رواية قلب يشفى الفصل الثامن 8 - بقلم منة عاطف

الممرضة: المريضة فقدت دم كتير، إحنا محتاجين متبرع بسرعة. سيف: أنا أخوها، أقدر أساعدك. الممرضة: تعالي بسرعة ورايا. ودخلت أوضة التبرع بالدم. الممرضة: إحنا لازم نحللك الأول. سيف: تمام. بدأت الممرضة تسحب عينة دم عشان تتأكد إذا كان الدم مطابق أو لأ. بعد فترة، جت وبدأت تسحب الدم منه، أخدت منه كيسين دم. الممرضة: خلصنا. سيف بألم: لو عايزة تاني خدي. الممرضة: مش نقدر كده، ممكن تموت. سيف وهو بيقوم وهو دايخ.

الممرضة: خليك هنا فترة وامسك العصير ده إشربه عشان تعوض اللي فقدته من دمك. سيف: شكراً جداً. الممرضة: الشكر لله. وأخدت الدم ورجعت على أوضة العمليات. يوسف: بسرعة يلا. عند تميم، اللي كان حاسس إحساس غريب، حاسس إن قلبه بيقوله فيه حاجة. تميم مسك موبايله ورن على يوسف، لقاه مش بيرد. تميم: يمكن في العمليات دلوقتي. تميم بخوف: طب فيه إيه يارب، استرها يارب. عند ريم، اللي بدأت تفوق. مالك جري عليها. مالك: انتي كويسة يا روحي؟

ريم بألم: أنا حصلي إيه؟ مالك: اغمي عليكي. ريم وهي شايفة الدموع في عيون مالك. ريم: أنا بخير، مش تقلق. مالك: أكيد يا روحي، هروح أنادي الدكتور. هزت ريم راسها وسابها وخرج. راح عند الممرضة يسألها هو الدكتور فين، أنا بنتي فاقت. الممرضة: حاضر، هناديه ليكم. مالك وهو ماشي لمّح سيف. مالك: سيف؟!! طب هو إيه اللي هيجيبه هنا؟ سيف التفت: نعم؟ مالك بصدمة: انت بتعمل إيه هنا؟!! سيف بدموع: أخويا أخويا عملت حادثة وهي في العمليات دلوقتي.

مالك: ملك!!!! سيف: ادعيلها يا عمي. وسابه ومشي. عند آلاء، اللي كانت بترن على ملك. آلاء: علي، هيا مش بترد عليا، رن عليها انت كده يمكن ترد. علي: يمكن نايمة ولا حاجة، بس حاضر. ومسك موبايله وبدأ يرن عليه. سيف: علي؟! ورد عليه. علي: فينك يا ملك؟ آلاء مستنياكي وخايفة عليكي، اتأخرتي كده ليه. سيف: انت مين؟ علي باستغراب: مش ده رقم ملك؟ سيف: أيوه، وأنا أخوها.

علي: آه، أنا علي مدير شركة ملك اللي شغالة فيها ومراتي صديقتها، ممكن أعرف هي فين؟ سيف بهدوء: في العمليات. علي بصدمة: عمليات؟!! سيف: آه. علي: انت في مستشفى إيه؟ سيف: مش لازم تيجي. آلاء مسكت من علي الموبايل. آلاء: لو سمحت، أنا صديقة ملك، هي فين دلوقتي؟ قلقتني عليها. سيف: هي حالياً في العمليات. آلاء بصدمة: طب اسم المستشفى إيه بسرعة؟ سيف... آلاء: شكراً. وفصلت. علي: يلا بينا.

علي: حاضر، بس خليكي انتي هنا عشان حملك، أنا هروح. آلاء: لا، صدقني مش هقدر، هاجي معاك عشان خاطري، والنبي. علي: حاضر. وقاموا لبسوا وتوجهوا ناحية المستشفى. بعد فترة، خرج يوسف من الأوضة. نهاد أول ما شافته قامت جريت عليه. نهاد: بنتي إيه أخبارها؟ طمني يا دكتور عشان خاطري. يوسف: مش تقلقي، الحمد لله. مش كان معاكو شاب؟ نهاد: آه، سيف أخوها. يوسف: طب لما ييجي أنا عايزه في أوضة. نهاد: هي بخير يا ابني؟

يوسف بتنهيدة: ادعي يا أمي الـ 24 ساعة دول يعدوا على خير، مقدرش أقولك غير كده. في الوقت ده وصل سيف. سيف: اختي إيه أخبارها يا دكتور؟ يوسف: محتاجك دقيقة لو سمحت. سيف: اتفضل يا دكتور. وراحوا في حتة بعيدة عن نهاد. سيف: في إيه يا دكتور؟ قلقتني. يوسف: الحالة مش تطمن أبداً. سيف بصدمة: إزاي؟!! يوسف: حصل لها نزيف جامد وشرح في الجمجمة غير الإصابات اللي في جسمها، ادعوا الـ 24 ساعة دول يعدوا على خير. سيف بدموع: يعني!!

يوسف: إحنا عملنا اللي علينا، والباقي على ربنا، ادعي. سيب يوسف سيف في حالة صدمة ودموعه اللي بدأت تنزل. سيف من بين دموعه: هتكون بخير، هتكون بخير. مسح دموعه وراح لأمه. نهاد بدموع: ودوه العناية يارب، خليك معانا يارب. عند يوسف، اللي فتح موبايله لقي تميم رن عليه كتير. يوسف بتوتر: طب أقوله ولا إيه؟ جاب رقم أخوه ورن عليه. يوسف: الو. تميم: أنا قلبي مش مرتاح. يوسف: تميم، أنا عايزك تهدي. تميم بتوتر: أنا هادي أوي.

يوسف: ملك عملت حادثة وحالياً هي في العناية. تميم بصدمة...