تحميل رواية قلبه من حجر بقلم حبيبة محمد pdf

واول ما شافته حطت ايدها على قلبها بخضة.

داغر: اي شوفتي عفريت؟

دليلا بعصبية: طب أعمل أي صوت، إنت خوفتني.

داغر: ما إنتي كنتي بتخافي مني زي الحرامي بالظبط. إيه خلاكي أول ما تشوفيني تطمني؟

دليلا: عشان اتعودت خلاص.

اتعودت عليك وعلى طريقتك وعلى ملامحك، وعلى كل حاجة فيك. إنت بنسبالي كنت شخص مخيف ومجهول، وكمان كنت بعتبرك مريض ومجنون، ولسه لغاية دلوقتي بعتبرك كدا.

بس مهما بشوف فيك كل دا، بطمن لما بتكون جنبي.

وبطمن لما ببص لعينيك وبشوف الدفا فيها.

***

مراد كان نازل من بيته ورايح لمراد، قابل جنه.

جنه: مرموري، رايح فين؟

مراد مسح على وشه بعصبية: مرموري! يبنتي إنتي مجنونة؟ هو إنتي تعرفيني منين أصلاً عشان تدلعيني؟

جنه: مش مهم أعرفك، كفايا إني بطمنلك.

مراد: أفهم من كدا إيه؟

جنه: أنا بحس اتجاهك بمشاعر...

كانت لسه هتكمل.

مراد: اممم، بتحسي اتجاهي بمشاعر. طب بصي بقى يا جنه، إنتي آه مزة وحلوة وبتيجي على مزاجي أوي.

وأكمل بمعاكسة: وشكلك حلو.

لمس شعرها: وشعرك أحلى.

ثم أكمل بحدة وهو يبتعد عنها: بس أنا مبحسش اتجاهك بأي حاجة يا ماما، افهمي بقى. يعني أنا ممكن أحب شكلك بس، لاكن قلبك لا.

وأكمل بمعاكسة: مليش أنا في جو الحب والحوارات دي.

جنه: بتاع بنات يعني؟

مراد بابتسامة: الله ينور عليكي، بتاع بنات.

جنه: مش مشكلة، أنا راضية.

مراد: دا إنتي معندكيش كرامة بقى.

جنه: طب مش هتوصلني مدرستي؟

مراد: لا، هوصلك ليه أصلاً؟

روان خرجت من السوبر ماركت ومعبرتوش.

مراد ساب جنه وطلع يجري ورا روان.

******

داغر: يعني هتفضلي تجيبيني وتوديني من غير ما تعرفيني إنتي بتتكلمي على إيه؟ طب على الأقل اديني إشارة إنك بتحبيني.

دليلا ضحكت بوجع من جواها: ولو قولتلك إني بحبك، هيحصل إيه؟

هنسى كل اللي إنت عملته؟

هنسى إهانتك ليا؟

هنسى الألم والعياط والمليون حاجة بكتمها كل يوم قبل ما أنام ومبقولش لحد عليها.

هنسى كل ده؟

داغر: أنا هقدر أنسيكي.

دليلا ببرود: مش هتقدر تنسيني. عارف ليه؟

عشان أنا طول عمري عايشة في مشاكل. طول عمري مشفتش حنان الأم ولا حتى الأب، ولا حتى كان عندي أخوات.

أنا طول عمري وحيدة.

مليش قرايب وكلهم طردوني.

اترميت في دار الأيتام لسنين.

ومحدش فيهم عبرني وكنت كتير أوي من جوايا بتألم.

بس محدش كان بيحس بيا ولا بيسأل عليا.

هما قدروا ينسوني الجرح ده؟

إنت قدرت تنسيني؟

محدش فيكم قدر ولا هيقدر ينسيني الجرح ده.

داغر فضل يبص حواليه عشان ميبينش دموعه.

دليلا قربت منه: بس تعرف؟

أنا مهما حاولت أنساك مبعرفش.

عشان...

وأكملت بضحكة وجع: عشان محدش غيرك اداني حنان وحب. على قد قساوتك بس شوفت في عينيك كتير خوفك عليا وحبك ليا وحنيتك عليا.

داغر واقف مركز في كل تفصيلة وكل كلمة هي بتقولها.

دليلا حضنته زي ما تكون بنته وهو أبوها اللي بيرعاها وبيخاف عليها.

داغر لمس شعرها وهو حاضنها: وهفضل طول عمري أخاف عليكي وأحبك، عشان إنتي نصيبي وقدري.

إنتي حياتي اللي مينفعش أستغني عنها.

في حد بيقدر يستغني عن حياته؟

إنتي حياتي وكل ما أملك.

يعني لو خسرتك كأني خسرت حياتي.

أنا من غيرك مكنتش عايش ولا هعيش من غيرك.

دليلا بعدت عنه وهي بتبص لكل نظرة في عيونه وبتبص لشكلُه كله زي ما تكون بتودعه.

داغر: بتبصيلي كدا ليه؟

دليلا: عشان إحنا مهما حاولنا ومهما كنا بنخاف على بعض وبنحس ببعض مش هينفع نكمل مع بعض.

أنا لازم أكون في طريق، وأنت في طريق.

وطلعت أوضتها.

داغر بعصبية مكتومة مسك كل الأزاز اللي قدامه رماها في الأرض وكسرها وزق الترابيزة بعصبية:

برضه بتستغفلك! عشااان غبي. هي مبتحبكش يا دااغر.

افهم بقااا. افهم هي بتكرهك.

***

دليلا طلعت أوضتها وقفلت على نفسها الباب.

"افهمي بقى يا دليلا، داغر مهما قالك هيفضل يكرهك. داغر إنسان مريض، وكل حاجة في الدنيا ماشية على هواه واللي بيطلبه لازم يتنفذ. يعني إنتي هتعيشي طول عمرك كلبة معاه تعملي اللي هو بيقوله وبس.

داغر إنسان متملك ومريض.

واستحالة قلبه من حجر دا يحبني أو يحب حد أصلاً.

دا عمره ما ضحك في وشي ولا حتى قالي كلمة حلوة.

كل اللي كان بيقوله من شوية دا شوية تخاريف منه. شوية كلام يضحك على عقلي وقلبي بيه.

داغر مبيحبكيش يا دليلا، ولازم تطلقي منه."

***

مراد جري ورا روان.

وجنه كانت هتموت من غيرتها.

مراد: روان روان.

روان بغرور: ها؟

مراد: أوصلك للمدرسة؟

روان: وتوصلني ليه؟ أنا مطلبتش منك.

مراد فهم إنها بتتقل عليه.

بغرور: تمام، امشي يلا.

روان في نفسها: ما كنتي تخليه يوصلك يا متخلفة.

جنه جريت على مراد: خلاص وصلني أنا يا مراد.

مراد شد جنه من إيدها وركبها العربية عشان يغيظ روان بس مش أكتر.

روان فضلت متنحة باستعجاب: خلاص خلاص، أهدي يا روان، متبينيش غيرتك، أهدي.

مشيت ومردتش عليه.

مراد بعد ما روان مشيت: انزلي يا بت.

جنه: بت؟ وأنزل ليه بقا؟ مش إنت قولتلي اركبي؟

مراد: كنت بعمل كدا قدام روان بس، يلا انزلي.

جنه نزلت وبصتله من الشباك بتفاهة: ماشي يا مراد! والله لأوريك.

مراد قفل الإزاز: شش، هبقى أشتري بيرسول عشان أهش الدبان اللي قدام الشباك ده بعد كدا.

***

في مكان آخر.

"ينفع أعرف بقى، إنتِ عارفة إني ليا أخت وعارفة عيلتي وكل حاجة عني، ليه مقولتيش ليا غير دلوقتي؟"

"عشان أنا ربيتك يا أدم. أنا كنت شغالة في دار الأيتام. جدتك اللي إنت شايفها دي كانت مربية وأنا اللي كنت بربيك إنت ودليلا في نفس الملجأ. أمك بعد ما ولدتك بعديها بـ ٩ سنين أمك ماتت، وأبوك لما اتجوز واحدة تانية غير أمك خلف منها دليلا. يعني دليلا أختك بس مش من نفس الأم. وبعد كدا أبوك مات، وحصل أمك. وأمك كانت وصيتها إنك تتربي بعيد عن دليلا عشان كانت بتكره دليلا وبتكره ضرتها. وعشان كدا أنا ربيتك بعيد عن دليلا."

أدم: يا شيخة حرام عليكوا.

تسيبي طفلة لوحدها في الدنيا كدا.

إنتوا ناس ملتكوا إيه؟ ملتكوا إيه؟ إزاي متقوليليش إني ليا أخت؟ إزاي تحرميني عن أختي، اللي من دمي وروحي.

ثم أكمل بصوت عالي: تسيبي طفلة عندها ١٥ سنة ولا ١٦ سنة لوحدها في الدنيا.

طب فين ضميرك؟

أدم: طب ودليلا أمها عايشة؟

"للأسف هي ماتت وهي بتولد دليلا أصلاً. بس أنا كنت دايماً بضحك على دليلا وبقولها إن أمك عاشت معاكي وبعد كدا ماتت. لاكن دليلا مشافتتش أمها أصلاً."

أدم: يعني إنتي المفروض جدتنا. يعني المفروض عندك رحمة وضمير وتشوفي حفيتدك اللي متعرفش حاجة في الدنيا.

ما تتكلمي تقولي حاجة يا أسماء.

أسماء (جدته): أنا آسفة يا ابني.

أدم: مينفعش الأسف. أنا لازم أدور على دليلا وأجيبها. لازم أشوف أختي وأسأل عنها.

يعني أخوها عنده ٢٥ سنة وشوية وميعرفش أخته فين؟

لازم أجيبها.

***

داغر راح وعمل إجراءات الطلاق وهو سرحان طول الوقت. وإيده بتمنعه يعمل كدا، مكنش عايز يعمل كدا، كأن روحه بتطلع منه.

دليلا بنسباله بنته ومش بس حبيبته. مهما كان بيقسي عليها هو كان متعود على وجودها معاه. بعد ما يطلقها هيفتقد غيرته وحبه ليها.

حضر ورقة الطلاق. وخلاص ناقص إمضتها. بس...

***

دليلا كانت قاعدة بتذاكر.

وشبهه خلصت مذاكرتها.

عشان وراها بكرة امتحان.

وتخلص السنة دي.

أسيا بتتصل بيها.

"ازيك يا لي لي؟"

"كويسة."

"اي صوتك ماله؟"

"تعبت من المذاكرة يا أسيا."

"هانت، بكرة الامتحان ونخلص."

"أسيا.... أنا نفسي أحكي حاجات كتير أوي."

"عارفة إحساس إنك مكتومة ونفسك تحكي وتطلعي كل اللي جواكي؟ إحساس إنك نفسك تصوتي بصوت عالي وتقولي اللي نفسك فيه."

"اي يا بنتي مالك بس؟"

"أنا طول عمري محطوطة تحت رحمة الظروف، أي حاجة بتحصل بكون تحت رحمتها."

"نفسي أعيش عادي زي بقيت الناس، بس مشاكلي أكبر مني أنا شخصياً."

"هنتقابل بكرة بعد الامتحان وابقي احكيلي كل اللي نفسك فيه."

دليلا ابتسمت بوجع: "ماشي، هقفل أنا دلوقتي."

***

دليلا اتصلت بداغر عشان الوقت اتأخر وهو كان لسه موصلش.

بس مكانش بيرد عليها.

"زي كل مرة، تلاقيه سكران أصلًا."

***

"قدر: مبتحبنيش زي دليلا ليه يا داغر؟ أنا أقل منها في أي حاجة."

داغر ضحك بسخرية: "أقل منها في إيه؟"

"قدر: أه، أقل منها في أي حاجة."

"داغر: أقل منها في كل حاجة."

"عايزة تعرفي في إيه بالظبط؟"

"في شكلها وطريقتها وحركاتها وضحكتها اللي بتسحر، حتى عياطها له معنى تاني. والأهم من كل ده، براءتها وطفولتها."

"فهمتي في إيه؟"

قدر بغيره: "هتفضل طول عمرك أناني ومبتحبش غير نفسك."

داغر مسك دراعها بعصبية وشد عليها: "صوتك ميعلاش عليا."

ورزع دراعها، وسابها ومشي.

***

مراد كان قاعد في بيته عمال يروح ويجي مش لاقي حاجة يعملها.

فقعد على الكرسي وفضل يفكر.

"روان أحلى، شكلها حلو، حجابها أحلى. طريقتها وعنادها وغرورها حلوين."

"أما جنة مزة بس واقعة أوي، ومرمية عليا وبصراحة مبقتش طايقاها."

"خلاص أنا لقيت حل."

"أنا هكلم الاتنين في نفس الوقت، أهو أرضيهم وأرضي ضميري، وأرضي ربنا فيهم."

***

في صباح يوم جديد.

دليلا صحيت من النوم لبست لبس المدرسة وصاحية نعسانة جداً، وفي نفس الوقت حاسة بقيمة داغر الكبيرة في حياتها. وحست قد إيه هي بتحبه. عدم وجوده معاها في البيت بان دلوقتي.

لبست وخرجت بعدم أهمية.

****

"مراد: ادخل يعم، أي فينك؟"

"داغر: موجود."

"مراد: مالك مهموم كدا ليه؟"

"داغر: عشان بحبها، عرفت ليه؟"

مراد وهو بيملي كوباية عصير: "طب ولما انت بتحبها، طلقتها ليه؟"

داغر قعد باستسلام وبرود: "عشان مبتحبنيش. مينفعش يكون فيه حب من طرف واحد."

"مراد: وعرفت منين إنها مبتحبكش؟ مش يمكن بتحبك؟"

"داغر: هي اعترفتلي... 100 مرة قبل كده."

"مراد: يعم اعمل زيي، ما أنا المعلم إزاي أكون بتاع بنات. حب واحدة واتنين وتلاتة، ولو معجبتكش واحدة فيهم، خد اللي تعجبك وسيب اللي متعجبكش."

"داغر: بطل تفاهة يا مراد، الكلام ده كان زمان. دلوقتي خلاص دليلا دخلت حياتي، مبقتش حتى بقدر أبص لحد غيرها، واخده كل وقتي وتفكيري."

"مراد: هتسلمها ورقة الطلاق امتى؟"

"داغر: لما تيجي من الامتحان."

***

"اياد: دليلا وصلت، دليلا وصلت."

"كريم: أعملك إيه يعني؟ ما أنا كل ما أقربلها جوزها يضربنا."

"اياد: هفضل أحب دليلا حتى لو جوزها قتلني."

"كريم: إيه كل ده؟ جبته امتى؟"

"اياد: جبته لما شفت دليلا."

***

"دليلا: أنا راجعت كتير أوي، وزاكرت كتير وخلاص تعبت من كتر المذاكرة، وإن شاء الله هجيب درجة حلوة."

"أسيا: إن شاء الله."

دخلوا الامتحان.

وبعد ساعتين.

دليلا خرجت فرحانة والابتسامة على وشها وضحكتها اللي بتسحر دي موجودة على وشها.

"أسيا: حليتي؟"

دليلا بتسقف وبتتنطط بفرحة: "حليت، حليت!"

وحضنت أسيا جامد.

أسيا بابتسامة: "وأنا كمان حليت."

"دليلا: هقابلك انهاردة بليل زي ما قولتي."

"أسيا: أشطا، اتفقنا."

******

دليلا دخلت البيت ولقيت داغر وصل.

سابت شنطتها وطلعت تجري عليه ببرائة.

وحضنته بفرحة مش سايعاها: "أنا حليت، حليت في الامتحان وهجيب درجات حلوة!"

داغر شم ريحتها قبل ما يسيبها لآخر مرة. ومسك شعرها بحنو، وزي ما يكون مش عايز يسيبها.

بس بعد عنها تاني وقالها بحدة:

"امسكي ورقة طلاقك اللي كنتي نفسك أديهالك من زمان أوي، أهي.... وامضي عليها... قدامي يلا."

يتبع

امسكي ورقة طلاقك، اللي كنتي نفسك أديهالك من زمان أوي، أهي... وامضي عليها قدامي يلا.

داغر بعدت عن حضنه هي كمان وبربشت بعينيها بعدم فهم.

داغر ببرود: ورقة طلاقك يا دليلا، أي مبقتيش تفهمي خلاص.

دليلا خدت الورقة وأعصابها سايبة وقرأت مضمون الورقة وعينيها بدأت تدمع ونزلت نقطة من دموعها على الورقة.

داغر شد الورقة: هتبلي الورقة يا دليلا.

دليلا بدموع وعكس فرحتها بقت تعيط: عايزني أمضي على الورقة؟

داغر: امضي، مش انتي كان نفسك تشوفي الورقة دي.

دليلا مسحت دموعها بقوة مصطنعة: أنا... مش عايزة أمضي على الورقة دي.

داغر: وأنا من المفروض أسمع كلامك في كل حاجة. هات يا داغر ورقة طلاقي أقولك حاضر، مش همضي يا داغر أقولك حاضر؟

لا يا دليلا، انتي هتمضي عشان أنا خلاص عايزك تمضي، مش كل حاجة هتبقى بمزاجك.

دليلا بدموع: وأنا من امتى كان فيه حاجة بمزاجي في الدنيا دي يا داغر؟ وانت عارف كويس أوي إنك عمرك ما عملت اللي في دماغي.

أنا مش همضي.

داغر مسك إيدها بعصبية مكتومة: هتمضي يا دليلا.

دليلا بقوة مصطنعة: مش همضي، قلتلك.

داغر بعصبية وصوت عالي: ليه؟ مش انتي بتكرهيني؟

عايزة تكملي مع واحد بتكرهيه ليه؟ عايزة تكملي مع واحد مش فتى أحلامك ليه؟

عايزة تكملي مع واحد بيكسفك قدام الناس وصحابك ليه؟

مش أنا كنت أكبر خجل ليكي؟

خلاص هتخلصي مني بإمضي منك.

دليلا في سرها: عشان بحبك.

عرفت ليه؟

داغر: امضي يا دليلا.

دليلا حركت رأسها بمعنى لأ، ودموعها مالية عينيها.

وجريت في حضن داغر.

نفسها تغمض عينها وتفتحها تلاقيه شال الورقة دي من قدامها.

حطها في اختيار صعب أوي بين قلبها وعقلها.

داغر حضنها بحنو وباس راسها.

وبعدها عنه ومسك راسها بإيديه الاتنين وبص في عيونها.

وهي بتبص في عيونه ونفسها يقولها إنه بيحبها ومش هيطلقها.

داغر: أنا بحبك يا دليلا.

دليلا سمعت الكلمة دي منه.

قلبها كان هيقف، ابتسمت ابتسامتها الجميلة البتسحر.

داغر أكمل بحده: بس مهما كنت بحبك لازم أسيبك.

أنا كده يا دليلا هفضل طول عمري بتاع بنات. بحب وأسيب، بحب وأسيب. مكملتش مع واحدة لسه لغاية دلوقتي.

دليلا اتصدمت بكلامه: كل ده كنتي بتتسلّي؟

داغر كان قاصد يجرحها زي ما جرحته: مكنتش بتسلى، أنا حبيتك بجد. بس برضه مينفعش أكمل معاكي. ولا هكمل مع حد تاني. أنا قلبي بيسيع واحدة وتلاتة وعشرة كمان.

دليلا الدموع اتجمعت في عينها وزقته بقرف: ولا عمري هأتوقع منك غير كده. وكان قلبي صح لما كنت بقول ده بيحبني. كنت بكذب نفسي دايماً. قلبي كان صح لما كنت بكرهك. وعارفة إنك عمرك ما هتتغير.

دليلا شدت منه ورقة طلاقها.

ومسكت القلم.

وهنا كانت بتمنع نفسها في كل ثانية، بس برود داغر هو اللي خلى كبريائها يغلب عليها.

دليلا مضت على الورقة وخبطتها في صدره بعصبية:

اتفضل.

***

مراد كان جاي من شغله ومعاه واحدة في عربيته.

_ هتفضل طول عمرك قمر يا مراد.

مراد وهو فرحان بإعجاب البنات كلها بيه: طبعاً، أنا مش أي حد يا بنتي.

_ مين الاتنين الواقفين متنحين ليك دول؟

مراد باستعباط: فين دول يا رهف؟

رهف: أهم يا مراد، واحدة في الشباك والتانية في السوبر ماركت.

مراد خد باله: آآآه.

فضل يضحك بصوت عالي.

بص لروان لقاها واقفاله ومش طايقة نفسها.

مراد في سره: مزة، مزة بجد يعني مش كلام.

وبعد كده بص لشباك جنة لقاها واقفة بتضحكله:

يخربيت أبوكي، خشي اتخمدي بقى. ما وراكيش نيلة غيري.

رهف: خدت بالك.

مراد: خدت بالي.

رهف: انت بتاع بنات أوي على فكرة.

مراد: ياآه، حاجة جميلة.

رهف: وبتتسلّي بالبنات.

مراد بغرور: وأولهم انتي يا رهوفة.

رهف خبطته في كتفه بابتسامة: ماشي يا مراد.

مراد طلع بيته وهو بيقولها: يلا امشي انتي بقى.

رهف: هقابلك بكرة.

روان سابت السوبر ماركت وكل حاجة في إيدها وجريت وراه.

روان: مراد!

مراد لف لها بغرور: ها؟

روان: ينفع أسألك سؤال؟

مراد: اسألي.

روان: جربت تحب قبل كده؟

مراد قلبه دقاته زادت وقالها:

جربتي انتي جربتي؟ تحبي؟

روان: اه جربت.

مراد قلبه دق أكتر: ..

روان: حبيت؟

مراد: لا محبتش.

روان في سرها: أنا غلطانة لأهله. وأنا الفكراه رومانسي.

***

دليلا مش عايزة كلامهم يخلص: طب... وبيتي؟

داغر ببرود: بيتك عندك أهو.

كتبته باسمك تاني. أظن كده خلاص.

طلقتك. وبيتك معاكي وباسمك. وعملنا المهمة.

مبقاش في حاجة تربطني بيكي تاني يا دليلا.

دليلا دموعها اتجمعت في عينها.

: يعني خلاص هتمشي؟

داغر بقوة مصطنعة: همشي يا دليلا.

دليلا: عايزك تسأل عليا.

ثم مسحت دموعها ببكاء: عايزة أشوفك تاني.

داغر: خلي بالك من نفسك.

دليلا جريت عليه وحضنته.

دليلا في سرها: متسبنيش.

لو سبتني كأن روحي سابتني يا داغر. أنا بحبك.

بس انت أفعالك مقوياك عليا.

جرحتني كتير أوي. وهزمتني كتير أوي.

بس بحبك.

حبيتك أوي والله ومهما حاولت أعرفك أنا قد إيه بحبك عمرك ما هتصدق.

يعني دلوقتي خلاص أنا كده مش هبقى معاك تاني.

مش هفتح عيني ألاقيك في وشي.

مش هتوصلني جامعتي؟

أصل أنا تميت الـ 19 سنة!

بس للأسف مقدرتش أحتفل بده معاك النهاردة.

داغر لمس شعرها وكان ضاممها ومش عايز يسيبها.

: يعني مش هفتح باب الشقة ألاقيكي بتذاكري. وتقوليلي تعالا ذاكرلي.

: مش هوديكي جامعتك؟

وأقولك النهاردة كل سنة وانتي طيبة.

: مش هغطيكي بليل وانتي نايمة.

داغر بعدها عنه:

ثم أكمل بحده: بتعملي إيه يا دليلا؟ هو انتي بعد ما طلقتك بقيتي تحبيني؟

دليلا بتوتر وقوة مصطنعة:

مبعملش حاجة. بودعك. إحنا مهما كان... كنا صحاب.

داغر: صحاب؟

دليلا بتوتر: آه صحاب. إحنا كنا إيه غير صحاب.

دليلا جرحت داغر كتير أوي.

وداغر كالعادة كان بيجرح دليلا كتير أوي.

داغر: أشوف وشك بخير.

ساب إيدها ومشي.

دليلا ركزت على خطواته ومع كل خطوة كانت بتدمع دمعة.

: متتمشيش. ارجوك متمشيش.

حبني زي ما بحبك.

وقولي لأ مش هطلقك. قولي هرجعك.

قولي أنا بحبك.

داغر مبيحبكيش. لو كان بيحبك كان كمل معاكي ورجعلك.

قعدت على الأرض مكسورة ودموعها مالية عينيها.

***

داغر خرج من الشارع اللي هي فيه.

وحط راسه على العربية. ودموعه ملت عينه:

دليلا مش ليكي ومش من نصيبك. مهما حبيتها.

لازم تقتنع إنها بتكرهك.

شوف حياتك من غيرها.

واقتنع نفسك بالأمر الواقع.

***

ومهما ابعدتنا المسافات لكن أقدارنا لم تتغير وأنا من نصيبك وأنت من قسمتي. ❤️

بعد ٧ سنين 💙

دليلا خرجت من أوضتها لابسة حلو جداً وماسكة في إيدها شنطتها وحاطة الهاند فري في ودنها.

آدم: مش هتبوسي أخوكي قبل ما تخرجي؟

دليلا باست باستُه.

جدتها: ربنا يخليكوا لبعض يا دليلا.

دليلا بابتسامة: ويخليكي لينا يا تيته.

كان فين كل الحنان ده بس يا عالم.

آدم: موجود قدامك يا قلبي.

دليلا بمرح: ماشي يا حنان، عايزة حاجة؟

آدم ضربها بالشبشب اللي في إيده.

: غوري يابت.

دليلا: حبيبييي.

ونزلت لشغلها وهي حاطة الهاند فري في ودنها ومندمجة مع الأغاني.

أسيا قابلتها: إيه يبنتي بتصل بيكي كل ده ومش بتردي؟

دليلا: مش شايفاني حاطة الهاند فري في ودني؟

أسيا: بت، عايزة أقولك على حاجة.

دليلا: ها؟

أسيا: أخوكي قمر أوي.

دليلا: أخطبهولك؟

أسيا بمرح: لأ، جوزيني على طول.

دليلا فضلت تضحك.

****

روان: مراد.

مراد رجعلها بابتسامة: عيون مراد؟

روان: جيبلي أنا وحور شوكولاتة وانت راجع من الشغل ممكن؟

مراد: بس كده؟ ده انتي تأمري.

روان قامت من على الكرسي وهي بتحضنه قبل ما يخرج:

إن صح... الا قولي. دليلا وداغر عملوا إيه؟ مشافوش بعض من ساعتها؟

مراد: اسكتي، ده داغر حكايته حكاية.

دا أنا وانتي اتجوزنا وخلفنا وهو لسه مشافش دليلا.

روان ضحكت ومسكت ايده بحنو: ابقي حاول خليني اشوف دليلا.

مراد: حاضر يا روحي. باس ايدها: عايزه حاجه؟

روان: تؤ.

مراد وطي بالقرب من حور.

: عايزه حاجه يا قلب بابا؟

حور كانت بتعمل حركات طفوليه: عايزه شوكولاته.

مراد باسها من خدها: هحيبلك كل علب الشوكولاته والله قمررر.

بعشقكك انتي وامك.

روان ضحكتله.

****

دليلا دخلت المستشفي ولبست چاكيت الدكاتره.

ودخلت بهيبتها كونها دكتوره.

_ يا دكتوره دليلا. الحقي في مريض بيموت في العمليات.

دليلا حطت الجونتي في ايدها ودخلت اوضه العمليات بسرعه.

دليلا: حضرلي بسرعه كل الادوات.

لسه هتبدأ في العمليه.

لقت داغر هو النايم علي السرير.

وحبها القديم رجعلها تاني.

راجع تحت ايدها.

دليلا بصدمه: داااغر.

الممرضه: نعم يا دكتوره.

دليلا افتكرت كل حاجه ليها علاقه بيهه من تاني.

افتكرت حبها ليه من تاني.

وافتكرت ذكرياتها معاه. وعشقها ليه.

افتكرت حب طفولتها من جديد.

الممرضه: يا دكتوره. هتفضلي سرحانه المريض بيموت.

دليلا ادت للمرضين ضهرها ومسحت دموعها. ومبينتش فرحتها.

ورجعت للعمليه.

****

عدي ٧ سنين وانتي لسه ال في قلبك هو ال في قلبك يا جنه.

جنه بغيظ: استحاله اسيبه في حاله. استحاله.

مش هسيب روان العقربه دي تتهني بيه ابدا.

مش هسيبها تاخدي حب حياتي مني.

_ يبنتي دا راجل متجوز ومخلف انتي اتجننتي.

جنه بحقد: بقولك بحبه هو انتي مبتحسيش.

:_ انتي المبتحسيش. هو قالك قبل كدا انه مبيحبكيش في فرحه هو و روان انتي ناسيه.

فاكره لما روحتيلو في الفرح وكسفتي نفسك قدام الناس.

جنه: مهما عمل هفضل وراه.

وهفضل احبه هو وبس. انتي سامعه. هو وبس.

لازم اخلص من العقربه الاسمها روان دي في اقرب وقت.

***

ادم دخل شركته وكالعاده كل الموظفين معجبين بيه.

جهزلي يبني الورق دا.

ومتنساش الاجتماع بتاع انهارده.

_ حاضر يا ادم باشا.

وانتي تعالي ورايا.

دخل ادم بهيبته للمكتب الفخم بتاعه.

ودخلت وراه المساعده بتاعته.

_ نعم يا ادم باشا.

ادم شدها من ايدها وخبطها في الحيطه ومسك ايدها.

الاتنين: باشا. هتندهيني بأسمي امتي يا حلم.

حلم بتوتر: دلوقتي. هندهك بين دلوقتي.

ادم: قولي.

حلم: ا. ادم.

ادم: طالعه منك حلوه اوي.

حلم سابته وخرجت بتوتر.

ادم قعد علي مكتبه تاني بغرور.

مجنناني بنت الايه.

****

دليلا خلصت العمليه وخرجت من اوضه العمليات مخرجتش من صدمتها لسه.

الحب يدخل بطريقه ما في حياه الناس ومشاعرهم. يعرف كيف يدخل في روؤسهم وقلوبهم.

دخلت اوضتها في المستشفي وقلعت الچاكيت واتنهدت بتوتر.

وافتكرت كل لحظه عشاتها مع داغر.

وقلبها لحد دلوقتي لسه بيحبه ومبحبش. غيره.

Flash Back

اشوف وشك بخير.

ساب ايدها ومشي.

: متمشيش ارجوك متمشيش.

حبني زي ما بحبك.

وقولي لا مش هطلقك. قولي هرجعك.

قولي انا بحبك.

Back

رجعت من تفكيرها في داغر.

ومشاعرها اتجاهه المن خمس سنين مخلصتش ولا هتخلص.

: اسيا دخلتلها.

دليلا: مش انتي ممرضه زي بقيت الممرضات اي الجايبك تقعدي معايا.

اسيا: هتتكبري عليا عشان دكتوره يعني.

دليلا: شوفتي الانا شوفته.

اسيا: شوفتي اي.

دليلا: شوفت داغر.

اسيا قامت تعمل كوبايه شاي وفاكره دليلا بتهلوس.

يااه داغر. هو انتي لسه بتفكري فيه. اي يبنتي. انتي اتجننتي.

دليلا: شوفته بجد مش بهزر.

اسيا سابت الكوبايه من ايدها.

شوفتيه فين بقا.

دليلا: في اوضه العمليات.

انتي متخيله انا الدكتوره بتاعته.

اسيا: بتهزري. شوفتيه تاني بعد كل الحصل دا.

دليلا: وحشني اوي يا يا اسيا.

انا لسه بحبه. ومنستهوش ابدا. هو موجود في قلبي وعقلي متشالش من بالي ابدا.

مش المسافات هي التخليكي تنسي حبك الوحيد يا اسيا.

اسيا: ياااه فاكره يوم ما شوفتيه كان عندك ١٨ سنه.

دليلا: وحشني اوي. وحشني كل حاجه فيه وحشني سؤاله عني ووحشني نظراته ليا.

وحشتني ريحته الافتقدتها.

وحشتني كل تفصيله فيه.

مهما كان بعيد عني هو في قلبي. وعمري ما هخرجه من قلبي.

عارفه ليه. عشان دا حب طفولتي.

فتحت عيني عليه.

اسيا: يخربيت رومانسيتك المودياكي ورا دي.

دليلا: طب ما انتي هتتجنني علي ادم اخويا بقالك سنين.

اسيا: و ياريته معبرني.

دليلا: شكله بيحب حد تاني.

بتفكريني بقصه روان ومراد.

جنه كانت بتحب مراد وبتعشقه واراهنك ان هي لحد دلوقتي بتحبه. بس مراد مكانش بيحبها. واتجوز روان. وخلف منها كمان.

اسيا: قصدك اي قصدك اني هكون البنت الادم مبيحبهاش.

دليلا ضحكت بتوهان: لا مقصدش يا هبله.

******

ادم كان قاعد في مكتبه وليهه هيبته.

دخل عليه صاحبه.

ادم: هو عشان انا صاحبك يعني ومعودك عليا هتنسي انك تخبك قبل ما تدخل.

_ فكك من كل الرسميات دي. عايز اقولك حاجه.

ادم: اقعد يا تامر واقف ليه.

تامر قعد.

ادم: ارغي.

تامر: انا هكلمك في موضوع جديي شويه.

انا بحب دليلا. اسمعني للأخر. و عايز اتقدملها.

وانت صاحبي وضامني.

وانا حبيت اعمل الاصول واجي اقول لأخوها الاول.

ادم: بتحب دليلا.

وانت اصلا بتشوف دليلا كل فين وفين. حبتها امتي.

تامر: مخبيها في قلبي يا ادم.

ادم: امم. وانت جاهز.

يعني شقتك وجهازك موجودين.

تامر: كل حاجه جاهزه.

ادم: انت صاحبي. وانا واثق انك راجل. وعمرك ما تغشها.

انا عن نفسي موافق.

بس هسأل دليلا. انت عارف لازم اسألها.

تامر: طبعا. طبعا وماله.

****

بعد وقت كبير.

_ يا دكتوره دليلا. المريض فتح عينه.

دليلا قامت واتوترت اوي لما سمعت ان داغر فاق.

اتوترت ومش عارفه تقابله ازاي. وتقابله بأني قلب.

وبأنهي مشاعر.

لبست چاكيت الدكاتره بتاعها.

وقبل ما تدخل اوضته خدت نفس عميق.

: اهدي يا دليلا. يمكن هو متجوز. او بيحب غيرك.

اتعاملي معاه عادي جدا.

خبطت و دخلت.

داغر كان مغمض عينه وفاكر ان الممرضه الدخلتله: حطي الاكل جمبي هنا.

دليلا ابتسمت: نفس طريقه كلامه. وحشني صوتك. وحشني غرورك.

داغر بغرور: ساكته ليه. فتح عينه وقالها: مش قولتلك حطي الاك.

كان لسه هيكمل لقي دليلا واقفه قدامه.

داغر بغرور: ساكتة ليه... فتح عينه وقالها: مش قولتلك حطي الاك...

كان لسه هيكمل لقي دليلا قدامه.

داغر قام مخضوض... لما شافها مصدقش إن هي قدامه... ونسي إنه لسه عامل عملية.

: اااه... ااه...

دليلا فاقت من سرحانها... ومسكت من ضهره:

براحة يا داغر... قوم براحة...

داغر لف بصّلها ومش مصدق لغاية دلوقتي إن دليلا واقفة قدامه.

داغر لمس وشها عشان يصدق إن دليلا هي قدامه.

دليلا مسكت إيده بحنو وباسّتها برقة: أيوه... أنا دليلا.

داغر فضل متنحلها.

دليلا ساندته عشان يقوم يقعد.

داغر مسك إيدها: اتغيرتي!! اتغيرتي أوي يا دليلا من ساعة ما سبتك...

سبع سنين غيروكي أوي...

خلوكي أحلى وأجمل... وأعقل.

راجعة تاني ليه؟ راجعة تاخدي قلبي تاني؟

دليلا: مش هاخد قلبك تاني عشان إنت أصلاً كنت في قلبي من ساعة ما سبتني... ولا مرة نسيتك ولا عمري هنساك.

داغر شدها من إيدها وقربها ليه: وحشتيني...

دليلا بعدت إيدها وبإيديها الاتنين حاوطته: دلوقتي بس روحي رجعتلي... أول ما شفتك... عارف؟ أنا كنت عمري ما أتوقع أشوفك تاني يا داغر.

عمري ما أتوقع إني أشوف حب طفولتي من جديد.

: حياتي من غيرك اتغيرت كتير.

بس قلبي لسه زي ما هو محبش حد غيرك.

لو تفتكر إنك إنت آخر مرة سبتني... جرحتني أوي.

: لدرجة إني لغاية اليوم دا بفكر في اليوم سبتني فيه مرمية على الأرض بعيط.

داغر شدها ليه وحضنها: وبدموع شوق: سبتك عشان مظلمكيش معايا كنتي طفلة.

مقدرش أكمل مع طفلة... بس أنا شفتك خلاص... استحالة أسيبك تاني.

دليلا بعدت عنه بغرور: وأنا استحالة أكون بالأقرب منك تاني.

مهما كنت بحبك... بس مينفعش أكمل معاك.

ثم أكملت وهي بتردله آخر مرة سابها فيها: عشان أنا بحب وبسيب أنا كدا بحب وأسيب وقلبي بيسع واحدة واتنين وتلاتة وعشرة كمان.

داغر بعد عنها مصدوم بجبروتها دا: إنتي مغلباني من سنين... اعترفتلك كتير نفسي في مرة واحدة تحبيني ومتغلبينيش.

دليلا: الأيام دي انتهت... أنا زمان كنت حاجة ودلوقتي بقيت حاجة.

وإنت دلوقتي حاجة تانية.

داغر: أنا تعبان من غيرك.

صدقيني مبقتش قادر أكمل من غيرك.

يا دليلا حاولي تفهميني لو مرة... إنتي من يوم ما مشيتي وأنا شايل كمية شعور وإحساس كبير في قلبي مطلعتوش لحد غيرك ومستني اليوم أشوفك فيه تاني وأقولك... أنا قد إيه بحبك.

أنا اتطبعت بطبعك.

دا أنا حتى كل يوم بليل بفكر فيكي.

صورك معايا لحد دلوقتي.

كل لما بتبقي بمسحها.

داغر دموعه بدأت تنزل وهو بيتكلم بسرعة ولسانه بدأ يتلخبط في الكلام: أنا...

أنا حتى شايل كل ذكرى ليكي.

ش... ش... شايل... ورقك وكتبك معايا.

قلمك وشنطتك مخبيهم... عندي.

حتى الكوتش الصغنن بتاعك لسه موجود عندي.

و تيشرتاتك عندي.

كنت كل يوم بحضنهم... وبتخيلك معايا.

دليلا مسكت راسه بإيدها ومسحت دموعه وهي بتعيط.

وحضنته وهي بتعيط من ضهره: ال...

البرفيوم بتاعك كنت واخداه من درجك... لسه معايا لحد دلوقتي.

كل لما أشتاقلك أشُم البرفيوم.

وأشم ريحتك... واعتبرك معايا.

: لو عرفتي أنا بحبك قد إيه...

استحالة تعرفي كمية الحب اللي في قلبي ليك.

داغر: بحبك... وهفضل أحبك لحد ما أموت يا دليلا.

حياتك هي حياتي... وقدرك هو قدري... إنتي نصيبي وقسمتي.

مش عايز أبعد عنك تاني.

عايز أفضل معاكي طول عمري.

دليلا بعدت عنه وهي بتضحك وخبطته في كتفه:

بحبك... بحبك... وكفايا نكد بقى.

داغر ابتسم ابتسامته التسحر:

إنتي حياتي كلها وقدري الحلو... مش قادر أعيش من غيرك... إنتي مكتوبة في قصتي.

وهختم قصتي بيكي يا دليلا.

حياتي هتتختم بيكي أنا مش هختم حياتي... غير بيكي.

دليلا: مينفعش يا داغر.

حتى لو كنا بنعشق بعض مينفعش.

أنا وإنت في صورة واحدة تاني؟ مينفعش!!

أنا وإنت حياتنا مع بعض مش مفهومة حياه مجهولة حياه مش مفهومة.

أنا وإنت!!!!

هو إنت متخيل أصلاً إن هيبقي فيه حاجة اسمها أنا وإنت؟

دليلا قامت بغرور: أنا الدكتورة بتاعتك... متعملش مجهود كبير عشان متتعبش.

داغر سكتت بصدمة.

دليلا خرجت بغرور.

وفي اللحظة دي قررت تعيش داغر كل حاجة هو عيشهالها.

و مش هتسامحه وتحبه بسهولة... مش هتنسي العملة ليها... زمان... لازم تعرفه إنها ليها كرامة... وإنه مش من السهل يرجع لها تاني بكلمتين.

لازم يبذل أكبر مجهود.

عشان يرجع لها تاني.

خرجت بكل غرور من الأوضة اللي فيها.

داغر: بقيتي دكتورة؟

إيه الغباء دا صح!! طب ما هي لابسة جاكيت الدكاترة من الصبح.

هتقعد معايا بمناسبة إيه يعني غير إنها الدكتورة.

داغر ابتسم إنه قدر يلاقيها تاني.

دليلا دخلت مكتبها ورزعت الباب وراها وهي حاطة إيدها على قلبها بتوتر.

أسيا دخلت وراها: عملتي إيه؟

دليلا بتوتر: يااااه شكله وحشني أوي.

ده بقا عامل لي هوس... صوته وكلامه وغروره وقسوته وطيبته وكل حاجة فيه وحشتني مكنتش متخيلة إني لما هشوفه هضعف قدامه وأحضنه.

أسيا: سامحتيه؟

دليلا لفتلها وهي بتقعد على الكرسي بتنهيدة: لازم أعرف طعم القسوة اللي كان بيعاملني بيها... مش هسامحه بسهولة.

أسيا: هيزهق منك ويكرهك.

دليلا: يبقى مبيحبنيش... الواحد لو بيحب واحدة بجد عمره ما هيزهق منها.

أسيا بابتسامة: وإيه كمان؟

دليلا: وحشني أوي.

بجد حنيت له أوي حنيت للسبع سنين اللي فاتوا.

نفسي أرجع له أوي.

وأبص في عيونه وأقعد معاه.

أسيا: داغر قمر أوي.

دليلا: وهيفضل طول عمره قمر.

ادم: حلم. حلم.

حلم دخلت بسرعة: نعم؟

ادم: بقولك معجب بيكي... إيه مفيش دم... مفيش أنا كمان.

حلم: وأنا كمان.

ادم حس إنها بتهاوده في الكلام: امم روحي شوفي شغلك يا حلم.

قعد على الكرسي تاني وهو بيقول: الواحد منا ميحبش الواحدة الواقفة.

ألاقي فين بس الواحدة اللي بتتقل دي؟

حلم دي زي التمثال ملهاش لازمة.

بعد ساعات... كان الليل ليل.

دليلا كانت قاعدة في مكتبها والشوق اللي في عينيها هيموتها... عايزة تقوم تشوف داغر.

دليلا: أسيااا.......

أسيا دخلت: نعم.

دليلا: معلش روحي شوفي داغر فاق من البنج ولا لسه تحت التأثير.

أسيا: حاضر.

جدتهم: هي دليلا فين الساعة ١.

ادم: هتصل بيها.

أسيا: لسه فايق حالا من البنج وبيأكل.

دليلا: خلاص شوفي شغلك وأنا هروح أشوفه.

أسيا بتغمزلها: اشطا.

دليلا ضربتها في ضهرها: حيوانة.

ادم: دليلا الساعة ١!!!

دليلا: عارفة أنا خدت وردية لبليل لأن فيه مريض لازم أكون جنبه دلوقتي.

ادم: أجي آخدك إمتي؟

دليلا: على الساعة ١٢ الضهر كدا.

ادم: ماشي يا حبيبتي عايزة حاجة.

دليلا: عايزة سلامتك.

دليلا خلصت تلفونها.

ودخلت لداغر.

داغر كان بياكل أكله... ودايخ.

دليلا: مين قالك تقوم من على السرير.

داغر غروره أحيانا بيغلب على حبه لدليلا: مش لازم حد يقولي عشان أنفذ أنا عارف أنا بعمل إيه.

دليلا بنفس غروره: لا إنت في المستشفى عشان تعمل الدكتور يقولك عليه مش عشان تنفذ اللي في دماغك.

داغر: وأنا شايف إني كويس.

دليلا: هو إنت هتفضل دماغك ناشفة طول عمرك.

داغر: إيه يا دكتورة شايفك بتخرجي عن شغلك.

دليلا بتوتر: لو سمحت.

ارجع لسريرك... عشان متتعبش نفسك.

داغر قاصد يلفت انتباهها: وإنتي فارق معاكي تعبي أوي... كدا.

دليلا بتوتر وهي بتقعد على الكرسي جنب السرير: طبعاً فارق معايا.

داغر: بمناسبة إيه؟

دليلا: بمناسبة إني الدكتورة بتاعتك ولو سمحت اتفضل على سريرك.

داغر عاند نفسه أكتر وعاندها:

هرجع بمزاجي يا دليلا.

دليلا قامت بعصبية: مفيش حاجة اسمها بمزاجك... وبعدين مين ضربك في النار في ضهرك مش تخلي بالك من نفسك؟ ولا إنت مش هامك حياتك؟

داغر: لا مش هاممني.

دليلا: مش أنا كنت حياتك؟ مش خايف عليا؟

داغر: لفلها: انتي مش موجودة في حياتي دلوقتي، يعني حياتي ملهاش لازمة من غيرك.

دليلا، كل لما يقولها كلمة حلوة مبتستحملش وممكن تصالحه، بس هي عايزاه يعاني. بلعت ريقها بتوتر وقالت له:

ينفع ترجع لسريرك؟

داغر مسك تليفونه بعند ووقع منه. ونزل عشان يجيبه، ضهره وجعه.

آه، آه.

دليلا قامت بسرعة ومسكته من وسطه بإيديها. وهو ساند بإيديه على كتفها لحد ما وصلته لسريره وقعدته.

دليلا: متعاندش تاني، عشان أنا عارفة شغلي أكتر منك.

داغر بتلكيكة: ايدي مش قادر أحركها يا دكتورة.

دليلا مسكت الطبق والمعلقة وبدأت تأكله.

افتح بؤك.

داغر بقى ياكل من إيدها وهو فرحان باهتمامها بيه. مكانش عايز الأكل يخلص من تحت إيدها.

دليلا: هوب هوب، الأكل نزل على بؤك.

داغر بدأ يمسح بإيده.

دليلا راحت تجيب مناديل: أوعى إيدك عشان متتوسخش.

قربت منه ومسحتله بؤه، ومكنتش عايزة تبعد عنه. كانت عايزة تفضل في اللحظة دي طول عمرها. كانت عايزة تفضل بالقرب منه.

داغر سرحان في عيونها.

آسيا دخلت فجأة: احم.

دليلا اتخضت واتنهدت بكسوف: ن نعم يا آسيا.

آسيا بضحكة مكتومة: عايزاني يا دكتورة شوية.

دليلا قبل ما تخرج من الأوضة: متتعبش نفسك ومتقومش من ع سريرك.

داغر أومأ براسه بمعنى موافق.

داغر في سره: مجنونة.

آسيا: قطعت اللحظة الرومانسية دي صح؟

دليلا: كنت بمسحله الأكل اللي على بؤه.

آسيا: ينفع أعرف كام حاجة منك؟

دليلا: ارغي.

آسيا: أنا بحب آدم بقالي سنين، بس هو بيعاملني كأخت ليه. عمره ما لاحظ نظراتي ولا مشاعري اتجاهه.

دليلا: اتلككي يا آسيا، أخويا بيحب البنت التقيلة.

آسيا: انتي شايفة إن دا الحل؟

دليلا: طبعاً.

مراد رجع من الشغل. كانت روان بتعمل أكل في المطبخ.

مراد حاوطها من كتفها: جبتلك علبتين شوكولاتة ليكي ولحور. الهدية حلوة؟

روان لفتله وحضنته: الهدية بتاعتي هي انت مش الشوكولاتة.

مراد ضمها أكتر: اختياري الأفضل أشكر ربنا عليه طول عمري هو انتي يا روان. هفضل أحمد ربنا على اختياري لإنسانة جميلة شكل وروح.

روان مسكت إيده: قصة حبنا محتاجة تتعلق في برواز كبير.

مراد: انتي لوحدك بنسبة لي حياة تانية، انتي حياة ليا لوحدي أنا بس.

دليلا خلصت كلام مع آسيا وغمضت عينيها شوية في مكتبها وبعد كدا فاقت عشان تطمن على داغر. خدت له هدوم تانية نضيفة ودخلت حطتها جنبه. وهو كان نايم ولا في باله أصلاً.

دليلا باستـه من خده: تصبح على خير يا حبيبي.

في صباح يوم جديد. دليلا غيرت لبس الدكاترة بتاعها. وقبل ما تخرج من المستشفى دخلت لداغر أوضته والممرضة معاها.

دليلا: البنج محوّق عليه جامد، خليه نايم وخذي بالك منه وأنا مش موجودة. غيروا له ملاية سريره ولبسه كل يوم. وأكله جهزيه في التوقيت بتاع كل يوم، فطار، غدا، عشاء.

الممرضة: حاضر يا دكتورة.

الممرضة خرجت. ودليلا بصت لداغر. وقبل ما تمشي حضنته وطبطبت على راسه بحنية: انت نصي. وأنا قسمتك. هفضل طول عمري واثقة في الكلمة دي يا داغر، عشان مهما حصل أنا هكمل معاك. عشان أنا كل يوم بحن لكل مكان كنت بروحه أنا وانت. حنيت لقلبك ونظرات عينك. حنيت لغرورك وقسوتك. حنيت لقلبك.

غطته كويس وخرجت من الأوضة.

داغر فتح عينه وهو بيبتسم بفرحة: لسه بتحبني؟ بتحبني؟

دليلا نزلت لآدم. آدم في عربيته وهو بيبصلها من شباك العربية: كل دا استنيتك ساعة.

دليلا: معلش، كنت بلبس.

آدم: شكلك تعبتي أوي انهارده.

دليلا: بالعكس، انهارده كان أحسن يوم أنا عيشته في حياتي.

آدم: ليه؟

دليلا: انت عارف إني بعتبرك أكتر من أخ. بعتبرك صاحبي وأخويا وأبويا، ومتعودة أحكيلك على كل حاجة.

آدم: يا روحي انتي بنتي مش أختي. احكيلي وأنا بسمع لك في أي وقت.

دليلا: فاكر داغر اللي أنا حكيت لك عنه؟ اللي أنا كنت بحبه زمان؟

آدم: إيه جاب سيرته دلوقتي؟

دليلا: قابلته تاني!

آدم بغيرة على أخته: قابلتي مين؟ داغر؟ شوفتي فين وإزاي دا؟

دليلا: أنا لسه بحبه يا آدم.

آدم: لا لا، أوعي تقولي كدا. أوعي تقولي إنك لسه بتحبيه. الا ده، الا ده اللي هسيبك تحبيه.

دليلا: ليه يا آدم؟ انت عارف كويس أوي أنا قد إيه بحبه.

آدم: داغر دا أنا بكرهه. كفاية العملة فيكي. داغر مرفوض، مرفوض. انتي سامعة؟

دليلا بقمصة: روحني يا آدم.

آدم: طب متتقمصيش.

دليلا: طب يلا روحني.

داغر قام من على السرير.

الممرضة: داغر باشا لو سمحت ارجع لسريرك، كدا غلط.

داغر بعصبية عشان مشافش دليلا: هو أنا كل ما أتنيل أقوم تقولولي اتخمد؟

الممرضة: غلط عليك يا باشا.

داغر: أنا همشي انهارده، أنا شايف إن أنا كويس كدا.

الممرضة: الدكتورة دليلا قالت مينفعش.

داغر: انتي هتقولي للدكتورة دليلا بتاعتك داغر مشي.

مسك ورقة وكتب عنوانه. ودى للدكتورة عنوان بيته.

آدم: دليلا.

دليلا دخلت الفيلا بقمصة.

آدم: مش بنادي عليكي؟

دليلا: نعم يا آدم.

آدم: جايلك عريس.

دليلا بعدم اهتمام: ارفضه.

آدم: مش عايزة تعرفي مين؟

دليلا: مين؟

آدم: تامر صاحبي اللي انتي كنتي بتقولي لي إنك معجبة بيه في الجامعة، فاكرة؟

ادم: تامر صاحبي الانتي كنتي بتقوليلي انك معجبه بيه في الجامعه.... فاكره؟

دليلا لفتت له: ادم انت عارف كويس اني معجبه بيه كشكل ومظهر... لاكن عمري ما حبيته.

ادم: تامر انسان محترم وصاحبي.

دليلا: هو عشان صاحبك هتجوزهوني؟

ادم بحده وهو بيشدها: دليلا انتي اختي الصغيره وانا عارف مصلحتك اكتر منك.

دليلا برقه: يا ادم افهم.... انا مبحبش تامر... انا بحب داغر.

ادم بعصبيه: داغر داغر داغر.

كل حاجه داغر..... قولتلك الشخص ده مش مقبول بيه نهائي.

دليلا: مش مهم المهم اني بحبه... عارف انت ليه مش موافق عليه؟ وبتستهر بحبي ليه؟ عشان عمرك ما حبيت حد من قلبك!!

صوتهم علي و جدتهم خرجت:

في إيه يا ولاد بتتخانقوا ليه؟

دليلا وهي داخله الڤيلا بعصبيه: اسألي حفيدك.

جدتهم راحت ناحيه ادم وهي بتسأله: في إيه يا ادم؟

ادم بغيره: اسألي حفيدتك.

ودخل هو كمان.

جدتهم وقفت بعصبيه: انتي تقوليلي اسألي حفيدك وانت تقولي اسألي حفيدتك.

خلفه زباله.

دليلا بصوت عالي من شباك اوضتها: على أساس إنك انتي اللي خلفتينا يعني؟

جدتها: طب أنا طالعة لك يا بنت ال***.

ادم: اشتميها كويس يمكن تطفي ناري.

جدتها: اسكت يا ابن ال***.

دليلا: أحسن عشان تبقى تتكلم.

على رأي المثل.

من حفر حفرة لأخيه وقع فيها.

جدتها: ده أنا اللي هاوقعك فيها دلوقتي.

***

مراد: البيبي التاني ناقصه يومين ويجي.

روان: عارفه يا مراد... أنا هولد كمان يومين.

مراد: مش هامك؟

روان بخوف: لا بحاول أكون باردة... ومخوفش نفسي.

مراد: هتعدي يا روحي بإذن الله متخافيش.

روان سندت على كتفه: ادعيلي.

حور صحيت من النوم بنعاس:

النونو التانية هتيجي امتى أنا زهقت.

روان ومراد ضحكوا وقالولها: جايه لك بعد يومين وهتقطعوا نفسكم لعب.

***

اسيا رنت على دليلا جرس الڤيلا.

ادم: يا مرنا... يا مرنااااا.

قام بعصبيه: مبتسمعيش؟ مش الجرس بيرن؟

أوعي كدا.

راح فتح.

اسيا بتوتر: آ...دم.

ادم: تعالي يا اسيا ادخلي.

اسيا: مالك متعصب ليه؟

ادم: مفيش الحيوانة مبتفتحش الباب.

اسيا بتحاول تتكلم معاه أكتر: لا في حاجة تاني مضايقاك.

قولي ده أنا حتى صاحبة أختك وصاحبتك المفضلة... بقالنا ٧ سنين مع بعض.

ادم بتنهيدة: ادخلي أحكيلك.

اسيا دخلت وهي فرحانة إنه سمحلها تتكلم معاه.

ادم: اقعدي.

اسيا: ها احكي.

ادم: دليلا... دليلا شافت داغر ده من تاني! وانتي عارفة أنا مبكرهش قده.

اسيا: عارفة إنها شافته تاني.

بس انت مبتحبهوش قده ليه؟

ادم: داغر ده شتت أختي وبهدلها زمان... وأنا من المستحيل أرجعها لواحد مريض زي داغر.

اسيا: بس دليلا بتحب داغر.

وانت عارف كويس هي قد إيه بتحبه هتمنع أختك عن أكتر إنسان هي حبته.

ادم: همنعها عن أكتر إنسان بتحبه عشان هو مبيحبهاش.

أنا خايف وغيران على أختي منه.

اسيا بضحك: اممم قول كدا بقى... قول إنك غيران على أختك منه.

ادم بكسوف: مقصدرش... أقصد يعني.

اسيا بتحاول تتقرب منه أكتر.

: انت محبتش قبل كدا عشان كدا حكمت على دليلا تسيب داغر.

ادم بتوتر: احمم..... لا حبيت.. حبيت قبل كدا.... بس هي مبتحبنيش.

اسيا: طب دور عي اللي بيحبك في عيونه وهتعرف إنه بيحبك.

دليلا نزلت لابسة شنطتها وتليفونها في إيدها.

ادم بغيره: راحة فين يا دليلا؟

دليلا مسحت على وشها بعصبيه: صبرني يارب ده النسخة التانية من داغر.

ادم: راحة فين يا بنتي؟

دليلا: راحة شغلي هروح فين يعني.

ادم: آجي أخدك امتى؟

دليلا فاكرة داغر لسه في المستشفى: تعالي خدني الصبح.

ادم: الصبح ليه؟ مش انتي كل يوم بتيجي بليل؟

دليلا: ورايا شغل ولازم أخلصه.

: مش يلا يا اسيا ولا هتقعدي مع ادم شوية؟

اسيا بكسوف: ل.. لا... أنا جايه اهو.

ادم شدها من إيدها: اقعدي شوية عايز أتكلم معاكي.

دليلا: عايزة حاجة 😉.

اسيا قعدت بكسوف.

****

بعد وقت دليلا راحت المستشفى.

وأول مكان راحت تطمن عليه كانت أوضة داغر.

وقبل ما تدخل ظبطت شكلها.

ودخلت.

بس ملقتهوش.

فا قعدت على سريره ومسكت المخده وحضنتها.

: مشيت؟ مشيت!! قبل ما أعرف مكانك يا داغر؟

طب كنت استنى أودعك!!

الممرضة دخلت فجأة.

: دكتورة دليلا.

دليلا لفت وهي بترمي المخده من إيدها بخضه: احمم نعم نعم.

: داغر باشا مكملش وقال إنه هيقدر يستحمل في بيته.

دليلا: طب مقاللكيش على مكانه؟

: لا اداني عنوانه في ورقة.

دليلا بابتسامة: هاتي الورقة.

بعد ما خدتها.

كملت يومها وشغلها و في آخر الليل راحت لبيته.

****

اسيا: بس انت على الأقل شفت دليلا يا ادم. وقدرت تكمل مع أختك.

ادم: ليه انتي أختك كل ده مش راضية تشوفك؟

اسيا: أختي خدت الورث ومن ساعتها مبقتش حتى ترفع سماعة تليفونها عليا.

ادم: أختك متجوزة؟

اسيا: كانت متجوزة وجوزها مات من ٤ شهور. في حادثة.

ادم: ربنا يرحمه.

اسيا كانت قاعدة جمبه قدام بسين الڤيلا.

وبعد كده حطت راسها على كتفه وهي بتقوله: تعرف؟

أنا نفسي أختي تشوفني وتكلمني وتحسسني إني أختها نفسي أحكيلها عن يومي وعن أي حاجة بتحصل. بس دليلا ادتني حنان أختي مدتهونيش.

ادم حاوطها بإيديه: أنا جنبك ومعاكي. (تعالي عيشي معانا).

اسيا بعدت عنه: لا يا ادم انت فاهم غلط. أنا عايزة مكان يديني حنان عايزة حب. مش عايزة مكان أعيش فيه.

**

دليلا وصلت للڤيلا اللي داغر عايش فيها وخبطت الباب.

داغر خرج فتح.

: دليلا؟

دليلا حضنته وهي بتشده.

داغر حاوطها بإيديه الاتنين.

دليلا: مكملتش علاجك ليه؟

داغر: هو فيه دكتورة بتخاف على المرضى اللي عندها لدرجة إنها جايلهم البيت؟

دليلا: آه أنا وبخاف عليك أوي كمان.

داغر: إيه المناسبة؟

دليلا: بخاف عليك عشان بحبك.

داغر: نعم؟

دليلا: آه... بحبك إيه مستغرب ليه أول مرة تعرف إني بحبك؟

داغر: سامحتيني؟

دليلا: مش معنى إني بحبك أكون سامحتك.

داغر: بس أنا بحبك.

دليلا: حتى دي بتقولها بغرور.

داغر: بحبك... ومستعد أعمل اللي انتي عايزاه عشان تسامحيني.

دليلا: دخلني. هتسيبني واقفة؟

داغر وسعلها ودخلت.

دليلا خرجت حاجات من شنطتها: اقعد يلا.

داغر: ليه؟

دليلا وهي بتحضر الأكل:

عشان هاكلك.

داغر: متتعوديش على كدا أنا بعرف آكل.

دليلا: تؤ مبتعرفش. ويلا ارتاح بقى عشان آكلك.

داغر رجع ضهره على الكنبة.

دليلا: لا متنامش اقعد بس رجع ضهرك لورا عشان أقعد جنبك.

داغر وسعلها مكان وهي جت قعدت.

دليلا: افتح بؤك.

داغر كل من إيدها.

دليلا وهي بتقوم بعد ما خلصت الأكل: انت محصلتش دقنك من امتى؟

داغر: من ساعة ما اتصابت في ضهري.

دليلا باهتمام: يلا عشان أحلقلك.

داغر معجب أوي باهتمامها بيه.

: هاتي مكنة الحلاقة من الدرج.

دليلا جابتها ووقفته قدام المراية وبدأت تحلقله.

داغر كان كل همه يبص لعيونها.

دليلا بتلمس وشه: حرك وشك معايا عشان معوركش.

داغر: فداكي. يا بسلتي.

دليلا بابتسامة: بقيت أشتاق للكلمة دي.

داغر: مين؟ بسلة؟

دليلا أومأت برأسها.

داغر: مش كنتي بتكرهيها؟

دليلا: عشان انت وحشتني وكل كلامك وحشني.

داغر مسك إيدها وشال مكنة الحلاقة من إيدها وقرب منها.

دليلا بتوتر: آ... إيه؟

داغر: غرورك عاجبني.

شكلك، لبسك، طريقتك في الكلام، عينيكي... كل تفصيلة فيكي بحبها.

دليلا، أنا بحبك، وأظن دي مش أول مرة أقولها.

إحساسي ليكي كبير أوي، مبقتش قادر أخبي عليكي أكتر من كده.

صدقيني إني بحبك أكتر من حبي لنفسي.

من يوم ما كان عندك ١٨ سنة وأنا عاشق ليكي.

سحرتيني بطريقتك، روحك شدتني ليها.

الحياة من غيرك ملهاش طعم ولا هيكون ليها طعم.

دليلا عيونها بدأت تدمع.

داغر: عشقي ليكي أكبر من حبي لدلالك. انتي دليلة قلبي، وهفضل طول عمري أدللك، وأحبك، وأعشقك. وعشقي ليكي عمري ما هيقل في يوم.

اهتمامك ليا، وحبك ليا مش هنساه.

وهفضل مكمل عمري كله بحبك ليا.

دليلا بصت في عيونه وهي بتدمع.

داغر مسك وشها بإيديه ومسح دموعها: متدمعيش، العيون الحلوة دي محتاجة تفرح بس.

دليلا: انت مرايتي اللي بشوف بيها، وحياتي كلها، وأعظم شيء ممكن أكون مريت بيه.

ثم أكملت بدموع: بس انت عارف إني مش قادرة أنسى الماضي بتاعك، مش قادرة حتى أسامحك، ولا أوافق عليك. بس حبي ليك كل مرة بيغلب عليا.

كنت كل يوم بقولك أنا بكرهك، بس عكس كل حرف كنت بقولك أنا بحبك وبعشقك كمان.

أنا عشقت كل حاجة فيك.

حبيتك قبل ما أنت تحبني يا داغر.

نهاية قصتي أنا وانت كانت من ٧ سنين.

لا، نهاية قصتي أنا وانت مش دلوقتي.

عشان أنا بحبك، وعايزة أكمل معاك. عشان أنا من غيرك مش هقدر أكمل.

داغر حضنها ووشه لامس وشها.

دليلا: عاا، بهدلت وشي.

داغر حط على مناخيرها صابون وهي بتضحك بابتسامة عالية.

مسكت الفوطة ومسحتله وشه كله.

وبعد كده باستُه من خده.

****

جنه: إحنا لازم نموتها في أوضة العمليات.

_ لا يا أختي، أنا مالي.

جنه: هموتها وأخلص منها، وساعتها هكون ملك لمراد.

_ يا بنتي، انتي مجنونة، مراد بيحب روان، افهمي بقى.

مراد مبيحبكيش يا جنه، شوفي حياتك من غيره بقى.

جنه: مش قادرة ولا هقدر. أنا بحبه، أفهمك إزاي؟

أكملت بهستيرية بكاء: والله ما بعرف أطلعه من دماغي، أنا بحبه، عارفة يعني إيه؟ يعني بفكر فيه كل يوم وكل ليلة، وبتخيله معايا في كل مكان. يعني لمجرد إني بشوف صورة ليه بضحك.

أكملت ببكاء غزير: أنا مش شريرة ولا وحشة، ولا قاسية. أنا بحب، وبحب حب جنون لدرجة إني بزرع الشر في كل مكان عشان عشقي ليه يتم. محدش حاسس بيا غيري، محدش هيحس بيا غير ربنا. أنا لوحدي.

******

ادم قام وقف: بس أنا بطلب منك تيجي تعيشي معانا.

اسيا: ادم، جربت تواجه ضعفك قدام نفسك قبل كده؟

ادم: !!!!

اسيا: جربت تبص لنفسك في المراية وتصرخ وتواجه همومك قدام نفسك؟ جربت؟

ادم: جربت كتير أوي، جربت أصرخ بس في قلبي.

اسيا حضنته وهي بتمسح دموعها: طب جربت تحب حد هو مبيحبكش؟ جربت تحب حد ٧ سنين هو عاش طول الـ ٧ سنين دول بيعتبرك مجرد شيء قريب منه.

ادم بعد عنها وهو مستغرب: حبيتي مين لـ ٧ سنين؟

اسيا بعدت عنه وخدت نفس عميق قبل ما تقوله: حبيتك انت. أيوه انت. اعتبرتني أخت ليك، بس أنا.

ثم أكملت: بس أنا بحبك، وجوايا حنين كبير أوي في قلبي ليك. بشتاقلك في كل لحظة. وعلطول أحكي لدليلا عنك.

ادم بلع ريقه: انتي بتحبيني انا؟ انا يا اسيا؟ دا أنا طول عمري بعتبرك أختي وصاحبتي. بتحبيني انا؟

اسيا بابتسامة: اه اه، بحبك انت. القلب مش بعيد عليه يعمل أكتر من كده.

****

دليلا كانت بتعمل فشار، وجت قعدت جنبه.

داغر: سامحتيني؟

دليلا: قولتلك لأ. مرة متستناش مني أسامحك يا داغر.

داغر: يا بنتي، انتي مجنونة؟ جاية عاملة جو رومانسي ومشغلة فيلم وعاملة فشار وتقوليلي مش مسامحاك؟

دليلا: اه مش مسامحاك يا داغر. كل ده، ومتوجعش دماغي.

داغر: دليلا، أنا مستعد أتزوجك من بكرة.

دليلا سابت الفشار بتوتر: قولت إيه؟

داغر: مستعد أتزوجك من بكرة.

دليلا بتوتر: ل..لا برضه مش مسامحاك.

داغر: طب هاتي الفشار ده بقى.

خده منها ورماه في وشها.

دليلا بتنهيدة وهي بتبرقله وشعرها كله مليان فشار ووشها مليان ملح: عاا. يا مجنون، والله لأوريك.

راحت جابت المخدة وضربته بيها.

داغر شد مخدة وضربها بيها، لحد ما المخدات اتقطعت والقطن خرج منها وغرق الأرض وغرق الكنبة واللبس.

دليلا قامت بتفاهة وهي بتعدل لياقة القميص: عشان ترمي في وشي الفشار كويس.

داغر قام بتفاهة وهو بيمسك المقص: أقص لك شعرك؟

دليلا طلعت تجري: ل لاااااا. شعري لاااااا.

داغر وقف: طب تعالي وأنا مش هقصه.

دليلا جت بخوف: عايز إيه؟

داغر شدها وقعدوا على الكنبة: اتفرجي على الفيلم معايا.

دليلا نامت على كتفه واتفرجوا على الفيلم.

****

في صباح يوم جديد.

ادم راح المستشفى يجيب دليلا.

: دليلا مش هنا يا ادم باشا.

ادم بحدة: راحت فين؟

: راحت للعنوان ده آخر مرة.

ادم خد العنوان وروحلُه.

***

دليلا صحيت الصبح كانت في حضن داغر والتلفزيون لسه شغال، والقطن والمخدات مرمية في الأرض لسه زي ما هي، والمقص والفشار ومكنة الحلاقة، كل حاجة متبهدلة.

ابتسمتله وضحكت.

داغر فتح عيونه ببطء، وهي كانت بتتحرك ببطء عشان ميصحاش.

داغر شدها من إيدها: على فين؟

دليلا رجعت تاني وهي بتضحك: الواحد ميعرفش يهرب منك. نايم بعين والعين التانية مفتوحة.

داغر: طبعًا، انتي فاكرة إيه؟

كان ادم وصل ورن الجرس.

دليلا: انت مستني حد؟

ادم بصوت عالي: افتح يا داغر يا منشاوي.

دليلا: ينهار أسود، ده أخويا.

داغر: اخرجي من الباب الخلفي وأنا هفتحله.

داغر لم كل حاجة في الأرض وفتحلُه.

ادم ضربه بالرصاصية في راسه: دليلا فين؟

داغر قام وهو متعصب وضرب ادم بالرصاصية في راسه.

ادم قام من الأرض: اختي فين؟

داغر ببرود: في جيبي، تعالا خدها.

ادم مسكه من رقبته وكان هيخنقُه: اختي فين يا داغر؟

داغر شده في صدره: اختك مش هنا.

ادم بصوت عالي: هقتلك لو عرفت إنك بالقرب منها.

داغر بحدة وصوت رجولي: أنا داغر المنشاوي يا ادم، يعني مش أي حد. يعني توطي صوتك وانت بتكلمني.

ادم بغرور: وأنا ادم العشماوي، صاحب أكبر شركات ومصانع. يعني تقولي يا ادم باشا.

داغر بغرور وسخرية: ادم باشا، هه. ليه انت مقدم؟ الباشا دي متتقالش غير للزيي يا.

ثم أكمل بسخرية: يا ادم.

ادم: الله ينور عليك، الزيك مينفعش يكون لدليلا. انت مش لدليلا وانا مش هدي دليلا لواحد زيك.

داغر بحدة: دليلا ليا، ومهما حاولت هاخد دليلا برضاك أو غصب عنك.

ادم: لا يا شيخ، ده انت لذيذ أوي بقى.

داغر بسخرية: شوفت بقى.

ادم بحدة: دليلا اختي، محدش هيقدر يقربلها. ولو تقدر تقرب منها ايا كان السبب، اعتبر روحك هتطلع في إيدي يا داغر.

داغر بحدة: وده شغلي. هتطاردني وتحاول تقتلني، أنا معاك لأخر الخط، ولا عمري هجيب ورا. عشان هفضل مصمم على دليلا.

دليلا في الباب الخلفي عمالة تفتح في الباب بس مش عارفة.

: افتح بقاا. ادم هيشوفني عقبال ما تتفتح.

فضلت تحاول تفتح في الباب.

: افتحححح بقا.

دليلا بعصبية تعبت وشدت الباب جامد، فانعكاس القوة جه فيها ووقعت على الأرض.

قامت بعصبية وضربت الباب برجليها وقالت بصوت عالي وعصبية: باب حيوان زي صاحبه. افتح بقاااااا.

ادم: إيه ده! صوت دليلا.

طلع يجري اتجاه الصوت وخرج على الباب الخلفي وداغر وراه.

دليلا: افتح بقااا افتح.

ادم واقف بيبص عليها.

داغر: متخلفة. هستنى إيه من بسلة.

دليلا لفت لما شافت خيال في الأرض.

لفت بخوف وهي بتحني راسها بطفولة.

ادم: بتعملي إيه هنا؟

بصوت عالي: انطقييي.

دليلا بخوف وبكاء: د.. داغر... كان تعبان... و.

ادم بعصبية: مش قولتلك متشوفيهوش تاني. حصل مني؟

دليلا سكتت.

داغر وقف قدام دليلا: متزعقلهاش.

دليلا بصوت واطي: اوعي يا داغر، بطل جنان. ادم ممكن يقتلك.

داغر: محدش يقدر يقربلك، طول ما أنا جنبك.

ادم اتمالك نفسه وشد دليلا من ورا داغر وقالها ببرود: تختاري مين يا دليلا؟ أنا ولا داغر؟

ادم اتمالك نفسه وشد دليلا من ورا داغر وقالها ببرود: تختاري مين يا دليلا

انا ولا داغر؟

دليلا سكتت وهي متنحه!!

كان اصعب اختيار ليها.....

اخوها!! ولا حبيبها.....

داغر: ...

دليلا: انتوا كدا طول عمركوا تحطوني في اصعب حاجات

لازم تخلوني اعيش الصعب طول عمري....

ينفع تعرفي اي الغلط في اني اكمل مع شخص بحبه يا ادم....

انت تعرف يعني اي حب؟

تعرف يعني اي بتنام بليل تفكر في شخص بتحبه...

تعرف يعني اي لمجرد انك تبص في عيون شخص انت بتحبه قلبك بيفرح....

متعرفش ومجربتش احساسي وانا جمب داغر اي....

انا بحب داغر وعايزه اكمل معاه يا ادم.... انت اخويا و انت الوحيد الهتفهم اختك.....

ثم اكملت ببرائه: اختك حبيبتك!! الملكش غيرها...

ادم سكتت للحظه وشد اخته في حضنه.....

داغر كان مصدوم لحب دليلا الكبير ليهه....

معقوله بتحبه كل الحب دا؟

مصممه وبتعافر عشانه للدرجه الهو مكانش متخيلها وفاكر انها مبتحبوش...

ادم حضنها وهو بيقولها بحنيه:

دليلا انتي اختي وانا خايف عليكي....

دليلا بعدت عنه: لو بتحبني فعلا خليني اكمل مع الشخص الحبيته..

ادم مسح علي وشه ومبقاش عارف يعمل اي: ....

دليلا: مش موافق برضو؟

ادم مردش....

دليلا خرجت من الڤيلا بأكملها بعصبيه....

داغر بص لأدم بقرف....

ادم: متبصليش كدا بدل مخزقلك عينيك....

داغر: عين مين يلا التخزقها..

دا انا اخزقك انت ذات نفسك..

ادم: اللهم طولك يا روح...

داغر: امين....

ادم: انت المفروض تتلم عشان اوافق عليك مش تخليني اقرف منك اكتر...

داغر: شخصيتي كدا مع الناس المحتاجه المعامله دي....

ادم مشي وهو مش طايقه

داغر ببرود: خد الباب وراك

: يلا يكش تتكعبل في حاجه وانت ماشي....

****

دليلا قعدت علي الرصيف وفضلت تعيط وتصرخ:

ليه العالم كله معارض افكاري؟

انا بحبه.... وهو لازم يفهم دا..

بحب هزاره وشكله وبحب عصبيته وبحبه لما يضايق...

بحب كل حاجه فيه... بس محدش راضي يفهم دا...

انا هفضل اعافر لحد ما اوصله ومش هسيبه قبل ما اخد قلبه

ادم شافها قاعده عس الرصيف قعد جمبها بهدوء وحضنها:

: عارفه يا دليلا اي حصل امبارح

دليلا مسحت دموعها وهي بتيص لأخوها: اي

ادم: اسيا بتحبني... واعترفتلي بحبها... ليا....

دليلا: وانت؟ انت رديت قولت اي.....

ادم رجع بتفكيره:

Flash back

ادم: بتحبيني انا دا انا بعتبرك اختي...

اسيا: بس انا بحبك يا ادم...

ادم: انا اسف يا اسيا بس انا وانتي مننفعش لبعض....

عارف اني هجرحك بس الحب دا لازم يكون من طرفين....

وانا بصراحه اعتبرتك اختي... وصاحبتي المفضله ومقدرتش اشوفك غير كدا....

انا اسف يا اسيا بس انا فعلا مش هقدر اشوفك غير كدا...

***

Back

دليلا بصدمه: انت جرحتها!!

وزعلتها.... انت متعرفش اسيا بتحبك ازاي.... اسيا بتحبك اكتر من اي حد....

اسيا بتيجي كل يوم تحكيلي عنك و عن همومك الهي نفسها تحلهالك....

اعتبرتك انت قريب لقلبها اكتر مني ومن اختها المفكرتش تشوفها....

تعمل فيها كدا؟

ادم بندم: دليلا افهمي انا مبحبهاش اعمل اي طيب؟

دليلا: حاول تشوفها حبيبتك

شوفها من ناحيه قلبك مش من عقلك....

دليلا قامت وقفت: احيانا كدا بتحس انك مش بتحب الشخص القدامك و بتكدب نفسك كتير اوي.... حتي تفكيرك بيكدبك عقلك بيكدبك بس بتيجي لغايه قلبك وهو البيصارحك بحبك... وهو دايما الهيقولك الحقيقه وعمره ما هيكدب عليك... عشان قلبك هو الوحيد الحاسس بالحب ال في قلبك للشخص القدامك....

ادم قام وقف هو كمان: اسيا صافحه مقفوله بنسبالي..

دليلا بتحاول معاه: البدايات مش كل حاجه يا ادم....

يعني انت بدايتك مع اسيا كنت بتعتبرها صاحبتك.... بس

لو كنت بتشوف هي بتبصلك ازاي كنت غيرت رأيك...

اسيا كا شخصيه و كا شكل وكا روح تتحب....

ادم: انا محبتهاش يا دليلا افهمي.... في حاجه اسمها حب..

اما محستش بحبي ليها صدقيني.... متخليهاش تستناني وتدور علي شخص تاني....

دليلا: طب وداغر؟

ادم: داغر دا تنسيه....

دليلا مصمممه : بقولك مش هنساه والله ما هنساه لو عملتلي سحر دلوقتي برضو هفضل احبه.... فاهم يعني اي بحبه يعني بحبه وبعشقه و مش هسيبه لو كان اخر يوم في عمري....

ادم: بتحبيه كل الحب دا؟

اي الحب الممكن يوصل الواحد انه يعمل كدا؟

دليلا: لما تحب ساعتها هتعرف اي اليخليك تعافر كدا.

ادم: هيجي يتقدملك امتي؟

دليلا بصدمه: هو مين...

ادم: داغر!!

دليلا بتوتر: د. د.. داغر انت تقصد داغر؟

ادم: اه

دليلا بفرحه: بتهزرررر انت موافق.... موافق يعني؟

ادم: موافق عشان اشوف الفرحه في عيونك

دليلا حضنت ادم بفرحه: انت متعرفش انت عملت اي دلوقتي

انت عملت اكتر حاجه ممكن تعيشني طول عمري سعيده انها حصلت....

انت احسن اخ انا شوفته في حياتي....

***

كانت اسيا في اوضتها بتعيط..

ملهاش حد يسأل عليها ملهاش ام اب حتي اختها مبتسألش عنها...

اسيا: هفضل لوحدي لحد امتي..... مين هيشاركني حزني والمي؟

مين هيكمل معايا للأخر

انا انسانه مش محبوبه وهعيش لوحدي طول العمر

***

دليلا طلعت تجري علي بيت داغر تاني....

داغر فتح: نعم؟

واول ما لقي دليلا قالها بأستسلام: امم جايه تقوليلي انك بتكرهيني وانك مش مسمحاني زي كل مره وتقوليلي انك مش بتحبيني وانك مجروحهه مني.... مش صح؟

دليلا بفرحه: لا مش صح...مش صححح....

اما بحبك! بحبك يا داغر

والله بحبك ولا عمري كرهتك ولا حتي افكر اني اكرهك...

ومستعده اكمل معاك لأخر عمري

داغر الفرحه مش سيعاه ولسه مصدوم لحد دلوقتي: دليلا انتي شاربه حاجه؟

دليلا بفرحه: بقولك بحبك بحبككك وادم موافق اننا نكون مع بعض....

داغر شالها بين ايديه الاتنين: بتهزري....

يعني انتي بتحبيني؟ و في نفس الوقت اخوكي موافق؟

دليلا بعد ما نزلت من علي ايده فضلت تتنطت في الارض وهي فرحانه:

موافق!!

داغر حضنها وهو مش مصدق نفسه:

حبيتك اكتر من اي حاجه في حياتي يا دليلا

كنتي انتي اول حد انا ادمع عليه....

واول حد اهر معاه.....واول حد اغير عليه لما اشوفه مع غيري...

دليلا انتي غيرتيني 180 درجه

انا بقيت بصلي و مبشربش...

بقيت بقرأ قرأن....

وحبك في قلبي بيزيد كل يوم

انا مهما حاولت اقولك انا قد اي بحبك انتي مش هتصدقي...

انتي حياتي وكل دنيتي

الحياه بقت حياه فعلا اول ما دخلتيها انتي يا دليلا...

انتي انثي فريده من نوعك يا دليلا....

عرفتيني ازاي احب....عرفتيني ازاي قلبي يدق لما اشوفك...

وكمان عرفتيني ارجع من طريقي وسكتي الكانت هتوديني ورا الشمس.....

قلبي من ساعه ما سسيبتك وهو مبيدقش لحد غيرك يا دليلا.....

عارفه يعني اي اشوف صورتك بليل اضحكلها!!!

بحسك معايا في كل حته...

بشوفك معايا في البيت و في الشغل و في كل مكان....

انا حبيتك حب متخيلش اني احبه لحد تاني مهما طال حبنا

دليلا عينها دمعت من الفرحه:

و انت مفيش زيك تاني اتنين يا داغر....

ومهما حاولت ادور عليك مش هلاقي.....

عشان انت فعلا الملكت قلبي..

و حبي ليك عمره ما هيقل...

انت الشخص الانا كنت ببعتله رسايل في قلبي و قلبس كان بيرد عليا برسايل عليك...

في وسط بكايا عليك بس كانت كل دمعه بتنزل مني كانت بتطلبك....

قصه حبنا محتاجه تتكتب في ورقه كبيره وتتحط في برواز..

دليلا اكملت بفرحه: ونحطه في شقتنا....

ولادنا يشوفوه ويعرفوا قد إيه إحنا بنحب بعض.

داغر حضنها بفرحة وشالها من إيدها: يلا حليب يا لبن.

دليلا: يعني إيه؟

داغر: يعني أشيلك على ضهري.

دليلا: يلا يا غروريي.

داغر: يا إيه؟

دليلا: في إيه بدلعك... مش أنت اسمك داغر وفي نفس الوقت مغرور؟

يبقى أقولك يا غروريي.

داغر نزلها وهو بيبصلها بهزار: متخلينيش أرجع للكلمة الشهيرة بتاعتك.

دليلا: وأي هي بقى يا غروريي؟

داغر بيتوعدلها بنظراته المضحكة: بسلة. فاكرة البسلة اللي بناكلها مع الرز؟

دليلا دخلت المطبخ وجابت مايه: آه شكلك عايز يتعمل فيك زي المرة اللي فاتت.

داغر: هتعملي إيه يعني؟

دليلا جابت المايه ورشتها عليه.

داغر بتحدي: بتغرقيني يعني؟

دليلا: آه بغرقك... ومش خايفة.

داغر شدها على الجنينة ومسك خرطوم المايه.

وفضل يرش عليها مايه.

دليلا بضحك وسط صراخها: عااا كفايا وشي وشعري وكلي على بعضي اتغرقت.

كل ده عشان كوباية مايه رشتها عليك. يا جاحد.

داغر: انتي لسه شوفتي حاجة.

شدها من إيدها ورماها في البسين.

ونط وراها.

دليلا: هشتمك يا داغر. إحنا متفقناش على كده.

غرقتني بالخرطوم وقلنا أشطة.

لكن ترميني في البسين كده كتير.

داغر: طب إيه رأيك مش كده أحلى؟

دليلا ضربته في صدره: والله مغرور.

داغر: مغرور بيكي ورافع راسي دايماً عشان انتي معايا.

دليلا مسحت المايه اللي على وشه: وأنا فخورة إني بحبك.

***

جنى: أنا عرفت المستشفى اللي روان هتولد فيها. وهقتلها وأخلص منها.

_ كفايا جنان. أنتي محتاجة تترمي في مصحة نفسية.

جنى: لا مش مجنونة. أنا بحب...

_ لا مجنونة. لما تحبي واحد لمدة ٧ سنين وهو ولا حاطك في دماغه. وبيحب مراته ومخلف منها بنت والجاية في الطريق.

جنى: برضو مهما كان هفضل وراه لحد ما يحبني.

****

مراد: تعرفي إنك خلاص هتولدي بكرة.

روان: عارفة يا ميرو.

مراد: قلب ميرو.

حور: ما خلاص بقى يا ماما.

بابا حبيبي أنا وبس.

مراد بابتسامة وهو بيحضن حور: شوفتي بنتي بتغير عليا إزاي.

روان: ماهي هتطلع غيورة لمين غيرك يا مراد.

مراد: امم مش أحسن من الباردة المبتحسش.

ومبتغيرش خالص. زيك.

روان: أعملك إيه يعني مش بحس بغيرة خالص لما حد يقرب منك.

روان في نفسها: آه لو تعرف أنا بتحرق إزاي من جوايا.

أنا كدابة أوي.

***

دليلا طلعت من البسين ولبسها كله متغرق مايه:

طب أعمل إيه أنا دلوقتي يعني؟

يرضيك أبرد؟

داغر: يا روح قلبي.

خشي جيبي لك تيشرت وشورت من شورتاتي.

دليلا: دول هيبقوا واسعين أوي عليا.

داغر وهو يضحك: التيشرت نفسه هيكون فستان عليكي.

دليلا: نينينيييي.

دخلت لبست تيشرت وشورت والتيشرت كان مغطي على الشورت من كتر طوله.

داغر: مش قادر بجد هموت من الضحك.

دليلا: متضحكش يا داغر. في إيه؟

داغر: مضحكش إيه. ده انتي لو حد شافك كده مش بعيد يموت ويجيله ساكتة قلبية. من كتر الضحك.

دليلا: متنمررر. هتفضل طول عمرك متنمر ومغرور.

داغر قام من على الكنبة: امم طب أنا جوعت.

دليلا: عايزني أعملك إيه؟

داغر: مش فاهم.

دليلا: يعني أطبخ لك إيه؟

داغر: اعملي سندوتشين كبدة.

دليلا: اوكي.

راحت عملت.

داغر حاوطها وهي بتعمل الأكل.

دليلا لفت له وهي في إيدها سندوتش الكبدة ورزعته في بؤه: خد يا داغر ده.

داغر: هتموتيني.

دليلا شغلت أغاني.

داغر: أفهم من كده إيه؟

دليلا: تفهم من كده إننا هنرقص أول رقصة سلو مع بعض.

داغر: ياه. يا ريت.

داغر وطي وبيقدملها إيده:

تقبلي بالرقصة دي؟

دليلا بالتيشرت الواسع وهي بتلف كأنّه فستان:

طبعاً موافقة.

فضلوا يرقصوا لحد ما الصبح طلع.

***

آدم رن الجرس على بيت آسيا.

آسيا خرجت وحالتها متبهدلة خالص.

آدم: إيه يا بنتي الحالة اللي أنتي فيها دي.

آسيا: ادخل يا آدم. كل معايا.

شوكولاتة. شيبسي. بيبسي. سندوتشات بورجر. مكدونالدز. كيكة بالفانيليا. بسكويت بالبرتقال. وفيه فيروز لو عايز. وتوفي. ولبان. وعصاير. فيه تفاح وبرتقال ومانجة وفراولة تختار إنهي.

داغر: إيه الفجعة اللي أنتي فيها دي.

وبعدين إيه الاكتئاب ده؟

آسيا قعدت على الكنبة وسط الأكل بعدم اهتمام: مفيش.

آدم: لسه بتحبيني؟

آسيا: ولو قولتلك لسه بحبك هيتغير كتير؟

آدم: هيتغير كتير أوي.

آسيا قامت بتوتر: هيتغير إيه مثلا.

آدم: أنا بصيت لقلبي فعلاً. وشايف إنك أنتي المناسبة ليا يا آسيا. أنتي بتحبيني. وغير إنك غالية عندي أوي يا آسيا. وقيمتك كبيرة أوي في قلبي.

آسيا رمت الأكل من إيدها وهي بتضحك: أنت... أنت بتقول إيه!

يعني أنت بتحبني؟

آدم: بحبك.

آسيا: أنت... أنت أكتر أمنية أنا كنت بتمناها من ربنا.

أمنيتي اتحققت يا آدم.

حضنته وهي بتضحك بفرحة مش سيعاها.

وهو ضاممها ومبتسم لحبها الكبير ليه.

***

دليلا: تعبت من كتر الرقص.

تعالى نقعد شوية.

داغر ركع تحت رجليها وبيقدملها إيده وفي إيده خاتم:

دليلا تتجوزيني؟

دليلا: إيه؟ عيد تاني؟

: تتجوزيني؟

دليلا رجعت راسها لورا وهي بتضحك بكل رومانسية ورقة:

طبعاً موافقة. هو أنا هحب مين غيرك. أنت نصيبي الحلو.

أنت محفور في قلبي يا داغر.

داغر: وأنتي مكتوبة في شرياني. وفي كل وقت وكل ساعة وكل دقيقة وكل ثانية أنا بحبك فيها.

داغر قام ولبسها الخاتم.

دليلا بصت لإيديها اللي بتلمع:

يعني إيه!! يعني إحنا هنتجوز.

داغر شالها وهو بيبص في عيونها: هنتجوز ونعيش مع بعض لأخر العمر.

عشان انتي اللي خدتي قلبي.

وخدتي روحي. وسحرتيني.

انتي حياتي وعمري وحبي.

دليلا: بحبك. وهعيش وأموت بحبك يا داغر.

***

في صباح يوم جديد. شمس بتشرق بالفرحة والابتسامة على وجه أبطالنا.

كانت دليلا في بيتها.

جدتها: عملتي اللي في دماغك. برضو وهتتجوزي داغر.

دليلا بفرحة: آه. ومش هتجوز غيره.

آدم دخل البيت وفي إيده آسيا: وأنا عملت اللي قلبي قالي عليه.

جدتهم بعدم فهم: إيه ده؟

دليلا نزلت بفرحة: ثانية. أوعوا يكون اللي في بالي.

آدم: اللي في بالك صح.

جدتهم: إيه هو اللي في بالكوا. ومالك ماسك آسيا كده ليه؟

آدم: عشان هتجوزها.

دليلا حضنت آسيا بفرحة: يا روحيييييي. بجد مش مستوعبة كمية الفرحة اللي أنا فيها عشانك.

جدتهم: الف مبروك يا دوما.

****

مراد كان في المستشفى مستني روان تولد.

داغر وصل المستشفى عشان يكون في ضهر صاحبه.

داغر: ربنا يقومها بالسلامة يا صاحبي.

مراد: يارب يا أخويا.

دليلا وصلت وادم معاها وآسيا.

دليلا: روان كويسة؟

مراد: إن شاء الله. ادعولها.

آسيا: تطلع لكم بخير إن شاء الله.

الدكتور خرج وفي إيده البيبي.

: الف مبروك. بقى عندك بنوتة كمان.

مراد شالها بفرحة: يا حياتي.

دليلا بصت لداغر والفرحة في عيونها: بس حلوة إزاي.

مراد شال النونو ودخل بيها لروان: ربنا يخليكي لينا يا رينو.

روان: ويخليك لينا يا ميرو.

***

بعد سنتين.

كان آدم وآسيا واقفين في الجنينة.

آدم: مبتعرفيش تعملي أكل طول عمرك.

آسيا: يا رخم. يعني كل الطفح اللي بتطفحه من إيدي ده ومش عاجبك.

آدم: بهزر معاكي يا روحي.

آسيا: هما فينهم. مجوش ليه. هو إحنا عاملين العزومة دي نتفرج فيها أنا وأنت على بعض ولا إيه؟

روان ومراد وصلوا وفي إيدهم حور ولين.

آسيا: أهم وصلوا.

مراد بيسلم على آدم: صاحبي وزميلي.

آسيا: هاتي لين. وحشتني يا روني.

روان: خديها شوية.

ووصل أهم اتنين في الرواية.

داغر ودليلا مع بعض وفي إيدهم إيلول.

مراد: أهلاً بالباشا.

آدم: العيلة السعيدة وصلت يا جماعة.

آسيا: قُرة عيني دول.

روان: نقطينا بسكاتك ونبي.

آسيا فضلت تضحك وتهزر معاها.

وفي جهة أخرى.

كانت جنى اتسجنت. عشان تم ملاحظتها في كاميرات المستشفى للتحريض لقتل شخص.

***

داغر وقف ورا دليلا ودليلا شايلة إيلول بنتها في إيدها.

داغر همس في ودنها: اقفي عدل يا بسلتي.

دليلا بابتسامة رقيقة: ليه يا غروريي؟

داغر: عشان هنتصور يا حياتي.

دليلا: كده حلو؟

داغر: انتي حلوة في كل تفصيلة فيكي.

ربنا يخليكي ليا يا أحلى شيء حصلي في الدنيا.

دليلا: ربنا عوضني خير بيك يا داغر. أنت ملكتني. وملكت قلبي. أنت ملكي أنا وبس.

كلهم وقفوا جنب بعض بيضحكوا ولكل واحد ابتسامته الخاصة.

وحور مسكت الكاميرا وصورتهم.