رواية قلبي لك وحدك الجزء الثاني الفصل الرابع 4 - بقلم مريم محمد

ابعد يا مراد... وبلاش تمثل على نفسك.. وتوهم نفسك إنك بتحبني.. اللي بيحب حد مابيستحملش إنه يتأذى.. وأنت آذيتني أكتر أذية. مراد بآسف: مش بيقولوا إن في الحب والحرب كل شيء مُباح... بس صدقيني أنا مكنتش لاقي طريقة غير كدة.... وندمان على اللي عملته والله... أوعديني يا عشق إنك يوم ما تحبيني تقوليلي سامحتك يا مراد.

عشق بسخرية: أحبك ياااااه.. ده أنت عقلك ده بيخيلك حاجات مستحيل تحصل يا دكتور مراد.. ده شئ مستحيل يحصل فاهم مستحيل. مراد: مفيش حاجة مستحيل يا عشق. بكرة المستحيل يبقى حقيقة. عشق: عن إذنك بقى عشان عندي ميعاد مع الدكتورة. مراد بإستغراب: ميعاد مع دكتورة أسنان؟؟!! عشق: آه وفيها إيه يعني. مراد: لأ مفيهاش بس يعني.. أنتِ تعبانة أو سنانك فيها حاجة. عشق: آه عندي ضِرس مصدعني جداً. وأنا اللي يسببلي صداع لازم أخلعه.

مراد: كدة يا عشق تبقى تعبانة ومش تقوليلي. عشق: ليه بقى كنت دكتور أسنان وأنا معرفش. مراد: لأ يا ستي بس كنت هخليكي تروحي عند دكتورة زميلتي شاطرة. عشق: لأ مُتشكرة أنا الدكتورة بتاعتي شاطرة برضو... وبعدين انت كل الناس اللي تعرفها ستات بس إيه مفيش رجالة. مراد بإستغراب: نعم؟؟!! .... تقصدي إيه بكلامك ده. عشق: هو أنا بقول حاجة مش مفهومة ولا بتكلم بالإنجليزي.

مراد: لأ بس ده بحكم شغلي إن أنا بتعامل مع دكاترة ستات مش حكاية أن أنا مش بعرف غير ستات.. وأكمل قائلاً بصدق: وبعدين أنا ما يملاش عيني غيرك أنتِ يا عشق. عشق: على فكرة أنت لو كنت مُمثل كُنت هتاخد رقم واحد في التمثيل. مراد: شكراً يا عشق. عشق ببرود: العفو... عن إذنك بقى عشان أنا اتأخرت أوي على الدكتورة. مراد: أنا هستناكي تحت في العربية. وما تتصرفيش تصرفات العيال اللي بتتصرفيها دي. عشق: أنا بتصرف تصرفات عيال.

ماشي خليك فاكر أنت قُلت إيه. دخلت عشق العيادة وذهبت إلى غرفة الدكتورة. عشق: ازيك حضرتك يا دكتورة. الدكتورة: الحمدلله بخير... إيه بقى يا شوشو ماما كلمتني وقالتلي إنك عندك صداع بسبب ضِرس. عشق: من إمبارح وأنا مش قادرة أستحمل الصداع يا دكتورة. بدأت الدكتورة بفحص ضِرس عشق وشرحت لها ما به...

وأعطت لها علاجاً حتى يخفف الصداع الذي تشعر به.. فـ كانت عشق تُريد أن تخـ'لعه ولكن الدكتورة اعترضت؛ لأن اللثة مُلتهبة ولا يجوز خلـ'عه واللثة مُلتهبة حتى لا يحدث لها آثار جانبية وتتأذي فـ أعطت لها العلاج حتى تخف اللثة وبعد ذلك تستطيع خلـ'ع الضِرس. خرجت عشق من عند الدكتورة واتجهت إلى المصعد وصعدت به وهبط بها إلى أسفل العيادة. فـ خرجت من العيادة. ورأت مراد ينتظرها بالسيارة.

فـ صعدت بالسيارة ورأت مراد ينظر لها نظرات مش مفهومة. عشق: في حاجة؟؟!! مراد بصرامة: مين اللي كنتي بتتكلمي معاه النهاردة في الكلية ده. عشق بتلقائية: ده مروان زميلي. مراد: وبتقوليها عادي كدة. عشق بإستفزاز: اومال أغنيها وأنا بقولها يعني ولا إيه. مراد بحدة: اتكلمي عدل يا عشق وأنتِ بتتكلمي معايا. عشق: مروان ده زميلي ومعايا في الكلية.. فيها إيه بقى لما أتكلم معاه ولا مع غيرهم.

مراد بعصبية: هو حد قالك إن أنا بقرون ولا كيس جوافة يا هانم. فيها كتير يا عشق.. إزاي يعني تتكلمي مع شاب أنتِ فاهمة أنتِ بتقولي إيه. عشق: مالك اتعصبت كدة ليه.. الموضوع مش محتاج. قلتلك زميلي وبكلمه عادي فيها إيه بقى. مراد بتحذير: اسمعي يا عشق أنا لما بتعصب مش بشوف قدامي وغيرتي مجنونة فاهمة يعني إيه مجنونة يعني ممكن أقتل أي حد.. وما أشوفكيش بتتكلمي مع أي راجل غير أخواتك وبس سامعة.

عشق: هو حد قالك إن أنا لعبة في إيدك ولا إيه .... أنا حُرة في تصرفاتي وأنا مسئولة عن كل حاجة بعملها في حياتي. مراد: لأ مش حُرة يا عشق مين قال إن أنتِ حُرة... أنا بقيت مسؤول عنك من ساعة ما حبيتك وما تنسيش يا هانم إن بكرة خطوبتنا وقريب أوي الفرح.. يعني هتبقى مراااااتي. عشق: يا أخي بقى زهقتني... هو أنت مشوفتش حد غيري ليه عشان تحبه. أنت تصرفاتك كلها أنانية... لو انت فعلاً بتحبني زي ما بتقول ابعد عني.

أو اقولك ابعد أنا.. همشي من هنا خالص. مراد: خلصتي. عشق: أيوة. مراد: أنا مش هبعد في الوقت اللي انتِ محتاجاني فيه جنبك يا عشق. بعد بعد ما تخلفي واخد ابني واسافر. عشق بعصبية: نعم يا عمر؟؟!! ... تاخد مين وتعمل إيه.. ليه شايفني عيلة صغيرة ولا إيه. مراد بإستفزاز: أه صغيرة.... وعقلك عقل طفلة. عشق: اخلص بقى عشان أنا بجد ممكن أدخل السجــ*ن النهاردة. مراد: وأنا هبقي مبسوط أوي عشان همو*ت على إيدك يا عشقي. "بعد شوية"

يصل مراد وعشق أمام فيلا سليم التهامي. مراد: ما تنسيش كلامي يا عشق بلاش تتكلمي مع أي راجل سامعة. عشق بضيق: سامعة. خرجت عشق من السيارة واتجهت مسرعة إلى الداخل حتى لا يقول لها شيء آخر. "داخل الفيلا" سليم*: عاملة إيه يا شوشو يا حبيبتي. عشق بإبتسامة: الحمدلله يا بابا. انت عامل إيه يا جميل. سليم*: الحمدلله يا حبيبتي. قوليلي بقى اخترتي فستان الخطوبة اللي عجبك. عشق وهي تتذكر تحكمات وشروط مراد في تفاصيل الفستان الذي

سوف ترتديه في الخطوبة: آه يا بابا فستان جميل. سليم*: مراد شاب ابن حلال.. وبيحبك وباين أوي حبه ليكي يا عشق. عشق: آه طبعاً يا بابا. ملك: سيدي يا سيدي الف مبروك يا شوشو... والله وكبرتي وبقيتي عروسة زي القمر يا روح قلبي. عشق بإبتسامة: الله يبارك فيكي يا لوكة... عقبالك يا قلبي. ملك: أنا عايزاه يكون زي بابا بالظبط. ويغير عليا زي ما بابا بيغير على ماما. وانسيه زعله... وافرحه لما يكون حزين.. هيكون حياتي واكون حياته.

عشق: ياااااه.. استنى كدة أنا سمعت الكلام ده فين قبل كدة.. ااااه افتكرت سمعته في الروايات يعني في الخيال. ملك: وليه متقوليش أن في رجالة كدة..... هو فعلاً هيكون فارس أحلامي.... لو زعلت في مرة منه هروح أقوله ومش هقدر على زعله أبداً..... وبعدين لو في مشاكل عادي. ما كل الناس بينها مشاكل حتى اللي بيحبوا بعض ده شئ طبيعي. عشق: انتِ حُرة يا ستي في اختياراتك... المهم أنه يكون طيب ويتقي ربنا فيكي يا ملك.

ملك: إن شاء الله هيجي وهقولك أن لسة في رجالة زي بتاعة الروايات يا عشق. عشق بإبتسامة: ربنا يسعدك يا حبيبتي. ملك وهي تحتضن عشق بحنان: ويسعدك ياروح قلبي. عشق*: وأنا مليش في الحضن ده ولا إيه. عشق وملك: طبعاً يا ماما ليكي. وذهبوا إليها وارتموا بحضن أمهم. عشق* بحنان: ربنا ما يحرمني منكم يا حبايب قلبي ويا حتة مني. عشق وملك: ولا نتحرم منك يا ماما يارب. في منتصف الليل.

كانت عشق تصلي قيام الليل وتدعو ربها بأن يرزق زوجها و أبنائها الصحة والعافية وأن يكونوا في أحسن حال وأن يوفقهم الله في حياتهم ويرشدهم إلى الطريق الصحيح. «في صباح يوم جديد» "في فيلا سليم التهامي" «على السفرة» سليم: ألف مبروك يا شوشو يا حبيبتي. عشق بإبتسامة: الله يبارك فيك يا سيمو... عقبالك يا حبيبي. سليم: إن شاء الله يا حبيبتي. عشق بفرحة: يعني أنت لقيت البنت المناسبة يا سيمو.

سليم بإبتسامة: مش متأكد بس إن شاء الله قريب يا شوشو. عشق: ربنا يفرحك يا سيمو.. أنت تستاهل كل خير. سليم: بالمناسبة أنا سألت على مراد وطلع شخص محترم وكل الناس بتشكر فيه ودكتور شاطر جداً. عشق: ربنا يخليك ليا يا حبيبي يارب. سليم: على فكرة أنا قابلت مراد واتكلمت معاه... وباين عليه بيغير عليكي أوي. عشق: لا من جهة الغيرة فـ هو بيغير جدا جدا.

عمر: أخيراً قُزعة البيت كبرت وبقت عروسة أنا مش مصدق نفسي. تعرفي لو كنت بعرف أزغرط كنت زغرط والله من الفرحة. عشق بضحك: بطل يلا الكلام اللي بتقوله ده. عمر: فيها إيه يعني أختي ومبسوط عشان خطوبتها النهاردة.. فيها حاجة دي يا جدعان. عشق: ربنا يبسطك على طول يارب. وتلاقي بنت الحلال يا حبيبي. عمر: يارب أختي يارب. ملك: مالك يا أخويا عايز تتجوز بدري كدة ليه ده أنت لسه شباب.

عمر: يختي الشباب بيبقى كمان شوية واحد عجوز مش قادر يتحرك. عشق*: بتفاول على نفسك يا عمر. ما ترد تقول حاجة يا أبو عمر. سليم* بضحك: هو أنا أبو عمر بس.. ما أنا عندي أدهم وسليم وعشق وملك وحلمي.. مش عمر بس. عشق*: ربنا يخليهم يارب.. ويملوا علينا الفيلا بنات وولاد. عمر: جوزوني انتوا بس.. وأنا أملالكم الفيلا دي كلها عيال. عشق بضحك: يخربيتك اسكت بقى. مش قادرة هموت من كتر الضحك والله... قُوله حاجة يا بابا سكته.

سليم*: خلاص بقى يا عمر... خلي أختك تفطر وتروح تجهز نفسها ده النهاردة خطوبتها.. عقبالك يا حبيبي. عمر بضحك: إن شاء الله يا بابا. انتهوا الجميع من الإفطار وذهب كل واحد إلى عمله وذهبت عشق وملك حتى تجهز نفسها للمساء. "في الإدارة" سليم: كدة انتوا عرفتوا كل حاجة بالتفصيل يا رجالة... مش عايز أي تقصير في الشغل نهائي عشان المهمة دي مش زي أي مهمة عملناها قبل كدة... تمام. الظباط: تمام يا فندم.

سليم: الأماكن اللي هنبقي موجودين فيها.... ناخد حذرنا جدا.. عشان كل حاجة متراقبة... مش عايز أي حركة غلط... المهمة دي ممكن تكلفنا حياتنا. هنتقسم فريق في مكان وفريق في مكان تاني.... وطبعاً هيثم هيبقى في الفريق اللي معايا. هيثم: تمام يا سليم. سليم: اتفضلوا يا رجالة بالتوفيق إن شاء الله. الظباط: إن شاء الله يا فندم. «في المساء» في الفيلا. عشق*: حبيبتي ربنا يحميكي يارب. خايفة تتحسدي والله.

عشق: يا ماما يا حبيبتي.. كل شيء بإذن الله... وبعدين اللي يحسد يحسد أنا هغطي عنين الناس يعني. عشق*: ألف مبروك يا روحي.. طالعة قمر. أنا ذات نفسي خايفة أحسدك. عشق: يا روحي متخافيش وبعدين أنا لابسة الخرزة الزرقا اهي. ملك بسعادة: الف مبروك يا شوشو يا حبيبتي. عشق: الله يبارك فيكي يا روح قلبي. سليم: يلا يا جماعة عشان العريس والناس. عشق: حاضر يا سيمو نازلين اهه. بعد شوية.

نزلت عشق وكان يمسك بيدها أخوها سليم.. وبجانبه ملك وعشق*. سليم*: ألف مبروك يا روح قلبي. عشق بإبتسامة: الله يبارك فيك يا بابا. مراد: طالعة زي القمر يا حبيبتي. عشق: ميرسي. مراد: مالك مش مبسوطة ليه. عشق: وأنا هتبسط ليه. مراد: هتتبسطي ليه؟؟!! .. هي دي مش خطوبتك... إزاي مش مبسوطة. عشق: الناس عمالة تبص علينا بطل كلام عشان أنا مش رايقة أشد معاك عشان إحنا في خطوبة. مراد: مش عارف ليه حاسس أن أنا مش فـ خطوبة.

عشق: كويس عشان دي كلها حاجات مُزيفة.... وهي مدة وهتنتهي. مراد: ياريت تبطلي تقولي الكلام ده تاني... عشان أنا فعلا بدايق يا عشق. عشق: خلاص يبقى متسألنيش على حاجة.. مبسوطة أو لا.. دي شئ يخصني أنا. ملك وعمر: يلا يا جماعة الأغاني شغالة وانتوا قاعدين تتكلموا يلا عشان نرقص سوا. عشق: مش قادرة يا ملك. ملك: يلا يا شوشو مفيش تعب النهاردة... فيه رقص وفرح وانبساط.

وأخذت عشق من يدها متجهة بها إلى منصة الرقص.. وفعل عمر نفس الشئ مع مراد. في تلك اللحظة... اشتغلت أغنية (من أول دقيقة _اليسا -سعد المجرد) أمسك مراد بيد عشق والإيد الأخرى وضعها على خصرها.. وتوترت عشق بشدة من قربه لها. مراد وهو يهمس لها بجانب اذنها: اهدي يا قلبي... مفيش داعي للتوتر ده كله. عشق بتوتر: ابعد شوية يا مراد. مراد: على فكرة أنا بعيد... أنتِ اللي مش لاقية حاجة تتكلمي فيها.

عشق: مراد أنت عارف كويس لما مش بقدر أتنفس. مراد بمكر: استنى أنا فهمت قصدك انتِ عايزة نفس العقاب بتاع امبارح. عشق بصدمة: انت قليل الأدب على فكرة. مراد بضحك: مقبولة منك يا روحي. نظرت عشق إلى عمر وجدته يرقص مع فتاة ويضحك معها. عشق بضحك: مجنون. مراد: أنا مجنون يا عشق. عشق: لأ مش أنت واحد تاني. مراد بغيرة: وأنتِ تعرفي منين بقى إذا كان مجنون ولا لأ. عشق: ده عمر أخويا. مراد: مش تقولي كدة. عشق: هتفرق في إيه يعني.

مراد: لأ دي تفرق كتير أوي. عشق بفضول: انت عرفتني ازاي يا مراد... أو شوفتني فين. مراد بنظرة حب: ياااااه... يا عشق أول مرة شوفتك فيها كانت في.... وقاطعه دخول شخص فجأة مما جعله يغضب بشدة.