رواية قلب لايبالى شئ الفصل الخامس عشر 15 - بقلم ندا أحمد

مالك: بتحبيني ياحور، متنكريش. حور: لا مش بحبك. وقامت وقفت عشان تمشي. مالك: خلاص نشوف. ومسكها من خصرها وشدها ليه وباسها من شفايفها جامد. حور بتلقائية منها، من كتر حبها، لفت ايدها حوالين رقبته وبادلته. فاقت حور بعد دقائق. زقته بعيد عنها. حور بعصبية: انت حيوان، انت إزاي تعمل كده؟ مالك بخبث: طلعتي مبتحبنيش أهو، شوفتي. حور بعصبية: لو سمحت متكررش الحركة دي تاني، وأنا مش بحبك وهطلقني يا مالك.

مالك ببرود: لا، أنا أعملها براحتي على فكرة، لأني جوزك. وأنا ساكت عليكي بمزاجي، ماشي؟ وبالنسبة لمبحبكيش دي، ما أنا لسه وريتك. ولو مش بتحبيني فعلاً مكنتيش بدلتيني. وبالنسبة للطلاق، فأنا مبطلقش. وسابها ومشي. *** في أوضة زين. شمس في المرحاض عمالة ترجع. وزين عمال يطبطب على ضهرها ويغسلها وشها. زين: كفايا ياشمس، مبقاش فيه حاجة في بطنك عشان ترجعيها. تعالي ارتاحي. وداها السرير وغطاها كويس. الباب خبط. زين: ادخل.

حور بعصبية: بص بقى، أنا خلاص هقتله، مهو مفيش حل تاني. زين: اهدى بس الله يرضى عنك، وقولي إيه اللي حصل. حور حكتله اللي حصل. شمس عمالة تضحك: أنا أخويا عمل كده؟ الوحش الكاسر؟ مالك أخويا؟ أنا لا، لا، انتي بتتهيألك. حور: متعصبنيش يابت، انتي هاجي أطلع كل غلي من أخوكي فيكي. زين عمال يضحك: اهدى يا وحش الكون بس مالك. حور عمالة رايحة جاية في الأوضة. زين: طب نتكلم جد شوية. حور: انتي بتحبيه صح؟

حور: يا زين، انت مش فاكر هو عمل إيه. زين: ردي على سؤالي. حور: أه يا زين، بحبه. رغم كل القرف اللي عمله ده، بحبه عشان شوفت فيه سندي و ضهري و حمايا و حبيبي و جوزي. أنا شوفت فيه كل ده. كل ده حبيته. بس هو معملش أي حاجة من دي. وكمان رايح أتجوز الزفتة اللي اسمها نانسي دي، يكش تولع بجاز. وكمان حامل. زين: مالك بالنسبالي كان حلم مستحيل يتحقق، ولما يتحقق يبقى كابوس مش حلم.

زين: تمام، انتي بتحبيه وهو بيحبك. وهو كان بيعمل معاكي كده عشان كان فاكر إن انتي هترفضيه عشان فرق السن، خصوصاً إنك كنتي لحد بعد ما اتجوزتوا كنتي بتقوليله "أبيه". حور: زين، مالك محاولش أصلاً معايا يشوف أنا متقبله ولا لأ. هو قال إن أنا مش هتقبل وخلاص. حتى لو كنت مش هتقبل يا زين، اللي بيحب حد يفضل يحاول معاه عشان يحببه فيه، صح ولا غلط؟ زين: حور، انتي صح. بس خلاص، هو دماغه جابته لكده. اديله فرصة واديلك فرصة.

بصي، مش انتوا كنتوا مدين لنفسكم فرصة سنة وتطلقوا؟ والسنة دي ناقص فيها ٧ شهور، خليهم فرصة كانكم مخطوبين يا ستي وشوفي.

حور: يا زين، انت ليه مش عايز تفهم إن أنا كل اللي بعمله ده عشان اللي هو عمله، وعشان الزفتة اللي اسمها نانسي. زين، أنا لو روحي فيه، أنا مش هقبل يكون ليا ضرة. أتجوزه غصب بقى، أتجوزها برضاه، مليش فيه. وكمان حامل، يعني ممكن يطلقها، ماشي. بس هيبقى فيه صلة برضه بينهم، ده هيبقى ابنه ولا بنته، وأنا مش هرضى أبداً أحرمه منه. زين: يعني انتي كل مشكلتك نانسي؟ على فكرة هي مش حامل، وهي قالت كده عشان تغيظك.

حور بصدمة: انت هنا من امتى؟ مالك: من ساعة ما ظهرك وحمايا وحلم بعيد وكده يعني. حور: يانهار أسود ومنيل. طب تصبحوا على خير. زين عمال يضحك: يا عيني على وحش الكون اللي بقت شبه الطماطم. خدِ بس هنا، تصبحي على خير إيه؟ نخلص كلام الأول. حور: امممممم. مالك: امممممم. الحور: وأنا إيه اللي يخليني أصدق كلامكم؟

مالك: امممممم. بس لازم تصدقي كلامي عشان هو الحقيقة. هي مش حامل، وهي أكتر واحدة بتاعت عيب، وكانت بتلف عليا قبل ما يحصل اللي حصل. واتجوزها. حتى اسألي زين، فاكيد مش بعد ما اللي هي كانت نفسها فيه اتحقق. حور بتفكير: اممممممممم. تصبحوا على خير. *** في صباح يوم جديد. صحت حور من النوم لقت مالك نايم جنبها. حور بزعيق: انت بتهبب إيه هنا؟ مالك بنعاس: إيه ياحبيبتي، نايم؟

حور بزعيق: حبك برص ياشيخ، قوم نامت عليك حيطة. انت إيه اللي مدخلك أوضتي؟ قووم! مالك ببرود: حبيبتي قمر وهي صاحية من النوم. تعالي بس في حضني هنا شوية. حور بعصبية: اوعاااااااااا، واطلع برا أوضتي ومتدخلش هنا تاني، برااااا. مالك ببرود وهو حاطط رجل على رجل: أنا نايم جنب مراتي، وخدِ على كده. عشان كل يوم مش هتنامي غير في حضني يا قلبي. وأنا قلتلهم ينقلوا كل حاجتك أوضة بتاعتي، عشان أنا صبرت عليكي كتير يا قطة. وسابها وخرج.

حور حطت وشها في المخدة وفضلت تصوت. *** في أوضة زين. شمس بتعدله البدلة. شمس: حبيبي، أنا كنت متفقة مع حور النهاردة هنروح نجيب فساتين عشان خطوبة مازن. زين: يا حبيبتي، الدكتورة قالت الحركة غلط عليكي. شوفي انتي عايزة تجيبي إيه وهاته من على النت. شمس: عشان خاطري، مش هعمل مجهود، وعشان هروح الكوافير كمان. زين: حبيبي قمر من غير حاجة. متعمليش مجهود طيب. شمس: أحلى زين في الدنيا.

زين: انتي أحلى حاجة في الدنيا. يلا، هوى، مش هروح الشركة وأخوكي هيقتلني. سلام. *** في شركة الدالي. زياد: حور، مالك؟ شكلك تعبان. حور: تمام. هو أنا ينفع أمشي بدري النهارده عشان عندي خطوبة؟ زياد: خلاص ماشي. خلصي الشغل اللي معاكي ده و روحي. ترن ترن ترن. زياد: بنت حلال، كنت لسه هتصل بيكي. حور: ليه؟ خير؟ زياد: عندي خطوبة بليل وعايزة أجيب فستان، تعالي معايا. حور: تمام، ماشي. أنا أصلاً رايحة عند الكوافير.

زياد: طب تمام أوي. تعاليلي على الشركة ونمشي من هنا. حور: باي. *** في شركة الجارحي. مالك: ياسين، ركز معايا النهارده عشان نخلص بدري عشان نروح للواد الملطوع ده. ياسين: يا عم خلاص، معاك أهو. ترن ترن ترن. مالك: إيه يا مازن؟ هو انت عشان عريس هتقرفنا؟ ساعة وهنيجي، اقفل بقى خلينا نخلص. ياسين: هو القرية السياحية اللي داخلينها انت وشركة زياد هتخلص امتى؟

مالك: المفروض على الأسبوع اللي جاي نسافر عشان نتابع للافتتاح ولو فيه حاجة عايزة تتظبط. ياسين: ربنا يعينكم. هو زين فين؟ مالك: عنده اجتماع برا وهيطلع على مازن. غور بقى. *** في المساء، في خطوبة مازن. شاف مازن إيه نازلة شبه الحورية، سرح في جمالها. قرب منها، باس إيدها وجبينها وخدها، وراحوا الكوشة. مازن: بحبك، زي القمر يا قلبي. إيه بخجل: أنا كمان. مازن: انتي كمان؟ إيه بخجل: بحبكما.

مازن بفرحة وزعيق: يا فرج الله، نطقِت، نطقِت! لووووولوي! نطقِت! عبد الرحمن (أخو إيه) : بس بس، إيه اللي انت عامله ده؟ مازن: متخلينيش أكتب الكتاب. اللي ربنا يبارك لك. عبد الرحمن: أنا قولت لا، يعني لا. مازن بتمثيل العياط: روح يا شيخ، الله يخليك يوعدك بواحدة أهلها يخللوك تشوفها مرة في السنة على الذل اللي ذلتهولي ده. حور شافت ناس أصحابها تعرفهم، راحت وقفت معاهم. زياد: إيه ده؟ حور بتعملي إيه هنا؟

حور: مازن صاحب مالك وياسين وزين. انت بتعمل إيه هنا؟ زياد: انتي ناسيه إن أنا رجل أعمال ولا إيه؟ وكمان فيه شراكة بين الشركتين. حور: أه، سوري. زياد: بس بجد، انتي زي القمر. حور بخجل: ميرسي. (كانت لابسة فستان نبيتي غامق مجسم ومقفول من قدام وبأكمام ومن غير ضهر وبديل، ومسيبة شعرها) مالك وهو محاوط وسط حور وضاممها ليه جامد: إزيك يا زياد؟ عامل إيه؟ زياد: الحمد لله يا مالك، انت عامل إيه؟ مالك: تمام. إيه ياحبيبتي؟ واقفة كده ليه؟

حور: مفيش حاجة. مالك: تعالي ياحبيبتي. وخدها لمكان فاضي. مالك بعصبية: إيه الخرا اللي انتي لابساه ده؟ أنا هطلع عليكي العرق الصعيدي، بس اصبري نروح بس. شمس قاعدة على الترابيزة وزين جمبها. شمس بزعل: أنا بقى شكلي وحش. زين: مين بس ياقلبي اللي قال كده؟ ده انتي قمر. شمس: لا، شكلي وحش. انت بتكدب عليا وكمان بتخوني. زين: ياحبيبتي، هخونك إزاي بس؟ ده انتي حبيبتي. شمس عمالة تعيط. زين: انتي بتعيطي ليه دلوقتي؟ هو نكد وخلاص.

شمس بتعيط: يعني انت شايفني نكدية وهتتجوز عليا؟ مالك: مالك ياشمس؟ حور: إيه ده؟ انتي بتعيطي ليه؟ زين: تعالوا شوفوا، بتعيط عشان أنا هخونها وهتجوز عليها. حور بتحاول تكتم الضحكة: زين، دي هرمونات حمل. خد على كده. مالك بضحك: بقى عايز تتجوز على أختي يا زين؟ شمس: مالك، خليه يطلقني. زين: لااااا، كده كتير. مالك واقف لقى اللي جت حضنته من ضهره. نانسي: بيبى، وحشتني. وباسته من خده. مالك بعصبية: إيه الزفت اللي بتعمليه ده؟

وزقها بعيد عنه وسابها ومشي. الدي جي طلب الكابل للرقص على أغنية "أوعديني". زين وشمس راحوا يرقصوا. نانسي: أنا هروح أرقص مع جوزي. ومشت. زياد جه: حور، تعالي نرقص. حور بتردد: حاسة إني دايخة. نانسي بعياط مصطنع: مالك، انت بتعاملني كده ليه؟ هو أنا مش مراتك؟ وحطت دماغها على صدره. مالك بيطبطب عليها: انتي عارفة إحنا متجوزين ليه، وإني هطلقك، فمتتعلقيش في أحبال دايبة.

وبيرفع عينه لقى المنظر اللي خلى عينه تتحول للون الأحمر من العصبية. زياد خد باله إن مالك بيبص، فراح قرب حور عليه أكتر لدرجة مبقاش فارق بينهم غير حاجات بسيطة. حور: زياد، ابعد شوية، مينفعش كده. زياد لقى مالك قريب منهم أوي: حور، أنا بحبك.