رواية قلوب ابت النسيان بقلم اية الفرجاني | كاملة

صوت ضربات سريعة، إيقاع منتظم، أنفاس قوية وعرق بينزل من جبينه. بس ما كانش فارق معاه دا كله. جسمه كان مشدود، كل حركة بيعملها مدروسة. الكمات كانت نازلة على الكيس قدامه بحدة كأنه مش مجرد تمرين وبس، كأنها محاولة يمحي بيها حاجة جواه او يهرب من حاجة. في دماغه… او في قلبه… وقف لحظة أخد نفس عميق، لكن الصورة البنت بالفستان الأبيض، والصوت… الصوت اللي بيناديه كل ليلة. "ياسين" غمض عيونه وهو بيضغط علي كفه ايده. بص لنفسه في المراية اللي قدامه، عيونه مكنتش ثابته كأنه بيدور على الإجابة بس مش لقيها. فاق من شروده علي صوت مامته الي مليان قلق عليه وهيا شيفاه بالحاله دي. حبت تخرجه من الي هو فيه فقالت: "ياسين انت ناوي تفضل كده لحد إمتى يا بني؟ أنا معنديش غيرك. وأبوك الله يرحمه لو كان عايش كان زمانه دلوقتي بيزنّ عليك زيي عشان نشوفك عريس." كملت بدموع: "نفسي افرح بيك واشوف اولادك قبل ما اموت."...