رواية قلب الفهد الفصل الأول 1 - بقلم ندى رأفت

عايزني اتجوز صحابك؟ جيان افهمي أنا بقولك كدا علشان انتي الوحيدة اللي هتقدري تساعديه. جيان: أساعده في إيه بقا؟ فهد اتغير خالص يا جيان عن آخر مرة شوفتيه فيها. فهد بقا إنسان تاني بعد موت رقيه مراته. بقا الشغل كل حياته، ده حتى جده مبقاش يتكلم معاه كتير مع إنهم في نفس الفلة. ومبقاش يتكلم معايا زي الأول، بقت حياته شغل وبس. جيان اتغيرت نبرتها وقالت: راجل وزعلان على مراته، أنا مالي بقا. جيان.. أنتي لسه بتحبيه يا جيان.

جيان: دي صفحة واتقفلت يا محمد، متفتحهاش تاني. كلنا عارفين انتوا كنتوا بتحبوا بعض قد إيه. جيان: أديك قلت، كنتوا بعني الموضوع انتهى خلاص. أنا بعتذر يا محمد، أنا مش هقدر أسعدك. شوف حد تاني. وقامت وكانت هتمشي. محمد: بس أنتي عارفة إن فهد لسه بيحبك يا جيان. جيان بسخرية: آه فعلاً بيحبني، عشان كدا اتجوز غيري صح. فهد طول عمره كان بيحاول يبعد عني، بس أنا اللي غبية ومكنتش فاهمة. فهد مكنش بيحب رقيه يا جيان.

جيان بسخرية: آه عشان كدا اتجوزها، صح. محمد: بصي أنا معرفش هو سابك واتجوزها ليه، ولا أعرف اللي هو فيه ده سابه إيه. بس كل اللي أعرفه إن صحابي تعبان. من حاجة أنا مش عارفها. وأنتي الوحيدة اللي هتعرفي تخرجي منها. جيان: أنا مش هتجوز فهد يا محمد، مستحيل. محمد: بس أنتي لازم تبقي معاه بشكل دائم وده مش هيحصل غير لما تتجوزيه. جيان: هو اللي طلب منك إن عايز يتجوزني؟ محمد: لأ بصراحة هو ميعرفش.

جيان بعصبية: وأمال عايزني أقوله تعالى اتجوزني يعني ولا إيه؟ محمد: لأ هقول لجده. هو آه مفيش تواصل بينهم كتير بس فهد ميقدرش يرفضله كلمة. وجده عايز يعمل أي حاجة يرجع بيها فهد زي الأول. جيان: طب ما أنا ممكن أساعده من غير جواز، بحكم مهنتي طبيبة نفسية.

محمد: ما أنا قولتلك، لازم تبقي معاه علطول. ارجوكي يا جيان. أنا عارف إنك بتحبي تساعدي أي حد محتاجلك. اعتبريها رسالة دكتوراه بتعمليها. وأنا أوعدك لو محصلش تغير في حالته. ممكن تطلبي الطلاق وكل واحد يروح لحاله. ها قولتي إيه؟ جيان: أنا هعمل كدا بس عشان جد فهد، أنا بحبه جداً ومقدرش أشوفه زعلان. محمد: خلاص. أنا بكرة هعدي عليكي ونروح الفلة مع بعض. جيان: علطول كدا، مش قولت هتقول لجده.

محمد: أنا ممكن أكلمه بكرة لما نروح وبالمرة يشوفك. ده هيتبسط أوي. جيان بتوتر: وهو فهد هيكون موجود؟ أنا مش عايزة يحصل بيني وبينه اختلاط على الأقل بكرة. محمد: آه، بكرة يوم إجازته. بس متقلقيش. ده يا إما دايمًا في مكتبه يا في أوضة التمرين. جيان: طب خليها بعده أحسن شرط بكرة. محمد: أيوه يا جيان، كل لما نبدر يكون أحسن. يلا بقا أسيبك أنا. وهعدي عليكي بكرة الصبح. تمام. جيان بقلق وتوتر: تم. أم. الصبح.

محمد: وصلنا. انزلي يا جيان. نزلت جيان بتوتر من العربية. وفضلت واقفة وباصة للفلة بتوهان. وبتفتكر مقابلتها مع فهد فيها. قطع شرودها محمد وهو بيقول: تعالي يا جيان. جيان: آه ماشي. مشيت جيان لغاية ما وصلت السلم بتاع باب الفلة. فجأة وقفت. محمد: في إيه يا جيان، اطلعي. جيان: أنا مش جاهزة لأي مواجهة دلوقتي يا محمد. محمد: متقلقيش، ساعة زمن نقابل جد فهد ونمشي. بس بعد كدا لازم تتعودي تشوفيه. جيان: ماشي بس مش انهارده.

وبدأت جيان تطلع السلم. وقبل ما يرنوا الجرس، فتح الباب وخرج منه راجل في الأربعين من عمره. محمد: ازيك يا عم حسن. إيه رايح فين. عم حسن بينزل من على السلم بسرعة. وبيقول بسرعة: معلش يا ابني مش هقدر أسلم عليك عشان أنا مستعجل. قهوة فهد بيه قرب معادها. واحنا لقيناها خلصانة. وفهد بيه بيتعصب أوي لو مشربهاش في معادها. وكمان هيتعصب أكتر لو لقى الأكل مجاش في معاده. وأنا لقيت حاجات في مستلزمات ناقصة. رايح أجيبها.

فجأة موبايل عم حسن رن. فقال: يا خرابي، ده فاضل ربع ساعة. عن إذنك. ومشي. جيان: إيه الأوفر ده. فيها إيه لو اتأخرت كام دقيقة. ربع ساعة يا عم. محمد: ما أنا قولت هتتغير أوي. خشي يا جيان. دخلت جيان الفلة. لقت إن تفصيلها متغيرتش كتير. محمد: استريحي أنتي هنا. عقبال ما أجيب جد فهد. جيان: طب ما نروحله إحنا في أوضته بدل ما نتعبها. محمد: لأ عايز أعملهاله مفاجأة. جيان: ماشي متتأخرش. مشي محمد. وقعدت جيان شوية مع نفسها. وبعد فترة

جاتلها داده عبير وقالت: اتفضلي يا حبيبتي عصير فراولة زي ما بتحبي. شوفتي أنا فاكرة إزاي. قامت جيان بسرعة وحضنتها وقالت: إزيك يا داده. وحشتيني. داده عبير: أنتي أكتر والله يا بنتي. وقبل ما تتكلم جيان. فجأة سمعت صوت ضرب وهبد في حاجة جامد. جيان بخوف: إيه الصوت ده. داده عبير: متخافيش يا حبيبتي. ده فهد بيه في أوضة التمارين بتاعته. جيان: وده بيتمرن ولا بيدمر ده. وكانت داده عبير هتتكلم. لكن

فجأة صوت مألوف قال بزعيق: القهوة فين يا حسن. داده عبير بخوف: أنت فين يا حسن اتأخرت كدا ليه. حسن دخل الفلة بسرعة وهو بينهج وقال: خدي. القهوة. اعمليها بسرعة. خدتها عبير وقالت لجيان: عن إذنك يا بنتي. ومشيت. جيان في اللحظة دي. كانت في حتة تانية بعد ما سمعت صوته. وقامت بسرعة وقالت: أنا لازم أمشي. وكانت هتمشي. فجأة. فهد: أنتي مين؟