رواية قلب يشفى الفصل التاسع 9 - بقلم منة عاطف

الممرضة: المريضة فقدت دم كتير، إحنا محتاجين متبرع بسرعة. سيف: أنا أخوها، أقدر أساعدك. الممرضة: تعالي بسرعة ورايا. ودخلت أوضة التبرع بالدم. الممرضة: إحنا لازم نحلل دمك الأول. سيف: تمام. وبدأت الممرضة تسحب عينة دم عشان تتأكد إذا كان الدم مطابق أو لأ. بعد فترة، جت وبدأت تسحب الدم منه. أخدت منه كيسين دم. الممرضة: خلصنا. سيف بألم: لو عاوزة تاني، خدي. الممرضة: مش نقدر كده، ممكن تموتي. سيف وهو بيقوم وهو دايخ:

الممرضة: خليك هنا فترة، وامسك العصير ده اشربه عشان تعوض اللي فقدته من دمك. سيف: شكراً جداً. الممرضة: الشكر لله. واخدت الدم ورجعت على أوضة العمليات. يوسف: بسرعة يلا. عند تميم، اللي كان حاسس إحساس غريب، حاسس إن قلبه بيقوله فيه حاجة. تميم مسك موبايله ورن على يوسف، لقاه مش بيرد. تميم: يمكن في العمليات دلوقتي. تميم بخوف: طب فيه إيه يا رب؟ استرها يا رب. عند ريم، اللي بدأت تفوق. مالك جري عليها. مالك: انتي كويسة يا روحي؟

ريم بألم: أنا حصلي إيه؟ مالك: اغمي عليكي. ريم وهي شايفة الدموع في عيون مالك: ريم: أنا بخير، ما تقلقش. مالك: أكيد يا روحي، هروح أنادي الدكتور. هزت ريم راسها وسابها وخرج. راح عند الممرضة يسألها هو الدكتور فين، أنا بنتي فاقت. الممرضة: حاضر، هناديه ليكم. مالك وهو ماشي لمّح سيف. مالك: سيف؟ طب إيه اللي هيجيبه هنا؟ سيف التفت: نعم؟ مالك بصدمة: انت بتعمل إيه هنا؟ سيف بدموع: أختي عملت حادثة وهي في العمليات دلوقتي. مالك: ملك؟!!

سيف: ادعيلها يا عمي. وسابه ومشي. عند آلاء، اللي كانت بترن على ملك. آلاء: علي، هي مش بترد عليا، رن عليها انت كده يمكن ترد. علي: يمكن نايمة ولا حاجة، بس حاضر. ومسك موبايله وبدأ يرن عليه. سيف: علي؟ علي: فينك يا ملك؟ آلاء مستنياكي وخايفة عليكي، اتأخرتي كده ليه؟ سيف: انت مين؟ علي باستغراب: مش ده رقم ملك؟ سيف: أيوه، وأنا أخوها. علي: آه، أنا علي، مدير شركة ملك اللي شغالة فيها، ومرات صديقتها. ممكن أعرف هي فين؟

سيف بهدوء: في العمليات. علي بصدمة: عمليات؟ سيف: أه. علي: انت في مستشفى إيه؟ سيف: مش لازم تيجي. آلاء مسكت من علي الموبايل: لو سمحت، أنا صديقة ملك. هي فين دلوقتي؟ قلقتني عليها. سيف: هي حالياً في العمليات. آلاء بصدمة: طب اسم المستشفى إيه؟ بسرعة! سيف: ..... آلاء: شكراً. وفصلت. علي: يلا بينا. آلاء: حاضر، بس خليكي انتي هنا عشان حملك، أنا هروح. آلاء: لا، صدقني مش هقدر، هاجي معاك عشان خاطري، والنبي. علي: حاضر.

وقاموا لبسوا واتوجهوا ناحية المستشفى. بعد فترة، خرج يوسف من الأوضة. نهاد أول ما شافته قامت جريت عليه: بنتي؟ إيه أخبارها؟ طمني يا دكتور، عشان خاطري. يوسف: ما تقلقيش، الحمد لله. مش كان معاكو شاب؟ نهاد: أه، سيف أخوها. يوسف: طب لما ييجي أنا عايزه في أوضة. نهاد: هي بخير يا ابني؟ يوسف بتنهيدة: ادعي يا أمي الـ 24 ساعة دول يعدوا على خير، مقدرش أقولك غير كده. في الوقت ده وصل سيف. سيف: أختي، إيه أخبارها يا دكتوري؟

يوسف: محتاجك دقيقة لو سمحت. سيف: اتفضل يا دكتور. وراحوا في حتة بعيدة عن نهاد. سيف: في إيه يا دكتور؟ قلقتني. يوسف: الحالة مش تطمن أبداً. سيف بصدمة: إزاي؟!! يوسف: حصل لها نزيف جامد وشرح في الجمجمة، غير الإصابات اللي في جسمها. ادعوا الـ 24 ساعة دول يعدوا على خير. سيف بدموع: يعني!! يوسف: إحنا عملنا اللي علينا، والباقي على ربنا. ادعي. سيب يوسف سيف في حالة صدمة ودموعه اللي بدأت تنزل.

سيف من بين دموعه: هتكون بخير، هتكون بخير. مسح دموعه وراح لأمه. نهاد بدموع: ودوها العناية، يا رب خليك معانا يا رب. عند يوسف، اللي فتح موبايله لقي تميم رن عليه كتير. يوسف بتوتر: طب أقوله ولا إيه؟ جاب رقم أخوه ورن عليه. يوسف: الو. تميم: أنا قلبي مش مرتاح. يوسف: تميم، أنا عايزك تهدي. تميم بتوتر: أنا هادي أهي. يوسف: ملك عملت حادثة، وحالياً هي في العناية. تميم بصدمة...