رواية قلبي اليتيم الفصل الخامس 5 - بقلم أسيل باسم

اهدا عشان نعرف نتكلم يا ابني ادم بغضب: انا مش ابنك أولا. ثانيا انت بأي حق بتخطفني وبتجيبني هنا؟ عز بهدوء: انت مكنتش هتسمعني وانا ملقتش غير الطريقة دي عشان اعرف اتكلم معاك يا ابني. ادم بغضب: لاني عارف هتقول إيه. وبقولك أهو وفر على نفسك الكلام الكتير، انا مش عايز حاجة منك، مش عايز فلوسك ولا حتى عايز اسمك. مش عايز حاجة تربطني بيك، لأنه ميشرفنيش ابقى ابنك من الأساس. وقام يريد الذهاب: احنا لسه مخلصناش كلام يا ادم.

ادم: بس الكلام انتهى بالنسبة ليا. عز الدين: إيه رأيك أمك تعرف إنك بتقابل بنت يحي الهواري. لا وعلى علاقة معاها. وقف ادم واستدار له: ده تهديد بقى. عز ببرود: اللي انت عايزه، بس تسمعني الأول. جلس ادم على كرسيه: ٥ دقائق. عز بهدوء: انا عارف إني غلطت في حقك وفي حق حنان.

وانا دلوقتي ندمان على السنين اللي ضيعتها وانت وامك مش معايا. انا مش ببرر غلطي، بس اسمحلي أصلح كل حاجة حصلت مني. اسمحلي أعوضك عن الفات. اسمحلي ابقى ابوك وانت ابني. اسمحلي نكون عيلة مع بعض. انا جاهز للي انت عايزه، بس عايزك تعرف إني متخليتش عنك وعن امك بمزاجي. انا اتلقيت صدمة عمري من حد كنت بعتبره صاحبي في يوم من الأيام. ادم بمقاطعة وهو يقف: الخمس دقائق انتهت، عز بيه سلام. وغادر.

تنهد عز بضيق: يسامحني إزاي بس، دول مش سنة أو سنتين، دول أكتر من ٢٠ سنة. خرج من ذاك المخزن وهو يسير على رجليه وهو غاضب بشدة. لا يدري بمن يصدق وماذا يصدق، كل العالم ضده وحياته هي اللي على محك. دخلت المنزل ووجدت أباها يقف ينتظرها. سماح بتوتر: بابا. يحي: هو ده ادم اللي وصلك. هزت رأسها بتوتر. يحي: مش عايزك تقابليه بعد كده، فاهمة. سماح: بس يا بابا. يحي: انا قولت إيه. سماح بدموع: مقابلوش. يحي وهو يذهب: يبقى خلص الكلام.

يحي بخبث: هتجيني راكع على رجليك يا عز، يا انا يا انت. والأيام بينا. كانت تجلس مع رفيقاتها يدرسون بجد حتى نزل يوسف. اخفض رأسه عندما وجدها مع صديقاتها. يوسف: السلام عليكم. رفعوا رؤوسهم من على الكتب: وعليكم. نظرت إليهن جنى، كانوا ينظرون إلى يوسف بتوهان. اشتعلت نار الغيرة بداخلها وقامت أمامهم. جنى بغيرة: ما تغضوا بصركم انتي وهي. ياسمين: غصب عني والله، وهو قمر بالشكل ده. هبة: ده مش بس قمر، ده مززز بشكل.

على قوليلي يا جنى، ده أخوكي مش كده. هو مرتبط أو عنده حبيبة أو بيفكر يرتبط. وما كادت ترد عليها جنى حتى ناداها يوسف. ذهبت ووقفت أمامهم، وأعطى الفتيات ظهره. يوسف برقة: مالك مبوظة بالشكل ده، في حد ضايقك. جنى بصوت عالي: مفيش يا حبيبي. يوسف باستغراب: حبيبك. وضع يده على جبينها: هو انتي سخنة يا جنى. أمسكت يده ووضعته في خدها: انا كويسة يا جوزي يا حبيبي، طول ما انت كويس وبخير. يوسف: انا مش عارف انتي مالك النهارده بس.

كنت هقولك، انا خارج عندي معاد مع مراد وهتأخر. ولو بابا سألك عني قوليله اني هتأخر، تمام. تليفونه مقفول. جنى بصوت عالي: من عينيا يا قلبي. نظر لها باستغراب: قبل جبينها وغادر وهو يستعجب حالتها هذه. مالها دي. ذهبت وجلست بجانبهم وهم ينظرون لما حدث بصدمة. هبة: المززز ده جوزك. جنى بغرور: أومال إيه. قرة عيني. ياسمين: وقعتي واقفة يا جنى. جنى بغيرة: نسيب مذاكرتنا بقى ونقعد نمدح في جمال سي يوسف. مذاكري منك لها وانتي ساكتة.

مراد بضحك: ابن المحظوظة. يوسف: تصرفاتها غريبة عجيبة. معقول دي جنى اللي كانت بتتكسف من خيالها. تقولي يا حبيبي يا قلبي. ده انا خفت منها، قولت ليكون لابسها جن أو حاجة. مراد: ماهي واضحة إنها كانت غيرانة عليك من صحابها. افهم يا ابني، طالما هي غارت عليك يبقى فيه حاجة في قلبها تجاهك، حتى لو إعجاب. ابتسم يوسف ببلاهة: يعني هي هتعجب بيا انا. نظر له بتقييم: صحيح، إيه اللي هيعجبها فيك. يوسف بغرور: ده انا قمر يا ابني.

انا ورايا طابور مززز مستنين كلمة مني. مراد: لا يا اخويا، انت وراك طابور تيراان. بص كده وراك. نظر يوسف وراءه، تفاجأ بأشخاص ضخام القامة. يوسف باستغراب: هو في حاجة. أحدهم: المكان ده للبوس بتاعنا. مراد: كان مكتوب باسمه. ليكون إحنا قاعدين هنا. روح وشوفلك مكان غيره تقعد البوس بتاعك فيه. البوس بغضب: انت متعرفش أنا مين و. يوسف بغضب أكبر: لا يا حبيبي، ده عند الست الوالدة بقى. مراد بهمس: الهروب كل الجدعنة، صدقني.

يوسف بهمس مماثل: اجمد يااض، هنخاف من دول آخر الزمن. مراد بغضب: ما انت ضامن نفسك. انا بقى لو طلعت من العركة دي باعاهة، مين هيبص في وجهي. البوس: يلا يا انت وهو من هنا. يوسف: بالعند بقى، انا مش متحرك من هنا. هات اللي عندك. وصاحب كلامه، أنه أخذ زجاجة العصير وكسرها في رأس البوس الذي تأوه بالألم. وابتدأت المعركة، يضرب هذا وهذا يضرب هذا. أتى البوس الضخم وحمل يوسف من وسطه وألقاه أرضاً.

ولم يترك له الفرصة. أخذ الطاولة كي يرميه فوقه، لكنه تفاجأ بالذي يضربه في رأسه بقوة. عدة ضربات حتى وقع البوس أرضاً. مد يده ليوسف الذي ينظر له بتفاجؤ. أمسك يوسف يده وهو مستغرب مما يحدث.