رواية قلبي دليلي الفصل التاسع 9 - بقلم نورهان

يوسف: أنا هروح بيتها وأتقدم ليها. عمر: يعني هي طايقاك عشان تتقدم. يوسف: أومال أعمل إيه. عمر: مش عارف. يوسف: أنا هتصرف. عمر: هتعمل إيه. يوسف: هكلمك وأعرفك. عند نور. محمود: نور الباب بيخبط، تعالي افتحي. نور: افتح أنت يا محمود، مش قادرة أقوم. يقوم محمود بتكاسل ويفتح الباب. محمود: مين حضرتك. وتين: نور موجودة. محمود: أيوا موجودة، اتفضلي. تدخل وتين وتنظر للبيت البسيط. يقاطعها محمود قائلاً: تشربي إيه.

وتين: لا شكراً، بس أنا عاوزة نور. تخرج نور لتعرف من كان يطرق الباب. نور: مين يا محمود اللي كان على الباب. لتجد فتاة جميلة تنتظرها. تقوم وتين وتعرفها على نفسها. وتين: أنا وتين، كنت خطيبة يوسف. نور بدموع: جاية لي، عاوزة تقهريني. وتين: أنا عاوزة أقولك إن يوسف بيحبك. نور: إيه الجديد، ما يوسف كان بيحبك.

وتين بحزن: يوسف محبنيش، يوسف انبهر شكلي أو عشان طريقة الكلام، بس محبنيش. أنا أول ما قولت ليوسف إني عاوزة إننا نسيب بعض، وافق ومزعلش عليا، حتى لو كان زعل كان عشان اتعود على وجودي مش أكتر. إنت مشوفتيش شكل يوسف كان عامل إزاي لما خرجتي من المكتب، يوسف تعب جامد عشانك، خايف إنك تسيبيه. أرجوكي بلاش تتعبيه، أنا حاولت معاه في إنه يحبني كـ وتين، بس محبنيش. نور بعياط: أنا مش عارفة أقول إيه.

وتين بعياط: أنا اللي هقولك، أنا همشي وأنا آسفة إني وصلتكم لده، أنا آسفة وأتمنى إنكم تسامحوني. نور بتحضن وتين: مسامحاكِ. تخرج وتين وتتجه للمطار. نور بتستعد لتخرج. محمود: نور، إنتِ خارجة. نور: آآآه، فيه حاجة. محمود: لا، بس خلي بالك من نفسك. نور بنصف عين: أوك. تخرج نور ويمسك محمود هاتفه ويكتب: خرجت، يوصي. يوسف يرفع رأسه: تمام يا محمود. يخرج مسرعاً من سيارته الساكنة تحت بيت نور ويدخل البيت.

لتجد نور أحد يشدها، تحاول الصراخ لكنها فشلت بسبب يده الموجودة على فمها. ليتكلم يوسف: ما أنا مش هسيبك غير لما توافقي عليه. ليسحب يده من على فمها. نور: إنت إيه اللي جابك هنا، و... أوافق على إيه. يوسف بإبتسامة: على جوازنا يا حياتي. نور برخامة: ومين قالك إني موافقة. يوسف: دا على أساس إنتِ كنتي رايحة لمين. نور بتوتر: وإنت مالك، وبعدين إنت عرفت إزاي. يوسف وقد أدرك حجم المأزق الذي أوقع نفسه فيه: عاوزة إيه يا نور.

نور بابتسامة: عاوزة أعمل خطوبة في الملاهي. يوسف بتوهان: عيدي الكلام تاني. نور بحب: بحبك يا يوسف. يوسف: لا، أنا كده هيغمى عليه. نور: إنت مطلعني فوق لي. يوسف يطرق الباب ويفتح محمود. يدخل يوسف ويضع رجل على رجل: مستني عمي عاطف. نور تنظر ببلاهة: مستني بابا لي. يوسف وهو يتصنع الدهشة: إيه ده، أنا مقولتكش. نور بتريقة: لا مقولتيليش. يوسف: يقطعني. يدخل عاطف والد نور ومدحت والد يوسف وعمر والماذون.

نور بعدم فهم: بابا، المأذون ده هنا لي. يوسف وقد أدرك صدمتها: عشاننا يا حياتي. نور: لي. يوسف: لا، دا إنتِ حالتك صعبة خالص. بصي، أنا كده كده عامل حسابي، فـ رهف دقيقتين بالظبط وهتكون هنا، بس روحي البسي الفستان لحد ما هي تيجي. تسير نور لغرفتها بدون فهم ما يحدث. ترتدي الفستان ثم تدخل رهف. رهف: ما شاء الله، زي القمر. نور بفرحة: المجنون جاب المأذون. رهف: إنتِ إيه رأيك في الموضوع ده. نور بسرحان: زي القمر.

رهف برخامة: أنا أقصد الموضوع مش يوسف. لتكمل زينتها ثم يترك أبوها الباب لياخذ إمضتها. عاطف: ألف مبروك يا حبيبتي، كبرتي وبقيتي عروسة زي القمر. نور بسعادة: الله يبارك فيك يا حبيبي. ليخرج عاطف ويتحدث مع يوسف. عاطف: دي بنتي الوحيدة، خلي بالك منها. يوسف بابتسامة: في عيني يا عمي. ثم يدخل يوسف غرفة نور. تخرج رهف لتنده نور عليها لكنها لم تجيب. يوسف لتخفيف التوتر: الله، أوضتك جميلة. نور بخجل: ميرسي. يوسف: في حاجتين مهمين.

نور باهتمام: إيه هما. يوسف: أول حاجة، حضن كتب الكتاب. تتجه نور لآخر الغرفة: طب أنا هخرج بقا، عاوز حاجة. يوسف: والحاجة التانية، أنا حاجز ملاهي عشاننا وكمان معانا رهف ويوسف. تجري عليه نور وتحضنه. نور: مش بحبك من فراغ. يوسف بضحك: كنت عاوز أنا اللي أحضنك. نور وقد أدركت للتو ما فعلته لتحاول أن تبعد ليمنعها يوسف. ليقول يوسف فجأة: يلا على الملاهي أحسن. نور بضحك: بينا. يوسف: أقولك على سر. نور: قولي.

يوسف: كنت بسمع أغنية قلبي دليلي. نور: أنا تقريباً بسمعها يوميات. عالي نغني، قلبي دليلي، قولي هتحبي. يوسف: بحبك. نور: بحبك.