رواية قلب بريئ الفصل الأول 1 - بقلم لوريتا يونس

_يعني انت عاوز أي مش فاهمه = يعني أنا عايز أتجاوزك يا منى فضل الصمت بينهم خمس ثواني لحد ما قطعه صوت ضحكتها باستغراب: هو حضرتك بتضحكي على إيه = هقولك بضحك على إيه وقفت في نص الجامعة واتكلمت بصوت عالي خلى كل طلاب الجامعة ينتبه لها = شايفين أبو قميص أخضر اللي واقف هناك ده بيقول إنه بيحبني وكملت بسخرية = وقال إيه طالبني للجواز مفكر إني هوافق على إيه على نظارته الكعب كوباية ولا على بنطلونه الساقط صوت ضحكات

= بقى أنا منى رحيم بنت صاحب أكبر محل عطور في مصر أبصلك أنت اللي مش لاقي تاكل قبل ما تيجي تتكلم مع أسيادك تبص لنفسك ولمقامك ولو لمحتك بس فتحت معايا الموضوع ده تاني يا عمر وديني لأقول أبويا يرفضك من الجامعة دي كلها بقى على آخر الزمن منى تتجوز أهبل سمع صوت قلبه وهو بيتكسر من البنت اللي بيحبها فاق من ذكرياته على صوت مامته أم عمر: إيه اللي واخد عقلك أوعى تكون لسه بتفكر فيها عمر ببرود: مبفكرش في حد

الموضوع عدى عليه تلت سنين أنا عندي حاجات أهم بعملها دلوقتي أم عمر: آه حاجات مهمة الحاجات المهمة اللي هي الكباريه والمسخرة يعني يوم ما يكون معاك فلوس بعد شقا تروح تفتح بيهم القذارة والقرف ده عمر ببرود: ده مش كباريه مبدئياً ده مكان الناس بتسهر فيه وبتفرفش عن نفسها شوية واللي عنده حفلة بيعملها هناك عادي أم عمر بغضب: بس فيه خمرة ورقص وقلة أدب ليه كده يا ابني بس يوم ما يكون معاك قرشين بدل ما تكبرهم في حاجة مفيدة

تشيل الناس ذنوب أنت عارف أنت أخدت ذنب كام واحد راح هناك فوق يا ابني من السكة اللي أنت ماشي فيها هتندم والوقت هيكون فاتك على الجانب الآخر بطلتنا نيرة كانت بتدور على شغل تساعد بيه أبوها المريض نيرة: لو سمحت مش محتاجين موظفين = فيه وظيفة لكن مرتبها قليل شوية نيرة: ماشي مش مشكلة بس هو أي نوع الوظيفة اللي هشتغلها = إحنا عايزين حد ينضف المخزن والمكاتب اللي هنا بمرتب ٥٠ جنيه يومية موافقة سكتت شوية بس قررت توافق لأنها

مقدمهاش خيار تاني نيرة: تمام حضرتك أبدأ الشغل من إمتى = من دلوقتي لو حابة روحي نضفي المكتب بتاعي نيرة بابتسامة: تمام ماشي وراحت تنظفه وقف يبصلها بنظرات قذرة وقال في سره = شكلنا هنستمتع سوا وقرب منها جامد لفت وشها بخضة ووو