رواية قلب شايل بيت الفصل الثامن 8 - بقلم منى ابو نوفل

الرائد جلال: مش مصدق إن الليلة خطوبتي على أحن وأجمل بنت شافتها عيني، مصدقة! نسمه: مصدقة وإنت معايا، بصدق نفسي والناس، وبسامح وبشوف كل حاجة حلوة ولو حد زعلني بقول أكيد ميقصدش، كل ده عشان بس حبيتك، قبل منك كنت خايفة وضعيفة كنت بمثل القوة عشان أعرف أعيش قدام الناس، بس ممكن تتقي ربنا فيا! مبحبش الخيانة ولا الكذب ممكن!

جلال وهو مبتسم: شفت بنات كتير جمالها ميتوصفش، بنات كذا نوع، بس نوعك مختلف يمكن مفيش زيك، حبيتك عشان إنتي، عشان روحك، لا بصيت على شكلك، ولا عشان أحقق غرض وأحس إني واد جامد ومفيش بنت هتقولي على حاجة لأ، حبيتك عشانك، عشان كان لازم تتحبي، كنت هبقى مغفل لو سبتك لغيري يحبك. نسمه: أنا بحبك. قسم الشرطة الظابط عمرو: أنا كنت بموت ميت مرة كل يوم لما عرفت إن جلال عايش، مش قادر أتخيل ليه الناس تحبه الحب ده كله!

هو أحسن مني في ايه! عنده عربية! أنا كمان عندي عربية، ظابط! أنا كمان ظابط، هو أحسن مني في ايه عشان كل يوم أسمع الناس تدعيله وتحبه! كنت لما أمشي في مكان وأشوف حب الناس ليه بتخنق، إنت لازم تخلصني منه فاهم! العسكري حمدي: حاضر، هتسمع خبره أكيد، أنا كمان مبحبوش، واخد مساحة من حب الناس كبيرة إحنا نستحقها، الناس حباه في شغله ومنطقته في كل حاجة.

الظابط عمرو: من يوم ما القائد قالي التزم في شغلك شوف صاحبك جلال بيعمل إيه وأعمل زيه وأنا كرهت جلال. المول نسمه وهي مبسوطة: واو أنا أول مرة آجي هنا. جلال وهو ماسك إيد نسمه وبيضحك: لو عايزة تلفي العالم أشيلك على كتفي بس أحس إنك فرحانة وراضية. نسمه وفي عينيها لمعة فرح: أنا كل يوم بحبك عن اليوم اللي قبله. جلال: في فستان عجبني بره المول قبل ما ندخل تعالي نخرج نشوف! نسمه: يلا. جلال: بينا يا عسل يا سكر يا مانجة إنتي.

نسمه بكسوف: ما قولت يلا يا جلال. الظابط عمرو: إنت فين يا جلال! يعني لازم كل مرة أتصل بيك عشان أعرف هتيجي شغلك إمتى! جلال: نص ساعة وهكون عندك، عندي مشاوير هخلصها. الظابط عمرو: ماشي. جلال: عريان أوي يا نسمه، جسمك من ورا ظاهر كله، الفستان شفاف أوي. نسمه: خلاص أنا كمان محبتهوش. جلال: أنا مش بفرض عليكي حاجة، أنا مش عايز جسمك يبان بس. نسمه: بالعكس أنا مبسوطة إنك بتخاف عليا حتى من نظرات الناس أنا بشوف ده في عينيك. بيت نسمه

مامت نسمه: الله يا نسمه ذوقك حلو وراقي أوي، ربنا يتم فرحتك على خير يا نور عين أمك. نسمه: ربنا يخليكي ليا يا ماما. مامت نسمه: أخواتك كمان مش نستيهم ولا نستيني يا نسمه، دايماً على بالك يا بنتي. نسمه: مليش غيركم يا ماما يلا نفرح شوية ونشوف فساتين إخواتي عاملة عليهم إزاي! سيد المحامي: أسف لو بكلمك في وقت متأخر يا نسمه. نسمه: لا أبداً، خير!

سيد المحامي: كل حاجة دلوقتي باسمك في البنك الفلوس كلها، إنما المحل والبيت واقفين على توقيعك، بكرة إن شاء الله تشرفيني في المكتب عشان تستلمي الورق. نسمه: حاضر يا أستاذ سيد. مركز الشرطة العسكري حمدي: إنت مش متخيل يا فندم أنا فرحان عشانك قد إيه. الرائد جلال: عقبالك يا حمدي. الظابط عمرو: كلنا فرحانين، إحنا هنفرش الأرض ورد. الرائد جلال: يا ولا يا جامد، تتعب لك في فرحك يارب يا صاحبي.

الظابط عمرو: مش هتجوز غير لما تتجوز الأول. الرائد جلال: أما نشوف. نسمه: ماما هبقى عروسة حلوة! مامت نسمه: وأحلى وأحلى وأحلى كمان. نسمه: يارب يا ماما أنا خايفة. مامت نسمه: طول ما معاكي راجل يحبك متشليش هم حاجة، هتعيشي راضية ومبسوطة، أحلى حاجة في الحب يا نسمه إنك تحسي إنك محبوبة وحد شاريكي، لا تفكري بعدها في مال ولا جمال. العسكري حمدي: المتهم زياد يا فندم.

الظابط عمرو: ادخل يا حمدي واقفل الباب علينا ومحدش يدخل خالص، فاهم! العسكري حمدي: فاهم يا فندم. الظابط عمرو: تعالي يا زياد. زياد: نعم، لا عندي زيارة ولا حاجة إيه سبب حضوري هنا! الظابط عمرو: اهدي بس، تاخد سيجارة! زياد: وماله أشرب عادي. الظابط عمرو: محكوم عليك بكام سنة يا زياد! زياد: يعني عايز تفهمني إن حضرتك مش عارف! الظابط عمرو: واللي يخرجك من حبسك، وتعيش ملك بعدها تعمله إيه! زياد وهو مش مصدق: بجد!

الظابط عمرو: عيب عليك. شوف إنت بتكلم مين! زياد: أخرج مقابل إيه! الظابط عمرو: تقتل الرائد جلال. زياد وهو مصدوم: مش غريبة تتفق معايا اتفاق خطير زي ده في مكان شغلك! الظابط عمرو: الدنيا أمان هنا، أحسن من مليون مكان بره الشغل، المهم أعرف رأيك دلوقتي! زياد: إيه يضمن! مش يمكن تغدر بيا! الظابط عمرو: أضمن لك مستقبلك وورق نضيف كإنك مدخلتش الحبس ولا جيت هنا، أنا كلمتي عهد.

زياد بنظرة كلها غل: موافق، أنا محدش ياخد حاجة كانت بتاعتي. الظابط عمرو: عرفت إن خطوبته الليلة على نسمه! زياد وهو مصدوم: هتبقى سواد على الكل. مكتب سيد المحامي نسمه: أتمنى مكنتش اتأخرت على حضرتك. سيد: لا خالص، تحبي تشربي إيه! نسمه: لا معلش عشان مش عايزة أتأخر جلال خطيبي بيني وبينه معاد. سيد: متخافيش مش هتتأخري. نسمه: فين الورق اللي هأضي عليه! في الكافية العسكري حمدي: تفتكر يا فندم زياد يضحك علينا! ده غدار. الظابط عمرو

وهو بياخد نفس من السيجارة: هنضرب عصفورين مع بعض والحجر هيبقى نسمه. حمدي: مش فاهم، تقصد إيه! الظابط عمرو: عشان جلال يموت لازم نسمه تموت، وزياد يلبسها، عشان محدش يقرفنا بعدين. حمدي: آه وبعدين! الظابط عمرو: سلمت سيد المحامي الفلوس! حمدي: خد الفلوس وزمانه بيعمل الصح مع نسمه دلوقتي.