رواية قلب شايل بيت الفصل التاسع 9 - بقلم منى ابو نوفل

جلال: يعني متعرفيش نسمة راحت فين؟ بتصل بيها مبتردش. مامت نسمة: قالت الصبح إنها هتروح عند سيد المحامي في مكتبه عشان تمضي على ورق، هو اتصل بيها امبارح. -مكتب سيد المحامي -نسمة وهي بتصوت وبتجري من المحامي: الحقوني، أنا هقتلك يا مجرم، هقتلك. سيد المحامي وهو ماسكها من وسطها وبيحاول يهجم عليها: مش هسيبك، مهما حصل. جلال دخل فجأة: قضية تحرش! حلو. أنا أصلاً مكنتش مرتاحلك، بس قلت يمكن تطلع راجل، طلعت مرا. نسمة وهي

بتجري في حضن جلال وبتعيط: كنت هموت. جلال: متخافيش، أنا معاكي. نسمة وهي مصدومة: طلع حيوان. جلال: انت زي الشاطر كده تقعد على الكرسي، وإلا هتلاقي الرصاص اللي في المسدس ده كله في دماغك. سيد المحامي: انت كده ممكن تضيع نفسك، اهدي يا جلال، السلاح يطول. جلال وهو بيزعق وغضبان: انت عبيط! أنا مش همشي من هنا إلا لما أخلص عليك، انت غلطت ولازم تتحاسب. -تليفون المحامي بيرن -جلال: عمرو صاحبي بيتصل بيك! سيد: عمرو عايز ايه؟

جلال: انت ترد، ولو حد حس إني موجود معاك هخلص عليك وقتها. سيد وهو خايف: الو. عمرو: خلصت! سيد: خلصت إيه! عمرو: بنهزر! نسمة مجاتش ولا إيه! سيد: جت ومشيت. عمرو وهو مضايق: يعني خلصت ولا لسة! سيد: آه، اتحرشت بيها، وفقت بعد قرص منوم، وهربت بعدها. عمرو وهو بيضحك: أول ضحية من أحباب جلال، لسة جلال نفسه. طب سلام انت يا سيد. جلال وهو مش قادر يصدق كلام عمرو: اللي حصل من عمرو ده بجد! انطق، وإلا أقسم بالله أخلص عليك.

سيد: لا صدق، عمرو صاحبك عايز يقتلك، واتفق مع زياد إنه يخرج ويقتلك. قصاد حريته، كفاية ضرب، ده كل اللي أعرفه. جلال: انت لسة مشوفتش حاجة. القلم ده عشان فكرت تضايق نسمة، والقلم ده عشان لمستها، والقلم ده عشان تعديت حدودك. سيد: بدل ما تتشطر عليا، شوف صاحبك. والعسكري حمدي اللي عايزين يقتلوك، ودبرولك قبل كده الحادثة اللي فاتت. دفعلي عشان آخد من نسمة أغلى حاجة منها. جلال

وهو مصدوم وقعد على الكرسي: آخر حاجة كنت أتوقعها عمرو يعمل فيا كده. كان صاحبي وحبيبي وكل حاجة ليا، كان أخويا، عشرة عمري. نسمة: متزعلش نفسك، ربنا عمل كل ده عشان تعرف حقيقة صاحبك. جلال: حتى حمدي اللي صدقت إنه بيحبني عايز يخلص مني. معرفش إزاي الناس بتكذب في مشاعرها. حمدي يوم ما والدته تعبت، وقفت معاه ودفعت فلوس العملية، هو ده رد الجميل! نسمة وهي بتعيط: كفاية عشان خاطري، يلا نمشي من هنا.

جلال وقف وقال: أنا مش همشي، غير لما أجيبلك حقك. سيد: سيبني، هموت، سيبني. جلال: لازم تموت. نسمة وهي بتصوت: بلاش يا جلال، تضيع نفسك بالله عليك بلاش، أنا مليش غيرك. جلال: لازم تموت، عشان متلمسش حاجة مش بتاعتك بعد كده. سيد وهو مش قادر يتكلم ولا يتنفس عشان جلال ماسك رقبته: سامحني، واللي تطلبه هعمله، بس عايز أعيش. جلال: يبقى نتفق. -قسم الشرطة -العسكري حمدي: تفتكر يا فندم المحامي سيد ميمنعش اللي اتفقنا عليه!

الظابط عمرو: لا هيعمل، أنا ماسك عليه ورق يوديه ورا الشمس. العسكري حمدي: طب زياد هيخرج إمتى عشان ينفذ! الظابط عمرو: هيخرج النهاردة بالليل قبل الخطوبة ما تبدأ، يعني قول ساعتين ويخرج، عشان يلحق يجهز هيعمل إيه. العسكري حمدي: تمام يا فندم. الظابط عمرو: جلال جاي دلوقتي ياخد حاجات وهيروح عشان يجهز نفسه، مش عايزاه يجي يلاقينا معاك عشان ميشكش فينا. -بيت نسمة -نسمة: متعيطيش يا ماما، أنا كويسة أهو.

مامت نسمة: إيه اللي بيجرالك ده يا بنتي! نسمة: أنا كويسة يا قلبي، يلا تعالي عشان نجهز نفسنا. جلال زمانه على وصول عشان يجي ياخدنا، حاجز في كافيه حلو أوي وعازم كل صحابه وحبايبه. مامت نسمة: ربنا يتم فرحتك على خير يا نسمة. -قسم الشرطة -جلال: إزيك يا عمرو يا صاحبي! عمرو: بخير يا حبيب قلبي، جاي ليه! مش تروح تجهز نفسك، ولو في حاجة هنا هعملها مكانك. جلال: طول عمرك بتاع الواجب يا عمرو. عمرو: أنا عنيا ليك يا صاحبي.

جلال: رجولة، هروح أنا بقى عشان مش أتأخر على نسمة. عمرو: هي نسمة كويسة! جلال: ليه بتسأل السؤال ده! عمرو: مجرد سؤال يا جلال عادي. جلال: لا متقلقش، لسه مكلماني، كويسة خالص. مع السلامة. عمرو: سلام. حمدي: لا سلام إيه، سلام كده من غير ما تسلم على حبيبك يا فندم! جلال: إزاي! كنت جايلك، بس انت دايماً مستعجل. حمدي: تقصد إيه يا فندم! وبعدين مالك كده، إنت كويس يا فندم! جلال: عمري ما كنت كويس زي النهاردة. -مكتب سيد المحامي

(مكالمة تليفون بين عمرو و سيد) سيد: نعم. عمرو: ليه لما سألت جلال على نسمة قال إنها كويسة! معملتش اللي اتفقنا عليه! سيد: اتفقنا على إيه! عمرو: انت بتهزر! إنك تغتصب نسمة! سيد: طب جلال هتخلص عليه إزاي! عمرو: ملكش فيه، زياد هيخرج يخلص عليه وقت الخطوبة. انت عملت مع نسمة إيه! سيد: أنا معرفتش أعمل حاجة معاها، جريت مني. عمرو: انت بتستهبل! انت قلت خلصت لما كلمتك قبل كده! بتكذب عليا!

انت تعمل المستحيل عشان تخلص النهاردة لو هتخطفها. سيد: أخطفها يوم خطوبتها! عمرو: أنا عندي ورق ليك يحبسك، متخلنيش أزعل منك. سيد: حاضر، حمدي هيعمل إيه! عمرو: ملكش دعوة، قاعد معايا أهو عشان شوية وهينزل مع زياد يخلص شوية حاجات. سيد: كل ده ومفيش حد هيعرف! عمرو: أنا هنا كل حاجة تحت إيدي، خلص عشان مزعلش منك، زعلي وحش، مش هيعجبك. سيد: مع السلامة. اللواء محمد: كل ده يحصل من عمرو!

سيد: أنا عملت اللي طلبته أهو يا جلال، خرجني منها بقى. اللواء محمد: انت مذنب أكتر منهم، كنت هتدمر روح بريئة، بسبب جهلكم، وطمعكم، ومفيش إنسانية ولا أخلاق. جلال: هعمل إيه يا فندم! ألغي حفلة الخطوبة! اللواء محمد: بالعكس يا جلال، كل حاجة تمشي مظبوط عشان يتم القبض عليهم متلبسين، والتسجيل اللي معانا كفيل يجيبلك حقك. جهز نفسك عشان القوة مستعدة.