رواية قلب لايبالى شئ الفصل التاسع عشر 19 - بقلم ندا أحمد

مالك رايح جاي في الأوضة. مالك بعصبية: بقى هي بتتحداني وجيه معاه وأنا معرفش. متجوزة قرطاس لب؟ هي ماشية. أنا هوريها. ياسين: بقولك إيه، أنت كنت عايزها تفضل قاعدة مستنية حضرتك لحد ما ترضى عليها وتروح تصالحها. يعني مش إحنا قولنالك روح اتكلم معاها وقولها تخليها في الصعيد عشان وجودها في القاهرة خطر. وتفهمها. أنت موافقتش. مازن: طيب ما يروح يقولها دلوقتي.

زين: هتفتكر إن مالك بيبررلها سبب إنه مكنش بيسأل عنها لما كانت في الصعيد. مالك: مع إني كنت بسأل عنها وكنت بشوفها كمان كل يوم. الكل: نعم؟ إزاي؟ مالك: مش وقته. أنتوا كمان. مازن: طيب اهدى كده. إحنا أهم حاجة، إحنا لازم نبقى مع حور على طول عشان ميأذوهاش. ياسين: أنا قلقان أوي من الحوار ده. زين: ربنا يستر. مالك خلي بالك. مالك: ماشي. *** في ريسيبشن الفندق. زياد: هو اتعصب أوي كده ليه لما شافك؟ هو ميشفش إنك جاي ولا إيه؟

حور: سيبك منه... خلينا نشوف شغلنا. زياد بابتسامة: تمام. معلش هعمل مكالمة وأجي. حور: تمام. زياد: إنتي فين يازفتة؟ نانسي: في الطريق أهو. فاضلي ساعة ونص بالكتير أوي. زياد: ماشي. عايزاكي لما تيجي تولعي الدنيا. هما أصلاً شكلهم مولعين في بعض. أنا عايزها تولع أكتر. نانسي: حاضر. *** حور لابسة فستان أحمر غامق دانتيل وليه ديل نص دايرة على الوسط. تول والكمام دانتيل مفرغ.

شمس لابسة فستان كافيه تول ومنتور على الصدر والكمام لولي نفس لون الفستان وعلى الوسط حزام عريض لولي. إيه لابسة فستان كشمير من فوق قماش منقوش نقش خفيفة بالكمام ومن أول الوسط تول. نانسي لابسة فستان أبيض كات مترز من الصدر والأكتاف ومن آخر الضهر ومن غير ضهر وفتحة الصدر طويلة وطويلة ومفتوح من الجنبين وواسع من تحت. ياسين لابس رصاصي. زين لابس بدلة بيج. مالك لابس بدلة سودة. مازن لابس بدلة كحلي. مازن: هو فيه حلاوة كده؟

أخطفك وأجري أنا يعني ولا أعمل إيه دلوقتي؟ إيه بخجل: مازن بس بقى. مازن: متجيب بوسة وأنا هخصمه من اللي هيحصل يوم الدخلة. غمزلها. إيه برقت: مازن احترم. وسبته ومشيت. زين: قمر ياقلبي. شمس: لا أنا شكلي وحش. أنت مش شايف بطني عاملة إزاي؟ زين: مالها بطنك ياقلبي؟ دي هي اللي محلياكي. شمس: يعني أنا وحشة؟ زين راح لطم: لا ياقلبي، أنا قصدي أنتِ حلوة في كل الحالات، في الحمل أو من غير الحمل.

شمس: لا أنت بتقول كده وخلاص. وأنت قلت إن بطني هي اللي محلياني. زين: لا ياحبيبتي أنا بحبك وبموت فيكي كمان. وفضل يبوس جبينها وإيدها. مالك واقف. نانسي جت باستُه من خده. نانسي: وحشتني. مالك: إنتي إيه اللي جابك هنا؟ وإيه اللي أنتِ لابساه ده؟ نانسي: جيت عشان أبقى مع جوزي. إيه غيرت عليا؟ مالك: أغير على مين؟ متنسيش سبب الجواز ياماما. ها. زياد: إنتي حلوة أوي. حور: ميرسي. زياد: تعالي نشوف الحفلة.

مشيوا شوية في الحفلة. زياد شاف نانسي ومالك واقفين مع بعض. زياد: تعالي يا حور عايز أسأل مالك على حاجة. زياد: إزيك يا مالك؟ مالك: كويس. زياد: مش تعرفنا. حور: نانسي مرات مالك. زياد: إيه ده؟ إنتِ ليكي ضرة؟ حور: كان أصلي خلاص هتطلق. زياد بابتسامة: طيب. مالك، كنت عايز أقولك إن إحنا معروض علينا عروض كتير من ساعة ما الناس شافت التصميمات. مالك عينه مسلطة على حور وهيموت من العصبية. جه مازن وإيه وشمس وزين.

زياد: عن إذنكم. أنا أروح أتابع. شمس: حور وحشتيني يا جبانة. أنتِ في القاهرة من إمتى؟ حور: وأنتوا كمان وحشتوني أوي. أنا هنا من يومين. زين: إيه ده؟ قاعدة فين اليومين دول؟ حور: مش مهم. المهم إن أنا كويسة. ولو احتجت حاجة هكلمك أو هكلم ياسين. وقول لابن عمك ورقة الطلاق توصلني. وهي ماشية قربت على نانسي. حور: خديه. اشبعي بيه وعليه كمان بوستين مش بوسة. وباست نانسي مرتين ومشيت.

مالك: نانسي غوري من وشي. بقميص النوم اللي أنتِ لابساه ده. غوري. مازن: ده أنت هتتعب أوي عشان ترجعها. مالك: ممكن نشوف شغلنا بقى. في آخر الحفلة. زين: حد فيكم شاف حور من ساعة ما كانت واقفة معانا؟ الكل: لا. مالك: طب شوفوها في أوضتها. ياسين: هروح أشوفها. بعد عشر دقائق. ياسين: مش في أوضتها. مالك: أنا هاخد نانسي معايا الأوضة وإنتوا تعالوا ورايا. مالك: نانسي تعالي نطلع الأوضة. نانسي: ماشي يا حبيبي.

زين: إيه خدي شمس وروحوا اقعدوا في الأوضة. اقعدوا مع بعض وأي حاجة تحصل كلمي حد فينا. يلا. في أوضة مالك. نانسي: عرفت بقى إن في الآخر مالكش غير نانسي حبيبتك. مالك: آه طبعاً. مسكها من شعرها: هتقوليلي حور فين ولا تموتي هنا. نانسي: أنا مالي أنا. هي فين؟ مالك ضربها بالقلم: بت متستهبليش. أنا عارف كل حاجة وكل خطتك الوسخة مع اللي اسمه زياد ده. هتقوليلي ولا أقتلك.

نانسي بعياط: واللهي أنا معرف حاجة. أنا كل اللي هو قالهولي إنه عايزني أصورك وأنت في السرير معايا. لكن معرفش إنه هيخطف حور. أنا أوقات كتير كنت ببقى عايزة أقولك بس هو مصورني وأنا وهو ومهددني لو معملتش اللي بيطلبه مني هيفضحني بالصور. زين: طيب تعرفي ممكن يكون خدها فين؟ نانسي: هو قبل كده جابني الساحل في شاليه وقال لي بتاع واحد صاحبه. وهو بياخد منه المفتاح. مالك: قومي ودينا ليه عند حور وزياد.

حور بدأت تفوق ومسكة دماغها من الصداع. حور: إيه ده؟ أنا فين؟ زياد: استنيتك كتير عشان تصحي. حور: زياد أنا إيه اللي جابني هنا؟ أنا آخر حاجة فكراها... Flash Back. حور خلصت كلام مع نانسي قابل زياد. زياد: إنتي رايحة فين؟ حور: هطلع الأوضة عندي صداع شوية وهنزل. زياد: ماشي. طلع حور الأوضة لقت الباب بيخبط. زياد: جبتلك مسكن عشان الصداع، اتفضلي. حور: واللهي كنت هتصل يجبولي مسكن. حور خدت منه المسكن ونزلوا.

زياد: تعالي هجيب حاجة من العربية كنت نسيتها. حور: ماشي. أول ما وصلوا الجراج. حور اغمى عليها. BACK. حور: طيب جيبني هنا ليه؟ عايز مني إيه؟ زياد قرب منها وفضل يملس على شعرها: من ناحية عايز، فأنا عايز وأ عايز كتير أوي. حور: زياد ابعد إيدك عني. أنت مجنون ولا إيه؟ أوعى. زياد: اعتبريني مالك. وفضل يقرب أكتر وهي فضلت تعيط. نانسي: هو ده الشاليه؟ مالك: خليكي في العربية.

دخل كل من مازن وياسين ومالك وزين الشاليه وضربوا الرجالة اللي محاوطة الشاليه. مالك جري على الأوضة اللي فيها حور واتصدم من اللي شافه.