رواية قلب لايبالى شئ الفصل الثامن عشر 18 - بقلم ندا أحمد

بعد مرور أسبوعين بدون أحداث. مالك: بيشتغل عشان يخلص المشروع بتاع شركة زياد. مازن و إيه: شغالين حب في بعض. زين و شمس: زين جاب خدامة ومش بيخلي شمس تتحرك من مكانها. ياسين: بيحاول يتقرب من لينا بأي طريقة. حور: قاعدة في الأوضة على طول مش بتنزل غير وقت الأكل ومش بتخلص من كلام نجلاء. زياد و نانسي: بيفكروا بأي طريقة يوقعوا مالك و حور. *** في الصعيد على الفطار والكل بياكل. نجلاء: ابتسامة مستفزة: أقول ليلي يا حور. حور:

نعم يا مرات عمي. نجلاء: إنتي عملتي إيه للواد يخليه سايبك أسبوع وما يحاولش حتى إنه يسأل عنك، للدرجة دي كنتي قرفاه؟ حور معرفتش ترد، لأن فعلًا كلامها صح، طول الأسبوع ما حاولش حتى يسأل عليها. حور: شبعت الحمد لله. مروة: يا بنتي إنتي مش بتاكلي، حرام عليكي نفسك. نجلاء:

واللي هي فيه يخليها تاكل برضه، دي هتبقى مطلقة وما فيش حد هيبص في وشها. يعيني سنك صغير، بس معلش نبقى نشوف لك أي حد، نجبوزك له متجوز بقى وعايز يخلف، أو أرمل وعايز واحدة تربي له عياله، فيه كتير ما تخافيش، إنتي بس العدة بتاعتك تخلص وأنا هجيب لك عريس. مروة بزعيق:

بس بقى اخرسي، إيه القرف اللي بتقوليه ده، إنتي ما فيش حد مالي عينك، اتخيلي بنتك مكانها يا شيخة، حرامي عليكي كلامك اللي زي السم اللي بتقوليه لها كل شوية ده، إنتي إيه ما عندكيش في قلبك رحمة؟ حور سبتهم وطلعت الأوضة وفضلت تعيط. ومسكت صورة باباها وفضلت تكلمه. حور بعياط: شوفت حصلي إيه من بعدك، بس أنا مش هبقى ضعيفة وهبقى قوية وهقف قدام أي حد وهحقق حلمي عشان تبقى فخور بيا.

ومسحت دموعها ومسكت التليفون اتصلت على لينا وفضلت تتكلم معاها. *** في شركة الجارحي، في مكتب مالك. زين: هو إنت هتعمل إيه في حور اللي إنت سايبها بقالك أسبوع دي؟ مالك: حور مينفعش تيجي هنا غير لما نخلص كل حاجة، عشان هيبقى خطر عليها، هناك هيبقى أمان ليها. مازن: بس على الأقل روح صالحها وقولها خليكي هناك، ولا أي حاجة، لكن إنك ماشيها من هنا مضروبة وإنت ما تسألش عليها، إنت كده بتقولها غوري في داهية. مالك:

هما أكيد مرقبيني، فمش عايز ألفت انتباهم لمكان. زين: ده إنت لما تيجي تصلحها هتحتاج معجزة. مالك: سيبها على الله. ياله إنت وهو، كل واحد يخلص باقي الشغل عشان إحنا مسافرين بكرة عشان نخلص من أم الشراكة دي. *** قدام الجامعة، عند لينا. لينا: يوووه، هو إنت هتفضل تنطلي كل شوية كده؟ ما كنتش توصيلة دي، إنت عايز مني إيه يا ياسين؟ ياسين:

بصي بصراحة كده، أنا معجب بيكي وعايز أجي أتقدملك، بس عندي سفرية تبع الشغل، أول ما أجي أتقدملك. ها، قولتي إيه؟ لينا بكسوف: تروح وتيجي بالسلامة. ياسين بغباء: الله يسلمك يا ستي. أيوه موافقة ولا مش موافقة برضه؟ لينا: ده إنت غبي أوي. ياسين: هو أنا لسه هاخد رأيي؟ هو موافقة غصب عنك أصلًا، وبعدين إنتي تطولي يا أربعة سنتي إنتي. لينا: ولا واللهي أزعلك يا عمود نور من غير لمبة إنتي... إيه ده؟ الساعة كام؟ يالهوي!

وسابت وركبت تاكسي بسرعة. *** في شقة المعادي. زياد: بت، إنتي ركزي معايا كده، إنتي هتسافري الافتتاح وهتعملي اللي اتفقنا عليه، وأي غلطة اعتبري نفسك ميتة، فاهمة؟ نانسي: فاهمة، فاهمة. زياد: اتفضلي ياله، غورى. *** في محطة مصر. لينا: حور، حمد الله على سلامتك. حور: الله يسلمك... عملتي اللي قولتلك عليه؟ لينا: آه، متقلقيش ياله. *** في الصعيد. نجلاء: يا عمي، إزاي حضرتك تسيبها تعود مصر لحالها؟

ده لو مالك عرف هيطربق الدنيا على دماغنا. الجد: ملكيش صالح، وابقى خلي الغندور يفتح خاشمه بس أو يعترض. مروة: عمي عارف هو بيعمل إيه كويس، وأكيد مش هيعمل حاجة تضرها. Flash Back حور: جدي، ممكن أتكلم معاك شوية؟ الجد: تعالي يا بنتي. حور: جدي، حضرتك غصبتنا على الجوازة دي أنا ومالك، وأهو أديك شايف حالنا، أنا هبقى مطلقة وأنا لسه مكملتش 20 سنة. الجد: أنا والله يا بنتي كنت عايز حد يبقى حداكي وظهرك، أنا مش هعيش لك العمر كله. حور:

خلاص يا جدي، اللي حصل حصل، بس بعد إذنك، ممكن أنزل مصر أكمل تعليمي؟ هو ده الحاجة الوحيدة اللي هتنفعني بقيت حياتي. الجد: يعني هترجعي لجوزك؟ حور: لأ، أنا هخلي صحبتي تأجر لي شقة أعيش فيها، أو أبقى تعالي كل شوية طل عليّ، وإنت عارف تربيتي كويس، والله يا جدي هكون من الشغل والبيت والجامعة، ما هروح مكان تاني، ولو عايز أو احتاجت أي حاجة هتصل على زين أو ياسين. الجد: ماشي يا بنتي. Back

في صباح يوم جديد، الكل بيجهز نفسه عشان السفر. زين وشمس في عربية، وياسين ومالك في عربية، ومازن وأيه في عربية، متجهين نحو الساحل. مازن وأيه: مازن مشغل أغنية "يتعلموا" بتاعت عمرو دياب وبيغني معاها. إيه: مازن، هو إنت بتحبني ليه؟ مازن: إيه، بحبك ليه دي؟ إيه: أيوه، إيه الحاجة اللي فيا مخلياك حبيبني؟ مازن:

لأ، أنا لو بحبك عشان حاجة فيكي يبقى مجرد ما الحاجة دي تروح هبطل أحبك. أنا بحبك عشان إنتي اللي خطفتي قلبي من أول مرة شفتك فيها. ومسك إيدها وباسها. إيه: ربنا يخليك ليا. شمس: إنت متعصب ليه دلوقتي؟ زين بنرفزة: عشان الدكتورة قالت مفيش زفت حركة وإنت مفيش سمعان كلام... وقَلّدها: "هتخدني معاك وتسوق إنت براحة، ولا هروح أركب سوبرجيت وأجي برضه؟ وفضلتي تعيطي وتدبدبي زي الأطفال. شمس ببرائة وهي بتحسس على بطنها:

شايف يا حبيب ماما، بابا مش راضي ياخدنا معاه عشان يروح يخون ماما مع الأجانب، خليك شاهد. زين: يالهووووووي، الطم، اصوت، ارحميني، أخونك إيه بس، هو أنا خلصان منك لما أجيب لنفسي بلوة تانية. شمس: قصدك إني بلوة؟ وفضلت تعيط وزين فضل يعيط معاها. بعد مدة وصلوا، وكله نزل من العربيات ودخل الفندق بتاع القرية. كلهم فضلوا مبرقين من اللي شافوه.