رواية قلب يشفى الفصل الثالث 3 - بقلم منة عاطف

ملك وهيا ماشيه في الطريق سمعت صوت عربية بتخبط واحد. محمود: الحقوا الحقوا يا جماعة كلموا الإسعاف بسرعة. سالم: حاضر يبني. كلم الإسعاف وأداهم العنوان وقفل. سالم: جايين في الطريق مش هيتأخروا. ملك استوعبت الموقف وجريت عليهم. ملك: لو سمحتوا وسعوا كده. محمود: هو حضرتك دكتورة؟ ملك: لا بس كنت واخدة تدريبات على الإسعافات الأولية. لو سمحت ممكن تبعد بقى.

ملك راحت عدلت راسه ومدت التنفس وشافت ضربات القلب وقامت بقطع حتة من ملابسه وربطها على دماغه على النزيف يقف. ملك: حد كلم الإسعاف؟ سالم: على وصول. بعد دقيقة وصلت الإسعاف وخدوا المصاب. الممرض شكر ملك على المساعدة ومشي. بدأت الزحمة اللي كانت موجودة تفضى. مشيت ملك. ملك بتبص في الساعة لقتها سبعة. ملك: يا نهار هتأخر. وقفت تاكسي. ملك: لو سمحت وديني العنوان ده. السواق: حاضر. واتحرك السواق. وبعد نص ساعة وصلت ملك.

خرجت من التاكسي ومسكت الموبايل ورنت على المدير. ملك: هو حضرتك فين؟ علي: الشغل اتأخر للأسبوع اللي جاي، انتي معرفتيش؟ ملك: لا حضرتك محدش قالي. علي: تمام يا ملك، محتاجة أي مساعدة؟ ملك: شكراً جداً لحضرتك. وقفت معاه. ملك: طب فرصة أتمشى في الزمالك شوية بعيد عن الزعيق وكل حاجة. بدأت تتمشى.

ملك: بدأت تستعيد ذكرياتها السعيدة اللي مع ريم صحبتها اللي هيا بتقول عليها العوض بجد، وقت ضحكهم وعياطهم سوا وكلامهم اللي بيفضل بالساعات دايماً. وفاقت من ذكرياتها على حد بيقول. ورجعت افتكرت ذكرياتها مع والدتها وقسوتها عليها وضربها ليها وعيونها دمعت. يوسف: خلي بالك يا أستاذة هتتخبطي. ملك: شكراً. يوسف: الشكر لله، ممكن تفضلي منديل؟ ملك: شكراً مش عايزة. يوسف: انتي كويسة؟ ملك: بخير. يوسف: طب تمام.

ملك كملت طريقها ولمحت عيادة دكتور أمراض نفسية. وشافت المواعيد من ٢ الضهر لغاية ١٠ مساءً. ملك بتردد: نفسي أدخل بس خايفة. يوسف: خايفة من إيه؟ ملك: ها.