رواية قلوب الاحبه لا تتفرق الفصل الأول 1 - بقلم جاسمين محمد

قاعدها على السرير متوتر وماسك الفون. بتبص، لقت رسالة جت لها. وهي بتفتحها بلهفة وفرحة: _أي مصحيكي لحد دلوقتي ياست هانم؟ بتهببي إيه لحد دلوقتي؟ بتكلمي مين؟ انطقي. آسيا قرأت الرسالة. ملامح وشها اتغيرت لخيبة أمل. آسيا بحزن: .. بهبب إيه؟ مش بهبب حاجة يا آسر. وبكلم مين؟ كيف؟ آسر: .. أمال صاحي ليه؟ لم مش بتهببي حاجة وبتكلمي مين؟ وأنا إيه عرفني. آسيا وعينها بتدمع: .. آسر اتكلم بأسلوب كويس. آسر بعصبية: .. هو أسلوبي كدا؟

أي مبقاش عاجبك ياست هانم؟ ولو مش عاجبك ياريت ننهي العلاقة عشان أنا زهقت ومبقتش طايقة حاجة. آسيا بعياط: .. ننهي العلاقة؟ وزهقت؟ آسر: .. آه ننهي العلاقة. ويلا روحي اتخمدي بقى. وبكرا نبقى نكمل كلام عشان تعبان. آسيا بنهيار وعياط من كلمة: .. اتخمد؟ حاضر. سلام. آسر شاف الرسالة ومردش. آسيا قفلت التليفون ورمته جنبها على السرير، وترمت على المخدة وقعدت تعيط بنهيار. .. بقا كدا يا آسر؟

بقا أنا قاعدها اليوم كله قلقانة عليك ومستنياك تيجي تكلمني؟ تيجي بعد ده كله تكلمني كدا وتقولي ننهي العلاقة، وإنك زهقت مني وبقيت مش طايقني؟ وقعدت تعيط وفضلت تعيط لحد ما نامت. الصبح التليفون بيرن. _يابت قومي شوفي مين عمال يرن عليكي يا غيبوبة. آسيا بتعب فتحت عينها ومسكت الفون. .. الو. رحمة: .. يخربيتك يا غيبوبة! انتي لسه نايمة؟ يابت اخلصي عندنا جامعة. آسيا بتعب وعينها منفوخة من كتر العياط: .. مش قادرة أجي النهارده. رحمة:

.. ومش قادرة ليه بقا؟ كنتوا سهرانين امبارح ومهيصين صح؟ أوعي. آسيا بعياط مكتوم وبتريقة: .. سهرانين ومهيصين. رحمة: .. بتتكلمي ليه كدا؟ ابت مالك؟ آسيا: .. مافيش حاجة. رحمة بشك: .. اممم. طي قومي البسي واخلصي وتعالي الجامعة. آسيا بتعب: .. مش قادرة صدقيني. وكمان مش هلحق ألبس وأجي. المحاضرة قربت تبدأ ومش هلحقها. رحمة: .. عادي تعالي. أنا محتاجاكي وعايزة أتكلم معاكي. أرجوكي. آسيا: .. حاضر. هلبس وأجي. رحمة:

.. حبيبتي. تسلميلي. يلا أسيبك دلوقتي عشان أروح أطلع المحاضرة وأبقى أسجلهالك. آسيا: .. تمام. ماشي. سلام. وقفت مع رحمة وقامت دخلت الحمام، خدت دش وطلعت تلبس. *** رحمة خلصت المحاضرة ونزلت عشان تشوف آسيا. آسيا قاعدها في الكافيه وحاطة إيدها على خدها وعمالة تتفرج على كل اتنين ماسكين إيدين بعض وعاملين يهزروا وفرحانين، واللي جايب هدية لحبيبته بمناسبة عيد الفلانتين. رحمة جت من ورا آسيا وهي سرحانة ومش واخده بالها. .. بخخخ.

آسيا اتخضت. .. أي؟ براحة. اقعدي. رحمة قعدت جنب آسيا وبتبص مكان ما آسيا بتبص وبحزن. .. مالك يا آسيا؟ احكي. آسيا بحزن: .. ها. مافيش حاجة. رحمة: .. آسيا أنا صحبتك ومش هتعرفي تخبي عليا. يلا احكي. آسيا اتفتحت في العياط وبعياط: .. آسر أخوكي بعد ما كنت قاعدها مستنية امبارح كله عشان قلقانة عليه، وأنا عمالة أرن عليه اليوم كله ومش بيرد، وأبعتله رسايل مش بيرد. ييجي آخر الليل ويرد عليا يقولي أي؟ مصحيكي؟ بتهببي إيه؟ وبتكلمي مين؟

أخوكي بيشك فيا؟ وكمان بيزعقلي ويقولي إنه زهق مني وعايز ينهي العلاقة. رحمة بعياط على عياطها خدتها في حضنها وقعدت تهدّيها. .. اهدي طيب يا روحي بس. آسيا بعياط: .. آسر... عمره مكلمني كدا. وهو عايز يسيبني وزهق مني يا رحمة. رحمة: .. اهدي طيب يا روحي. ونفهم في أي بس. استني. آسيا: .. لا. أنا مش عايزة أشوفه تاني خلاص. أنا دايماً بستحمله، بس توصل إنه يشك فيا ويزعقلي كدا؟ ده عمره مزعقلي من ساعة ما عرفنا بعض. رحمة:

.. اهدي بس طيب. وخمسة أروح الحمام وأجيلك. آسيا: .. ماشي. متتأخريش. رحمة: .. حاضر. وقامت سابت آسيا وراحت الحمام. مسكت التليفون ورنت على آسر. آسر وهو نايم: .. الو مين؟ رحمة: .. مين كيف؟ قوم يا أستاذ اخلص. آسر: .. رحمة في أي؟ سيبيني أنام. رحمة بعصبية: .. أسيب مين؟ قوم قولي أي اللي عملتوه في آسيا ده يا آسر. آسر: .. رحمة مش ناقص صداع. عملت إيه؟ رحمة: .. وأنا إيه عرفني يا أستاذ؟

متشوف نفسك عملت إيه. حرام عليك يا آسر. ليه توجع قلبها كدا؟ أنا عمري مشوفتها كدا. لا وبتشك فيها؟ بتشك في آسيا اللي واقفة جنبك في كل المواقف ومسبتكش لحظة وبتحبك يا أخي. دانت مستحيل تلاقي واحدة كدا. آسر بعصبية: .. آه بتحبني؟ بأمره ما كلمت معتز خاص وتس ومقالتليش؟ وهو ييجي ويقولي؟ ويقولي دي كانت سهرانة معايا أول امبارح؟ صح؟ فين الحب؟ رحمة بعصبية: .. انت اتجننت؟ لم تصدق الزبالة ده؟

واه كلمته وكانت هتقولك بس أنا اللي قولتلها متقولكش عشان متتعصبش وتزعل وتعمل حاجة. وسهرانه معاه كيف؟ لم انت بتقفل؟ لم هي بتقفل ومش بتفتح غير لم انت تفتح؟ ها؟ رد يا أستاذ. آسر: .. معرفش بقى. رحمة: .. متعرفش؟ لا. اعرف وتعال اعتذر لها. ليه توجع قلبها كدا؟ دانت لو تشوفها والله هتزعل جامد وهتندم. آسر بحزن: .. سلام طيب دلوقتي. ومتخليهاش تمشي وأنا جاي بسرعة. رحمة: .. ماشي. بسرعة. سلام. آسر: .. سلام.

وقام جري طلع لبس وغير ونزل، ركب العربية ومشي على الجامعة. *** آسيا: .. آخرتي ليه كدا؟ كنتي فين؟ رحمة: .. هي لا عادي. كنت بعدل اللبس وجيت اهو. آسيا: .. طي يلا نمشي. رحمة: .. خلينا قاعدين شوية ونمشي. هنروح نعمل إيه؟ آسيا: .. مش قادرة. يلا نمشي. رحمة: .. شوية صغيرين طيب. والنبي. آسيا: .. ماشي. بس شوية صغيرين. رحمة: .. اشطاااا. ماشي. تعالي بقا خدي المحاضرة أهي. عند آسر راكب العربية وسايق بسرعة جامدة عشان يروح يلحق آسيا.

آسر وهو سايق وفاتح الفون يشوف اللي قاله امبارح وهو متعصب ومش واخد باله. .. أنا آسف بجد يا آسيا. والله مش عارف أنا قولت كدا ولا أي اللي هببته ده. كدا كيف؟ يارب يارب والله غصب عني. يارب يارب سهلي الأمر وتقبل أسفي يارب. آسيا: .. رحمة يلا نمشي بقا. رحمة: .. استني شوية. آسيا: .. لا. كفاية كدا. وقامت ولسه هتمشي، لاقت حد مسك إيدها. بتبص، لاقت آسر. آسيا عينها دمعت وكانت لسه هتعيط. آسر بحزن: .. آسف. آسيا بصته بحزن وبصت لرحمة.

.. رحمة أنا ماشي. لو هتروحي معايا تعالي. يلا. وشدت إيدها من إيد آسر ومشت. آسر بص لرحمة بخيبة أمل. رحمة: .. انت اللي عملت في نفسك كدا. مش هقدر أساعدك في دي عشان انت جرحتها. آسر بحزن: .. طيب حاولي تخليها تركب معايا العربية بس. رحمة: .. اممم. حاضر. ومشت ورا آسيا. رحمة: .. آسيا متيجي نركب مع آسر عشان رجلي وجعاني ومش قادرة أمشي. آسيا: .. روحي اركبي انتي. وأنا أروح لوحدي. رحمة:

.. تعالي معايا طيب. والنبي. يلا بقا. ومش تبقا تكلميه. آسيا: .. لا. قولت. آسر كان ماشي جنبهم بالعربية. راح وقف العربية قدامهم ونزل منها. مسك إيد آسيا. آسيا: .. آسر سيب إيدي. عيب كدا. آسر: .. مش عايز أسمع صوتك خالص. وراح فتح باب العربية وركبها وقفل الباب. ولف ركب. رحمة ركبت ومشي آسر بالعربية. آسر: .. قوليلي عاملة إيه النهارده؟ آسيا: .. ........ آسر: .. بكلمك. آسيا: .. .....

آسر بص لرحمة بخيبة أمل من المراية بتاعت العربية. رحمة قاعدها وجتلها فكرة إنها تنزل وتسيبهم لوحدهم. رحمة: .. آسر اقف. اقف بسرعة. آسر وقف وهو مخضوض. .. أي؟ في إيه؟ رحمة فتحت باب العربية ونزلت منه. .. مافيش. مافيش. نسيت أجيب طلب لماما. روح انت وآسيا وأنا آجي وراكم. آسيا: .. لا. استني. أجي معاكي. رحمة: .. لا لا خليكي انتي. أنا هخلص وأجي. وانتي خلي آسر يوصلك. وبصت لآسر وغمزتله. آسر بصلها وابتسم. .. ماشي. روحي.

ولسه آسيا هتحط إيدها تفتح باب العربية، راح آسر شغلها ومشي. آسيا: .. آسر اقف. نزلني عشان مينفعش. آسر: .. أنا آسف. آسيا بحزن: .. أسف على إيه ولا إيه؟ آسر وقف العربية وبص لآسيا ومسح دموعها ومسك إيدها. .. حقك عليا. سامحيني. والله غصب عني. بوعدك مستحيل أعملها تاني. والله مقدر أعيش من غيرك. أنا مش عارف عقلي كان فين وأنا بقولك كدا. سامحيني وحياتك عندي. وبطلي عياط عشان والله مقدر أشوف دمعة من عيونك. آسيا بحب:

.. توعدني إنك مش هتكلمني كدا تاني؟ آسر: .. بوعدك. ولو قولتك كدا تاني يارب أموت ياشيخة. ها؟ آسيا بلهفة: .. لا. بعد الشر عليك يا حبيبي. آسر: .. انتي قولتي إيه؟ آسيا بضحك: .. ههههه. مقولتش حاجة. آسر: .. ههههه. مسيرك تقوليها يا جميل. وغمزلها. آسيا: .. هههههه. ماشي. آسر بسرحان: .. ضحكتك بتجنن. آسيا بكسوف: .. احم احم. يلا امشي. آسر بضحك على كسوفها: .. ههههه. حاضر. وساق العربية وصلها لحد الشارع. آسر:

.. خلي بالك من نفسك. وبقولك صح. عملالك مفاجأة بليل. ابقا جهزي نفسك. آسيا: .. مفاجأة إيه؟ قول. آسر: .. ههههه. مينفعش. يلا انزلي بقا. مش فاضي. آسيا: .. ماشي ياسر. يلا سلام. وسابته وطلعت بيتهم. وغيرت اللبس وبتبص، لقت رسالة وصلتلها. شافتها. يتبع....