكي عليا هقلب عليه الدنيا لحد ما أجيبه. “سمعت جرس الباب بيرن، حسن قام فتح، شوية ولقيته داخل عليا بواحدة معرفهاش.

= مين دي يا حسن. = أنا اللي هساعدك ترجعي فلوسك من يوسف، وهخليكي تخلصي عليه كمان. = هو مين حضرتك وتعرفي يوسف منين. = سوري نسيت أعرفك بنفسي، أنا أبقى هند مرات حسن التالتة.