رواية قلبي لها الفصل الثالث 3 - بقلم مريم حجاج مصطفي

فهد بص لفرح بصدمه وقال: انتي ازاي هنا؟ فرح بصتله بدموع وقالت: لما قربت مقدرتش ابعد. فهد نفخ بغضب لأنه مكنش عايز ده اللي يحصل. فهد: قومي روحي دلوقتي يا فرح. فرح: انت مش جبتني هنا من بعد ما نور مشيت عشان تتجوزني؟ فهد: مش وقته يا فرح. فرح قامت وهو فضل يفكر ازاي هيلاقي نور. عند قاسم. نور خلصت وكان قاسم شغال على الابتوب. نور بصتله وسكتت لأنها لقيته مشغول وفضلت قاعدة على الكنبة لحد ما غمضت عيونها.

قاسم بصلها وفكرها نامت، قام وقرب منها ولقيها راسمَة فستان شكله حلو. قاسم بصلها وابتسم وهي فتحت عيونها واتخضت لما شافته. قاسم: أنا فكرتك نايمة، مقولتيش ليه أنك خلصتي. نور بتلقائية: لقيتك شغال ومندمج وأنا لما كنت بشوف... سكتت. قاسم فهم أنها كانت هتقول عن جوزها الأول. نور بصتله بحزن وقالت: أنا آسفة. قاسم ابتسم وقال: متأسفيش، مفيش حاجة، يلا عشان نروح نتغدى. نور هزت راسها وقالت: بلاش ننزل في الاسانسير. قاسم ابتسم وقال:

أنتي معايا على فكرة فمتخافيش، وحتي لو مكنتش معاكي في يوم. في الليل في أوضة نوم. قاسم ونور كانوا قاعدين بيتفرجوا على مسلسل الحفرة وبيعطوا وقاسم كان خارج من الحمام بعد ما أخد شاور. قاسم بصلها وبص للشاشة وهمس: حساسة قوي. قاسم مسك الريموت وطفي الشاشة. نور بعياط: طفيتُه ليه؟ قاسم قعد جنبها وقال: عايز أتكلم معاكي. نور هزت راسها وهو قال: احكيلي اللي حصل معاكي. نور خدت نفس وبدأت تحكيله كل اللي حصل ودموعها نازلة.

قاسم مسح دموعها وقال: إزاي عمل فيكي كده؟ مهما كان مبرره مفيش مبرر يخليه يأذيكي بالشكل ده. نور حضنته وهي بتعيط وقالت: أنا بكرهه. قاسم ضمها بقوة وباس خدها وقال بابتسامة: احكيلي مين هي نور. نور ابتسمت وقالت: عندي ٢٥ سنة، عندي أخ اسمه نوح وأنا خريجة. قاسم بمقاطعة: مقصديش كده، أقصد نور كشخصية. نور ابتسمت بحزن وقالت: كانت بتحب كل حاجة وكانت ديما بتضحك. كانت بتحب كل اللي حواليها. قاسم: ودلوقتي؟ نور:

تقدري تقولي خسرت كل حاجة حلوة فيا. قاسم ابتسم وقال: قومي يلا. نور: على فين؟ قاسم: يلا بس غيري بسرعة. عند التلة. كانت قاعدة وهو جاب سندوتشات كبدة. قاسم: أنتي دلوقتي تاني حد يعرف أني باجي هنا وخصوصًا لما ببقى متضايق. نور: وأنت متضايق ليه؟ قاسم: يمكن عشان شايفك ملامحك دبلانة ومليانة حزن ووجع. نور قربت منه وقالت: اوعدني. قاسم: بإيه؟ نور: أنك تفضل واثق فيا وأن عمر ثقتك ما تتهز فيا. قاسم حضنها وقال:

أوعدك أني هفضل أحبك وأن عمري ما هاخذلك، واللي بيحب بجد مبيشكش في نصه التاني. نور خدت نفس وبعدت عنه ورجعوا ياكلوا. تاني يوم. كانت نايمة وقاسم حاضنها من ضهرها وهي بلبس الخروج لأنهم رجعوا متأخر وشعرها فيه جزء على وش قاسم. قاسم بدأ يصحي وشال شعرها من على وشه وحط راسه في رقبتها وباسها وهمس: نور، نوري، يلا اصحي. نور بضيق: سيبني أنام بقا. قاسم: طب هاتي بوسة في خدها. نور لفت وقاسم قرب منها وباسها وبعد عنها لما زقته.

نور بغضب: إحنا قولنا إيه؟ قاسم ابتسم وقال: ندي لبعض فرصة عشان جوازنا ينجح. نور بغضب: قاسم! قاسم ابتسم وقال: أنتي قموصة قوي، أمال لونور... صرخت وهي بتحدفه بالمخدة: اسكت يا قليل الأدب! وقامت تغير. في شركة قاسم. قاسم كانت نور ماشية جنبه وهي مبتسمة. نور خبطت فيه ووقفت والسكرتيرة قالت: مستر قاسم، أستاذ فهد مستني حضرتك جوه في أوضة الاجتماعات. قاسم هز راسه وبص لنور وقال: قولي لمدام نور تستناني لحد ما أخلص الاجتماع.

السكرتيرة هزت راسها وهو راح أوضة الاجتماعات. في نفس المكان. هي بعياط: أنا عملتلك إيه لده كله؟ نهاد بزعيق: اخرسي بقي، كل ما أحاول أدمر اللي اسمه قاسم ده يرجع زي ما كان الأول، أقنعتُه أنك هربتي وسبتيه يوم فرحكم. ودلوقتي اتجوز اللي اسمها نور، أنا لازم أتصرف، أنا مضمنش تبقي حامل. ليلى بعياط: أنتي بتعملي كده ليه؟ ده ابنك. نهاد بزعيق: مش ابني، ابني الوحيد هو زياد، هو اللي يستحق كل الفلوس دي، مش قاسم. ليلى بعياط:

خرجيني من هنا، متسيبنيش هنا والنبي. نهاد حطت الزقة على بوقها وقالت: خلوا بالكم منها. عند قاسم. فهد: اتشرفت بالعمل مع حضرتك. قاسم للمحامي: العقود تمام؟ المحامي هز راسه وقاسم مضى وقاموا وقفوا وسلموا على بعض. في مكتب قاسم. نور كانت قاعدة على مكتبه وفتحت درج وفجأة لقيت صورة ليها بس ما كانتش نفس لون الشعر. نور: إيه ده؟ قاسم دخل ونور قالت: إيه دي يا قاسم؟ قاسم سكت وهي قالت: أنا شعري لونه أسود مش ذهبي زي ما في الصورة. قاسم

بتوتر وهو بياخد الصورة: متخديش في بالك. نور استغربت وسكتت. بعد شهر كامل. نور وهي ماسكة إيد قاسم وعيونها متغمية. قاسم شال الشريط من على عيونها وهي ابتسمت لما لقيته نفس الفستان اللي رسمته وكان لونه سماوي. نور بصتله وهو قال: بقالي أكتر من أسبوعين مخدتشِك معايا الشركة، لأني كنت بعمله عشانك. نور بصتله بدموع واتعلقت في رقبته وهو رفعها عن الأرض. قاسم:

بكرة هنعمل حفلة صغيرة في البيت وبالمرة أعرف الكل على مراتي، عشان معملناش فرح. نور ابتسمت وقالت: شكراً. قاسم بعتلها بوسة في الهوا وقال: بحبك. تاني يوم. نور كانت لبست الفستان وكان قاسم عامله فيه حزام متربط من ورا على وسطها. قاسم باسلها من رقبتها ولفها ليه وقرب منها وباسها وهي مستسلمة ليه. قاسم بعد عنها وهو مبتسم وهمس بحب: لو في إيدي مننزلش دلوقتي يا نور. نور بكسوف: يلا يا قاسم. تحت. زياد ابتسم لما شاف

قاسم مبسوط مع نور وقال: ياريت فعلاً تكون بتحب نور مش بتحبها لأنها شبه ليلى. في مكان هادي. نهاد وهي بتديله دوا. نهاد: حط ثلاث حبيات من دول في كاسه قاسم وأديهاله وامشي بسرعة، وفلوسك هتوصلك زي ما اتفقنا. هز راسه وقال: تمام يا مدام. الحفلة كانت ماشية ونور واقفة جنب قاسم لحد ما الجرسون حط قدامه كاسه العصير ومش. قاسم مسك الكاسه وكان هيشربها بس فجأة لقي نور ضغطت على إيده.

حط الكاسة تاني وبص لنور لقي عيونها مليانة دموع وثابتة ناحية حد. نور بدموع: هو يا قاسم. قاسم بص ناحية ما نور باصه ولقي فهد داخل. قاسم اداها العصير وقال: أهدي يا روحي. نور هزت راسها ومسحت دموعها بسرعة ومسكت العصير وبدأت تشرب منه. قاسم فضل واقف مصدوم وفهد كان واقف مكانه بيتكلم مع ناس عارفهم. نور مسكت إيد قاسم بقوة وصرخت وهي حاطة إيدها على بطنها. قاسم بخوف: نور!!! فيه إيه؟ نور بدأت ترجع مادة بيضا وقاسم مصدوم. زياد بسرعة:

قاسم دي حالة تسمم، لازم مستشفى. قاسم شال نور اللي فقدت وعيها وكانت في حضنه. وفهد بص ناحيته و……