رواية قلب لايبالى شئ الفصل السابع عشر 17 - بقلم ندا أحمد

استنى هنا انتي رايحة فين؟ تحضري حاجاتها ليه؟ الجد رفع ايده وضرب مالك بالقلم. الجد: أبوك معرفش يربيك، أنا هربيك. زين: في ايه يا جدي؟ هو إيه اللي حصل؟ الجد: متستهبلش يالا أنت كمان، أنا عرفت كل حاجة، فمتستهبلش وتقول متعرفش. زين بشك: عرفت إيه بالظبط؟ الجد: اللي انتوا عارفينه... وأنت هتطلقها، وأنا مش هخليها على ذمة واحد زيك، دي فاهم ولا لأ؟ ومشوفش وشك في البلد. مالك: يا جدي أنا بحب حور.

حور: وأنا مش بحبك ومش عايزاك، وطلقني. زين: حور، هو إيه اللي في وشك ده؟ أنا أول مرة أشوفه. حور: ابقى اسأله. الجد: يالا يا حبيبتي، حقك عليا أنا... الجد خد حور ومشيوا. زين بزعيق: شوفت آخرتك أهو، ضاعت منك خلاص، وأنت من ساعة ما اتجوزتها واحنا بنسايس. ياسين: زين اهدى، حور المرة دي غلطانة، مكنش ينفع اللي عملتيه امبارح ده. زين: البت مستحملة معاه المرار يا شيخ، وفي الآخر إيده مورمة وشها بالطريقة دي.

مالك بزعيق: مستحملتش أشوف اللي حصل امبارح وهي بترقص معاه وفي حضنه، بالفستان الزفت اللي كانت لبساه ده، نار كانت قايدة فيا، معرفتش أتحكم في نفسي... أنا ماشي. *** في شركة الدالي. زياد: لما حور تيجي خليها تيجي لي. السكرتيرة: حاضر يا فندم. *** في شركة الجارحي. مازن: صباح الجمال يا قلبي. إيه: صباح النور يا حبيبي. مازن: أحلى حبيبي دي ولا إيه؟

إيه ضحكت بصوت واطي: يالا بقى عشان الشغل، عندك ميتنج كمان ساعة، وده ملف، الملف بتاع الشركة. مازن: ماشي يا قلبي. عند مالك، قاعد في المكتب سرحان وقال: محدش يدخل. نانسي دخلت ومالك محسش بيها، راحت وبوسته من خده. مالك: إيه ده؟ أنتِ إيه اللي دخلك هنا؟ نانسي: أنا أدخل وقت ما أنا عايزة، هو أنا مش مراتك ولا إيه؟ مالك بزعيق: أنتِ يازفتة ياللي اسمك مريم، أنتِ يازفتة. مريم: نعم يا فندم. مالك بعصبية: أنا مش قولت محدش يدخل؟

دي دخلت إزاي؟ مريم: يا فندم هي قالت إنها مرات حضرتك، وإني لو مدخلتهاش هترفد. مالك: طب أحب أقولك بقى أنتِ مرفودة، عشان بعد كده تبقي تمشي كلام مديرك، مش كلام أي حد ييجي يقولك أي حاجة، روحي خدي بقيت حسابك. مريم بعياط: يا فندم واللهي أنا... مازن قطعها: إيه؟ في إيه يا مالك؟ بتعيطي ليه يا مريم؟

مالك بعصبية: قلت لها متدخلش حد خالص، لقيت دي داخلة عليا، وسألتها قالتلي قالتلي مراتى، ولو مدخلتهاش هتترفد، يبقى تترفد بقى عشان بعد كده تسمع كلام المدير، مش أي حد ييجي يقول كلمتين ويمشي. مازن: طب يا مريم روحي عند... مريم: حاضر يا فندم. مازن: أنا هروح أنا الميتنج، متجيش. مالك: ماشي. لما مازن خرج، قربت نانسي من مالك وبوسته من شفايفه. نانسي: وحشتني. مالك زقها وبصلها بقرف: بطلي رخامة بقى.

نانسي: بحبك وأنت جوزي، إيه المشكلة؟ وبوسته من رقبته. مالك زقها: اطلعي برا يا حيوانة أنتِ. نانسي: ماشي يا مالك، مسيرك تيجي، وهتيجي، وهنشوف. *** في فيلا الجارحي. شمس واقفة في المطبخ بتعمل الأكل، وحاسة بدوخة جامدة. وجت تخرج من المطبخ كانت هتقع، لولا إيد زين. زين: حبيبتي، أنتِ كويسة؟ فيكي إيه؟ شمس بتعب: آه كويسة. زين بشك: لا، أنتِ وشك أصفر خالص. شمس: شوية تعب من الحمل عادي يعني. زين: متأكدة؟ شمس: آه...

هطلع ارتاح بس شوية. زين: ماشي يا حبيبتي. شمس طلعت السلم، وأول ما طلعت... شمس بخوف وعياط: الحقني يازين، أنا بنزف. *** في الصعيد. مروة: حبيبتي حمد الله على سلامتك. حور: الله يسلمك يا مرات عمي. نجلاء: أمال فين جوزك؟ وجيه مع عمي ليه؟ إيه ده؟ هو مالك غضبك ولا إيه؟ طلقك؟ أصل أنتِ متلقيش بيه برضه، عنده حق، ياله مش مهم. مروة: أنا ابني مستحيل يعمل كده، أنا ابني متربي.

نجلاء بضحكة مستفزة: لا، ما هو واضح، شالت شعر حور من على وشها، الأربع صوابع معلمين على وشها أهم. الجد: اقفلي خشمك يا نجلاء، ومش عايز الحديث الماسخ ده عاد. حور بحزن وكسرة: عن إذنكم. *** في الجامعة عند لينا. خلصت الجامعة وماشية في شارع فاضي عشان مش لاقية تاكسي. تلت ولاد فضلوا يعاكسوها. الولد الأول: الجميلة ماشية لوحدها ليه؟ الولد التاني: تعالي بس واحنا هنبسطك. لينا: امشي يا حيوان أنت وهو.

الولد التالت مسك إيدها وفضل يشدها. جه شخص وفضل يضرب فيهم، ولينا عمالة تعيط. الولاد جريوا. الشخص: اهدى، اهدى، أنتِ كويسة؟ عملولك حاجة؟ لينا بعياط: (حركة دماغها بمعنى لا) أنا كويسة. الشخص: أنتِ مش فكراني؟ لينا: لا. الشخص: أنا ياسين ابن عم حور. لينا: آه، شكراً على اللي عملته معايا. ياسين: مفيش شكر ولا حاجة... يالا عشان أوصلك. لينا: لا شكراً، أنا همشي. ياسين: متخافيش، مش هعملك حاجة.

لينا: لا واللهي مش كده، مش عايزة أتعب حضرتك. ياسين: مفيش تعب ولا حاجة، يالا. *** في شقة المعادي. زياد بعصبية: يعني إيه؟ معرفتش تخليه يضعف؟ نانسي: أعمل إيه يعني أكتر من كده؟ زياد شدها من شعرها: لا يا روح أمك، الصور دي تخليكي تعملي إيه؟ رأيك صور لنانسي وهي في السرير مع زياد؟ نانسي بعياط: حرام عليك، طب أعمل تاني. زياد: مليش في، أنا طلبت الطلب ويتنفذ، عايز صور ليه وهو معاكي، اتشقلبي بقى...

ويالا عشان مزاجي اتعكر وعايز اتبسط. وشدها على الأوضة. *** عند الدكتور. زين بقلق: ها يا دكتور، فيه حاجة؟ الدكتورة: أنا علقتلها تحاليل، وهي والجنين وضعهم كويس. أنا حذرتها كام مرة، مينفعش الحركة خصوصاً إن سنها صغير وجسمها ضعيف. المرة دي ربنا ستر، المرة الجاية الله أعلم إيه اللي هيحصل، وعلى فكرة الخطر مش هيبقى على الجنين بس، ده هيبقى عليها هي كمان. زين: لا، لا، لا، إن شاء الله مفيش مرة جاية. هو أنا ينفع أشوفها؟

الدكتورة: آه اتفضل. *** في عربية مازن. (صوت رنين هاتف) المتصل: ... مازن: وبعدين إيه تاني؟ المتصل: ... مازن: تمام، كمل، وزي ما قولتلك، كل حاجة تحصل تقولي عليها. *** في الصعيد عند حور. الجد: أنا جيت، خدتك لما لقيتك منهارة وبتقوليلي تعالى خدني يا جدي، أنا مش هعيش معاه، ده ضربني، بس أكيد فيه حاجة حصلت، مجاش ضربك كده لوحده، إيه بقى اللي حصل؟ حور: جدو، بص، لما أكون قادرة هاجي أحكيلك لوحدي، بجد مش قادرة.

الجد: براحتك يا بنتي. *** بالليل في فيلا الجارحي. الجرس رن. فتح ياسين. ياسين: إيه ده؟ هو أنت؟ إيه؟ مازن: بس ياض... ودخل. زين: هو أنت مضاد حيوي صبح وليل؟ مازن: نطل استظراف بقى شوية، عشان فيه حاجة مهمة. مالك: في إيه يا مازن؟